الزواج والهجره

[حواء غرابيل]

مساء الخير .. شلونكم بنات ..



عندي موضوع ماقدر افاتحه لاحد غيركم :(


موضوعي يا بنات اني احب شخص وهو يحبني وعلاقتنا فبعض والله صادقه وشريفه .. وتقدم لي للزواج وصار الرفض من الاهل لاسباب تافهه غير مقنعه والشماعه هي الكفاءه بالنسب :( وانا قلبي متقطع وكل يوم ابجي قهر ودم .. وحاولت الانتحار اكثر من مره .. احس اني ضعيفه حيل واكثر من مره ننفصل ونرد نرجع لبعض مره ثانيه لاني احس ماقدر اكمل حياتي من دونه وهو مايقدر يتقدم لي كل مره لانه اهله رفضوني وانا مالومهم اكيد عندهم كرامه وخاصة ان سبب الرفض حساس ويجرح ..



المهم بعد هالمعاناه الطويله هذي اقترح علي نتزوج ونهاجر ونعيش برا بعيد عن اهلي واهله ..


وانا اشوف اتخاذ هالقرار صعب ابي اشارك احد فيه !! :( وصعب علي انفذه بس احس اني قليلة حيله كل الطرق المشروعه جربناها بس ماكو فايده كل شي مصكر علينا وحنا مانبي الحرام نبي الحلال :( لاني قادره اتركه ولا هو قادر يتركني :( مالي غيركم بنات اقولكم وافضفض لكم عن مشكلتي :( لا تقولون لي بعدي عنه وانسيه وتركيه لاني ماقدر حاولت انساه و تعبت ووايد اشياء صارت معاي بالفتره اللي انفصلنا عن بعض واسوأها محاولتي للانتحار :(