المساعد الشخصي الرقمي

مشاهدة النسخة كاملة : اطرف شاعر


فواز الغنامي
13-03-2006, 04:51 PM
السلام عليكم
مساكم الله بالخير

اطرف شاعر يصوغ القاف



سلام الله سلامٍ يبخص الشعار والعراف = سلام المسلم اللي يبخص المسلم ويختصه
وخص اللي على الفطره خلقه الله يصوغ القاف = ليا جابه ليا نصه ذهب ومكملٍ نصه
محمد السليس
13-03-2006, 05:48 PM
هلا وغلا يا ابو عبيد
ويالله يعين ولاتواخذنا على القصور ترانى من طلابك


هلا يامرحبابك يالشريف بحلة الاشراف = تراحيب ٍ كما الياقوت منظومه ومرتصـــه
تراك ان كنت ريحاً ..جاك مثل العاصف القصاف = يصوغ البيت مثل السيف لاناش العظم قصــه
فواز الغنامي
13-03-2006, 11:01 PM
هلا يابو علي
وحياك الله وانت معلم مانت تلميذ

استلم لاهنت


يدوم الك البقا يابو علي مار الرجال اصناف = احد يمشي على معناي واحدٍ فالنحر غصه
تهب الريح وانته راكبٍ في عالي المشراف = ياليتك نازلٍ مع من نزل وتكمل الرصه
عبدالله السميري
14-03-2006, 12:48 AM
فواز الغنامي
محمد السليس
صحت ألسنتكم
بين أنها محاوره من العيار الثقيل
متااااااااابع
عبدالرحمن بن صباح الفاضل
14-03-2006, 03:47 AM
صحت قلوووبكم

سجلوني متابع لكم
محمد السليس
14-03-2006, 02:05 PM
ماعليك زود

واستلم لاهنت


انا ماقول غير الله يعين ولاعليك اخلاف = نبي نمشي معك لين الجرس ينهيلنا الحصه
اثر فواز ماجا للحرم يسعى ولا يطـــاف =يبي يبلش عباد الله لازانت له الفرصه
محمد السليس
14-03-2006, 02:06 PM
عبدالله الروقي

صح بدنك ولاهنت يالقرم

والمكسب والله متابعتك

وعبدالرحمن الفاضل

يامرحبا تراحيب المطر وحضورك تشريف
محمد سالم الهاجري
14-03-2006, 07:52 PM
الله الله علييك يااا خوي فواز طارروق مافوقه فوق وقاف عسر لو مارد السليس لقيتني محله راد بس يالله

ابو علي يسد اللزوم

ونا في صفك يا بو علي يا السليس في صف عتيبه
سعد الغنامي
14-03-2006, 09:53 PM
الله الله
قافٍ ممتاز
وانا في صف العتيبي منهم
يعني في صفهم كلهم

واصلو وانا متابع
فواز الغنامي
14-03-2006, 10:53 PM
انا مبغاك تسري ليلةٍ ظلما بلا كشاف = ترا الذيب ان لقا سار الظلام بطرقته شصه
وانا خابرك رجّالٍ تحب العدل والانصاف = لكن اللي تعرض قايد الطابور وش خصه
فواز الغنامي
14-03-2006, 10:55 PM
عبدالله الروقي
عبد الرحمن الصباح
ومحمد سالم الهاجري
وسعد الغنامي

هلابكم ومروركم يشرفني انا وصفحتي

تحياتي لكم
محمد السليس
14-03-2006, 11:40 PM
تلوم اللى زرع جنب النخيل التين والصفصاف=يجى محصوله اللى لـــو تمدله النوى مصـــه
بعد ماصار بعض الناس يطرونه ولاينشاف = مشت يمه مناديب النذر واستوجب القرصه
محمد السليس
14-03-2006, 11:42 PM
عبدالله الروقي
عبد الرحمن الصباح
ومحمد سالم الهاجري
وسعد الغنامي


هلا وغلاااااااااااااا وصحت ابدانكم يالنشاما

وراس المال مكسب حضوركم
فواز الغنامي
19-03-2006, 11:14 PM
صح لسانك يالسليس

وبيض الله وجهك

وتشرفت باللعب معك

تحياتي للجميع
محمد السليس
19-03-2006, 11:30 PM
صح بدنك ولاهنت يا ابو عبيد

وبيض الله وجهك

والمكسب لى طال عمرك

دمت بخير