يحي الشريف
23-02-2006, 05:51 AM
السلام عليكم
اخواني اعضاء وزوار
منتديات غرابيل
اسعد الله جميع اوقاتكم بكل خير
اضع بين ايديكم هذه القصيدة
لـ صاحب السمو الامير // عبدالعزيز بن سعود
(( السامر ))
وهي بعنوان
(( من جدنا وارثينه ))
المال دون وجيهنا مرخصينـه = لمن حدته غبر الليالـي علينـا
طبعٍ لنا مـن دندنـا وارثينـه = نعطيه ما نملك حاشـت يدينـا
والله ما نرضى عليـه الغبينـه = حتى ولو ما هوب منـا وفينـا
نعطي عطاً رب الخلايق ضمينه = يامـا تفضلنـا ويامـاعطينـا
هذا نعنـز لـه وهـذا نعينـه = لهالك العلوم المبطيه ما نسينـا
للطيب وقفات الرجال الثمينـه=وحنا لها لـو أننـا معسرينـا
وسلامتكم
ومن خلال هذه القصيدة العذبه والتي هي اكبر من الاشاده
بما تحمله من معاني الكرم والرجوله والطيب
اوجه هذه القصيدة الي سيدي سمو صاحب السمو الامير
عبدالعزيز بن سعود
من خلال منتداكم التي امل من الله ثم ان تصل اليه
(( الطيب كايد ))
الطيب كايد والمراجل صعيبه = وهايب من الله وحظ وتوافيق
مثل الهدف ما كل رامي يصيبه= ياكود من حظه على الطايله سيق
الرابح اللي تجتمع من نصيبه = مصفوط له من عند رب المخاليق
وياوين بلقى طيبٍ بنتخيبه = يبين فعله لابدا العسر والضيق
هذا ابو راشد سعد من يلتجيبه =حراً تعلا في طويل الشواهيق
مفراص ماص والخطر مايهيبه =لافرعن بيض البني الغرانيق
الكل منهن بالقى تعتزيبه = في ساعة فيها اللضى ينشف الريق
يذري ذراه من السموم ولهيبه = ويفرج على قلبٍ همومه طواريق
يافزعة اللي من الدهر بان شيبه = من شين وقته صار بالحال تبريق
اعوي عوا سرحا واقنب قنيبه = وعيت تفتح لي ابوابٍ مغاليق
الهم زاد وكل شخص دريبه =همي لجا وسط الحشا بالمعاليق
رجلٍ بلا يمنى حياته كئيبه = وانا حياتي دون يمناي في ضيق
ماجات في خمله ولاجت معيبه =عندي على قولي اثبات ومواثيق
وجيت اشتكي للي بهم كل هيبه =جيت اشتكي للشيوخ نجد المطاليق
المال دون وجيهكم ينصخيبه = وانتم تعلى فعلكم هامة طويق
تكفى يابو راشد ضروفي عصيبه = فرج على قلبٍ همومه طواريق
وسلامتكم
اخواني اعضاء وزوار
منتديات غرابيل
اسعد الله جميع اوقاتكم بكل خير
اضع بين ايديكم هذه القصيدة
لـ صاحب السمو الامير // عبدالعزيز بن سعود
(( السامر ))
وهي بعنوان
(( من جدنا وارثينه ))
المال دون وجيهنا مرخصينـه = لمن حدته غبر الليالـي علينـا
طبعٍ لنا مـن دندنـا وارثينـه = نعطيه ما نملك حاشـت يدينـا
والله ما نرضى عليـه الغبينـه = حتى ولو ما هوب منـا وفينـا
نعطي عطاً رب الخلايق ضمينه = يامـا تفضلنـا ويامـاعطينـا
هذا نعنـز لـه وهـذا نعينـه = لهالك العلوم المبطيه ما نسينـا
للطيب وقفات الرجال الثمينـه=وحنا لها لـو أننـا معسرينـا
وسلامتكم
ومن خلال هذه القصيدة العذبه والتي هي اكبر من الاشاده
بما تحمله من معاني الكرم والرجوله والطيب
اوجه هذه القصيدة الي سيدي سمو صاحب السمو الامير
عبدالعزيز بن سعود
من خلال منتداكم التي امل من الله ثم ان تصل اليه
(( الطيب كايد ))
الطيب كايد والمراجل صعيبه = وهايب من الله وحظ وتوافيق
مثل الهدف ما كل رامي يصيبه= ياكود من حظه على الطايله سيق
الرابح اللي تجتمع من نصيبه = مصفوط له من عند رب المخاليق
وياوين بلقى طيبٍ بنتخيبه = يبين فعله لابدا العسر والضيق
هذا ابو راشد سعد من يلتجيبه =حراً تعلا في طويل الشواهيق
مفراص ماص والخطر مايهيبه =لافرعن بيض البني الغرانيق
الكل منهن بالقى تعتزيبه = في ساعة فيها اللضى ينشف الريق
يذري ذراه من السموم ولهيبه = ويفرج على قلبٍ همومه طواريق
يافزعة اللي من الدهر بان شيبه = من شين وقته صار بالحال تبريق
اعوي عوا سرحا واقنب قنيبه = وعيت تفتح لي ابوابٍ مغاليق
الهم زاد وكل شخص دريبه =همي لجا وسط الحشا بالمعاليق
رجلٍ بلا يمنى حياته كئيبه = وانا حياتي دون يمناي في ضيق
ماجات في خمله ولاجت معيبه =عندي على قولي اثبات ومواثيق
وجيت اشتكي للي بهم كل هيبه =جيت اشتكي للشيوخ نجد المطاليق
المال دون وجيهكم ينصخيبه = وانتم تعلى فعلكم هامة طويق
تكفى يابو راشد ضروفي عصيبه = فرج على قلبٍ همومه طواريق
وسلامتكم