انهم يعبثون بالاتحاد ..

[عميد اتحادي]

تم تعديل العنوان وحذف بعض الكلام من الموضوع

# شبكة الأتحاد #


بسم الله الرحمن الرحيم

اعضاء شبكة الاتحاد صبركم الله على ما ابتلاكم به من اشباه لاعبين ..
لم تكن لدي الرغبه بكتابه الموضوع لكن لن يشفى غليلي الا بـ البوح بما في قلبي من اسرار يجهلها ( جميع ) اعضاء المنتدى ..

ي جمهور الاتحاد .. انهم يعبثون بالاتحاد وربما كلامي في الموضوع هذا لن يمر مرور الكرام من ادارة المنتدى ولا اعضاءها وسيتم اقفال عضويتي لان الكلام الذي ساقوله كبير جدا ولن يمر مرور الكرام .. لكن دعوا الايام تثبت صحه كلامي لكم وتذكروني ..

كلمني خويي ( صالح ) صباح اليوم وقال اليوم كلنا نحضر لعيون الاتحاد والتذكره جاهزه ونبيك تخاوينا , قلت ي رجل لو تعطيني ( راتب 3 شهور ) ما حضرت مباراة اليوم لاني عارف مالذي سيحدث من اشباه ( الرجال ) .. خصوصا مباراة اليوم بالتحديد وستعرفون السبب الان ..

مبروك زايد - المنتشري - بوسبعان - نايف - الشربيني

هؤلاء ان بقوا في الاتحاد كارثه كارثه كارثه ومايحدث في مباراة اليوم هو اكبر دليل لكلامي .. هدفين ( متعمده ) من المنتشري ومبروك زايد واتوقع كلكم شاهدتوا الاهداف ماله داعي اتكلم فيها .. اكثر من هجمه اعادة السيناريو بين المنتشري ومبروك ( تعمدا ) منهم لـ ( نكبه ) الاتحاد .. بوسبعان كل مايستلم الكورة يمشي بـ برود تام واغلب تمريراته خاطئه .. ربما اخراج بوسبعان للكرة في الثواني الاخيرة بكل برود وتعمد هي اللي تثبت كلامي لكم ..

نايف كما يحب لجماهير الاتحاد تسميته عندما يستلم الكره يلعب حسب ( مزاجه ) واذا لاعب اخر مسك الكورة ولم يمررها له قام ( ينابح ) ليه وليه وليه ماتديني الكورة ؟ ..

سبب عدم الحضور هو الكلام اللي وصلني قبل المباراة من شخص ( مدرك ) لاعبين النادي كلهم ويعرف اسرارهم ومايدور في ( بالهم ) والذي ساذكره لكم الان هو شيء من الخيال ولن يصدق احدكم ما سأكتبه :

بعد صفقه الفريدي ودفع الاتحاد له مقدم عقد = 9 مليون
بعد صفقه تركي الخضير ودفع له مقدم عقد = اكثر من مليون



ماشاهدناه في مباراة اليوم لن يمر مرور الكرام ي جمهور الاتحاد تعبنا واحنا ( نسلك ) لـهم طول الـ 3 سنوات الماضيه .. تعبنا واحنا نردد ( كبوة جواد ) .. تعبنا واحنا نردد ( متى تعود الليالي حلوة وهنيه ) .. تعبنا واحنا ( نستنجد ) بـ البلوي و وين ايامك ي بو ثامر ؟ .. الرجال مايبي يرجع خلاص فكونا من سيرته والله يستر عليه ..

ان تم السكوت عن مايحدث في النادي فـ فعلا الاتحاد يحتضر و ( جمهوره ) لا يستطيع فعل شيء .. ان تم السكوت عن مايحدث فـ فعلا نادي الاتحاد لم يعد يمسى بـ ( نادي الشعب ) ..

اقسم بالله اني املك اخبار عن لاعبين الاتحاد لو كتبتها هنا اكثر الاعضاء راح يهاجموني وكل شيء وربما فيه لاعبين ( اوفياء ) حسب نظرنكم .. الا انهم يعبثون بالاتحاد ودعوا الايام تثبت لكم مايدور في اروقه النادي ..



اقسم بالله ماكتبت هذا الكلام الا من القهر اللي فيني وقمه الغبنه ان جمهور الاتحاد يحضر ويساند واكثر معدل حضور في الدوري بما يقارب 136 الف مشجع كأكثر نادي رغم الظروف الا ان اشباه الرجال لم يحترموا الجمهور .. يجب على الجمهور محاسبه اللاعبين الذين لم يحترموا الجمهور ولا تاريخ النادي ولا فضل النادي عليهم وفي ( بروزهم ) ..

كان معاكم مشجع اتحادي مقهور جدا وصدقوني كل هالمعلومات اللي فوق ليست من نسخ الخيال بل هي حقيقه تحصل في النادي ولكن لا اقول سوى : ستبدي لكم الايام ماكنتم تجهلون ..

( والله على ما اقول شهيد ) وسلام عليكم ورحمه الله وبركاته ..


حسابي بالتويتر اهتم باخبار الاتحاد الحصريه والعاجله ادعموني بـ فولو :

abosamrh99@