المساعد الشخصي الرقمي

مشاهدة النسخة كاملة : تعال ياسلطان


عبدالله السميري
22-03-2006, 02:49 AM
أستلم ياسلطان الشيباني


تعال ياسلطان إلك عندي علوم =ماغير أنا وياك في هالمنتدا
نبا نسيرها على حسب السلوم=ماتختلف حتى ولو طال المدا
سلطان الشيباني
22-03-2006, 03:28 AM
مرحبابك ياعبد الله واسف على التاخير
سلطان الشيباني
22-03-2006, 03:37 AM
يوم ماتسلّم لاه ................؟ :mad:

استلم ياعبد الله

:smile:



من شيمت اهل المعرفه في كل يوم=تحيّة الاسلام عند المبتدا
ماعاد نبغالك علوم ولاتقوم=مادام مالك فالبحر من يسندا
عبدالله السميري
22-03-2006, 04:08 AM
ياصاحبي سلطان مكرم ومحشوم =وأن كانها زله ماهي زلت ردا
لاشمت عنا ياولد عنكم نشوم=ولو تزهم أعلا الصوت قلنالك بدا
سلطان الشيباني
22-03-2006, 04:24 AM
الشك زايل :wink:

استلم




من شان خاطر روق من شان القروم=ولا الردي من خلقته ماله جدا
مير البلا في بيت ميزان معدوم=من شاف ردك ياعميلي يشهدا
عبدالله السميري
22-03-2006, 05:03 AM
الدعوى مزوح طال عمرك
وأستلم


أدرج رحى المعنى على روس الرجوم =ولاتقصر الهقوات من دون الهدا
ويش البلا يالي تسدون اللزوم =أصحاب يا الصاحب ولاحنا عدا
سلطان الشيباني
22-03-2006, 05:27 AM
هـ استلم :smile:




منته بويّا نجم مابين النجوم=بينك وبين النجم مزن ٍ يرعدا
عنها تريّح لاتزيد ابك الهموم=لاتسري الليل الطويل السرمدا
عبدالله السميري
22-03-2006, 05:40 AM
كفو طال عمرك
مير الظاهر ماحاصل دوام اليوم هههههههههه
أستلم

كلن على قده يفصل له هدوم =والي مشى وشلون يلحق من عدا
يانجم أشوفه حال من دونك غيوم=لكن طيع الشور بالله وأركدا
سلطان الشيباني
22-03-2006, 06:06 AM
هههههههههههه

ماعلاك زود



عندك يابو عابد :wink:



إحوار مايركب وناقه ماتروم=على العنا وش حدّكم ياعابدا؟؟
وأنا مريّح في محلّي ومخدوم=يضيع صوتك قِدم صوتي فالصدا
عبدالله السميري
22-03-2006, 06:19 AM
أبشر والله ياسلطان
مير أخذ هالبويتات
وأنا أستاذنك أبا أنهج للدوام يارجل على قولت أهل الشمال




بعض البيوت من المعاني كالسهوم=وبعض البيوت الله وكيلك جرهدا
في الناس معطى ياولد وبه محروم=والي موكد له عشا مأكد غدا
سلطان الشيباني
22-03-2006, 06:43 AM
هـ اسلم وسلّم

وصح لسانك


:smile:


في خدّك الايمن وسمْتك بالختوم=وفي خدك الايسر وسوم وشاهدا
وش ينفخ سليمان والبرطم شروم=لكن روّح والتعب معكم سدا
محمد سالم الهاجري
22-03-2006, 11:04 AM
الله الله بيض الله اوجيهكم على ذى الطارروق اللي ماافيه كلام

ولافيه اي نقد سجلوني متابع ومعااين عن قرب والله لايهييينك وفيييتووو

واصلووووووووووووو واصلوووووووووووووووو

اخوكم برق الشمال
محمد السحيل
22-03-2006, 02:30 PM
الله على اللعب الخشن


الحمد لله على السلامه


والله مافيه من يفرق لكن الله رحيم ٍ بعباده


صحت السنتكم جميعا على الجزاله
عبدالله السميري
23-03-2006, 03:21 AM
محمد الهاجري
محمد السحيل
يامرحبا تراحيب المطر ,وسلطان الشيباني أخو عزيز وحبينا أنا نفعل قسم المحاوره شوي ولانستغني عن مشاركاتكم وأرائكم

واستلم يالشيباني



أمسيلمه يالربع رجالن ظلوم=وزودن على ظلمه كذوبن وأربدا
أمسا قريب ماغزاله فوق قوم =وأصبح وجا سارح وينقر في الحدا