شكرًا محمد بن فيصل ... ففضيحتنا على كل لسان !!

[ابوسعود]

السلام عليكم ..

طالعتنا صحيفة الاتحاد الاماراتيه بعددها الصادر يوم الاربعاء الموافق 22/2/1427 ..

بمقال بعنوان (مهمه صعبه)

مقال رياضي تحدث عن المهمه الاسيويه لسفراء الكره الاماراتيه ..

ليس هذا المهم في المقال .

في نهاية حديث الكاتب عن ناديي الامارات تحدث عن تصريح لأحد المسؤولين بالاتحاد الاماراتي

وهذا ايضا ليس بمهم لنــاااا !!

بعد نهاية حديثه عن هذا المسرول تحدث عن (فضيحة الكره السعوديه) تحدث عن التصريح الذي اطلقه الأمير محمد بن فيصل رئيس الهلال بعد نهاية مباراة فريقه امام الأتحاد .. وهذا مايعنينا كسعوديين ...


قال الكاتب :

بعد خسارة الهلال أمام الاتحاد في قمة الدوري السعودي أطلق الأمير محمد بن فيصل رئيس نادي الهلال تصريحاً أقل ما يُقال عنه إنه تصريح خطير·
يقول التصريح: إن الحكام في الدوري السعودي يحصلون على رشوة مقابل مساعدة الفرق، ولم يكتف بذلك، بل أكد أن أغلب الحكام يحصلون على رشوة، وسبق لعدد منهم أن ساعد الهلال في فترات سابقة، ولا أتشرف بالانتماء للوسط الرياضي وسوف أرحل نهائياً بعد شهرين·
هذا التصريح الساخن نشرته معظم الصحف السعودية·
ولا تعليق·

هل يرضى المسؤولين بالاتحاد السعودي بأن تكون سمعة الكره السعوديه و أمانة حكامنا هي الشغل الشاغل للكاتب الرياضيين بالدول الأخرى ؟


عموما هذا رابط المقال

http://www.alittihad.co.ae/details.asp?a=0&channel=52&journal=3/22/2006&id=53680

وأترك التعليق لكم


تحياتي

[خــــالـــــد]

أبو سعود
.
.

وليش ما تعابت ابن سعود يوم يطلع في قناة دبي الرياضية ..

وصرّح وقاال إن الهلال يستخدم الرشااوي ..

هل يرضاها التحاد السعودي سابقاً .. والآن تطالبه بـ " عدم الرضا "

عموماً الاتهامات سواء كانت من محمد بن فيصل أو غيره لا تصلح ..



أخوكـ/خالد

[هلالي^الشرقية]

اخوي بوسعود التصريح الذي يتم تداوله لايوجد اي دليل سواء صوتي او فيديو كل مايقال كلام فاضي

[ابوسعود]

حبيبي خالد

الأتهامات لاتصلح انا معك

بس ابن سعود الى تتكلم عنه ماقال شي غلط

لأن رئيسكم اعترف أن الرشاوي كانت بالهلال

قبل لايصير رئيس 0

[ابوسعود]

ابوخالد

لوكان التصريح كلام فاضي مثل ماذكرت

كان أقل مايمكن عمله أن امير الهلال

رفع شكوى ضد الجريدة

[محمد الدغيري]

اسئل الله السفتي

<<<< لجل كذا ما خذينا ولا بطوله

[ايام زمان]

كلام جرايد اهون من لقاء عبر القنوات كما حدث مع رؤوساء سابقين عندما فاز الهلال ببطولة النخبة العربية.......

[خــــالـــــد]

قمة التناقض فيك يا أبو سعود ...



بس ابن سعود الى تتكلم عنه ماقال شي غلط

لأن رئيسكم اعترف أن الرشاوي كانت بالهلال

يعني أول ماقاله خويكم .. ما جاب إثباتات ...

كان يتكلم كلام سوقي هو وابنه ...


لكن محمد بن فصيل قال كلام وما قصد أحد

لكن هم كانت على روسهم بطحا وتحسسوها :biggrin:

ههههههههههههههههه

[عبدالعزيز الشمري]

وش فيكم على الهلال الا هالدرجه مقهور منه اخذنا البطولات من حكام سعوديين ورجيتونا وقلتو يشجعون الهلال جابو حكام من برى وأخذ جميع البطولات وحكم للهلال حكام من جميع الجنسيات واخذ البطوله غصب على الجميع يكفيك أنه الهلال لم يصل أي نادي بآسيا لبطولاته حتى لو أعترف الرئيس التاريخ يشهد أنجازات الهلال

[خــــالـــــد]

أبو سعوود بهدي لك أغنية


وييين أنت وووش أخبااارك

هههههههههههههههههه

رد على الموضوع يالغالي ,,

[ابوسعود]

موجود يابوخلوود

ولاتناقض ولاشي


لأن رئيسنا ماقال شي غلط

ولاااخطاء وكلامه كله صحيح

وجمهور جميع الاندية يشهد على كلامه

بأن بطولات الهلال اكثر من نصفها مدبرة

ومستعد اثبتلك ذلك لانها موجودة

وبالفديو بعد

والشي الى ابيك تعرفه اخوي خالد

انا مايهمني اتهامه للبلوي والبلطان

مثل مايهمني اعترافه بأن فريقه كان يقدم الرشوة

[بسمة امل]

8
8
8
8
ههههههه طيب !!










يا هالمحمد مجننكم وربي !!

[مبـــارك]

خخخخخخخخخخخخخخخخخخخخخخخ

بصراحة قلبت الصفحة الأولى ابي اشوف خبر عن النصر مالقيت شئ

وابو سعود الكلام اللي نزل في الجرايد خرابيط في خرابيط

وعاد بقولك شغلة .. حي اللي ياخذ بطولة بفلوس .. ولا اللي يدفع فلوس ولا يفلح في مباراة ههههههههه

برب

[خــــالـــــد]

أبو سعود
.
.

شوف يالغالي ..

رمزكم .. كان يقول ويتهم الهلال بالرشاوي .. ووقتها ما معه إثباتات .. وين تقول كلامه صحيح ؟

ثانياً .. لما قال محمد بن فيصل الهلال استفاد من التحكيم .. يقصد استفاد من أخطاء التحكيم .. !!

الشيء الثالث .. محمد بن فيصل يقول فيه رجال أعمال يتدخلون في التحكيم .. ليش قلتوا البلوي والبلطان ؟

هههههههههههههههه

شيء غريب من جد

--

إذا كان الجماهير تعرف إن الهلال يأخذ بطولاته بالتدبير ... << ما أصدقهم

لكن بعطيك على قد كلااامك

الجماهير تعرف إن النصر يستخدم في عهد إدارة ابن سعود" ......" ما يحتاج أوضح

ليش ما تقتنع برأي الجماهير هنا بعد ؟


ولا بس تاخذ اللي يصلح لك .. وتترك الباقي ؟؟






أخوكـ/خالد

[أسيــ الصمت ــر]

يارجال خلها على ربك قسم بالله أن الناس يفسرون كلام رجال تفسير خطأ وبعدين لو فعلا سمعتوا الكلام قسم بالله تعرفون


ان كلام الجرايد خرطييييي من جد ..


بعدين والله لو تجيبها بالعقل أن تعرف أن الهلال ياخذ البطولات بمجهوده بلعبه وخلكم صادقين لاتصيرون متعصبين إلى هذي


الدرجه .. يعني والله أن الدعوه سهله يالربع ولا يبيلها كثرة كلام .. كل واحد يشجع فريقه ويخلي الفرق الثانيه لاهلها ..



يعني كل واحد يصلح سيارته وبس ..



خلوا محمد بن فيصل في حاله وخلوا نادي الهلال لجماهيره .. وأبقوا أنتم مع ناديكم ..





تحياتي للجميع