اجل اقالة مدرب وجيب مدرب هيا الحل عندكم ادخل وشوف الصح لو غلطان عاتبني

[عميد اتحادي]

السلام عليكم ورحمة الله وبركاته:

اخواني الاعزاء جماهير نادي الذهب اناشدكم بعدم تغير المدرب والابقاء على كانيدا لنقاط لااااااازم تفهمها:

اي مدرب في العالم لو جا على نادي الاتحاد اول شي حيسويه حيشوف اللاعبين اللي قدامة حيلعب بيهم وحياخد اقل شي سنة عشان يحط لاعبين جداد.

بينما كانيدا كغيره من المدربين بدأ هذه المشكلة بالتدريج بدأ بالفريق السابق ثم مع كم لاعب شاب الى ان رأينا فريق شاب.

ماتياس كيك او ماجا على طول خبط الفريق وحط اللي يلعب مع اللي مايعرف يلعب يعني على طول دخل الشباب بدون التدرج وهذه مشكلة جبارة.

كانيدا كان عندو فريق الموسم الماضي يبغىاه يتأقلم مع بعض تورط بتغير اهم لاعب عنده وهو حسني عبد ربة وبعدين جبت سوزا بعدين اصابة فوزي بعدين تورط مالي بعدين اصابة معن و رضا تكر وعدم جلب مدافع محلي او اجنبي و تذبذ اصابات ابوسبعان وهتان ونايف في نزول حاد في الملعب .

تغيير مدرب حيخلي السعيد والمنتشري و نور وووو الين يقلك هدولا هم الاساس وبعدين حيغير وينهزم وتجيب مدرب بعده ترا لازم نتقبل الخسارة هذا الموسم لتاسيس فريق لايقهر باذن الله السنة القادمه والدليل اقرب مثال:

الهلال ترك السنة الماضية للتجربة مع الشباب حتى وهو يغير مدربين لكن اسس فريق شاب مااخد ولاشي السنة الماضية غير كاس ولي العهد عشان تقابل مع الاتي المتهالك وكان مدربهم سامي الجابر ومدربنا ماتياس كيك.

الاهلي نفس الطريقة اول ما بدأ مع الجاروليم كان سابع الدوري واخد كاس الملك معاه بعدين سار فريق ممتاز مع اني متاكد مليون مرة انو جاروليم ماعندك ماعند جدتي لكن الحظ مشي معاه هو والفريق.

الحل :

نجيب ونصعد لاعبين مدافعين وهجوم محلين و ايضا جلب لاعبين اجانب ممتازين من العيار الثقيل او الابقاء على فوزي مع جلب قلب دفاع ممتاز اجنبي او مهاجم زي ويسلي لوبيز لاعب الهلال.

فوزي منسجم مع الفريق ورجعته بتعطي الوسط حيوية ( انشاء الله يرجع لمستواه عبد الاصابة).

بكل بساطة فوزي وانس وامبابي مع مدافع محلي او اجنبي ولاعب هجوم محلي اضافي مع هزازي و الصبياني وهو احتمال بيكون حسن الراهب وانشاء الله تتم صفقة النخلي مع الفريدي .*