جاها النصيب وعلموني بالاخبار

[مــحــمــد]

جاها النصيب وعلموني بالاخبار ... ولاعاد عندي غير ازف التهاني
ياليتها تنسى المحبه وتختار ... زمان غيري لاتدور زماني
سمتني الطرقي على شان الاسفار ... اجي لها من شاطي الشرق عاني
في حبها ذقت النكاير والامرار ... واللي وطا مجنون ليلى وطاني
كم مرة ٍ لعيونها دست الاخطار ... وارخصت عمري يوم ربي وقاني
ماطعت من هو شار في خير الاشوار ... اللي عن دروب الموده نهاني
الموووت قدامي على سكة النار ... والنفس .. ماترضى طريق الهواني
لا شك تدبير الليالي والاقدار ... راااحت وانا سلم القبايل حداني
عندي خبرها تترك الدار لديار ... وانا مكاني ماتغير مكاني
اما الزمان اللي تعشمت به جار ... والا ان حظي عن هواي احتداني
والله ماكنت اتكلم بالاسرار ... لولا القهر غطا سماي وغشاني
علي اصد ويكفي النفس ماصار ... يكفي علي من الظروف امتحاني
ادعي لها الله دايما ً سر وجهار ... تلقى سعادتها مع انسان ثاني
اليوم ابحرق لاجلها كل تذكار ... كل الرسايل والعطر والاغاني
واحرق بطاقة عرسها ضمن الاشعار ... وارضى بما قدر عليّه وجاني
واقول.. ياقلب العنا خل الافكار ... وانسى السنين اللي تعدت ..عشاني


قصيده أعجبتني ولطشتهااااا لكم ،،،، تحياتي للجميع \\\\\ محمد

[هـمـْـْ الغلا ـْـْـس]

صح لسانك اخوي وحياك الله بيننا

بس اظن القصيده مو مكانها هنا اذا انا ماني غلطانه

[مكحولـــــة العيـــــن]

مشكور



اعجبتني الابيات



لكن مكانها مو هنا

[مــحــمــد]

همس الغلااا ،،، ومكحولة العين اشكرررر مرررروركم ومعاكم حق مكانهااا مو هناااا انا اللي غلطان في المكان يمكن لاني كنت مستعجل ونسيت اني في العاااااام اعتذررر منكم ومن الاخوه ،،،، وتقبلوووو تحياتي

[دفا المشاعر]

صح لسان كاتبها

أخي الكريم // محمد

نقلت موضوعك هنا لمكانه المناسب

ومعذور بنسيانك

احنا هنا لخدمة غرابيل

ننتظر منك المزيد من إبداعك الشخصي


لك مني احترامي وتقديري

أختك // دفا المشاعر

[مــحــمــد]

دفااا المشاعر ألف شكر لك وعساكم على القوه

لكي مني الشكر والتقديررر ،،،، محمد

[]-[ بـنـ القصـيد ـتــ ]-[]

لا شك تدبير الليالي والاقدار ... راااحت وانا سلم القبايل حداني
عندي خبرها تترك الدار لديار ... وانا مكاني ماتغير مكاني
اما الزمان اللي تعشمت به جار ... والا ان حظي عن هواي احتداني
والله ماكنت اتكلم بالاسرار ... لولا القهر غطا سماي وغشاني
علي اصد ويكفي النفس ماصار ... يكفي علي من الظروف امتحاني



مـــحمـــدhttp://www.dl3moon.com/vb/images/smilies/flower.gif


نــقل رائـــع

واختـــيار متمـــز


وذوق راقـــي



دمــتـَ لنــا ودام قلمكـ النــابض ..

http://alsafa.net/vbb/pic/saewqq.gif

[همس المشاعر]

تسلم اخوي على القصيده
هلافيك بين اخوانك
اختك همس المشاعر
http://broq.org/up/uploads/41f17981c3.jpg (http://broq.org/up/)

[فايز ماجد]

جاها النصيب وعلموني بالاخبار ... ولاعاد عندي غير ازف التهاني

جبتها على الجرح

يامحمد

صح لسانك

وتسلم على النقل ياذوق

تحياتي لك