....معارك شاميه....

[مطلق الحمدي الجهني]

لو كل من سالت دموعه خف همه واستراح
نبـجل الــدمعه ونـعلـن فــالبـــلاد ثـبوتهـــا
****
دمعه جرت من كل عين وحرّقت خد الصباح
ذاك الصباح الـلي يزف الـناس فـي تابـوتـها
****
دمـعه تجـدد فالحشـا مـليون طعنه بالرمـاح
يشعر بها اللي يحسد الأموات لحظة موتهـا
****
لِــن الحــياه الــلي بها دم الــكرامه مســتباح
مـا يشـرِّف الـرجـال يحيـاها وياكـل قـوتها
***
مـن بعـدها لا تسـأل الخـاطرعن العـد القراح
يـوم الضـمايـر تلتحـف عند اللزوم سكـوتها
***
موت الضمير اللي نعاه الصمت عند الاجتياح
تحـيـا بـه الفتـنـه وتبـني فـالصمـيم بيــوتـهــا
***
فـالشام عين(ن) تكتحل بالهم مكسورة جنـاح
تـستنجد الأصحاب من خوف الـقطـار يفـوتـهـا
***
ما حصَّلت غير السراب اللي على الدربين لاح
مـن بعد ما ضاعـت عقود الماس مع ياقوتهـا
***
وين العظيم اللي على المتـنين يعقد له وشـاح
يــولِّـع الفـتــنه عــلى الفــتـنه بحـرق كـروتهـا
***
نبغى من أمجـاد السنين تكون مطلوقة سراح
حتى تـلبـِّّس وقـتـنـا الحاضـر جـديد بشـوتـهـا
***
ياالأمه الـلي مجدها كـله فـلاح(ن) في فـلاح
الباب واضح بس وين اللي يعرف يشـوتها
***
حتـى مـن التـاريخ يـأخذ درس ويحقق نجـاح
والشـجره أم التـوت لا يخـرب عـليها تـوتـهـا
***
اللي غرسها في سهل حطين وأسقاها صلاح
أحيـت مـوات الناس والأموات فوق خبوتهـا

[سامي العطاوي]

هذا زمان يامطلق

هالحين كل واحد دوب نفسه

صح لسانك ملايين

مبدع دائما لاهنت

[أبوعبدالرحمن]

جزل يا مطلق


صح قلبك وكلك

وسلمت اناملك


تحيتي لك