اللحظة الاخيرة ...,(بقلمي)

[عميد اتحادي]

http://im30.********************************************/VdSj1.jpg (http://im30.********************************************/VdSj1.jpg)

اللحظة الاخيرة


كانت اللحظة الاخيرة
واسكنت ..فيني العواصف
كنت احس الدنيا صفر
تنتحر ..فيها ..العواطف
يعني راحل ؟!
كان سؤالك ورحيلك يحتويني
يرتمي داخل دموعي
تنصهر ..وبصمت.. فيني
يعني راحل ؟!
عن حياتي
عن عيوني وذكرياتي
وتارك احساسي وحيد
بين هم
وبين صورة
والف شمعة
تحترق فيني حبيبي
واحترق فيها... اكيد
كانت اللحظة الاخيرة
وكنت احس العتمة كون
واغرقت في العتمة ديرة
وفي الصدر انهار دمع
مشعبة حيل ...وكثيرة
وينها كلمة احبك
وين عهدك ...
دايما ...راح ...ابقى قربك
بعد ...تذكر والا ناسي ؟
لا تعيشني ف متاهات ومآسي
كل ما الماضي طرالي
انتشى سرب الحمام
وفي شفاهي ...تذبل ازهار الكلام
لو ..اقول اني احبك
وش يفيد ...؟
وانت راحل ..
من حكى للورد سيرة
عن صباحات ..اللقا ..
والاعن طير ...يغني ..في السما...
وكل مارددت احبك
فك من شعري ضفيرة
وكنت اشوف ..الكلمة اسطورة
وانا ..فيها ..اميرة !
ومادريت
انها قصة قصيرة ...
كنت اشوف بقربك الاحلام تحلى
وكانت الدنيا في عيني وااجد ...اجمل
كم سوالف عشق في عيني حكت ...
وبعدك انت ذكرياتي...
كلها صارت حطام
كانت اللحظة الاخيرة
ضاقت الدنيا الكبيرة
وانتهينا ...!
بس ...بقت في الصدر جملة
كانت الجملة الاخيرة
ليت ..لما ..قلت راحل ...
صرت ...انا ...طفلة ...صغيرة ...
ماتعرف الحب كله