تسجيل الدخول

مشاهدة النسخة كاملة : عطوني اللي عندكم في قسم الابداع ماشفت احد


سعد الحويماني
08-02-2006, 07:10 PM
شاعر عليمي جيتكم في غرابيل
توني درست الشعر عند اقصاركم


ثم جيتكم طاير وقدمت تسجيل
وحطيت لي موضوع جاكم وجاكم


ابيه ترحيبا يهز اكثر الجيل
من شان نعرف طيبكم من رداكم



من حضرتي منهو انا عين ياليل
شاعر تعلم قافيه ثم نصاكم

يطرب اليا منه سمعها مووايل
وان قاله الله بحبي انتم بلاكم


هذا هو الموجز وتبقى التفاصيل
البرق فالمنشى وانا في سماكم

وش رايكم يالربع فيه امل اكون شاعر ولا
نكسب الراحه
عوض الحربي
08-02-2006, 07:14 PM
مانت بعليمي

الا شاعر




اهلا بك ومرحبا والله



نورتنا



حضورك ابهجنا



اهلا بك بين اخوانك



قصيده رائعه



صح لسانك

(والثقه اهم شي اخوي)
سعد الحويماني
08-02-2006, 07:21 PM
عذب القوافي لك معزه وتقدير
يابن الحروب الله يعزك ويغليك
جواهر عبدالله
08-02-2006, 07:21 PM
أخي الفاضل / شاعر عليمي

أهلاً بكـ وبقلمكـ في منتديات غرابيل الأدبية

وأهلاً بهذه الموهبة الشعرية العذبة والتي ستطربنا بكل تأكيد

وأعتذر منكـ أخي لنقل قصيدتكـ هنا

لأن شروط المنتدى تستوجب المشاركة بالاسم الحقيقي

وكل ما عليكـ هو وضع اسمكـ برد هنا لكي تقوم الإدارة بتعديله لكـ

ويمكنكـ بعد ذلكـ الدخول بنفس رقمكـ السري وسيتم نقل قصيدتكـ إلى منتدى الشعر .

أكرر ترحيبي وأعتذاري ولكنها قوانين المنتدى التي تحاول أن تحفظ لكل مبدع حقوقه االأدبية .
سعد الحويماني
08-02-2006, 07:23 PM
ياناقل الموضوع وشبك عليه
فالشعر احطه تنقلونه للابداع

خطيه ياكبرها من خطيه
وين الاداره صرت في حرب وصراع
سعد الحويماني
08-02-2006, 07:30 PM
ودي اسالكم ولكن الله الله الله
فالجواب ابغى صراحه ياهل القيفاني

وشبها هذي علي جواهر العبدالله
دايم ٍ على مشاركتي كما البركاني


الله الله في الصدق
جواهر عبدالله
08-02-2006, 07:35 PM
أخوي ..

قسم خطوات نحو الإبداع مخصص للأقلام المستعارة

ومنتدى الشعر تستوجب المشاركة فيه الكتابة بالاسم الحقيقي

فإن كنت لا ترغب بالإفصاح عن اسمكـ .. فهذا هو القسم المناسب

وأعتذر للمرة الثانية .
سعد الحويماني
08-02-2006, 07:42 PM
يامشرفه

ودي يجي ردك ولو بيتين شعر مركبه
اللي اعرفه مشرفه للشعر لازم شاعره
سكوت
08-02-2006, 09:27 PM
شاعر عليمي


اي والله فيه امل كبير تكون شاعر

جمييييل جدآ

بالتوفيق انشالله


تحياتي


سكووووووووت
سعد الحويماني
09-02-2006, 02:06 AM
سكوت تشجعيك على الراس والعين
واشكرك انا يابنت شكراً جزيلي
مركد الجن
09-02-2006, 09:02 AM
انت منهو


شاعر عليمي ؟


ولا نجم صاعد


كل هذا وعليمي


كفى الله شرك


بس كلامك دوا



مووووووووووووووووووووووفق






ودك برايي بقلك انت شاعر يالعليمي

شاعر ٍ ياليت غيرك يالعليمي تقتديبك


وبصراحه بيتك اللي ذاكر ابه اسماء حريمي

ثقله اثقل من طويق وربنا العالي رقيبك



كفو

كفو
سعد الحويماني
09-02-2006, 05:46 PM
حكمك وصنك كلها اليوم تدبيل
انا اشهد انك صدق مركد الجن
من نجد تذعن لك الى مصر والنيل
كل القوافي غصب ياهن ياهن


هلااااااااااااااااااااااا ااااااااااااااااااااااااا ااااااااااااااااااااااااا اااااااااااا
وغلاااااااااااااااااااااا ااااااااااااااااااااااااا ااااااااااااااااااااااااا اااااااا
بمركد الجن تركيد


اصبر علي انت والله اللي نبي منك الراي والشور
ومرحبا بك مرحبا
ثم هلا بك ياهلا


ماعليك زود انت ما تنتاقشر تعطي فالعظم
ملاحس الغربي
الراقي في زمن الانهيار
10-02-2006, 05:57 AM
ياناقل الموضوع وشبك عليه
فالشعر احطه تنقلونه للابداع

خطيه ياكبرها من خطيه
وين الاداره صرت في حرب وصراع








السلام عليكم


اعجبني بيتك وحبيت اجاريه


هلا هلا بحروفـــك الابجديــــــــه
نورك على ذا المنتدي ياولد شاع

وعمر الحساني ماتجازى بسيــه
الياوزن لك مــد ردلــه بالصــــاع


احترامي لقلمك
سعد الحويماني
10-02-2006, 07:11 PM
هلا هلا ياهل الوفاء والحميه
اعداد مايقرون واخبار تنذاع

الوضع والحاله تراها رديه
حقوقنا تحذف وجهدي بعد ضاع
سعد الحويماني
10-02-2006, 07:12 PM
اشوف تحت اسمي 3 نجومي
وشلون جتني ياعرب علموني
عبدالناصرالعالي
13-02-2006, 09:52 PM
هاذا وانت عليمي اجل لو منت عليمي وش تبي تسووي


صح السااانك ياغااالي


دمت بالف خير


بالتوفيق
نايف الثبيتي
13-02-2006, 10:16 PM
]شاعر عليمي

والله ماهقيت انك عليمي

ولكن حياك الله من مشيت لين لفيت

وطالما انك ماتحب كثر الكلام ولا تفاهم الا بالشعر
تفضل


يالعليمي مد يمناك للجمع الغفير=كلهم صفو يجازون راع الطيب طيب
ماهقيت انك عليمي معك سيف شطير=العليمي مايرقى الى رتبة نقيب
ياجواهر هدي الوضع لاعنا يطير=اعرف ان الحر لاطار ماوقع قريب
يفرحون القوم لاواجهو شاعر كبير=والليال المقبله تكشف اللي كان غيب
]-[ بـنـ القصـيد ـتــ ]-[
14-02-2006, 07:40 PM
http://www.mowjeldoha.com/mix-pic/borders/www.mowjeldoha.com-borders-89.gif

قـلم راقــي..


وشـــاعر متمــيز ..

جاء ليتحــفنا بأجمل ماينــــزفه احســـاسه المـــرهف

أهـــلاً وسهــلاً بـكـ بيننـــا ..

وأنـــرت ساحـــة الإبداع بتــــواجدكـ..

دمتـَ لنـا ودام قلمك النـــابض..
أخـ ـتـ ـكـ..
بنـ ـووووتـ ـه

http://www.mowjeldoha.com/mix-pic/borders/www.mowjeldoha.com-borders-89.gif
سعد الحويماني
15-02-2006, 11:31 PM
الا يامرحبا باللي يسمى ناصر العالي
يصوغ القاف مامثله ابد في ذمتي شاعر

صح بدنك ياشاعر
مليون شكر لتواجدك الجميل
وشهادتك العزيزه للعليمي
سعد الحويماني
16-02-2006, 09:29 PM
سلام مني على الزوار
ولكل من مر موضوعي
سعد الحويماني
16-02-2006, 09:42 PM
مرحبا بك يالثبيتي قدركم عندي كبير
ما اعتقد يلحقك فيني شك يانايف وريب
مرحبا بك مرحبا بك سم ياحضرة امير
مانجازي من يقدم طيب الا بزود طيب
سعد الحويماني
18-02-2006, 10:00 AM
بنت القصيد الشاعره الممتازه
على مرورك نشكرك ياجميله
راحلة بسكـ ـ ـ ـ ـ ـات
23-02-2006, 02:40 AM
هلا ويامرحبابك شاااااعر إظهر وبااااان

لاحضرت كل شئ على الزايد يزيد

والشعر من يدينك تحلــــــى وزااااااان

والوكاد إنك من النوع الفرررريد

<<<<<<<<

محاولة جريئة ...للتو واللحظه !!!

ادري ماوصلت للمستوى الشعــــــر

ولكن محاااولة إنثوية بحته

دمت شااااااااعر

راحلة بسكااااااااااات
واصل اليامي
06-03-2006, 12:43 PM
شاعر عليمي

عزيزي

قصايدك ماهي بقصايد شاعر عليمي

الا شاعر مبدع


صح لسانك


والله يعطيك العافيه



في انتظار جديدك



تحياتي


الواصل
سعد الحويماني
08-03-2006, 02:06 PM
هلا ويامرحبابك شاااااعر إظهر وبااااان

لاحضرت كل شئ على الزايد يزيد

والشعر من يدينك تحلــــــى وزااااااان

والوكاد إنك من النوع الفرررريد

<<<<<<<<

محاولة جريئة ...للتو واللحظه !!!

ادري ماوصلت للمستوى الشعــــــر

ولكن محاااولة إنثوية بحته

دمت شااااااااعر

راحلة بسكااااااااااات


هلا مع مرحبا نورك علينا توماباني

اقول اليوم بزياده اقول اليوم بزياده

ابد مايشتكي حرفك لازودن ونقصاني

عطيتك مني قياده عطيتك مني قياده
عبدالرحمن بن صباح الفاضل
14-03-2006, 04:03 AM
شاعر عليمي




انت اللي فيك ترتقي النجوووم

ومنت بعليمي



الا تعلم في مستواك









صح لسانك
سعد الحويماني
14-03-2006, 11:13 PM
شاعر عليمي

عزيزي

قصايدك ماهي بقصايد شاعر عليمي

الا شاعر مبدع


صح لسانك


والله يعطيك العافيه



في انتظار جديدك



تحياتي


الواصل

اسمي عليمي وانت حطيت مبدع
وشلون ياواصل ابا اسالك وشلون



صح بدنكككككككككككككككككككك
وقلبك
ونبضك
وكل شي فيك


مليون
مره انا اشكرك واشكرك


ويالله عسا ها بس توفي
جميلك
عبدالرحمن الجبابرة
18-03-2006, 10:53 AM
الشاعر القدير : سعد الحويماني

مرحبا بك وبإبداعك




مودتي
سعد الحويماني
03-04-2006, 08:37 AM
يالله حيهم

صحت ابدانكم

وسلامي عليكم
سعد المطلق
03-04-2006, 11:27 PM
سعد الحويماني

اذا انت عليمي اجل من بقا شاعر


انت شاعر رائع بشهادة الجميع


تقبل تحياتي
سعد الحويماني
11-05-2006, 06:00 AM
هذاااا من ذوقك الراقي

يا بو بندر


صح بدنك

ولا هنت
لجللك زرعت الورد
16-05-2006, 09:23 AM
شاعر عليمي جيتكم في غرابيل
توني درست الشعر عند اقصاركم


ثم جيتكم طاير وقدمت تسجيل
وحطيت لي موضوع جاكم وجاكم


ابيه ترحيبا يهز اكثر الجيل
من شان نعرف طيبكم من رداكم



من حضرتي منهو انا عين ياليل
شاعر تعلم قافيه ثم نصاكم

يطرب اليا منه سمعها مووايل
وان قاله الله بحبي انتم بلاكم

وش رايكم يالربع فيه امل اكون شاعر ولا
نكسب الراحه


سعد الحويماني جا وين المعاميل؟
هاتوالدلال المبهره به ضيف جاكم

الكرم لنا عاده جيل (ن) بعد جيل
وصورة الفرسان في منتداكم

اكبردليل لمن يبحث لتحليل
لطيبهم ياسعد من رداهم

وان كنت ماتعرف منهم غرابيل
اسال بحور الشعرتشاور علاهم

المنتدى وصل بالشعر لسهيل
وبقمةالاسلوب تلقى عطاهم

وانا مع اني ضيف ومن غير تقليل
بالمنتدى واهله بحي معاهم

يامرحبا ياسعد من غير تعديل
لو ماتقول اسمك هلابك معاهم

قالها لي ( خالـــد) امس باليل
والله يسدد بالمحبه خطاهم

وتراني مثلك ضيف اخاف اطيل

ويقولون _ ابك ضيوفنا ويش جاهم!!