توبة مشجع نصراوي ( لا تحزن ) ؟؟؟

[ابن ذروه]

خذووها من فم مشجع نصراوي مصرقع

ثلاثون عاماً من الوهم والاحلام ..

وانا صغير مثل كل المراهقين كان يجذبني اللون البراق .. ونسي والدي ان يخبرني ان ليس كل مايلمع ذهباً ..
انشغال والدي بتجارته ووالدتي بتربية اخواني جعلني فريسه سهله لكل من في نفسه مرض .. هكذا عرفت النصر .. اصدقاء السوء لم يتركوا لي مجالاً للتفكير... ماجد محيسن الهريفي شوف الكوبري ياروحي يابو عبدالله اييييه .. اعتقدت ان هذه هي الكوره وهذا منتهى الفن ..

ثلاثين عام من الضياع والتعب النفسي الناس تاخذ بطولات وانا امدح ماجد ومحيسن .. يقولون لي فريقك ماجاب الدوري اقول ايه بس ماجد جاب كوبري .. يقولون فريقك مهدد بالهبوط اقول ايه بس ماجد لاعب القرن .. اشوف النصر ينهزم واردد مايقوله الريس عن التحكيم ..

ثلاثين عام .. وانا اذا دخلت مجلس اتحاشا اقول اني نصراوي .. .. تعبت نفسياً واصدقاء السوء راحوا مع اللي راح بعد مازرعوا في نفسي كوره غلط في غلط ..

وكالعاده بعد ماغادرت مدرجات ملعب الملز منكس الراس وفريقي مهزوم .. خليت السياره ورحت امشي حول الملعب اخفف من الوجع .. وافكر في نفسي .. وصدفه قابلت زميل كان معانا في الحاره ماشفته من 20 سنه .. كنت اكرهه لسبب واحد كان هلالي ..

شافني وسلم علي والسعاده واضحه في ملامحه عرف قصتي يوم شافني ماسك العلم النصراوي .. كان مؤدب ولا حارشني قال بأدب الله يعينك الى هالحين نصراوي .. بغيت ابكي وخفت يعلم العيال عني .. ماقدرت اطالع عينه .. عرف جوابي .. مشى جنبي ساكت يوم وصلنا السياره عطاني شريطين للهلال وقال اذا شفت نفسك فاضي طالع هالشريطين .. وعطاني رقم جواله ..

وصلت البيت .. رميت الاشرطه وقلت ماناقص الا اطالع مباريات الهلال .. حاولت انام وكل ماتذكرت ترتيب النصر في الدوري طار النوم .. رحت امشي في الحوش وانا اقول الدخان والنصر واحد منهم راح يقضي عليَ ..

رجعت الملحق اقلب في الدش ملل .. وشفت الاشرطه اللي عطانياهم صديقي الهلالي .. قلت وش انا خسران بدال هالطفش خلني اشوف الهلال واضحك عليهم ..

بديت اطالع الاشرطه .. شي من الهدوء والسكينه بدا يتسلل الى نفسي .. شفت شي عكس اللي كانوا اصدقائي يقولونه .. شفت فن .. شفت كوره حقيقيه .. شفت بطولات من كل شكل ونوع .. الحين عرفت ليش جمهور الهلال اكثر سكينه وهدوء مني .. ثلاثين سنه من التخبط والضياع .. توني اشوف الكوره الصح ..

كل ماخلص الشريط رجعته من الاول اللين نمت .. صحيت الصبح وكلمت صديقي الهلالي طلبت منه اشرطه ثانيه وثالثه ورابعه .. ماهوب عيب اني عشت ضايع العيب استمر ضايع .. عرفت الفن ..عرفت الكوره .. عمري اللي راح في القهر والتعب والمجادله الكذابه ..

انضميت لشباب هلاليين علمتهم بقصتي .. اخذوا بيدي ساعدوني .. خفت اضعف وارجع لاصدقاء السوء .. كل ماضعفت رجعت شغلت واحد من الاشرطه وهدأت نفسي واطمأنت ..

لي سنتين من يوم اهتديت .. اهلي فرحانين بالتغير اللي طرأ على شخصيتي صرت اكثر هدوء واكثر روقان .. تحسنت انتاجيتي في عملي وهذا شي طبيعي .. صرت اذا جلست في مجلس وقلت اني هلالي ماعاد احد يتجرأ يتحرش فيني .. الارقام تتكلم .. والمنصات تشهد ..

هذي قصتي .. اهديها لكل نصراوي في غفله ..الايام تمضي والسنين تركض .. العمر واحد حرام نقضيه في ذل وتعب وقهر .. سعادتي اكبر من اني احطها رهينه اقدام حلوي وجهوي ..

الى كل نصراوي اهدي قصتي لتكن عبره وعضه .. لعل الله ينفع بها احد التائهين

[أبوعبدالرحمن]

ثلاثين عام من الضياع والتعب النفسي الناس تاخذ بطولات وانا امدح ماجد ومحيسن .. يقولون لي فريقك ماجاب الدوري اقول ايه بس ماجد جاب كوبري .. يقولون فريقك مهدد بالهبوط اقول ايه بس ماجد لاعب القرن .. اشوف النصر ينهزم واردد مايقوله الريس عن التحكيم ..

ألف مبروك لهذا المشجع المسكين

والله فرحت له من قلبي

فعلاً لنا أخوة اشقاهم النصر ولكن كيف السبيل إلى نصحهم وارشادهم

صراحة مقال صادق واسعدني ان هذا المشجع لم يكمل الثلاثين عام الباقيه في عمره وهو يرتجي بطولة من اقدام جهوي وحلوي والعجمي وسيف

[نصراوي القاهره]

الله يشفيك يابن ذروه

الواحد يطالع لفوق من تشجيع النصر الى ريال مدريد الى البرشا الى الاسي


اما اللي يطالع تحت ويشوف اشرطه الهلال هذا مثلك مصاب بأنفلونزا الطيور الله يشفيك انت وياه


ههههههههههههههههههههههههه هههههههههههههه

[هلالي^الشرقية]

عودة نادي النصر الى الانتصارات راح تعيد الجماهير الى المدرجات

[ابن ذروه]

مشكورين على المرور جميعا" 00000000000000

[بدر]

ههههههه

قصة حلوه


إلا يابن ذروة متى بتجيب لنا قصة سندريلا ؟؟


<== عشان يستعد كثير وينتظر الآكشن الحلو



صراحه إذا كنت انت كاتب القصة جداً رائع تنظيم الكلمات والجمل .. يعني تنم عن كاتب

أكثر من رائع .. مراعاة الجمل والقواعد والتصحيح الإملائي عندك 100% اتوقع إنك وانت

صغير كنت تجيب ((ممتاز )) بالتعبير والإملاء .سردك للقصة حلو فيه تشويق وإثارة .. :11ughboun


نقاط أعجبتني بالقصة :
1- لون الخط
2- توسيط النص
3- حجم الخط ونوعه ( جدا رائع )
4- الفواصل والنقط موضوعه بشكل اكثر من رائع
5- التوقيع حقك متعوب عليه ..

وفي هذه الأثناء يتبادر إلى ذهني العديد من الأسئلة ..


س1- من متى عندك هواية سرد القصص ؟

س2- نوع الكيبورد اللي طبعت فيه ؟ لان شكله انسيابي ويعطيك راحتك وانت تكتب عشان كذا ولدت هذه القصة الجريحة؟

س3- كيف حالك ؟


نصائح مهمة :

1- لاتكثر من التسدح بالإنترنت تراه يضر الصحة ويجلب الكثير من التساؤلات التي لاتجد لها إجابة في رأسك فـ تتطر إلى إنزال علامة الإستفهام الواقفة على راسك ووضع علامة جمجمة .

<== ياقلبي علي وانا انصح :blushing:

2- انصح بالذهاب إلى الثمامة لإخراج الكبت الداخلي في نفسك حتى تتمكن من كتابة قصة مفرحة في المرة القادمة.

3- اللبن من المواد الغذائية المفيدة ولكن كثرة تسبب الغثيان .. فلا تحاول تحتك باللبن رجاءاً.


عموما تقبل تحياتي وأشواقي الحارة حبيت ابصم بالمنتدى الرياضي جات بصمتي بمشاركتك الهادفة والحلوه اللي جنت بفؤادي إلى جبال الريف والقمم المكسوة بالعشب .

تحية لك مع جوالرياض الممطر .


بدووووووري

:كلوش: <== وش يبي ذالوجه ماتغيرونه ياناس ..

[مفرح بن مناحي]

ياااااااااه من زمااااااااان عن الرياضي

أخوي ابن ذروة قصتك هذي ذكرتني .. بقصة فيلم هندي جديد ..

وما دامك فاضي خلقة ... بقول لك : قصة الفيلم فيها بطلين يلقون لهم بنت صغيرة محذوفة في الشارع وعمرها ما يتجاوز ثلاث شهور .. واتفقوا على أنهم يربونها ألين تكبر ... ويوم كبرت .... تخيييييييييييييييل



طلعت















أمهم ههههههههههههههههههههههههه ههههههههههاااي




ثلاثين عام ..

7

7


بغيت ابكي وخفت يعلم العيال عني

ههههههههههههههههههههههههه ههههههههااااي والله قلبته فيلم هندي أجل يعلم العيال .. ليه شكله ما يكبر أبدهههههههههههههههههههههه هاااي



( ؟؟؟؟؟؟؟؟؟؟؟ ) اهلي فرحانين بالتغير اللي طرأ على شخصيتي صرت اكثر هدوء واكثر روقان .. تحسنت انتاجيتي في عملي وهذا شي طبيعي .. صرت اذا جلست في مجلس وقلت اني هلالي ماعاد احد يتجرأ يتحرش فيني .. الارقام تتكلم .. والمنصات تشهد ..

أخوي ابن ذروة .. العبارة اللي كانت محل علامات الاستفهام تم حذفها .. وأتمنى تنتبه المرات الجاية في اختيار الكلمات بعيداًَ عن الدين

وشاكر لك تفاعلك الكيميائي ههههههههههههههههااي قصدي الرياضي

لك أطيب تحية

[مبـــارك]

ههههههههههههههههههههههههه ههههههه

بصراحة مسكين هذا الشاب .. وقصته تقطع القلب

بس الحمدلله ان الله هداه وعرف الطريق الصح قبل لايجيه السكر واالضغط


مشكور اخوي ابو ذروة على القصة المؤثرة

تحيــاتي لك

[ابن ذروه]

الله يعطيكم العافية على المرور العطر 00000000000

اللي ابي اقوله عسى بعض المجانين ما تكلف في سرد النصائح !!!!!!!!!!!!!!!!!!

يا شين الفلسفة الزائدة عن حدها !!!!!!!!!!!!!!!!!!!!!!!!!!!!!!!!!!!

[بدر]

الله يعطيكم العافية على المرور العطر 00000000000

اللي ابي اقوله عسى بعض المجانين ما تكلف في سرد النصائح !!!!!!!!!!!!!!!!!!

يا شين الفلسفة الزائدة عن حدها !!!!!!!!!!!!!!!!!!!!!!!!!!!!!!!!!!!


كأنك داق علي بيجر ؟؟ :blushing:


لي رجعة بس اتقهوى واصحصح شوي واسولف معك الله يحييك



:كلوش: <== لاحول ولا قوة إلا بالله ياخالد افزع وشله عنا تكفى .


<== تراي مجنون على قول إبن ذروة لاحد يدقق

بدووووووووري المجروح :11ying:

[خــــالـــــد]

ابن ذروة

.
.

قصة حلوة

هههههههههههههههههههه

الله يهدي أخوااننا في نادي النصر

لأني بصراحة خايف عليهم من الضغط والسكري



أخوكـ/خالد

[ThAmErOnA]

النصر كان من افضل الاندية السعودية من ايام ماجد وهذا من حقهم يفتخرون فيه ..


اما بعد ماجد ناطين بالمنتديات واستخفاف دم وبالملعب ماعندهم ماعند جدتي ماعدا سعد ..


اللي لولا الله ثم هو لكان النصر ترتيبه في قاع الدرجة الاولى ثم الدرجة الثانية (بيته الاساسي) ..



مشكووور اخوي ابن ذروه .. والله يهدي المسلمين ..

[بدر]

ابن ذورة ..

اول شي ... سيك بالخير ..


ثاني شئ .. لاتتضايق انا قاعد امدح قصتك ياخي ..

بعدين لاتخلي مبدأك ياانت معي وإلا مع الأسف :اوبس: قصدي ضدي ..

وقصتك فعلا حلوه تنم عن فكر كروي رائع وقلم يقطر من روائع الكلم

فـ لاتضايق نفسك ولا يقف مدحي أو نقدي عثرة في دربك نحو طريق

النجومية في الإبداع القصصي ...

وحاجة حلوة لما يطلع عضو من عندنا يعرف يكتب قصص :biggrin:


ليه المنتديات الثانية احسن منا وإلا احسن منا ؟؟؟؟



وانا تراي حسيت إنك تبيني اوضح لك اكثر مشاركتي وخصوصا

لما حسيت إنك مدحتني وقلت إني مجنون الله يثيبك .. شي طيب يعني

إنه تكون بداية معرفتنا جنون .... يمكن يوم من الأيام ياخي احبك ؟؟

مين يدري ؟؟

وابدى اشغلك واموت عليك واسعبل على الكيبورد لما اشوفك !!!


بس لازم لامن اغليتك تسرد لي قصة السندريلا والفدغان السعبة ..

بس ارجع واقول عندك حس قصصي ينفع تشارك بمهرجان الجنادرية

توقف بجنب البير اللي عندهم وتبدى تقص القصص الحلوة المفيدة والناس

والزوار حواليك متسدحين على بطونهم ومتابعين بشغف وإعجاب القدرات

العظيم اللي انت ملكتها واكتسبتها من واقع حياة جيدة ..


ـــــــــــــــــــــــــ ـــ

ماوراء الفاصل .. :

استاذي العزيز بعض النصائح الاخوي لك :blushing:


<== اشغل خلق الله :biggrin:


انا رديت عليك وانت ماحاولت ترد علي ليه ياخي ؟؟ وش مزين لك انا ؟؟ :jumpon:

بعدين انا ماعلقت على إسمك وراك على اسمي ؟؟ كان مبـ عاجبك قلي ياقلبي

واغيره لـ ( صديق ابن ذروة ) :huglove:


.....



:كلوش: <== شرايك بالصورة هذي :icon_sad:



تحياتي


واشواقي