الطارف سديد...للطرق الحامي

[سعد الحركان]

ياسلام الله سلام مصفوط للجميع = يطرب اسماع النشاما وانا ارقابه سنود

في غرابيل السوالف مثل حد الوريع = ياشعار المنتدى ولعو روس الزنود

[محمد السليس]

ياهلا يامرحبا في ذري الدار المنيع = بالعميل اللى عن النقص والناقص يزود
وانت مدرى جيت تشري هنا والا تبيع = قبل فرق السوم ماظن في جيبك نقود

[سعد الحركان]

البقابك يالمرحب وحلم الله وسيع = الله يعز الوطن تحت راية بن سعود
انا الشاعر اللي علمه يروس كل ريع = شد حيلك وانتبه لاتعديها الحدود

[محمد سالم الهاجري]

الله الله شعار وافييين ولاعليكم زووود


بس انا طبعااااااا في صف اخوي ابن حركان سعد


ونا في صفك يا سعد




اخوكم المتابع برق الشمال

[سعد الحركان]

اررررررررررررحب ارحب ارحب


يابو سالم( برق الشمال)



يامحزم ظفر مايرتخي



من طول الغيبات جاب الغنايم



ابطييييت ........ اكيد مربع



عموما الله يحييك يالذيب

[محمد السليس]

العليمى لابغا الدرب في السكه يضيع = ومن يعذل السيل عن سكته حتى يعود
كان نبت الطعس الاحمر يبي يسمن ضريع = يمدى البدوان حطو ضعنهم فالنفود

[محمد السليس]

ارحب يابو سالم

والساعه المباركه حضورك اينما تكون

[سعد الحركان]

انا آشوفك مرتبك وحد الفرد السميع=لاتهرب يالسليس انا ماخبرك شرود

جعل مايمطر سماكم ولا ترعى الربيع=يامتعجل لوتعجل ماباحن السدود

[أبوعبدالرحمن]

صحت قلووبكم

ومتابع معكم

[محمد السليس]

القرنبع ياسعد جات فالخط السريع =في يسار الخط تدرج و مافيها وقود
فات نص الليل والزبد عيا لايميع = والله اللى يمحق الخير في رزق الحسود

[علي عبدالرحمن الأسمري]

صحت قلوبكم كلكم
سجلوا المتابعة باعجاب

[سعد الحويماني]

العليمى لابغا الدرب في السكه يضيع = ومن يعذل السيل عن سكته حتى يعود


هههههههههههه

هين لا صار عليمي ماعليه

الموت والله من لا ضاع الدليله

متابع

[محمد الجبريني]

عجيييييييييييييييييييييب والله وش هل الحاوره والمشاااااااااااااادات

السليس فرزدق غرابيل

وسعد الحركان شاعر محاوره لاهان

والعليمي نقز يحسب ان الكلام ناصيه هيه ماهم يمك هههههههه

الاسم مامعك صك عليه ولا يعطونك لانه مثل الخط السريع مرتادينه من المسافرين واجد

المهم محاوره رااااائعه وليتها استمرت


تحياتي للجميع

[سعد الحركان]

علي الاسمري / محمد الجبريني /العليمي


لاهنتو مروركم شرف







ياجماعه السليس ارتكب حادث شنيع=مايجيد الغوص وان طب بغزار العدود



مايميع الزبد والليل يفزع بالصقيع=على ويش تحسدك الناس وانته ماش فود

[سعد الحويماني]

والعليمي نقز يحسب ان الكلام ناصيه هيه ماهم يمك هههههههه

الاسم مامعك صك عليه ولا يعطونك لانه مثل الخط السريع مرتادينه من المسافرين واجد

المهم محاوره رااااائعه وليتها استمرت


تحياتي للجميع


يالربع علموه وش القصد والمعنى

جبريني


كيف الحال يالغالي



متابعععععععععععععععععععع

[محمد السليس]

الوداعه حطها الله في ايدين الوديع = يشهد الله والخلايق على قولى شهود
شرهة الريجيل ماتلحق الراس الصديع = وعن خوار الشاه والله ماتدري الاسود

[سعد الحركان]

تدري إني قد نصحتك لكنك ماتطيع=قمت ترطن لك رطينه ولا رطن الهنود

والله إنا مانبا الهرجه القشرى تشيع=حشمة الظفران بآكب مكسور العضود

[محمد السليس]

ماجلبت القشر مثلك ودرجت الضليع = مير هرج البدو تجهل معانيه الزيود
تعترف ماتعترف مانقص قدر ٍ رفيع =دام يصرف من هجوسه كما صرف النقود

[سعد الحويماني]

هههههههههههههههههههه

لا والله الا احتما الطرق















وبان الفرق









عليمي

[محمد سالم الهاجري]

الله الله الله عزالله احتمى القاف والليل توه ساري


انا في صفك يا سعد ولايهمك دامني في الصف اكييد بيشعلل الصف

تقبلوووو مروري برق الشمال

[سعد الحركان]

الرجال شهود يابندق تقبع قبيع=لا تناقز بالسوالف مثل نقز القرود
وش يبون الناس من ذالتوالف والرجيع=يوم اعطوها فوق الحجم ابلا شروط وقيود

[سعد الحويماني]

الليل



شيطت














تستاهلون المتابعه

[محمد السليس]

اشك حالك لله الواحد الفرد السميع = دام ماتنساق فالارض لايمكن تقود
لاتجى مابين شالح ومابين الفديـــع = وان زعلت اضرب براسك على حيد العمود

[سعد الحركان]

كيف صار مراقب المنتدى ورع رضيع=يسمع الكلمه ولكن يبلش بالردود

لاتعرض لك فرسان يردون القطيع=مير من حقك تحفظ الاسامي والبنود

[محمد السليس]

كل مانرفعك ترجع على الوضع الوضيع = تدحم الهرش العمانى وتبرك يالقعود
ياسعد لاشفت بعدين صنديد ٍ لكيع = بس قفا يمناك والا توارى فاللحــــــــــود

[سعد الحركان]

ويش صابك قمت تاطا على شوك النقيع=انج لاتبلش كذا مع عريبين الجدود
انجلط شارون من بعد ما ناشه قريع=وانسدح له فوق كرسي بلا ختم وجنود

[سعد الحويماني]

طيب طييييييييييييييب


طرق حامي




واللعب الزامي



ماسك صف السليس


ولا هان سعد

[محمد السليس]

مابقا الا ندفن جنازتك وسط البقيع = باقي ٍ بك عرق حى ورعى فالجرح دود
انت مثل الحر الاشقر ولكنك تبيــع = والتبع شبوط وقت الهدد قلبه شرود

[سعد الحركان]

اشهد إنه حمل النفس مالا تستطيع=وقف الرجال يالربع والوجد امحدود
ابرك الحزات طرق معك شانه رفيع=راجع اعلومك تعرف الصوادر والورود

[محمد السليس]

صح لسانك ولاهنت ياسعد

ويشهد الله انى اتعلم منك ومن شرواك

وترى المحاوره ميدان ذيابه ولاتزعل ولايجى في خاطرك على اخوك شي

ودمت بخير

[سعد الحركان]

صح بدنك


وانت استاذنا


والزعل إنشاءالله امر مستبعد ولا اشوف إنه جاء مايسببه


دمت بخير وإلى اللقاء