حقيقة مايجري في الاتحاد

[عميد اتحادي]

المشكلة و المصيبة الان هو ادارة الاتحاد من بعد ما منع الشيخ عبدالمحسن و البلوي من الدعم ... لا تقولو بلاش فكر المؤامرة و التخاريف ...

راح اعطيكم اكثر من حادثة تبين ان كرة القدم عندنا مؤمرات و ديكتاتروية ..
خاصة ان كرة القدم عندنا هنا هي سياستنا .. ومحد المفروض يطاول على حكام و امراء كرة القدم .. ..

اول قصة رمز الاتحاد يوسف الطويل و كيف اتعاقب عشانه قدم مصلحة الاتحاد على كل شي ...و هذه للاسف قصة مايعرفوها اطفال مشجعي الاتحاد



وقتها لعيبة الاتحاد بالغصبة اتوزعوا على الاهلي و للنصر ...

ثاني شي قصة فيصل ابو اثنين مع الامير سلطان .

و ثالثا كلنا نتذكر مشكلة قناة ابو ظبي مع عبدالرحمن بن مساعد .. وقتتها القناة انطردت من الدوري السعودي ..عيني عينك ..

رابعا : ماحدث لجمال تونسي رئيس الوحدة ..كيف عاقبوه لانه وقف بوجههم ..و نزلوا الفريق درجة اولى .. و جابوا الكعكي ( اللي هو اهلاوي بالاصل ) بعد ما اصلا صار الوحدة مصنع ينتج لعيبة للاهلي ..

اجل كيف بشخصية او كيان زي الاتحاد و شخصيات مؤثرة ك عبدالمحسن ال الشيخ و منصور البلوي .. اللي خلو االاتحاد يحتل اسيا في سنوات قليلة و اشترى لعيبة الاتحاد و الاهلي و الشباب ... و سيطر سيطرة كامله .. و البلوي صار علم من اعلام الاحتراف ..
وقتها لازم وقتها يكون العقاب اكبر ..

البلوي ( تهديدات تجيه كل ما يصرح ) فما بالكم يدعم الفريق ؟؟
مو راضيين يرشح نفسه كرئيس للفريق .. كيف يخلوه يدعهمه ..( ارصدته مراقبة ) او خلوها زيرو ..

و ال الشيخ ( هج و راح امريكا ) ممنوعين ممنوعين منوعين من دعم الاتحاد ... الا اذا حدثت معجزة ...


و الان بعد بن داخل ,,, الفايز ياخوفي يكون زي الكعكي .. ديون تخلي النادي يتعاقب من الفيفا و من الاتحاد السعودي ... و زي فترة بعد ما سجن الرمز الشيخ يوسف الطويل يبع لعيبة الاتحاد ..

و الدليل و خدوا العلم الاكيد .. اسامة المولد ما رفض اللعب عشان الفلوس ..
اسامة زعل من الادارة لسببين : الاو ل ان الادارة بتتفاوض مع الشباب و غيره على مبلغ كبير لاعارته او بيعه .. و هذا خلى اللاعب تتوترعلاقته مع الادارة ..

و الثاني انهم كل شويا يوعوده بفلوس و لما يجي يتدرب و يطلب الفلوس يقولوا مافيه .. وتكرر الموقف اكثر من مرة ...

حتقولوا احمد جميل و اول كانوا يلعبوا بلاش و يضحو.. اقول صح بس كانت الادارة وقتها توقف مع اللعيبة ... الان الادارة بس فلوس فلوس و شحته .. جايين يسترزقوا من الاتحاد و يدمروه ..

شفنا كيف يوم الخميس يتعشوا في منزل الاسطورة نور .. كان مافي ادارة و لا مدير كرة ..
اللعيبة وصلوا بتضحياتهم لنص نهائي اسيا .. لكن انهم يصبروا اكثر من كدا لا ..معهم حق ..


و قضية سوزا ... اللاعب مو ملزم يلعب اذا ماجات فلوسه ... انت بنفسك لو ما استملت راتبك او حتى نقصوا كم 100 و الله لا تسوي زيه و اكثر ... هو مو جاي من البرازيل يضحي...جاء يلعب و يسترزق ..

الادارة ناوية تبيع لعيبة مهمين كثار عشان تستفيد من فلوسهم .. و لكن خايفة من الجمهور ..رغم ان خزينة النادي ح يجيها من الشريك الجديد مالايقل عن 150 مليون ..لكنها ادارة حرامية و حيتقاسموا الفلوس محتسب و قزاز و مجموعة تدمير مستقبل الاتحاد ..
و يتستقيلوا من الادارة ..


في الاخير لاتخونوا لعيبة الاتحاد ... فريق ضحى كثير...لكن خلاص لازم حد ..
الادارة خاينة ... ويكفيكم انهم عشان الاوامر ماجابوا حكم اجنبي ,, و خلوا العمري يجي يحكم .. و سلامة فهكم ..