تيس الرحلة

[تاجر مواشي]

اغنام - ابل - دواجن - طيور

<div>
تيس الرحلة (http://www.aghnam.com.sa/vb/showthread.php?t=197926)


<font color="darkgreen"><font size="5">الســـــــــــــــــلام علـــــــــــــيكم ورحـــــمة الله وبركاته ..

اسعد الله اوقاتكم ياليمن واليسر ومن فوقكم ومن تحتكم ومن كل حته بالمسرات ..

كل منا عاش هذه القصه في ما مضى او جزء منها ..
اكيد مابه حد ما حب الرحلات وهو صغير .. اووووووه لما قالوا الشيبان رحله يا عيال .. اسعد يوم عندنا ..
ما اطول عليكم ..

القصه .. باللهجة العامية تعطي انطباعا اجمل

الجزء الاول :


ابي متغدي عيش ولبن وقده يبغى يخرج للسوق ..

.. شوفي يا بنت حمد جهزو العزبه اليوم .. بكره بنطلع رحله في الثويله ولا الحاجب الحمر .. لا اضوي الا قدكم مجهزين كل شي ..

امي : بركه غصبا زد نفصة منك ذي الرحله قد غرانك يتنفدوني قدلهم شهر من بداية العطله ..

ابي . والله من سمعش قال اني فاضي .
ها من يجهز العزبه وانا بسوق اشتري التيس .. سالم يابه بروح معك .

ابي : لا رح رضع البهم واحلب النعجه اللي بوبها مشوطر .. انه ما خلاك طراد السياكل ورى السرابيت اسهوك من حلالك ..

سالم جايني معصب . سر الله يلعن ابو ذي الغنم .. خلق الله اذا جات العطله شرو لعيالهم كور وسياكل . وحنا رضع البهم وارعى الغنم ..

الله يلعن ابوها عيشه .. قلت والله انك صادق .. انت داري ان عمي يحي شرا لعياله سياكل .. ودك نرووح نشوفها ..

قال سالم صدق .. قلت والله ..
قال :: هاسر نشوفها ..

رحنا لعيال عمي يحي . ولينهم مسكرين عليهم الحوش .. واحد منهم طالع على الحوش هاه ويش تبغون قولكم ان عندنا سياكل .. اصلا ما عندنا شي ..

سالم مشمر ثوبه وغامزه في سرواله .. وانا علي بدله النصر ( فهد في قلوبنا )
قال سالم غير خلونا نشوفها بس ..

خرج علينا عمي يحي ويش تبغون يا عيال .. قلت نبغى نقطع لنا لوز من لوزتكم .. قال عمي ها روحو العبوا مع خوانكم بالسياكل وقطعوا لكم لوز ..

لين ولد عمي يحي يصيح من على الجدر والله انهم ما يركبونها بلا بيكسرونها ..
عمي يحي يلعن ولده .انزل لك البلا والله يوم اشوفك فوق الجدر لا اكسر رجلك لعنت الله على ذا الوجه ..

غير نزل من على الجدر ولينه يوم تبارك بعد ما عطيناله علك بلونه كان في جيب سالم ..

المهم لعبنا لين قرب المغرب ويوم نسمع ولين صوت الشاص مقبل ...
سالم يصيييييح اووووووه يا ويلنا ويلاه ابي جا والبهم ما رضعناه ولا حلبنا بوب النعجه ...

غير نتسابق انا وسالم لمحواش الغنم ولين الشيبه قدهو ينزل التيس ..
والبهم يتصايح . بااع بااااااع ..