تسجيل الدخول

مشاهدة النسخة كاملة : سلام ما هبت ذعاذيع الهوا = وعداد ما هلت مزونن من نوي


نجاء بن محمد الجبيري
06-02-2006, 11:16 PM
السلام عليكم


يا شباب الله يمسيكم بالخير



سلام ما هبت ذعاذيع الهوا = وعداد ما هلت مزونن من نوي

بوش دخل بغداد والعالم سوا = واشعل حروب تاكل ضعيف وقوي
محمد سالم الهاجري
06-02-2006, 11:22 PM
الله الله طاروق مافوقه فوق وناا في صفك يا نجااء وفي انتظار القبيل

بيض الله وجهك ولله لايهينك على ذى الطارروق

متابع يا نجاء متابع


اخوك برق الشمــــــــــال
نجاء بن محمد الجبيري
06-02-2006, 11:29 PM
الله الله طاروق مافوقه فوق وناا في صفك يا نجااء وفي انتظار القبيل

بيض الله وجهك ولله لايهينك على ذى الطارروق

متابع يا نجاء متابع


اخوك برق الشمــــــــــال


السلام عليكم


هلا والله بخوي برق الشمال



وجودك في صفي شرف طال عمرك



لا خلا ولا عدم




اخيك






اجبيري
نجاء بن محمد الجبيري
08-02-2006, 01:12 AM
وين اللي بقول انا هوه اناهوه



يا شباب



تبوني امسحها اعطوني خبر اما معلئه كدا هوه مش معئول



يالله نبي واحد




تحياتي
محمد السليس
08-02-2006, 01:18 AM
بوش دخل بغداد والعالم سوا
واشعل حروب تاكل ضعيف وقوي

البيت هذا مكسور يانجاء

والمشكله المشرف يشجع

ياربي عفوك
محمد السليس
08-02-2006, 01:23 AM
يامرحبا بالبيت لو ماله لوا = مكسور مدرى لو لسانه ملتوى
الذيب في راس الجذيبه لاعوا= يموت نباح الخلا بعد العوى
نجاء بن محمد الجبيري
08-02-2006, 01:25 AM
السلام عليكم


خي الفاضل اجمل تحيه ووفاء إذا ترا فيه كسر اتمنا ان تعدله ولك فائق الاحترام



ما ادري حقيقه كيف غنيته ولكن مستعد اعدله على ما تبي وانت شمعه المنتدا والراي رايك




لا خلا ولا عدم



اخوك




الجبيري
محمد السليس
08-02-2006, 01:28 AM
سلام ما هبت ذعاذيع الهوا
وعداد ما هلت مزونن من نوي

بوش دخل بغداد والعالم سوا
واشعل حروب تاكل ضعيف وقوي

يالالاله يالالاله يالالا = يالالاله يالاله يالاله

هذا اللحن يا ابو محمد
نجاء بن محمد الجبيري
08-02-2006, 02:55 AM
السلام عليكم

انا اقول انك استاذ هههههههه


الله يعطيك العافيه


امصخن العربان بلقاله دوا = خمس على العلبا تساوت للكوي

ارفع نظركم يا محمد للنوا = ان كان في المسرى تدور للخوي
ياسر المطيري
08-02-2006, 10:58 AM
موزون وأدفع نص راتبي إذا ماهو موزون

:)




يا لالاله يا لالاله يا لالا لا . . . يا لالاله يا لالاله يا لالالا
محمد السليس
08-02-2006, 12:14 PM
اليا تواردنا على عد الروا = اخاف يدفعك الهوا ثم تهوى
المنكوى تبطى يمينه ماكوا = في كل مره يلتفت يزوا زوى
نجاء بن محمد الجبيري
08-02-2006, 08:42 PM
السلام عليكم



الله الله يا بو علي




لا طالت الطرقه يبين المستوا = ويطلع من الضميان واللي مرتوي

ماعندك الا قولت افلان غوا = كنك دليله وانت يا الصاحب غوي
نجاء بن محمد الجبيري
08-02-2006, 09:09 PM
موزون وأدفع نص راتبي إذا ماهو موزون

:)




يا لالاله يا لالاله يا لالا لا . . . يا لالاله يا لالاله يا لالالا



السلام عليكم



هلا والله باخي ياسر المطيري



ما عليك محمد يوم قراه ما كن عنده نظاره هههههههههههههه




وجودك شرف طال عمرك وتكفى امسك الصف الله لا يهينك






اجمل تحيه







اخيك






الجبيري
محمد سالم الهاجري
08-02-2006, 10:25 PM
اخوي ياسر انا موب احط راتبي على مايشدون كل الادراه حقت المنتدى اذى هو مكسور على قولة السليس


والله العظيم معاد العب قلطه في حيااتي ولا عاد العب مع اي شاعر


انا اظم صوتي مع اخوي ياسر المطيري





متابع في صفك يا الجبيري
نجاء بن محمد الجبيري
09-02-2006, 08:22 PM
محمد اعلن الانسحاب وإلا واصل

او اعتذر عن التاخير



ان من جهتي والله الخاطر ما فيه إلا التقدير ولكن اللعب له اصوله وانت تعرف

استلم




جيعان يا محمد وادور للشوا = با احطكم كبسه وباقيكم شوي

وبحط عظمك عقب لحمك في الضوا= حتى يرمد عظمكم وسط الضوي