ترى الهوى والغي هن شر الأ شرار=ومن داس عار الناس داسو لعاره

[حواء غرابيل]

ياما حلا يا عبيد في وقت الا سحار= جذب الفراش وشب ضو المناره


مع دلـة تـجـذا على واهـــج الـنـار=ونـجــرالا حـرك تــزايد عبـــاره


في ربعة ما هيب تحجب عن الجار=لا من خطو اللاش ما شب نــاره


النـجــر دقــه وجــاوبه كـل مـــرار=ما لفه الملفــوف من دون جــاره


واخير منــها ركعــتين بالا سحـــار=لا طاب نوم اللي حيـاته خســاره


تلقاه في يـــوم يضـيــعن الا فـــكار=يوم على المخلوق ما اطول نهاره


ولك في قصير البيت حشمه ومقـــدار=لو جار فادمح له ولو به خسـاره


ترى النبي وصى على الجار لو جـار=خذ الحذر يا عبيد عقب الــــنذاره


رافق قوي الدين حفاظ الأســـــــــرار=ينفعك في يوم يجي به كـــــــداره


ترى الهوى والغي هن شر الأ شرار=ومن داس عار الناس داسو لعاره


جنب ردي الكـــار ما فيـــه تـعبـــــار=ما فيه من فعل المنــاعير شــــاره


جنب عنه خله لقصــاف الأعمـــــــار=وحفظ وصاتي يارفيع المنــــــاره


اسلم ودم بالخـــير ياطـــير غيمـــــار=وصلوعلى المختار ماغارغــاره