حسبي الله عليهم البريد السعودي برفع شكوى علموني كيييف

[أسواق]

البريد السعودي والله رفعوا ضغطي

جايتني طلبية على البريد السريع الممتاز (واصل) من 9 ايام والحمدالله ماعليه جمارك ولا حجزوه

انتظرت 4 ايام ماجابوها لي راح المندوب لهم قالوا مانعطيك الطرد لازم تجي صاحبة الطرد او أحد من طرفها

ثاني يوم راح اخوي لهم للفرع الرئيسي في البطحاء بعد ماطلع من المدرسة تعبووه من مكتب لمكتب كل واحد يقول روح للمكتب الي جنبي من 12ونص حتى الساعه 2 الظهر بعد التعب كله قالوا له قفل واصل تعال بكرا

راح لهم اليوم الثاني بعد المدرسة وساعة والموظف يبحث بالكمبيوتر قال ماوصلنا شيء صح انه في طرد بالموقع حق البريد بس صاحبة الاسم ماوصل على بريدها شيء قال اخوي الطرد كلامك مايدخل عقل الحين باسمها جاي موجوووود والموظفين الي قبلك اكدوا انه في كرتون وصل ودخل المستودع دور وبحث قال ماعندنا شيء هات رقمك وبكرا نتصل عليك اذا لقيناه

اتصل عليهم الوالد وهزئهم بالتلفون قال ماصارت الولد صغير يطلع من المدرسة رايح جاي عليكم وانتم مرا تضيعون الطرد ومرا تتصلون تطلبون نجي مو اول مرا تجي طرود ليش لما وصلت على الممتاز تعاملكم صار سيء رد عليه الموظف لااا الطرد موجود خلي احد يجي يستلم

وراح لهم اخوي اليوم الي بعده بعد المدرسة قال للموظف الي بواصل وين الطرد قاله روح لمكتب الثاني وراح للمكتب الثاني قاله الموظف روح للمكتب الي توك جاي من عنده مو عندي الطرد راح اخوي للمكتب الاول قاله الطرد عندك وتخليني اروح لمكاتب ثانية ترا بهذلوتنا رد الموظف عليه

كلمني بادب وباحترام خلاص مابنعطيك شيء وهو اخوي اخذ وعطا بالاخير اعطى اخوي ورقة قال روح لمكتب واصل استلم من المستودع لما راح قالوا قفلناااا تعال بكرا عاد اخوي يتكلم عن الموظف هذا احاط رجل على رجل ومغرور بصعووبة ونقاش اعطى اخوي الورقة بس من نذالته تاخر علشان واصل يقفل

اتصلت انا بنفسي على البريد السعودي اعطوني رقم للممتاز قالوا بيخدمونك لان موضوعك مو عندنا اتصلت على الممتاز ردت علي موظفة قالت دقي على البريد السعودي مو عندي موضوع الطرد

قلت لها يااختي ترى تعبتونا لا بالمكتب سلموني الطرد ولا بالتلفون اقدر اتفاهم معكم كل واحد يعطيني رقم والله بالعادي طرودي توصل ليش بالممتاز كذا بهذلة قالت يااختي مالك الا ترفعي شكوى على البريد

الحين قريتوا معاناتي مع واااصل

علموووني يااتاجرات وتجار ستي شلون ارفع شكوى والله تعبت مو عارفه مين اكلم لا المندوب نفع معهم رفضوا يستلم ان ماله دخل و لا روحة اخوي اكثر من مرا نفعت معهم ولا تهزيء الوالد نفع ولا اتصالاتي نفعت

ابي ارفع شكوى للادارة لاستهتار موظفينهم واهمالهم حتى موزعينهم ماجابوا الكرتون ماابي يرجع للمصدر كيف اتوصل للادارة ؟