والله مو عاك الاتحاد الا كانيدااااااااااا

[عميد اتحادي]

قبل مايجوني ناس يتفلسفو حقول النقاط اللي يبغو يقولوها عشان بربرة فاضيه ماابى

1-كانيدا يعاني من نقص
2 كانيدا يلعب بمحترف واحد
3-كانيدا يحتاج عناصر
والخ.....


كل هذا على عيني وعلى راسي لكن لاحظ ياعزيزي اللي في صف كانيدا انت اليوم لعبت قدام الشعله

وخاش المباراة بمهاجم واحد امام مين الشششششششعله
ايش باقي ااكثر من كده اقسم لكم بالله لو الاتحاد يلعب قدام عيال حارتنا حيلعب بمهاجم واحد
ليش ؟؟؟؟؟

هو واحد من هذي الاشياء

1- ياانه طيب الذكر مايعرف غير هذي الخطه
2- او انه محتاج احد يقله لانه مايعرف انه في شي اسمو 4-4-2
3- او انه جاي يتعلم على الاتحاد


وانا اقلكم الاجابة جميع ماذكر


داااااااائما نجد كانيدا يتفرج على الفريق يعك ويعك ويعك اللين الدقيقه 85 على اقل تقدير حتى يفكر في التغير ويالليتو يستفيد من الثلاثه تغيرات يعني انت لمن تجي تنزل لاعب الدقيقه 85 اللين يجي فاول ويخش تجي الدقيقه 87 لمن يخش ايش حيسويلك مثلا اليوم سلمان اثبت انه معلم لكن مو كل مرة تسلم الجره
كانيدا جبلنا المرض ونظراته توحي لك انه حاير من اللي بيحصل في الملعب وهو العك كله منه والحلول عنده ومايستفيد منها

اخرجت محمد نور طيب يعني بديهيا خلاص اللعب 4-4-2 من بدري مع انها كانت المفروض من بداية القاء انا مابسوي مدرب لكن اقسم بالله لو اي احد من الجمهور اليوم مسك الاتحاد كان الاتحاد فاز على الاقل 3 دخلت شافي طيب المفروض يكون على حساب مشعل وتخرج نور وتنزل الحريري وطلع فهد هجوم وخرج نايف ودخل الصبياني بس وانتهينا سهل سهل سهل جدااااااااا ياكانيدا انا نفسي اعرف ايش في فمخ دا الانسان


واللهي لانحتاج اجانب ولا دولين عشان نفوز على الشعله نقدر نفوز عليهم 5 بالموجودين لكن بشرط كانيدا مايكون المدرب

يعني اللين متى اللين متى ونحن نلعب بمهاجم واحد الليييييييييييييين الدقيقه 85 حتى امام الفرق الضعيفة


مين عاجبه الحال فيكم؟

صبرنا على كانيدا حتى مل الصبر منا الشعله نفوز عليهم 1 وابشركم هدفهم صحيح ولهم بلنتي يعني الشعله لو جيت للحق فازو علينا 2 -1


الادارة بتجيب لعيبه ليش وكانيدا حتى توظيف مايعرف يوظف لعيبته كانيدا ماعندو ابجديات التدريب والله


بعد اليوم من جد ماعاد اقدر استحمل اللي يسويه كانيدا

السبب الوحيد في ديون الاتحاد كانيدا لانه الادارة تصرف ملايين ولانستفيد من الوافدين الجدد ونستمر على منتشري ظهير ايسر ياهو معقول هل هو اعمى ام غبي

والله يافريدي انك حتشم الدكه حتشمها وحينتهي من موهبتك دا المتعجرف الغبي كانيدا زيك زي ابو عبيد والصبياني وشافي


مأساتنا الوحيده في الاتحاد كانيدا وبس واليوم اثبت فشله كمدرب

من بعد مباراتنا مع الاهلي وصاحبنا ماسوا ولا تغير وانا غاسل يدي والله مو مدرب هذا الانسان اتمنى المباراة الجايه يلغو لنا التغيرات لانه ماحنستفيد منها



مطبلين كانيدا اتفضلو انا فاضيلكم


تعالو اقنعوني :
1-ليش كانيدا مصر انه يلعب شافي ظهير ويعطيه الفرصه من البدايه
2- ليش كانيدا دائما يتأخر في التغير حتى الدقائق الاخيره
3- ليش كانيدا يلعب بمهاجم واحد حتى امام الفرق الصغيره
4-ليش كانيدا مو واثق في لاعبيه(تراه يدرب الاتحاد مو الطائي)
5-ليش سئ الذكر مايلعب ب 4-4-2 في حالة عدم نجاح خطته الغبيه

ملاحظه
اللي حيرد بادب الله يحيه واللي حيرد بقلة ادب له على حسب رده

الله يستر من مباراة الطحالب مع كانيدا انا سرت اخاف من ضمك فما بالك الاهلي والهلال وهذي حقيقه للاسف
دمتم