مجانين الطايف جا وقتكم لاتخذلونا

[الاهلي الراقي]

نداء الى كل جماهير الاهلي
بكرة ان شاء الله زي منتو عارفين مباراتنا مع الاتفاق
طبعاً الفريق يمر في فترة عدم توازن وهذا الوقت اللي يبان فيه معدن الجمهور الاصيل من المعدن الفالصو
اما وقت الفوز والانتصارات فبتأكيد الجماهير راح حاظرة بشكل كبير لأنهم وقتها منتشيين بالفوز والفرحة وزي كذا
رسالتي اللي بوجها بالموضوع طبعاً مي لاهل مكة ولا لاهل جدة لانو طبيعي اهل مكة مستحيل توجهلهم رسالة والاهلي عندهم خلاص لمدة كم شهر ويمكن سنة كمان حيسير اهلي مكة
واهل جدة طبعاً هم عيال النادي فالحضور وااااجب
رسالتي لعيال الطايف وماجاورها من السيل الكبير والسيل الصغير والحوية
هذا الاهلي قرب منكم
ماعاد في مشوار لجدة
المشوار تقريباً سار النص ويمكن اقل
تنزل مع السيل تلاقي الملعب على يسارك على طول مايحتاج اوصفلكم الملعب انتم ادرى
يعني الملعب ذحين ساير اقربلكم مننا احنا اهل جدة
وانا ماوجهت هذه الرسالة لاهل الطايف وماجاورها الا من الحماس اللي اشوفهم فيه اثناء حظورهم لمباريات الاهلي الكبيرة
ناس تحظرلك من قبل الظهر في استاد جدة اثناء المباريات المهمة
اما ذحين فإحنا ننتظر حظوركم المشرف في كل المباريات
وإن خذلنا لاعبين الاهلي فرجائي ان لاتخذلونا يامجانين الطايف