عوض النعيمي
03-03-2006, 10:39 AM
لي غاب عنك من تـوده وتهـواه=والياس حوله حال دون التلاقـي
تصفق يمينك من فراقـه وتنعـاه=ودموع عينك فوق خدك سواقـي
تسهر وقلبك ياه م الهم مـا يـاه=والفكر تايه من لهيـب الفراقـي
ويلاه ياللي غايـب بعيـد ويـلاه=عليك وجـدي يالغـلا واشتياقـي
من غبت عني والحشا نار تصلاه=تقول كني رهن سجن(ن) عراقي!
اون ونـات الـذي عـاف دنيـاه=عقبك واكلم صورتك بالعناقـي!!
والنوم ياللي كنت في قربك اهناه=فارق عيوني واستبـاح المآقـي
والضحكه اللي كانـت اتبدلـت آه=إيلين عافوني الاهـل والرفاقـي
كني يتيم(ن) شاقته كلمـة امّـاه=وحيد في دنيا(ن) تزيد احتراقـي
ياللي زماني دونك اليوم ما بـاه=ماظن تقوى عقبك المشي ساقي!
ولا عاد بعدك للهوى درب نهـواه=ولا طاب عقبك أي عمر(ن) وراقي
خيالك اللي لي دعا قلت له هـاه=انشهد انه يامنى الـروح باقـي!
ان كـان حبـك متلفنّـي فحيـاه=تهون لجلـك وقفتـي وانطلاقـي
باقي ع حبك رغم ما البعد سـوّاه=حاشاه حبـك مايجيـه انشقاقـي
سكنت فيني بأول العمـر واتـلاه=وروحي وعمري في يدينك صداقي
تصفق يمينك من فراقـه وتنعـاه=ودموع عينك فوق خدك سواقـي
تسهر وقلبك ياه م الهم مـا يـاه=والفكر تايه من لهيـب الفراقـي
ويلاه ياللي غايـب بعيـد ويـلاه=عليك وجـدي يالغـلا واشتياقـي
من غبت عني والحشا نار تصلاه=تقول كني رهن سجن(ن) عراقي!
اون ونـات الـذي عـاف دنيـاه=عقبك واكلم صورتك بالعناقـي!!
والنوم ياللي كنت في قربك اهناه=فارق عيوني واستبـاح المآقـي
والضحكه اللي كانـت اتبدلـت آه=إيلين عافوني الاهـل والرفاقـي
كني يتيم(ن) شاقته كلمـة امّـاه=وحيد في دنيا(ن) تزيد احتراقـي
ياللي زماني دونك اليوم ما بـاه=ماظن تقوى عقبك المشي ساقي!
ولا عاد بعدك للهوى درب نهـواه=ولا طاب عقبك أي عمر(ن) وراقي
خيالك اللي لي دعا قلت له هـاه=انشهد انه يامنى الـروح باقـي!
ان كـان حبـك متلفنّـي فحيـاه=تهون لجلـك وقفتـي وانطلاقـي
باقي ع حبك رغم ما البعد سـوّاه=حاشاه حبـك مايجيـه انشقاقـي
سكنت فيني بأول العمـر واتـلاه=وروحي وعمري في يدينك صداقي