ياعلي

[طـــــارق]

قفا نبك من ذكرى نزول المؤشر ......... وسوق بأنواع الخسائر ممتلي

قفا نبك والجماز كدر خاطري.......... ..عساه بعد هاليوم يصبح سمكري

قفا نبك أيام مضت لنا وتداول .......... وكنا لا نبيع السهم حتى يدبلي

قفا نبك والشاشات أعمت عيوننا ......ونحن نطالع لونها أحمر كالجلي

وكم غرنا ذاك المؤشر مرة ........... وقلنا ندبل راس مالنا ياعلي

وقلناأخترقنا فوق عشرين نقطة ........ومن بعدها صار المؤشر منحني

[صقـــر غرابيل]

صح لسانك يالذيب

لا فض فوك يا فتى

[طـــــارق]

ههههههههههههههههههههههههه هههههههههه

ههههههههههههههههههههههههه ههههههههه


قصيده حلوه يامغربل ...من وين نقلتها >>>>>>>يرد على نفسه لحست مخه الاسهم ..







اسمع القصيده هذي:-

قال الذي في سوق الاسهم تغربل × إندق حاله قبل ماله يدبَّل × شاروا عليَّهْ ناسِ غشـْمٍ ٍ مهبّل

دبّل قروشك عام سبعه وعشرين

قلت اصبروا قدمت قرضٍ ٍ على البنك × أُما شرولي رزّ ولاشروا زنك × والله يسهّلها على اللي شكا الضنك

دبّل قروشك عام سبعه وعشرين

لكن أخاف السوق ياخذ خشوعي × ما غير افكّر بالسهم في ركوعي × هذا نزل نسبه وذا في طلوعي

دبّل قروشك عام سبعه وعشرين

حتى المجالس هرجة الناس الاسهم × ضاعت حلاة الكيف والكل مهتم × أحدٍ تشوف السن وأحدٍ مغلــدم

دبّل قروشك عام سبعه وعشرين

واحترت مدري ويش اباخذ واخلي × سهم ٍمعلي بس الاخر مدلي × محدن يجيب العلم محدن يـــدلي

دبّل قروشك عام سبعه وعشرين

قلت المشوره قالوا السهم سابك × إمية سهم بالمحفظه من حسابك × هذي عروس السوق حظك رسابك

دبّل قروشك عام سبعه وعشرين

ولاّ المصافي ياعريب الجدودي × سَهْمَ الملوك وكلِّ يومٍ يزودي × لكن حذرا عن سهمْها تــنودي

دبّل قروشك عام سبعه وعشرين

وش رايكم في سافكو ياجماعه × قالوا بنيّة سابك من الرضاعه × إغرف مادام ان السهم وسْط قاعـه

دبّل قروشك عام سبعه وعشرين

قلت الخزف مافيه شكٍّ ولاريب × والعالم اِني صرت في صيدته ذيب × قالوا موفّق والخزف يخْلِف اِبطيب

دبّل قروشك عام سبعه وعشرين

قلت اُم عشْرينٍ وخمسين رمزه × بنتٍ تعلّق قلب من شاف غمْزه × الدرّه اللي ما تغشّاه هـمْزه

دبّل قروشك عام سبعه وعشرين

قلت اِبو عشرينٍ وستين طيّب × قالوا مضاربها كريمٍ حبيّب × قلت الهدف قالوا هدفها قريــّب

دبّل قروشك عام سبعه وعشرين

قلت الدوائيّه عساها تعيضي × تشفي حظيظٍٍ له زمانٍ مريضي × قالوا لي ابشر سَهْمها ما يغـيضي

دبّل قروشك عام سبعه وعشرين

قلت النصيحه وش تقولون بالغاز × قالوا مصيبٍ فيه وابرك من القاز × ياما تخفّى في عباته من الغاز

دبّل قروشك عام سبعه وعشرين

والجبس قالوا سهْم خمسة نجومي × باكر تشوفه فوق الالفينِ يومي × ياسِعْدِ من يمسك عليه ويصومي

دبّل قروشك عام سبعه وعشرين

قلت الغذائيه وقالوا شِريْكه × إنتاجها بالسوق خُبزٍ وكيكه × قلت احسبنّه بالصناعي مَليكه

دبّل قروشك عام سبعه وعشرين

قلت اِِبو ألفين ٍ وميّه وعَشْرَه × قالوا كلبشاتٍ تضرّك بِقِشْرَه × واِنْ كان تدعي قول ربي تحشره

دبّل قروشك عام سبعه وعشرين

قلت اُمِّ ألفين ٍ وميّه وعشرين × قالوا لقينا الناس عنها مِقفّين × قلت البلا ؛ قالوا تبِذّ المساكين

دبّل قروشك عام سبعه وعشرين

قلت اشْتري صدْقٍ وقالوا تركّد × نخاف بكره من خبرها تنكّد × اصبر يجيك العلم عنها موكّـد

دبّل قروشك عام سبعه وعشرين

قلت الحسا ياناس ولاّ زجاجي × قالوا علامك كنِّ فيك ارتجاجي × الحر الاشقر ما يعوّد دجاجي

دبّل قروشك عام سبعه وعشرين

قلت اُم ألفين ٍ وميّه وستين × قالوا مضاربها يجيب الطواعين × ذا له سنه تطلع وتنزل ريالين

دبّل قروشك عام سبعه وعشرين

قلت اللجين وسيسكو ودّي اقحش × كلٍّ يوصّي قالوا اُوصاتنا اِنحش × من طبِّ فيهن حشّوا اِرْجِيْلِته حش

دبّل قروشك عام سبعه وعشرين

قلت المشوره ياجماعه بفيبكو × الظاهر اِنّه ماتقادي لسيسكو × قالوا لي اِنشد عن نَتَاجه سدفكـو

دبّل قروشك عام سبعه وعشرين

قلت الحقيقه جايزن لي أنابيب × مدري خطا ياناس ولاّاِنِّي اِمصيب × ولاّ نما ، قالوا ترى لهْ طلاليب

دبّل قروشك عام سبعه وعشرين

والمعدنيّه ، قالوا اُمَّ المسامير × جنِّب عنَه ما من وراها تباشير × ياما لِحقْنا مِن سَهَمْها مخاسير

دبّل قروشك عام سبعه وعشرين

شاوَرْتُهُم بالكيمو اُمَّ الدناميت × امضاربه لا هوب حيٍّ ولا مِيت × واللي شراها دبّل من التناهيت

دبّل قروشك عام سبعه وعشرين

والزامل ومِن بعده اللي تسمّى × مجموعةٍ واللغز فيها مِعمّى × من فاز فيهن راس ماله تنمّى

دبّل قروشك عام سبعه وعشرين

قلت آخذ الصحرا و قالوا ترفّق × لاتخدعك بالسوق ناسٍ مطفّق × ما كل رجالٍ يحلّل موفّق

دبّل قروشك عام سبعه وعشرين

قلت المراعي له دعايه وراعي × آخِر سَهَمْ لي بالمجال الصناعي × ما قيل رجلٍ طبِّ فيها وجاعي

دبّل قروشك عام سبعه وعشرين

قلت السِمنت وقيل حاز العلامه × واللي عطاك العلم حشّم مقامه × لاشك نجمه لامعٍ باليمامه

دبّل قروشك عام سبعه وعشرين

قلت الفنادق قيل مثل البنادق × قلت العقاريه وقالوا خنادق × قلت آخذ البحري وقالوا صنادق

دبّل قروشك عام سبعه وعشرين

قلت اِبشروا بالحج جاك الجماعي × بين المشاعر ياهل العرف ساعي × ويزور ساسكو بنت عمّه رضاعي

دبّل قروشك عام سبعه وعشرين

قلت الضحيه والضحيه مواشي × قالوا توقّع لاتجي للخشاشي × قلت الله اكبر فيهِن الرزق ماشي

دبّل قروشك عام سبعه وعشرين

مكه وطيبه مع عسيرُ وتهامه × كلٍّ عليهن عضّ بِسْرة اِبهامه × الرابح اللي حطِّهِن في حزامه

دبّل قروشك عام سبعه وعشرين

قالوا مبرّد يالسنافي تكسِّب × والصادرات الهقوه اِنّه تنسِّب × وابعد عن التعمير باكر تِحسِّب

دبّل قروشك عام سبعه وعشرين

قلت آخذ الباحه وشمس وثماري × ولاّفتيحي مع جرير التجاري × حيث اِن له فضل على كل قاري

دبّل قروشك عام سبعه وعشرين

قالوا وعدهن عقب عيد الضحيّه × اِن كان لك رُوحٍ مع الناس حيّه × قلت السنه هذي علينا رِخيّه

دبّل قروشك عام سبعه وعشرين

قلت آخذ الكهرب وقالوا عقارب × شطّر عنه كنّك عن الداب هارب × الناس تدري وين عذب المشارب

دبّل قروشك عام سبعه وعشرين

قلت الزراعه وش تقولون فيها × قيل الصراحه كل عينٍ عليها × واخصِهن بيشه ونادك تليها

دبّل قروشك عام سبعه وعشرين

والباقيات الخير فيهِن تبَيَّن × وان طعت شوري في سهمهِن تليَّن × حقَّ النظر فيهن شويُّ وتعيَّن

دبّل قروشك عام سبعه وعشرين

والاتِّي الثنتينِ فيهن وصايا × واشوف بعض الناس عنهن قِصايا × والله لاصبر لين احقق رِجايا

دبّل قروشك عام سبعه وعشرين

قلت البنوك وقيل عنهن حرامي × غير البلاد اللي تورَّع وشامي × والراجحي قبله رفيع المقامي

دبّل قروشك عام سبعه وعشرين

ما باقي الاّ وحدةٍ ما ذكرته × وسمه عليها بس انا احرقت كرته × واللي شرح لي عن نشاطه شكرته

دبّل قروشك عام سبعه وعشرين

هذي معاناتي على طول الايام × واقول ما حصّلت يا كود الاوهام × ليتي مشطِّر عن غرابيل الاسهام

دبّل قروشك عام سبعه وعشرين

ومن قبل اختم القاف عندي نصيحه × واخص به كل الوجيه الفليحه × المال عند الناس مثل المنيحه

دبّل قروشك عام سبعه وعشرين

زك وتصدّق لاتطوِّف زكاتك × ما تدري ان الموت بطْرف عباتك × ما قيل مالٍ زخرفوا به حصاتك

دبّل قروشك عام سبعه وعشرين

والخاتمه صلّوا على سيد الابرار × ما غرّد القمري وما طايرٍ طار× واعداد ما يلفي على البيت زوار

دبَل صلاتك قبل عرض الموازين

[أبوعبدالرحمن]

ههههههههههههههههههههه


ههههههههههههههههههههههههه ههههه

هذا شكله خسران بكل الشركات

[طـــــارق]

المطرفي ...


لافض فو اللي قالها ...>>>>>>>ناقل للقصيده ..


ولافض فو اللي نقلها>>>>>>>يجامل نفسه.

ولافض فو سامعها ..


ولافض فو احد..

[طـــــارق]

ابو عبدالرحمن مهوب هو بس....




الشعب السعودي كله رايح فيها ....



الله يستر بس ...

بكره تلاقينا ندور وظايف في الهند....


والا الواحد يتوسط عشان يلقى تأشيرة عمل في بنقلاديش...


عش رجباً ...ترى عجباًًً...



مااقول الا ....سوقكم اخضر ان شاء الله.

[خــــالـــــد]

مغربل
.
.

تاخذ مني التعمير ببلاش وتفكني من عينك ؟؟

ههههههههههههههههههههههه

من هذاك اليوم وانا اشوف الخسارة قدام عيني " بين عيوني "




أخوكـ/خالد

[سعد الحويماني]

اللون الاحمر يعني السوق هابط
والمنتدى عكسه ترا فيه اداره

[أمل عبدالعزيز]

هههههههههههههههههههه

مغربل

بالفعل السوق جاب مفعوله بقوة
ماتلاحظ أننا صايرين لنا لغة خاصة ياأهل الأسهم!!

الواحد يخش البيت يقول لأهله كيفكم؟ بشرو عسى النسب بتاعتكم فوق بس؟

ينادي ولده يناظر بخشته يقول له هييه وش فيك ليه مؤشرك أحمر؟ مين طقك!!!

يجي ينام يعلن الإغلاق في نهاية التداول = الغداء
يصحى من النوم

يلبس ثيابه ويقول لزوجته خرووووووووووووووووووووووو ووووج بكل السيولة

يرجع بيته يقول نص المحفظة في السيارة

ههههههههههههههههههههههههه هههههههههههههههههه

من جد الأمخاخ (مفردها مخ) صايرة بورصة عالمية

ههههههههههههههههههههههههه ههههههههههههههه

[عاشق الحزن]

لالالالالالا ابشرك مغربل اذا عرف السبب بطل العجب


اخبار

قناة العربية تعلن

في تسجيل لم يتسنى لهم التاكد من صحتة القاعدة تتبنى عملية ضرب الاسهم السعودية



وترفع شعار :



اخرجو المواشي من جزيرة العرب




<<<<<<<<<<<<<< ابد ابد ابد مو متاثر من الاسهم وياكل كويس ويتكلم كويس

[مــيــزو]

هههههههههههههه



مغربل الله يرجك ياشيخ




الا وش اخر اخبار مدرس الرسم المصري ؟؟؟


هههههههههههههههههه





اخوك

مــيــزو