انت السماء

[وليد السلطان]

كيف ارفعك فوق الخلايق واشيلك
والفوق تقصر هامته تحت ماطاك
انت السماء كل النواظر تخيلك
ولا السماء تشبه حبيبي مزاياك
الله رفعك وكملك عن مثيلك
كن الحسن جالك على كيف مشهاك
وين ابتدي وصفك وو ين انتهيلك
والموت شفته في طلايع محياك
يشرق جبينك شمس ويغشاه ليلك
وتغيب شمسك لا نتثر ليل ممساك
انسى جبينك عند لفحة جديلك
وأنسى جديلك عند بسمة شفاياك
ومابين هذا وذاك يالله دخيلك
عيناً سحرها حلله رب الافلاك
كن النظر من هيبتك ينحنيلك
حتى الحكي كنه على لساني اشواك
عينك بحر ولا البحر ينتميلك
ياتيهها عيونك وياطول مسراك
يابحرها ليتك تكمل جميلك
ترميني امواجك على شط مرساك


وليد السلطان

[سامي العطاوي]

وليد السلطان

صح لسانك

لاهنت

[أبوعبدالرحمن]

صح قلبك وكلك

وسلمت اناملك


تحيتي لك

[>>متعبه عسآفهآ<<]

صح لسانك لاهنت

[ظافرسعيدالسهلي]

اخوي وليد السلطان
مساء الورد
يشرق جبينك شمس ويغشاه ليلك
وتغيب شمسك لانتثر ليل ممساك
انت مبدع بحق تملك خيال واسع قصيدة تحمل مشاعر وشعر وصور رائعه جدا
صح لسانك ملايين تحياتي لك،،،،،،،،،،،