موجود في الدنيـا ولانـي بموجـود .

[سندهم]

السلام عليكم :مساكم الله بالخير .


ياسعود صُعت القلب من غير مقصود=وخليت صلفات الطـواري اتسوقـه
لاعاد تنشدني عن الحـال ياسعـود= عبرات صدري في الكظيم امخنوقـه
ومن كثر خوفي من شماته ومنقـود= اكـن دمعـي بيـن جفنـي وموقـه
يبست اعروقي مثل مايابـس العـود= اللي التوا ساقـه ويبسـت اعروقـه
موجود في الدنيـا ولانـي بموجـود= فكري معـا شـي تعّجـز اطروقـه
والهم ياخـذ منـي اشـوي ويعـود= وصدري من الدنيا اوسـاع ٍ افتوقـه
يـازوع قلبـي كلمـا هبـت النـود=زوع الوَحَشَ ساعة تطلـق اسبوقـه
ماعاد في الدنيـا طـراوه ولافـود= ولاعاد لـي نفـس عليهـا شفوقـه
دنيا بها الشاقي بـذل كـل مجهـود= والمشكله مـن بعـد جهـده اتبوقـه
مادامـت الدنيـا لقيصـر ونمـرود= ولا لحقهـم مـن ترفهـا لحـوقـه
اللي شقا مالـه معـا ماكِتـب زود= حتى ولـو حلـو الكـرى مايذوقـه
وعن ما كِتب ماهو بناقصه معـدود= لوكانـت الحسـاد تحتـه وفـوقـه
ومن لاكسب شيمه ومن لابذل جـود= قلـه تـرا الدنيـا ختـول سروقـه
والنـاس خِلقـت للعبـاده لمعبـود= لايحسـب أنهـا للفلـوس امخلوقـه
للشاعر عبدالرحمن بن بديع الشهراني .
‫ونة القلب - أداء علي ال شقير‬‎ - YouTube (http://www.youtube.com/watch?v=lSDPgwxufyk)
أداء علي ال شقير

[>>متعبه عسآفهآ<<]

عليكم السلام ورحمة الله وبركاته ..

صح لسانه وسلمت ياسندهم ع الإنتقاء الرائع .

[سندهم]

عليكم السلام ورحمة الله وبركاته ..

صح لسانه وسلمت ياسندهم ع الإنتقاء الرائع .

__________________________________________________ __

الله يعافيك

وشكرا لك

[صحيح مسلم لكن الهم كافر]

صح لنسانك ياسندهم يسلموووووو ابداع يعطيك العافيه