طعون الزمن ،،،،،،،،، فاتن الغيد

[فاتن الغيد]

ياهيـه والفنـا الكـرى والمخـده=خلاص تبنا عـن هـواك وسلينـا
اليـوم ودعنـا بحـور الـمـوده=لاصـار مـاودك تجـي لاتجينـا
من باعنـا بعنـاه باللـي يسـده=مانشتـري الا واحـد ٍ يشترينـا
ومن حدّنا جعـل الليالـي تحـده=نجفـاه لـو انـه عزيـز ٍ علينـا
ان كان لك خـلّ ٍ تبيـه وتـوده=حنـا لنـا خـلّ ٍ نبيـه ويبيـنـا
وان كان خلّك ماخذ ٍ عنـك مـده=حنا غصين البـان يبكـي علينـا
وان كان خلّك مبعد ٍ عنـك جـده=حنا لطيـف الـروح منـا وفينـا
وان كان حبلك في يدينـك تشـده=حنـا رمينـا حبالنـا مـن يدينـا
وان كان بابك عن هوانـا تـرده=حنـا قفلنـا ابوابنـا وانتهيـنـا
ياطير قـل لـه ماشقينـا بصـده=لايحسب انّا مـن صـدوده بكينـا
النفس طابت منه والقلـب ضـده=ماعاد ابي شوفـه يميـن ٍ يمينـا
ماابيه لو جاب البحر شرق جـده=ولو جرّ ضلع طويق مع طور سينا
والله لو يمسح على القـاع خـده=ولو قلّط الخيرات سمـن وسمينـا
ولوّه تأسّـف لـي وكفّـه يمـده=ويقول راضونـا ترانـا رضينـا
ماارضى عليه ولاعيونـي تلـده=حنـا ليـا منـا جفينـا جفيـنـا
خلّـه يبيّـح جـور الايـام سـده=ويشكي من طعون الزمن ماشكينا
يامـا سكتنـا والغلـط مانـعـده=نسكت وكنـا ياالغضـي مادرينـا
وكم واحد ٍ غالي عشانـك نهـده=نزعـل عليـه وخابرينـه يبينـا
مافاد فيك وصبرنا وصـل حـده=رح فكّنـا واسـلـم ولاتبتليـنـا
قد قيل هرج ٍ تستحـي منـه بـده=بنقول لك هرج ٍ ولـو مااستحينـا
الكحـل كبّـه والشعـر لاتكـده=حنا خذينـا اللـي نبـي وانتهينـا

[زبن بن عمير]

صح لسانك ولاهنت

[هاجــــس]

رائعه

جدا جدا جدا جدا رائعه

صح السانك يالغاليه

[سعد الحويماني]

صح لسانك

في ذمتي وجود هاذي فالابداع
اني اشوفه ياجماعه خطيه

[راحلة بسكـ ـ ـ ـ ـ ـات]

قد قيل هرج ٍ تستحـي منـه بـده
بنقول لك هرج ٍ ولـو مااستحينـا
الكحـل كبّـه والشعـر لاتكـده
حنا خذينـا اللـي نبـي وانتهينـا

دخوووول قوي فاتن الغيد ،،،

صح لساااااانك ولاهنتِ ....

راحلة بسكااااااااات

[واصل اليامي]

ياطير قـل لـه ماشقينـا بصـده =لايحسب انّا مـن صـدوده بكينـا


فاتن الغيد

صح لسانك

حقيقه قصيده رائعه


الله يعطيك العافيه

في انتظار جديدك


تحياتي

الواصل