كيكة الجوز والدارسين - لاتطوفكم

[حواء غرابيل]

صباح الفل على الجميع
وحشتوني
من زمااااااااااااان ما نزلت لكم موضوع




هالكيكة عجيبة اخذتها من عزيزتي ام عزوز من الأنستقرام :eh_s(17):


بكتبها بطريقتي مع اضافات مني باللون الوردي



http://up3.q8yat.com/uploads/images/q8yat-235ea268dd.jpg (http://www.q8yat.com)



المقادير :


2 كوب طحين منخول
1 وثلث كوب سكر
3 بيضات + نقطة خل اضافاتي عشان الزفرة
نصف كوب زيت
1 ملعقة وسط كاسترد بوردة
2 ملعقة وسط بيكنج باودر
رشة ملح
فانيلا
1 كوب روب ( انا استخدمت روبة البيت انا مسويتها)




خليط الجوز :
1 كوب جوز
1 ملعقة كبيرة طحين
1 ملعقة كبيرة دارسين ناعم
1 ملعقة كبيرة زبدة باردة


تخلطينهم بالخلاط لما يتجانس ويكون مفروم نوعا ما


( انا حطيتهم بكيس نايلون بدون الزبدة ودقيتهم شوي بايد الهاون )



الطريقة :


- سخني الفرن على 180 .


- خلطي البيض والخل بالخلاط الكأس ثم يضاف البيض والفانيلا لما ينفش ويتجانس تقريبا 5 دقايق


- يضاف الروب والزيت ويتم الخلط .


- ينخل الطحين مع البيكنج باودر والملح بوعاء مع الكاسترد
ثم يضاف عليه السوائل المخلوطة سابقا
ويخلط بالمشبك اليدوي باتجاه وااااااااااااحد بس عشان ما يطلع الهواء


- يدهن قالب الكيك بالزيت ويرش بالطحين


- توضع طيفة من الكيك ثم حشوة الجوز والدراسين
وتكرر الطبقات حتي تكون اخر طبقة هي الحشوة


- تدخل الفرن لمدة ساعة تقريبا .


- انا خليتها تبرد وزينتها بخليط من ( 3 كيري ونصف علبة الحليب المركز الكبير )


وبالعافية



كانت حيل لذيذة بالزوارة وما شاء الله تم القضاء عليها بسرعة



هذا شكلها من داخل


http://up3.q8yat.com/uploads/images/q8yat-29bfc61c1a.jpg (http://www.q8yat.com)



وهذا صحني الثاني مع استكانة الشاي


http://up3.q8yat.com/uploads/images/q8yat-d1c9a51a05.jpg (http://www.q8yat.com)


علي بالعافية وتسلم ايدي



عموووووووووووووما انا احب كل شي فيه روب للكيك او المعجنات لأنه يخليه ترف ولذيذ