المساعد الشخصي الرقمي

مشاهدة النسخة كاملة : محمد السليس __النوررر يجلى الظلام


بدر المعصيري
15-02-2006, 02:36 AM
السلام عليكم=
أبو علي أقرب عند لك أعلوم يالبناخي=
أستلم أستلم=



يامحمد أبن السليس النور يجلى الظلام= وأهل المكاتيب فتشنا مكاتيبها
دامك تجي دون ربعك فا أنت ذبحك حرام= وأهل الدعايه تمسح روس أشانيبها
فيصل بن بدر العتيبي
15-02-2006, 02:45 AM
صح لسانك يابدر

في انتظار ابو علي
محمد السليس
15-02-2006, 02:57 AM
عليكم السلام ورحمة الله وبركاته

والساعه المباركه والله

واستلم لاهنت


ياخالى أن جات مابين اللحم والعظام = توزم علينا مواقفنا مواجيبها
مار انت ياناقل البندق ومال الحزام = حدد لنا شارتك وازهل مضاريبها
محمد السليس
15-02-2006, 03:04 AM
ابوبدر

عسانى ماخلا

زمان الهاجرى

ماعليك زود يالقرم

وحضورك نوماس
سلطان الشيباني
15-02-2006, 03:05 AM
ياسلام ياسلام


سجلوني متابع لاعدمناكم
زمان الهاجري
15-02-2006, 03:05 AM
بدر المعصيري و محمد السليس

شعار اكبار
دامك تجي دون ربعك فا أنت ذبحك حرام
وأهل الدعايه تمسـح روس أشانيبهـا




مار انت ياناقل البندق ومال الحزام
حدد لنا شارتك وازهل مضاريبهـا




يستحقون المتابعه


وانا متابع من قرب
بدر المعصيري
15-02-2006, 03:21 AM
حييت ياأبو علي وأستلم لاهنت =




الدرب يامحمد الليله نويناه شااام= يومٍ بعض العرب قربت محاضيبها

ترى البحر ياعتيبه له شهور وعوام= موجه يودي سفينة نوح ويجيبها
بدر المعصيري
15-02-2006, 03:24 AM
فيصل أبن بدر العتيبي
صح بدنك طال عمرك
وحياك الله ياالوافي
بدر المعصيري
15-02-2006, 03:30 AM
سلطان الشيباني
حياك الله ولاهنت
على المتابعه



زمان الهاجري
حياك الله ولاهنت
على متابعتك يالقرم
وشهادتك أعتز فيها
ولا عليك زود
محمد السليس
15-02-2006, 03:55 AM
الله يبقيك يا الخال

واستلم لاهنت


اليا دخلنا المحازه راح فيها النعام =لو توزى الروس فالاطعاس نحريبها
معروف عن ربعى الهيلا نهار الزحام = تقلط على الحرب ضامنة ٍ مكاسيبها
بدر المعصيري
15-02-2006, 04:16 AM
هالله هالله =
أستلم لاهنت=



ماودي اجرحه صيامك في نهار الصيام= شهب العراقيب حشينا عراقيبها

نعم بكم مير لا ياخذك بعض الحلام= برق العبي في المساجد من يصليبها
محمد السليس
15-02-2006, 04:35 AM
الله الله

استلم لاهنت


ان شبت النار ما شفتوا حمام السلام =شفت اكثر امة محمد منفر ٍ جيبها
مادام يبرك شعيل الهرش ناب السنام =ماهقوتى نازل الميدان يسريبهـا
بدر المعصيري
15-02-2006, 04:36 AM
أبو علي أصبحنا وأصبح الملك لله الليله
أنكمل القاف أنشالله لن عند دوام عقب ساعتين
شكر لي كل من حضر القاف والليله الوعد
تصبحون على خيرررررررر ولاهنتو الجميع
محمد السليس
15-02-2006, 04:44 AM
بأذن الله

وتصبح على خير ياخالى العزيز

وان شاء الله نتواجد الليله

وتصبحون على خير
بدر المعصيري
15-02-2006, 04:53 AM
طيب طيب=
أستلم لاهنت =



لاشبت النار طرتو مثل ريش الحمام= مامنكم اللي يسرحها ويضويبها
الخشم يفرك ليا من صار فيه العرام= وأهل المشاريب ماتصفي مشاريبها

وتصبحون على خير
محمد السليس
15-02-2006, 05:51 AM
استلم


ان شبها واحد ٍ ماهوب قد المقام = مثلك ترى ماحد ٍ منا يراعيبها
مايقلب النيه الا لابسات اللثـام = والا يجى نيته قشري يزوزيبها
بدر المعصيري
15-02-2006, 05:10 PM
أستلم=



أن كان ما الله رحمكم عند باب السلام= بعض الأوادم لك الله ماعوى ذيبها
أبك أرتفع في كلامك ياعساك الرحام= لاصبحت في ديرةٍ لاعاد تمسيبها
زمان الهاجري
15-02-2006, 10:47 PM
مازلت متابع

نعم بكم مير لا ياخذك بعـض الحـلام
برق العبي في المساجد من يصليبهـا


بدر

معنى غزير والنظره بعيده



الله الله

ومحمد


مادام يبرك شعيل الهرش ناب السنام
ماهقوتى نـازل الميـدان يسريبهـا

رد جزيل
محمد سالم الهاجري
16-02-2006, 12:11 AM
اخوي صامل الهقوات فيه شي اسمه احترررام ورجؤ احترام المتحاوريييين

اخوك برق الشمـــــــال


بدر المعصيري سجلني في صفك
محمد سالم الهاجري
16-02-2006, 12:13 AM
أستلم=



أن كان ما الله رحمكم عند باب السلام= بعض الأوادم لك الله ماعوى ذيبها
أبك أرتفع في كلامك ياعساك الرحام= لاصبحت في ديرةٍ لاعاد تمسيبها


الله الله على ها البيتين وافي يا بدر

وافي ياخوي محمد السليس


متابع اخوكم برق الشمـــــــــــال
أبوعبدالرحمن
16-02-2006, 12:16 AM
صحت قلوووبكم

وفي صفك يالسليس
بدر المعصيري
16-02-2006, 12:40 AM
الأخ العزيز/ زمان الهاجري
الله يحيك ويشرفني أنك متابع للقاف
وبيض الله وجهك ولاهنت يالوافي



الأخ العزيز/ محمد سالم الهاجري
حيت يالوافي والصف اللي تجي فيه
يرقى سنود لاهنت يالوافي





الأخ العزيز/ ابو عبدالرحمن
حييت يالوافي وصح بدنك ولاهنت
صامل الهقوات
16-02-2006, 01:42 AM
صامل الهقوات
والحشمه والكرامه للرياجيل في منتديات غرابيل ماهيب لك



والله انك ماحشمتهم بس هم حاشمينك يالمطيري ,وللاسف عوايدهم يحذفون رد اللي يبين لهم عدوهم من صديقهم
محمد سالم الهاجري
16-02-2006, 03:32 AM
يا صامل الهقوه حناا نحذف اي رد ما يطول الوجه ونت كلامك الللي طرحته موب لايق لافي المنتدى ولافي المتاابعيين اذى تبي

تقول شي في خاطرك اي شي انا موجود وبو عبد الرحمن موجود والمشرفيين كلهم موجوديين كلم اي حد منهم


اما تنزل كلام غيير لائق في المنتدى اسمحلي ياا صامل الهقوه ولاتزعل موب انت وبس اي واحد في المنتدى بينزل كلام غير لائق

او عباره تجرح الشعور نحذفهااا او بيت فيه قلة ادب راح ينحذف



اخوك برق الشمـــــــــــــال