شجاع الوازعي
27-02-2006, 11:25 AM
(( التـــــــــــــحدي ))
أتتني لتتباهي بنفسها
فكانت ردة فعلي عبر هذه الابيات البسيطه
التي اتمنى ان تصل لذااائقتكم
..
..
ابدويه ذكرتني في علوم الاولين=عقب ماجتني بليله كلها ملح ودلال
سولفت حنّا ترانا للمراجل عاشقين=وابهرتني وادهشتني في سواليف الرجال
ونكرم الضيفان طيب ولانمد الا السمين=ولبسنا مع شربنا مع اكلنا دايم حلال
وعشقنا عشق البداوه للثرى عندي حنين=بنت شيخٍ كاملٍ والحق لله الكمال
وبنت عز وبنت هيبه وبنت رجالٍ ذهين=مجلسه به عود أزرق مع اباريق ودِلال
يحمل السكين حمرا طيب باليد اليمين=وبالكرم نفذ كمومه واحتزم بادنى عقال
مايعرف الا الشهامه والقرامه من سنين=واكتسبت الطيب منه واكتسبت احلى الخصال
وعلمنا ماهو براجح بين زين وبين شين=علمنا دايم شموخ وبالكرم اكبر مثال
وفوق هذا شاعره وأجيب كل قافٍ ثمين=أنظم ابيات القوافي وأكتب ابياتٍ جزال
واتحدا كل شاعر وانت رجالٍ فطين=تفهم اللغز الصعيب وعارفٍ حل السؤال
وفزّ قلبي من شموخه وأدعي المولى يعين=عقبّ ماصار بكلام البنت قوه وإنفعال
والله اني كنت ابيها عشق وآمال وحنين=وكنت أبيها حب وافي مايجيها باحتيال
وكنت أبيها وسط بيتي حسب شرع وحسب دين=وكنت أبي حتى عيالي منها نفس العيال
بس من بعد التحدي للتحدي حاضرين=والشموخ اليوم عزه عقب ماجاله مجال
إسمعي يابنت علمي وافهمي هالعلم زين=علم ثابت مايجي بالعلم شكه واحتمال
وإكتبي يابنت علمي كان ودك تكتبين=يستفيد الجيل منه مع هباهيب الليال
يابدويه اعلنيها للمخاليق اجمعين=ابدويٍ طال راسه والشجاعه لاتزال
مكسبي من طيب جدي الامين ابن الامين=مايزاحم بالوسيعه غير ضلعان وجبال
ابدويٍ ذاع صيته يجعل القاسي يلين=وتشهد الارض الوسيعه وتشهد جبال وتلال
وعزوتي يابنت ساكن بين جفن وبين عين=عزوتي يابنت سلطان المراجل والفعال
ذاك ابوي اللي فعوله لو بغيتي تعرفين=إنشدي كل البريّه واحسبي صرف الريال
للمراجل والمكارم دوم حنّا حافظين=ولا انتهاون عن قيمنا لو يجي فيها قتال
واكتب ابيات القصايد واكشف المعنى الدفين=وفكري اللي لازهمته ينظم الشعر المحال
مني الإبداع كله وانتي منك تسمعين=شاعر وجننت جنونه واصلٍ حد الخيال
انتي ماعندك قصيد وكل وقتك تلعبين=وترقصين بكل حفل وفرحتك وقت احتفال
وفوق خدك كومة المكياج وانتي تمرحين=ولايهمك غير لبسك حق مافيها جدال
وكل سوقٍ تعرفين وكل ليله تطلعين=ولو بغيتي الجد والله واصله حد الهبال
وعاد والله مابغيتك في طريق العاشقين=فيه غيرك في حياتي كثر حبات الرمال
ليت والله عن طريقي يابنيه تبعدين=التحدي مايفيدك والتواضع رااس مال
جاكِ علمي وانحتي هالعلم بالصخر المتين=يستفيد الجيل منه مع هباهيب الليال
الشــاعر – شجاع الوازعي
شاعر الافلاك
أتتني لتتباهي بنفسها
فكانت ردة فعلي عبر هذه الابيات البسيطه
التي اتمنى ان تصل لذااائقتكم
..
..
ابدويه ذكرتني في علوم الاولين=عقب ماجتني بليله كلها ملح ودلال
سولفت حنّا ترانا للمراجل عاشقين=وابهرتني وادهشتني في سواليف الرجال
ونكرم الضيفان طيب ولانمد الا السمين=ولبسنا مع شربنا مع اكلنا دايم حلال
وعشقنا عشق البداوه للثرى عندي حنين=بنت شيخٍ كاملٍ والحق لله الكمال
وبنت عز وبنت هيبه وبنت رجالٍ ذهين=مجلسه به عود أزرق مع اباريق ودِلال
يحمل السكين حمرا طيب باليد اليمين=وبالكرم نفذ كمومه واحتزم بادنى عقال
مايعرف الا الشهامه والقرامه من سنين=واكتسبت الطيب منه واكتسبت احلى الخصال
وعلمنا ماهو براجح بين زين وبين شين=علمنا دايم شموخ وبالكرم اكبر مثال
وفوق هذا شاعره وأجيب كل قافٍ ثمين=أنظم ابيات القوافي وأكتب ابياتٍ جزال
واتحدا كل شاعر وانت رجالٍ فطين=تفهم اللغز الصعيب وعارفٍ حل السؤال
وفزّ قلبي من شموخه وأدعي المولى يعين=عقبّ ماصار بكلام البنت قوه وإنفعال
والله اني كنت ابيها عشق وآمال وحنين=وكنت أبيها حب وافي مايجيها باحتيال
وكنت أبيها وسط بيتي حسب شرع وحسب دين=وكنت أبي حتى عيالي منها نفس العيال
بس من بعد التحدي للتحدي حاضرين=والشموخ اليوم عزه عقب ماجاله مجال
إسمعي يابنت علمي وافهمي هالعلم زين=علم ثابت مايجي بالعلم شكه واحتمال
وإكتبي يابنت علمي كان ودك تكتبين=يستفيد الجيل منه مع هباهيب الليال
يابدويه اعلنيها للمخاليق اجمعين=ابدويٍ طال راسه والشجاعه لاتزال
مكسبي من طيب جدي الامين ابن الامين=مايزاحم بالوسيعه غير ضلعان وجبال
ابدويٍ ذاع صيته يجعل القاسي يلين=وتشهد الارض الوسيعه وتشهد جبال وتلال
وعزوتي يابنت ساكن بين جفن وبين عين=عزوتي يابنت سلطان المراجل والفعال
ذاك ابوي اللي فعوله لو بغيتي تعرفين=إنشدي كل البريّه واحسبي صرف الريال
للمراجل والمكارم دوم حنّا حافظين=ولا انتهاون عن قيمنا لو يجي فيها قتال
واكتب ابيات القصايد واكشف المعنى الدفين=وفكري اللي لازهمته ينظم الشعر المحال
مني الإبداع كله وانتي منك تسمعين=شاعر وجننت جنونه واصلٍ حد الخيال
انتي ماعندك قصيد وكل وقتك تلعبين=وترقصين بكل حفل وفرحتك وقت احتفال
وفوق خدك كومة المكياج وانتي تمرحين=ولايهمك غير لبسك حق مافيها جدال
وكل سوقٍ تعرفين وكل ليله تطلعين=ولو بغيتي الجد والله واصله حد الهبال
وعاد والله مابغيتك في طريق العاشقين=فيه غيرك في حياتي كثر حبات الرمال
ليت والله عن طريقي يابنيه تبعدين=التحدي مايفيدك والتواضع رااس مال
جاكِ علمي وانحتي هالعلم بالصخر المتين=يستفيد الجيل منه مع هباهيب الليال
الشــاعر – شجاع الوازعي
شاعر الافلاك