ضيف كرســي الاعتــراف الثـــــ((3))ـــالــث .. سعـــود ..

[ناعمة]

السلام عليكم ورحمته الله وبركاته


اليوم ضيف حلقتنا

مرقبنا الكريم الغربولي


سعــــود


ومن هنا راح يجلس بالكرسي مشكوراً

http://www.ir11.com/File/1149425663.jpg


ونبدأ بالأسئلة


عاد لا تطفشون اخينا في الله


وخفوا عليه

ومثل ماقالوا يازين من سأل وخفف


هههههههههههههههههه


سعود

لاتزعل بس الفرق واضح

[متعب الهزاع]

سعود معنا حلى والله

انا احب اسالك سوال

انت مرتاح في الغربله ولا لا الصدق اخوي

[دفا المشاعر]

أهلا وسهلا بك // أخ سعود

هنا بكرسي الإعتراف

إن شاء الله تكون أسئلتي خفيفة عليك :


س1 / من هو أقرب شخص منك بمنتدى غرابيل ؟؟

س2 / ما هو مؤهلك التعليمي ؟؟

س3 / هل أنت شخص مزاجي ؟؟

س 4 / هل تؤيد معنى كلمة (( مجاملة )) ؟؟ ولماذا إن كنت مؤيدا أو غير مؤيدا لها بوجهة نظرك ؟؟

س5 / عند استلامك منصب مراقب .. ما هو شعورك ؟؟ وماهي التغيرات التي طرأت عليك من تعاملك كونك مراقب وصارم ؟

س6 / هل تؤيد السفر خارج المملكة العربية السعودية ؟؟

س7 / ما هو طبقك المفضل ؟؟

س8 / ما هو معنى الإحترام برأيك الشخصي ؟؟

س9 / بأي موقف تشعر بأنك بركان من الغضب والقهر ؟؟

عند الشعور باتهامك .. أم ماذا ؟؟

س10 / ما هو اللون المفضل لديك ؟؟

س11 / ما هي صفات شخصيتك (( عيوب ومزايا )) ؟؟

س12 / هل تحب السهر ؟؟

س13 / هل أنت شخص صبور ؟؟ وإلى أي مدى ؟؟

س14 / ما هو معنى الحرية والديموقراطية اتجاه المرأة برأيك ؟؟

س15 / اذكر موقف لك محرج أو مضحك بحياتك ؟؟


.................................................. ......................


أنتظر اجابتك على أسئلتي أخي العزيز

وبالتوفيق إن شاء الله


لك مني ودي وتقديري

أختك // دفا المشاعر

[حســـين]

ســـعـــــود
منور الكرسي

لي عودهـ

[جواهر عبدالله]

تخيل..

كنت نااااااااايم وبعد ما صحيت اكتشفت أنكـ لحالكـ

والهدووووووووووء مسيطر على المكان

كل ما تدخل غرفة تلقاها فاضية

تنادي

ما أحد يرد عليكـ

وما فيه إلا صدى صوتكـ

تفتح التلفزيون ما تحصل ولا قناة !!

تدخل النت كل المواقع لا يمكن الوصول للصفحة

والماسنجر ، لم يتم تسجيل الدخول تأكد بإنكـ متصل بالإنترنت

تطلع الشارع ما فيه ولا سيارة

هدووووووووووء

تمسكـ جوالكـ عشان تدق ما تحصل ولا رقم أو اسم بالجهاز !!

السؤال :

أوصف شعوركـ بدقة لما حصلت روحكـ وحيد بالعالم .

[ورد الجــوري]

سعوووووووووووود
هلا والله ومرحبا منور
السؤال الأول

يقال أنك شخص مرح ومحبوب
فهل المرح ظاهري ام أنه صفة متأصلة ؟؟؟
بمعنى آخر
هل ضحكك ومرحك لتخفي شيء ما عن الآخرين وأنت شخص كتوووم؟؟
احزانك في قلبك ..والمرح صورة أخرى لعمله اعمااقك ؟؟

السؤال الثاااني

لست من يدرس الشخصيات ولكن ..
حين يلعب القدر واحداث الحياة بظروف سعود
ولا مفر من الاختيار الصعب
فأي شيء ستختار لتواجه به هذه التغلبات
الضحك والمرح .. لتعيش في نظر الاخرين على صورة وااحدة ؟؟؟
أم انسان عزيز تبكي على صدره وتحكي له همك ولو مرة وااحدة في حياتك ؟؟؟

السؤال الثالث

من هو الانسان في نظرك؟؟
وحينما تُقيم شخص ما كيف يكو تقيمك له للوهله الأولى..؟؟
هل تُقيّمه بوااقع من هم حولك ؟؟أم بنظرتك انت ؟؟
بمعنى هل تصغي للآخرين وتجاربهم عند حكمك على شخص ما ؟؟؟

أم تحكم علية من منظورك انت ؟؟ وكيف يكون الحكم ؟؟؟

/
/
لك كل الاحتراام
/
ولي عوده :biggrin:
/
/
ورد

[سعود]

ومثل ماقالوا يازين من سأل وخفف


مشرفتنا الكبيره ناعمة

شكراً على اختياري

وفعلا يازين من سأل وخفف

وتحية عطره

[سعود]

سعود معنا حلى والله

انا احب اسالك سوال

انت مرتاح في الغربله ولا لا الصدق اخوي

هلا أول السائلين أخوي متعب..

أكيد مرتاح..

لو ماني مرتاح ماشفتني اتبطح في الغربله كل يوم..


لأن المنتدى يعرفني على ناس مثلك وشرواك اخوي متعب...

شكراً على سؤالك ..

وتحية عطره

[ورد الجــوري]

سؤال على الطاير :biggrin:
اللوحــــــــــة
عبـــــــــارة عن صورة قد حجزهـــــا ايطـار
ربما تكون اللوحة في عين صاحبها جميلة
وهي جزء من شعوره وأحاسيسه
أما انت فقلبك هو جزء منك
بل هو كلك ومن خلاله يراك الناس ويتعرفون عليك
السؤال ذو شقين

الاول

من هو سعود الانسان؟؟ ومتى عيناه تدمع ؟؟
وماهي أجمل لوحة قلبية لسعود لو أراد أن يرسمها بالكلمات
ويجعل اطارها صفحات منتدانا ؟؟؟ نريدها تلقائيه وهنا

الثاني

حين ترى لوحة جميله هل تحكم عليها من خلال عينيك أم من خلال ملامستها لمشاعرك ؟؟

ومن جهة أخرى
من المسيطر في رأيك على أ حكمنا التي نصدرها المظهر ام الجوهر ؟؟

/
/
دمت بخير ايها العطر
/
/
ربما لي عودة :غمزه:
/
/
ورد

[سعود]

س1 / من هو أقرب شخص منك بمنتدى غرابيل ؟؟

ج1: كل شخص يحب المنتدى ..ويحب يفيد الآخرين يكون قريب مني.

س2 / ما هو مؤهلك التعليمي ؟؟

ج2: بكالريوس ادارة عامة.

س3 / هل أنت شخص مزاجي ؟؟

ج3: لا.

س 4 / هل تؤيد معنى كلمة (( مجاملة )) ؟؟ ولماذا إن كنت مؤيدا أو غير مؤيدا لها بوجهة نظرك ؟؟
ج4: انا ارى ان المجاملة تعتمد على الموقف، فإن كانت لرفع المعنويات وللتشجيع للآخرين فأنا اول من يستخدمها، أما ان كانت نفاق محض فأنا أول من يرفضها.


س5 / عند استلامك منصب مراقب .. ما هو شعورك ؟؟ وماهي التغيرات التي طرأت عليك من تعاملك كونك مراقب وصارم ؟
ج5: ارى انها كانت تكليف وليست تشريف، وامنيتى أن أكون عند حسن الظن في هذه المهمة ، ولم يطرأ علي أي تغيير فمجموعة العمل في الغربله وانا تحت خدمة ورهن اشارة من يكتب في منتدى الصرقعه.

س6 / هل تؤيد السفر خارج المملكة العربية السعودية ؟؟

ج6: مملكة الإنسانيه غنية بطبيعتها الخلابة وبأجوائها الجميلة ، وإن كان هناك سبب قوي يستدعي السفر للخارج كالعلاج مثلا فأنا مع السفر للخارج.

س7 / ما هو طبقك المفضل ؟؟

ج7: المثلوثه بدون قرصان وجريش.

س8 / ما هو معنى الإحترام برأيك الشخصي ؟؟

ج8:هو التقدير للآخرين وإنزالهم بمنزلتهم ، وعدم غمطهم حقوقهم أو التقليل من شأنهم.

س9 / بأي موقف تشعر بأنك بركان من الغضب والقهر ؟؟

عند الشعور باتهامك .. أم ماذا ؟؟
ج9: أنا لست ممن يثأر لنفسه، ولكن شعرت بالغضب من الصحافة الدنماركية عند استهزائها بالمصطفى صلى الله علية وسلم.


س10 / ما هو اللون المفضل لديك ؟؟

ج10: الأبيض.

س11 / ما هي صفات شخصيتك (( عيوب ومزايا )) ؟؟

ج11: العيوب كثيرة جداً ، ولو كتبتها لما كفاني الوقت ،أما المزايا فقليلة ولو كتبت عيوبي لكتبت مزاياي ولكن لا اريد أن اكون ظالماً بحق نفسي.

س12 / هل تحب السهر ؟؟
ج12: لا.

س13 / هل أنت شخص صبور ؟؟ وإلى أي مدى ؟؟
ج13: اتمنى ذلك، الى حد ان اجيب على جميع اسئلتك .

س14 / ما هو معنى الحرية والديموقراطية اتجاه المرأة برأيك ؟؟
حرية المرأه انا معها اذا انضبطت بضوابط الشريعه ، أما الديمقراطيه فكلمة فضفاضه استخدامها الأصلي هو للحكم ، وهي حكم الشعب بالشعب للشعب، اما نحن المسلمون فلا نعرف ذلك بل تعلمنا من ديننا ماهو أفضل من الديمقراطية وهو (وأمرهم شورى بينهم)وجميع مايرى أهل الشورى انه في صالح المرأه فانا معه.

س15 / اذكر موقف لك محرج أو مضحك بحياتك ؟؟
ابو صحن :11ughboun تلاقين موضوع في الصرقعه بهالاسم ..هذا من اطرف المواقف واحرجها..

وأخيراً اسمحي لي اختي دفأ المشاعر أن اتقدم بالشكر على هذه الاسئلة واتمنى ان اكون وفقت في الاجابة عليها..

تحية عطره

[سعود]

ســـعـــــود
منور الكرسي

لي عودهـ


شرفت اخوي فارس

بانتظار عودتك...

تحية عطره

[سعود]

تخيل..

كنت نااااااااايم وبعد ما صحيت اكتشفت أنكـ لحالكـ

والهدووووووووووء مسيطر على المكان

كل ما تدخل غرفة تلقاها فاضية

تنادي

ما أحد يرد عليكـ

وما فيه إلا صدى صوتكـ

تفتح التلفزيون ما تحصل ولا قناة !!

تدخل النت كل المواقع لا يمكن الوصول للصفحة

والماسنجر ، لم يتم تسجيل الدخول تأكد بإنكـ متصل بالإنترنت

تطلع الشارع ما فيه ولا سيارة

هدووووووووووء

تمسكـ جوالكـ عشان تدق ما تحصل ولا رقم أو اسم بالجهاز !!

السؤال :

أوصف شعوركـ بدقة لما حصلت روحكـ وحيد بالعالم .

:blushing:

زين اني حصلت روحي.. :biggrin: <<=== تفكير إيجابي


تحية عطره

[سمووره]

حي الله سعووود

طحت ومحدش سما عليك


نوور الكرسي بجلوووسك عليه

ياهلا وغلا فيك

بصراحه انا بسألك أسئله عامه خفيفه ومهضوومه ماودي أثقل عليك بشئ أشووف بدأ الهجوم عنيف شووي والجاي اكثر خ خ خ

أستلم الاسئله

الامنية اللي تتمناها تتحقق؟


الأوقات اللي اتحب اتكون فيها وحيد؟

من الأعضاء اللي عندك عالمسنجر؟

مين أول واحد تعرفت عليه في المنتتدى؟


كم عمرك ؟

كم اخ واخت عندك؟

من أعز صديق عندك في المنتدى؟

اين تقيم؟

كم عدد افراد اسرتك الكريمة؟

ماهو ترتيبك بين اخوانك؟

هل انت شرير ولا طيب؟ خ خ خ مدري وش يبي هالسؤال

ماهو لونك المفضل ؟

ماهي هوايتك المفضلة؟

ماهي اكلتك المفضلة؟

ماهو افضل وقت عندك؟

ماهو فريقك الذي تكره؟

كم طولك؟

كم وزنك؟

ماهو اخر اختراع اخترعته؟

ماهي اهتماماتك بالنت؟

طالع على مين من اهلك؟

كم رصيد عندك بالبنك؟

كم بطاقة صراف عندك؟

هل سبق ان الفت قصه بوليسيه او رومانسيه ؟

مانوع شعرك ناعم ولا اجعد ؟ خ خ خ خ

متى اخر مره بكيت من قلب ؟

ماهو رايك بكل من:

خالد_ مازن_ مبارك_ سمووره _هجووره _ ابو عبدالرحمن _أمل بن عبدالعزيز

نصيحه توجهها لي

الف شكر والله يعينك يارب ويساعدك وعساك عالقوووه ان شاءالله

انبسط ماراح ارجع لك مرتن ثانيه رحمة فيك

[سعود]

السؤال الأول

يقال أنك شخص مرح ومحبوب
فهل المرح ظاهري ام أنه صفة متأصلة ؟؟؟
بمعنى آخر
هل ضحكك ومرحك لتخفي شيء ما عن الآخرين وأنت شخص كتوووم؟؟
احزانك في قلبك ..والمرح صورة أخرى لعمله اعمااقك ؟؟

الجواب الأول :
ليس لدي ماأخفيه ، فأنا احب الوضوح والصراحه ،وأحب أن اتعامل بطبيعتي وعلى سجيتي.

السؤال الثاااني

لست من يدرس الشخصيات ولكن ..
حين يلعب القدر واحداث الحياة بظروف سعود
ولا مفر من الاختيار الصعب
فأي شيء ستختار لتواجه به هذه التغلبات
الضحك والمرح .. لتعيش في نظر الاخرين على صورة وااحدة ؟؟؟
أم انسان عزيز تبكي على صدره وتحكي له همك ولو مرة وااحدة في حياتك ؟؟؟

الجواب الثاني : الصراحه انني سأواجه هذه الظروف، وسأعمل على تطويع هذه الظروف ، وكل شيء بقضاء الله وقدره، اما التباكي والكتمان فليس من طبعي انا احب الصدق والوضوح .

السؤال الثالث

من هو الانسان في نظرك؟؟
وحينما تُقيم شخص ما كيف يكو تقيمك له للوهله الأولى..؟؟
هل تُقيّمه بوااقع من هم حولك ؟؟أم بنظرتك انت ؟؟
بمعنى هل تصغي للآخرين وتجاربهم عند حكمك على شخص ما ؟؟؟

أم تحكم علية من منظورك انت ؟؟ وكيف يكون الحكم ؟؟؟

الجواب الثالث:
انا لست ممن يعطي تقييم الآخرين بالاً واسعاً، أو يهتم بما ورائهم ، بل احاول أن اكون بسيطاً في تعاملي مع الآخرين ، ولايهمني كثيراً تقييم الآخرين لهم ، بل مايهمني بالدرجة الأولى هو ما أواجهه انا منهم ، فالآخرين ربما يعادون انساناً ناجحاً لانه ناجح فقط ، وبالتالي اخسره انا بمجرد اعتمادي على تقييمهم له قبل أن اجربة انا او اتعامل معه .

ورد الجوري شكرا لأسئلتك الجميله والرائعه

تحية عطره

[سعود]

من هو سعود الانسان؟؟
هو ذلك الإنسان الذي ولد..ويعيش ..وسيموت :11ying:

ومتى عيناه تدمع ؟؟
عندما يبكي :11ying:

وماهي أجمل لوحة قلبية لسعود لو أراد أن يرسمها بالكلمات
ويجعل اطارها صفحات منتدانا ؟؟؟ نريدها تلقائيه وهنا

هي صوره لقلبي يحمل بين طياته اعضاء المنتدى جميعاً تزينهم ابتسامة جميله :huglove:


حين ترى لوحة جميله هل تحكم عليها من خلال عينيك أم من خلال ملامستها لمشاعرك ؟؟

اللوحات الملموسة لن تلامس المشاعر حتى اراها بعيني ..

ومن جهة أخرى
من المسيطر في رأيك على أ حكمنا التي نصدرها المظهر ام الجوهر ؟؟
لايجب اهمال احدهما على حساب الآخر..حتى ولوكان احدهما لايعكس الصورة الحقيقية ،فيجب مراعاة الجانبين .


ورد الجوري انتظر عودتك الثالثه ..بل اتمناها

تحية عطره

[سعود]

الامنية اللي تتمناها تتحقق؟

ان يدخلني ربي الجنه ......هذا اقصى مااتمنى.

الأوقات اللي اتحب اتكون فيها وحيد؟

اذا ماكان احد عندي <<== غصب يعني

من الأعضاء اللي عندك عالمسنجر؟

كثير

مين أول واحد تعرفت عليه في المنتتدى؟

ابوعبدالرحمن


كم عمرك ؟

قبل السؤال والا بعده؟؟

كم اخ واخت عندك؟

كثير ((رب أخٍ لك لم تلده امك)) ..

من أعز صديق عندك في المنتدى؟

كلهم غاليين والله.

اين تقيم؟

في بيتي

كم عدد افراد اسرتك الكريمة؟

خمسة ..

ماهو ترتيبك بين اخوانك؟

الثالث

هل انت شرير ولا طيب؟ خ خ خ مدري وش يبي هالسؤال

فيمَ الخصام وانت الخصم والحكمُ ..

ماهو لونك المفضل ؟

سبق الاجابة عليه

ماهي هوايتك المفضلة؟

الرد على الاسئلة الكثيرة

ماهي اكلتك المفضلة؟

سبق الاجابة عليه

ماهو افضل وقت عندك؟

وقت النوم

ماهو فريقك الذي تكره؟

اكره ان اكره احد..

كم طولك؟

179

كم وزنك؟

79

ماهو اخر اختراع اخترعته؟
الاجابة على الاسئلة بسرعه

ماهي اهتماماتك بالنت؟
متابعة صرقعه غرابيل.

طالع على مين من اهلك؟

عليهم كلهم >>>كوكتيل

كم رصيد عندك بالبنك؟
مايكفيني لأعيش

كم بطاقة صراف عندك؟

ثلاث وبطاقة أحوال واحده

هل سبق ان الفت قصه بوليسيه او رومانسيه ؟
لا

مانوع شعرك ناعم ولا اجعد ؟ خ خ خ خ

حار صيفاً ، بارد شتاء

متى اخر مره بكيت من قلب ؟ كثير...

ماهو رايك بكل من:

خالد_ مازن_ مبارك_ سمووره _هجووره _ ابو عبدالرحمن _أمل بن عبدالعزيز

كل واحد منهم عزيز على قلبي ..واتمنى لهم ولجميع الأعضاء كل خير .

نصيحه توجهها لي

انك ماتكثرين اسئلة لأي واحد يجلس بعدي لاني تعبت وانا اجاوب..وشكرا على اسئلتك

تحية عطره

[ورد الجــوري]

لن أخيب امنيتك
وها أنا أعود ........ :blushing:

قرأتُ أجاباتك فأدركت أنك تهوى الصراحة
تحبها تعشقهــــــــا
ولكن تحب المراوغة في كل ما يكشف شخصيتك :icon_sad:

ستسألني أنت بدورك كيف اراوغ وكيف أكون شخص صريح ؟؟؟
وسأجيبك كل وااحد منا في داخله شمعة وفتيلها دائما يضيء
ولكن إن كثُر الهوى اوشتدت الرياح سوف تنطفيء
وأن حاولت حمايتها وضممتها انطفأت....

فالسؤال بعد اجااابتي
هل بالفعل كنت تتمنى عودتي ولم ؟؟؟؟
رغم أن كثر الاسئله هو الريح
الذي قد تؤذي الشمعة ؟؟؟

والسؤال الاخير

ماهو عيب كل مما يلي من خلال متابعتك لهم في المنتدى وبصرااحة
/
سمورة
أهداب
مازن
ميتو
ورد الجوري
خالد
مبارك
ابوعبدالرحمن
/

امنح كل اسم من الاسماء السابقة لقب تراه يليق علية

/
/
داام صفاء قلبك
/
/
ولا تتمنى عودتي :biggrin:
/
/
ورد

[سمووره]

ماهو اخر اختراع اخترعته؟
الاجابة على الاسئلة بسرعه

ههههههههههههههههههههههههه ه

ياسلااام عليك وعلى هالاختراع لا تنسى تعطي هالاختراع الي بيقعد بعدك على كرسي الاعتراف

شكرالك ياسعوود الله يعافيك

[مهاجرة بإحساس]

ههههههههههههههههههههههههه ههههههههااي
سعود انت هنا :خجل:
ايو الله صدقت سموره
طحت ومحدش سما عليك :نأ:


1- اسمك الرباعي ؟
2- وين مسااهم << لزوم يكون ثاني سؤال لأن الاسهم فاكهة الموسم :خجل:
3- وش نوع سيارتك؟
4-كم المساافه بين بيتكم ومقر عملك ؟؟
5-احلى يوم عندك؟
6- وش احسن مدينه عندك ؟
7-مدينه تتمنى تساافر لها ؟؟؟
8-مارأيك بكل من :

أ-ابو جاسم
ب-ابو جاسم
ج-هجوره
د-ابو جاسم
هـ-ابو جاسم :نأ:

9-وش اول شي تسويه اول ماتدخل غرفتك؟
10-عندك تلفزيون بغرفتك ودش؟
11-وش احسن قناة؟؟
12-هل قد ارسلت Sms للقنوات ؟
13-هل انت مشارك بمنتديات ثانيه ؟
14-كم غرفة ببيتكم ؟؟ وكم حمام وانت بكرامه والقاارئين ؟؟
15-كم عدد المتصلين بماسنجرك وكم هم المحظورين :غمزه: ؟
16-من اخر من ارسل لك رساله خاصه ؟
17-من تسمع له من الفنانين؟
18-تحب خـــــــــالد؟
19-وش شعورك لو بعد هالسنين ذي يقولون انك دنماركي؟
20-ودك ارجع اسألك؟؟


هجـــــــــــ:نأ:ـــــــــ ــووره

[فيصل بن بدر العتيبي]

اولا شي حمدا لله على سلامتك

ثانيا عندي سؤالين خفاف :11ughboun

السؤال الاول/ ضع نفسك على كرسي وزير الخدمة المدنية ماذا ستفعل ؟

السؤال الثاني / ضع نفسك على كرسي رئيس هيئة الامر بالمعروف والنهي عن المنكر ماذا ستفعل ؟

تقبل فائق تقديري واحترامي

[أبوعبدالرحمن]

منور ياراعي المثلوثه


ولي عوده تليق بك

[بـــشـــرى]

حياك اللــه أخي .. سعود

على الكرسي

وحبيت أسألك

مامدى تصديقك للأقاويل

وهـل أنت مـن الأشخاص الذين يصدقون مايقال لهم

بسهوله

قد تكون لي عوده

أختك .. بشرى

[*أهداب*]

س7 / ما هو طبقك المفضل ؟؟

ج7: المثلوثه بدون قرصان وجريش.

س /هل تصلح المثلوثه بدون قرصان وجريش.........؟


*********
س2/


س12 / هل تحب السهر ؟؟
ج12: لا.

http://up3.w6w.net/upload/08-02-2006/w6w_2006020805053773eedb40.gif


http://up3.w6w.net/upload/08-02-2006/w6w_20060208045917993f1b17.JPG

http://up3.w6w.net/upload/08-02-2006/w6w_200602080400398ccf8497.JPG


بالجرم المشهوود ............الساعة كم .........وانت متصل ياللي ماتحب السهر..؟؟؟




سعود ..... :11eatdrop ....ترى هذه اسئلة جواب عليها ..؟؟؟؟؟؟؟؟؟؟؟

































****************
فقط للـــــــــــــــــــ سعود



الامنية اللي تتمناها تتحقق؟

ان تدخلني ربي الجنه ......هذا اقصى مااتمنى

ظلل سعود...........
أقصى ما يتمنى المؤمن رؤية وجهه ربه الكريم

[سعود]

هل بالفعل كنت تتمنى عودتي ولم ؟؟؟؟
رغم أن كثر الاسئله هو الريح
الذي قد تؤذي الشمعة ؟؟؟

بالتأكيد..اتمنى عودتك..لان اسئلتك ليست كالريح ،ولكن كالعطر الذي تفوح منه زكية يعبق بها المكان ،فتضفي لضوء الشمعه رونقاً وجواً مفعماً بالود والصفاء..

والسؤال الاخير

ماهو عيب كل مما يلي من خلال متابعتك لهم في المنتدى وبصرااحة
/
سمورة
أهداب
مازن
ميتو
ورد الجوري
خالد
مبارك
ابوعبدالرحمن
/

امنح كل اسم من الاسماء السابقة لقب تراه يليق علية

لا احب الغوص في عيوب الآخرين ..ولكن احب التعمق في محاسنهم ، وكل واحد منهم قريب لقلبي.


تحية عطره

[سعود]

شكرالك ياسعوود الله يعافيك


ههههههههههههههههههههههههه هههههه


الله يعافيك ياسموره

تحية عطره

[سعود]

1- اسمك الرباعي ؟
سعود ولد ابو سعود ولد ابو ابو سعود ولد ابو ابو ابوسعود. :biggrin:

2- وين مسااهم << لزوم يكون ثاني سؤال لأن الاسهم فاكهة الموسم
مساهم في اعمال الخير ان شاء الله.

3- وش نوع سيارتك؟
كابريس

4-كم المساافه بين بيتكم ومقر عملك ؟؟
نص ساعه اذا فيه زحمه ،وساعه ونص اذا مافيه زحمه. :11ughboun

5-احلى يوم عندك؟
يوم الجمعه.

6- وش احسن مدينه عندك ؟
الرياض ومكه.

7-مدينه تتمنى تساافر لها ؟؟؟
جديدة عرعر. :110:


8-مارأيك بكل من :

أ-ابو جاسم
ب-ابو جاسم
ج-هجوره
د-ابو جاسم
هـ-ابو جاسم

كل الخمسه اللي قلتهيم عينين في الراس. :blushing:


9-وش اول شي تسويه اول ماتدخل غرفتك؟
اشغل اللمبه.

10-عندك تلفزيون بغرفتك ودش؟
نعم.

11-وش احسن قناة؟؟
المجد.

12-هل قد ارسلت Sms للقنوات ؟
لا.

13-هل انت مشارك بمنتديات ثانيه ؟
لا.

14-كم غرفة ببيتكم ؟؟ وكم حمام وانت بكرامه والقاارئين ؟؟
والله ماقد عديتهم.

15-كم عدد المتصلين بماسنجرك وكم هم المحظورين ؟
والله مابعد فتحته.

16-من اخر من ارسل لك رساله خاصه ؟
اشوف عندي رسايل بس مابعد فتحتها لاني جالس ارد على اسئلتك الكثيره.

17-من تسمع له من الفنانين؟
جورج قرداحي. :biggrin:

18-تحب خـــــــــالد؟
اموووووووت فيه....من خالد؟؟؟ :يمه:

19-وش شعورك لو بعد هالسنين ذي يقولون انك دنماركي؟
اقاطع نفسي. :biggrin:

20-ودك ارجع اسألك؟؟
نعم.

الحمد لله انتهت الاسئله ..شكرا هجورتنا ..

وتحية عطره

[سعود]

السؤال الاول/ ضع نفسك على كرسي وزير الخدمة المدنية ماذا ستفعل ؟

بقوم من الكرسي ، اخاف يجي الوزير يلاقيني جالس على كرسيه :biggrin:

بصراحه بحاول اعمل جاهداً على توظيف الشباب والشابات الباحثين عن اعمال،وتحسين مستوى التوظيف ،ومحاوله الرقي بالقوى البشريه في مجال العمل،والتوظيف.


السؤال الثاني / ضع نفسك على كرسي رئيس هيئة الامر بالمعروف والنهي عن المنكر ماذا ستفعل ؟
بشكر ابائي العاملين في الهيئة ،وبطالب العاملين معي بحسن التعامل مع الجمهور ،والأمر بالمعروف..المعروووووف.


شكرا فيصل على الاسئلة الخفيفة

تحية عطره

[سعود]

منور ياراعي المثلوثه


ولي عوده تليق بك


ههههههههههههههههههههههههه ه
ههههههههههههههههههههههههه

هلا والله ابو عبدالرحمن ..والحمد لله على السلامه مره ثانية .

وانا بانتظار عودتك.

تحية عطره

[سعود]

مامدى تصديقك للأقاويل

وهـل أنت مـن الأشخاص الذين يصدقون مايقال لهم

بسهوله

لا ..انا لست من النوع الذي يصدق كل مايقال .

شكرا بشرى على سؤالك

تحية عطره

[سعود]

س /هل تصلح المثلوثه بدون قرصان وجريش.........؟


تجنن ياأهداب...جربيها وراح تدعي لي.. :biggrin:


بالجرم المشهوود ............الساعة كم .........وانت متصل ياللي ماتحب السهر..؟؟؟

ههههههههههههههههههههههههه ههه
ههههههههههههههههههههههههه ههه


بالدليل بعد :blushing:

بس وش دراك يمكن نايم بدري وصاحي اربع ونص الفجر :biggrin:

او يمكن ماجاني نوم بعد ماقريت الاسئله اللي يبي لها واحد يواصل اسبوع ماينام عشان يجاوب عليها :biggrin:

او يمكن الساعه في جهازك مو صحيحه :biggrin:

او يمكن سهر هاليوم حاله شاذه بالنسبة لي :biggrin:

يعني لازم تدورين لي تسعه وتسعين عذر ..

واذا حصلتي تسعه وتسعين عذر المفروض تسمحين لي

واذا ماحصلتي المفروض تلومين نفسك انك مالقيتي لي عذر :biggrin:


شكرا لك ...

تحية عطره

[أمل عبدالعزيز]

,
,
,
,

هلا وغلا فيك ياسعود

وبصراحة الكرسي نور

وصار كرسي كهرباء مع أسئلة ورد الجوري والسمورة والهجورة
فمشان هيك

ماودي أكثر عليك وأتعبك

مامدى استفادتك من النت .... ولاتقول لي( معرفة الأصدقاء) لا

أبي غيرها

والله يعينك وشد حيلك والشدة بالله شوف كيف محاصر من كل الجهات

تحيتي لك ونورت الحتة مرة تانية

[الأميرة الناعمة]

سعود

الف مبرووووووووووك على الكرسي

اخيرا جلست << تفرك ايدينها من الشر :biggrin:

عندي سؤال صغنطوط

وش رايك في هذه الجملة

الحب بسمة و عبده :biggrin:

و متى اخر مرة شات مارودنا في الثمانينات:احم:

[أطيــــــــــاف]

أول شيء مبروك على الكرسي
وثانياً ابسألك مجموعة أسئلة ان شاء تكون بسيطة,,,,,

س1: ما هو الإنترنت بالنسبة لك ، وما دوره في حياتك ؟
س2: ماذا لو.....منحت لك أمنية وحيدة، ماذا ستكون هذه الأمنية؟
س3: من هو مثلك الأعلى ؟
س4: ماهية حكمتك في الحياة ؟
س5: من هو العضو بنظرك يستحق هذا اللقب :
قلب المنتدى :
صاحب الإبداع في الكلمة :
ذو القلب الواسع :
الصريح :
ذو الإحساس المرهف :
كاسر الحواجز :
س6: موقف لا تنساه حصل لك بين جدران المنتدى وتريد البوح به ؟
س7: ماذا لو واجهك احد الأعضاء بصراحته وكانت صراحته تجرح مشاعرك فماذا ستفعل ؟

ويعطيك العافية

[نــدى الورد]

اعضاء افتقدت لهم كثيرااااا ؟؟؟؟

هل فقدت المنتديات بنظرك مصداقيتها ؟

2- كم ساعه تجلس بالنت؟

3- من الذي اخبرك إنك على كرسي الأعتراف؟

س3- ما ذا يعني لك غرابيل

وسلامتك.....

[بـــشـــرى]

هـل أنت مـن النوع المتسامح ؟

[ناعمة]

خفوا على الرجال يابنات

<< راحمته بقوة

[بنت السعوديه]

متابعه

[المملوووحة]

ههههههههههههههههههههههههه ههههههههههههههههههههههههه ههههههههههههههههههههههههه ههههه

يازينك انت وردودك

منووووووووووووور الكرسي يابو صحن

[مازن]

سعود

بصراحه استمتعت بالأجوبة كمل ونحن خلف الشاشة نتابعك

ولكن عندي كم سؤال بما إني راد راد

1- هل تتفق معي إن فية بهالمنتدى أشخاص مرضى نفسانيين

2-كم مفتاح بمداليتك

3-هل انت من النوع عندما تروح مناسبة تتعطر ام لا

4- هل فية عضو أو عضوة نفسك تغير النك نيم تبعه؟ ومن هو إن أستحب

5- هل في بالك أن تطور قسمك ام حاليا يعتبر جيد

6- هل أنت عندك محفظة بالأسهم ام لا

وفي الختام أسأل الله ان يعطيك على قد نيتك يابطل

[سعود]

احبتي في الله


اعتذر عن الاجابات مؤقتاً


لان الوالده العزيزه نقلت صباح امس الى المستشفى

وهي الآن في العناية المركزة


وتحتاج الى دعواتكم


خاصة في هذا اليوم الفضيل


دمتم في حفظ الرحمن


تحية عطرة

[سماهيير]

الله يشفيها اخوي سعود
ان شاء الله تقوم بالسلامه وتنور بيتكم يارب

[محمد الشمري]

الله يشافيها يارب

بس بعد ماترجع عندي اساله لك تجهز بس
هع
هع
هع

[بنت السعوديه]

الله يشفيها ويقومها بالسلامه

[خيال مآتا]

لاحول ولاقوة الا بالله

الله يشفيها ويقومها بالسلامه

[أطيــــــــــاف]

الله يشفيها ويقومها بالسلامه

[بنت الريف]

الله يشفيهاااااا ياااااااااارب

ويطمئنكم عليهاااااااااااااا

أختكم

بنت الريف

[دفا المشاعر]

الله يشفيها اخوي سعود
ان شاء الله تقوم بالسلامه وتنور بيتكم يارب


وبأكون متابعة فقط لك دون أسئلة

أختك // دفا المشاعر

[ناعمة]

الله يشفيها يارب

[ليالي الشوق]

سعوود

الله يشفيها ياااارب ويقوومها بالسلااامه

وتنوور بيتها إن شاء الله

[فارس غرابيل]

أسأل الله العظيم رب العرش الكريم ان يشفيها

أسأل الله العظيم رب العرش الكريم ان يشفيها

أسأل الله العظيم رب العرش الكريم ان يشفيها

الله يخليها لكم يارب ويطول بعمرها ويكشف ضرها يارب

الله يفرح قلوبكم بدخلتها عليكم ويخليها لكم

[نــدى الورد]

الله يشفيهاااااا ياااااااااارب

ويطمئنكم عليهاااااااااااااا

امييييييييييييييييييييييي ين يارب العالمين

[*أهداب*]

نسأل الله لها الشفاء ..والبراء مما أصابها
اللهم رب الناس مذهب الباس اشف انت الشافي لا شفاء الا شفاءك
امسح الباس رب الناس بيدك الشفاء لا كاشف له الا انت ........

اسال العظيم رب العرش العظيم ان يشفيها ..........
دعوات صادقة من القلب في ظهر الغيب ...............لوالدتكم الكريمة ..........

[كليوباترا]

اللهم رب الناس مذهب الباس اشف انت الشافي لا شفاء الا شفاءك
اللهم رب الناس مذهب الباس اشف انت الشافي لا شفاء الا شفاءك
اللهم رب الناس مذهب الباس اشف انت الشافي لا شفاء الا شفاءك
اللهم رب الناس مذهب الباس اشف انت الشافي لا شفاء الا شفاءك



ربي يشفي والدتك ان شاء الله..


ودي اغثك بالاسئله بس الحين خلاص

بس جيت اسلم عليك ..

تحياتي

كيبوو

[صالح الروقي]

الله يشفيها يارب

ويجعله طهووووووووووووووور لها ان شاءا لله


ولك مودتي

الروووووووووووقي

[سعود]

مامدى استفادتك من النت .... ولاتقول لي( معرفة الأصدقاء) لا

أبي غيرها


تعلمت الطباعه :biggrin:

شكرا على مرورك ياأمل

تحية عطرة

[سعود]

وش رايك في هذه الجملة

الحب بسمة و عبده


جملة مفيده :biggrin:





و متى اخر مرة شات مارودنا في الثمانينات


عام 2002م :biggrin:


حساسه شكرا على مرورك العطر

تحية عطرة

[سعود]

همس


أول شيء مبروك على الكرسي
وثانياً ابسألك مجموعة أسئلة ان شاء تكون بسيطة,,,,,

س1: ما هو الإنترنت بالنسبة لك ، وما دوره في حياتك ؟
ج1 : ثورة معلوماتية في عصر يتسم بالسرعة.


س2: ماذا لو.....منحت لك أمنية وحيدة، ماذا ستكون هذه الأمنية؟
ج2 : سبق الإجابة عليه.

س3: من هو مثلك الأعلى ؟
ج3 : الرسول صلى الله عليه وسلم.

س4: ماهي حكمتك في الحياة ؟
ج4 : إعمل لآخرتك كأنك تموت غداً ... واعمل لدنياك كأنك تعيش ابداً.

س5: من هو العضو بنظرك يستحق هذا اللقب :

قلب المنتدى :
ج5 : أبو عبدا لرحمن

صاحب الإبداع في الكلمة :
مغربل

ذو القلب الواسع :
أمل بنت عبدالعزيز

الصريح :
خالد + فارس غرابيل + أهداب

ذو الإحساس المرهف :
سعد جمعه :blushing:

كاسر الحواجز :
هادي صوعان :biggrin:

س6: موقف لا تنساه حصل لك بين جدران المنتدى وتريد البوح به ؟
ج6 : لا أستطيع البوح به إلا بعد موافقة صاحبه.

س7: ماذا لو واجهك احد الأعضاء بصراحته وكانت صراحته تجرح مشاعرك فماذا ستفعل ؟
أتقبلها بكل رحابة صدر إن كانت صحيحة .. ولا أعيرها أي إهتمام إن كانت غير ذلك.

ويعطيك العافية
ويعطيك انتِ العافية.

تحية عطرة

[سعود]

ندى القمر


س1 : أعضاء افتقدت لهم كثيرااااا ؟؟؟؟
ج1 : كثيرون.



س2 : هل فقدت المنتديات بنظرك مصداقيتها ؟
ج2 : لا ..لم تفقد مصداقيتها ..ولكن من يكتب فيها يختلفون في مصداقيتهم .

س3: كم ساعة تجلس بالنت؟
ج3 : تختلف من يوم لآخر.

س4: من الذي اخبرك إنك على كرسي الأعتراف؟
ج4 : ناعمة..أرسلت لي رسالة تقول لي: جاك الموت يا تارك الصلاة.

س5- ما ذا يعني لك غرابيل.
ج5: اسم منتدى أحبه كثيراً.

وسلامتك.....


الله يسلمك


تحية عطرة

[ناعمة]

س4: من الذي اخبرك إنك على كرسي الأعتراف؟
ج4 : ناعمة..أرسلت لي رسالة تقول لي: جاك الموت يا تارك الصلاة.




ههههههههههههههههههههههههه ههههههههههههههههه
ههههههههههههههههههههههههه ههههههههههههههههه
ههههههههههههههههههههههههه ههههههههههههههههه
ههههههههههههههههههههههههه هههههههههههههههه
ههههههههههههههههههههههههه هههههههههههههههه

<< ودك شايفها وهي ترسل لك

خخخخخخخخخخخخخخ

[اللـــــيث]

سعودي

يا هلا وغلا بيك منور الكرسي

ولي رجعه ان شاء الله بدستة اسئله ...

[اللـــــيث]

الله يشفيها ويقومها بالسلامه

[سعود]

بشرى


هـل أنت مـن النوع المتسامح ؟

نعممممممممم



حتى انهم يسموني ابو الوجه السموحي :biggrin:



تحية عطرة

[سعود]

ناعمة

خفوا على الرجال يابنات

<< راحمته بقوة





<<== تقتل القتيل وتمشي في جنازته


خخخخخخخخخخخخخخخ


الحين مجلستني على الكرسي وتقول ارحموووه



مشكورة ياناعمة على هيك مرور ناعم



تحية عطرة

[سعود]

بنت السعودية



متابعة


تابعي يمكن اقفل نسبة

خخخخخخخخخخ



مشكورة على هيك متابعة



تحية عطرة

[سعود]

المملوحة


يازينك انت وردودك

يازينك انت ومرورك :biggrin:


تحية عطرة

[الأنامل الذهبية]

يامرحبا...

شحالك اخبارك .....

تراه الاسئله طويله ...

يلا مع ليش تحملني شويه اعرفك وسيع صدر وطويل بال ..

<<= تقردنه علشان مايعصب عليها او على هاالسؤالات......هع هع

مالك مفر ....ابهريك هراي بالاسئله

يلااا جالك المطر يزخ زخ عليك بنشوف تتحمل ولا ...

انا بسأل وانت جاوب وراي



* هل كنت تتمنى من قبل بان يتم استضافتك في كرسي الاعتراف؟

* هل العلاقه بنظرك تكون صادقة بين الاشخاص الذين يتم التعارف بينهم من خلال النت؟ وان مايقال من كلام

بينهم اساسه حقيقي وصريح او مبطنه بالـ...؟.<<= افهمها عاد

*مارأيك بالتعارف ان صح المسمى بين الشاب والفتاة عبر النت....وان كانت
العلاقه سطحيه ولاتتعدى الحوارات فيما بينهم مواضيع عاديه لاتمس الحياء ولا تتجاوزحدود القواعد العامة للأدب والقيم؟ وماهي الفكرة المتكونه لديك عن هؤلاء الاشخاص؟

* وش هو المشروب المفضل لديك, واذا كان عصير باي نكه تفضله ؟

* دايم ترتدي الثوب اوتبدل اكثر؟واذا كنت تبدل... الفنايل و الشيرتات تبعولك والبناطيل كلهم على بعضهم كم سحاب فيهم؟ ...<<= هع هع

* هل انت شخص كتوم بطبعك ؟ تحافظ على اسرار الغير؟

* هل تشكو من عقدة معينه قد تكونت لديك منذ الصغر اوحتى بعده ,من شئ ما او مكان ما ؟

* اذا اردت ان تقوم بعمل ما هل تدرسه تخطط له مسبقا ام تفضله يكون ارتجاليا وتلقائي؟

* لديك موهبه تميزك عن غيرك قد منحها الله لك ؟ واذاعندك وش هي؟

* اتعاني من مرض مزمن يلازمك طول عمرك؟ بعيد الشر عنك وعن القراء

* وش هو برنامجك المفضل؟ <<= يرحم والديك لاتقول لي مواهب وافكار ...هع

* وش تحب اكثر رحلات- البحر- او البر- ولا الحديقة والمزرعة –

*ما رايك بالرجل الذي يمانع عمل المرأة اواكمال دراستها الجامعيه بحجة ان

تبقى تخدم وتهتم بزوجها وبيته فقط اويخرجها من الجامعه بعد زواجها

<<= هذولا الأنانيين ودي اصقع خشته بالقاع واشوته اليما يقول بس

* متى تكرة نفسك وتتمنى لو انه بمقدورك معاقبتها لعاقبتها؟

* هل مازلت مواصلا لتلك الفكرة الرائعة والمحاولات الجميلة لكي تصبح يوما ما إماما لمسجد ؟

<<= مع امنياتي القلبية لك بالوصول لتلك الغايه

* وش لون جدار غرفتك والأرضية ؟

* مارايك باهتمامات شباب ذا اليومين؟.. (البنات والورعان)

* وش تحب اكثر عمومتك وعيلانهم , او خوالك وعيلانهم ؟

* هل هنالك شخص تشعر بانه يفهمك ويستوعبك؟

* هل قد مرة شفت ام السعف والليف؟او ام القمل والصيبان؟ ويوم شفتها هل خفت منها؟..هع هع
<<= وش له رازتن ذا لسؤال ما لامه داعي..

* اسم القصة التي اثرت فيك لما كنت صغير وكنت تحبها؟ وكنت تقلد بطل هالقصه؟

*بما ان سب الرسول واهانته من قبل الحاقدين (بقرة اوروبا المدلله الدانمارك

واختها النرويج الإمعه )برسوم كاريكاتورية ...

من اهم الاحداث في هذا الوقت..فماموقفك من ذلك؟...

..هل تؤيد المقاطعه للمنتجات والصناعات الدانماركيه والنرويجيه...

*.... هل ياترى في احد ثقلها وياك واسئلته كانت واجدة.؟ <<= ماأتوقع هع ..

تاشكورات على طولت بالك.. هع.. والترويقه يارايق...هع هع

ولي عودة... واذا ماودك مايردك الا لسانك...

تحياتي الذهبية ...

دومتا ساليما غانيما..

[روعــة]

سلام

عندي سؤال واحد

وشوي خيالي

لو كنت تطير كان وين تروح ؟؟ جاوب حسب فهمك لسؤال

و يمكن ارجع

[ناعمة]

<<== تقتل القتيل وتمشي في جنازته

خخخخخخخخخخخخخخخ


الحين مجلستني على الكرسي وتقول ارحموووه




عقاب لك بتترك بالكرسي اسبوع اخر :11bomb:

<< قويه

خخخخخخخخخ

سعود هووووو لعب عيااااااااااال و الا اييييييييييه :icon_twis

ههههههههههههههه


يالله يابنات وشباب عليكم فيه بالاسئلة

:vampire:

[سعود]

مازن




1- هل تتفق معي إن فية بهالمنتدى أشخاص مرضى نفسانيين

ج1 : نعم اتفق

2-كم مفتاح بمداليتك

ج2 : خمسة

3-هل انت من النوع عندما تروح مناسبة تتعطر ام لا

ج3 : نعم

4- هل فية عضو أو عضوة نفسك تغير النك نيم تبعه؟ ومن هو إن أستحب

ج4 : لا


5- هل في بالك أن تطور قسمك ام حاليا يعتبر جيد

ج5 : بالتأكيد لابد من التطوير

6- هل أنت عندك محفظة بالأسهم ام لا

ج6 : نعم

وفي الختام أسأل الله ان يعطيك على قد نيتك يابطل


الله يجزاك خير



تحية عطرة

[بـــشـــرى]

ماهو الشيء الذي يستحيل أن تتسامح فيه

[أمل عبدالعزيز]

,
,
,
,

سعود

بصراحه استمتعت بالأجوبة كمل ونحن خلف الشاشة نتابعك

ولكن عندي كم سؤال بما إني راد راد

1- هل تتفق معي إن فية بهالمنتدى أشخاص مرضى نفسانيين

2-كم مفتاح بمداليتك

3-هل انت من النوع عندما تروح مناسبة تتعطر ام لا

4- هل فية عضو أو عضوة نفسك تغير النك نيم تبعه؟ ومن هو إن أستحب[i]

5- هل في بالك أن تطور قسمك ام حاليا يعتبر جيد

6- هل أنت عندك محفظة بالأسهم ام لا

وفي الختام أسأل الله [u]ان يعطيك على قد نيتك يابطل




مازن الله يرجك يارب ههههههههههههههههههههههههه هههه والله العظيم منت صاحي

عليك أسئلة

ماسالوها بوش في لقائه الصحفي وهو في السويد ههههههههههههههههههههههههه ه

بس سعود لها


سعود


برأيك ماتحس أن الكرسي جاب لك الصرع؟

ترى لو تبي تعتذر عن الإجابة أنا سامحتك والله يحللك ويبيحك ...

[خــــالـــــد]

سعوود للحين على الكرسي

انتبه من البواسير وأنا أخوووك

قم شوي

ههههههههههههههههههههههههه ههه

[باسل العتيبي]

حيااااااااااااك الله اخ سعووووووووووود

طحت ومحدش سمى عليك

ههههههههههههههههههههههههه ههههههه

اسف لانقطاعي الطويل عنكم بس والله لكم وحشه

ومنورين منتدى غرابيل

وتحياتي للجميع وفرصه بان اسلم عليكم عبر اسئلتي للاخ سعود

استلم ياخ سعوووووووود الاسئله


س1 ماهو موقفك من الليبراليه ؟ وهل أنت انسان ارستقراطي ام بروتاري ام برجوازي؟

س2 هل سبق لك ان سافرت الى جزر لانجرهانز؟او جزر الكناري وأيهما افضل في نظرك؟

س3 في معلوماتك الشخصيه هل صحيح ان هنغارى فازت على المجر في بطولة اوربا في السبعينات 5 /0؟

س4 نعرف جميعا ان صفر تقسيم خمسه يساوي صفر ولكن خمسه تقسيم صفر كم تساوي؟هههههههه

ارجو الاجابه وعدم التهرب .........هههههههههههههههههههه� �هههههههههه


اخوووووووك / الباسل

[ناعمة]

خالد

قله يردد يالليل مااطوووووووووووولك

ولاتتمسخر كثير لأن يقولون الايام دووواره

ههههههههههههههههههههههههه هههه

سعود

كيف الحال؟

[مشاعر حالمه]

السلام عليكم ...


شخبارك سعود ..شخبار امك عساها بخير ^__^


عندي لك كذا سؤال ..


س: احلى أسم بنت وولد عندك ؟


س: برأيك مالوقت المثالي للجلوس على النت ؟


س: كلمة عتاب لمن توجهها ؟


س :لمن تقول كثر الله من امثالك ؟


س :وش هواياتك؟؟؟



انتهت الأسئلة ..

تحيتي لك / مشاعر حالمه ...

[سعود]

سماهير


محمد الشمري

بنت السعودية


خـــيــال مـــآتــــا


همسس


بنت الريف

دفا المشاعر


ناعمة


ليالي الشوق


فارس غرابيل


ندى القمر

أهداب


كليو بترا


صالح الروقي


الليث


الله يعطيكم العافية ويمد في اعماركم


ويجزاكم خير الجزاء على شعوركم االطيب


وانتظر عودتكم


تحية عطرة

[سعود]

الأنامل الذهبية



هل كنت تتمنى من قبل بان يتم استضافتك في كرسي الاعتراف؟

ج1 : بصراحة لا



* هل العلاقه بنظرك تكون صادقة بين الاشخاص الذين يتم التعارف بينهم من خلال النت؟ وان مايقال من كلام

بينهم اساسه حقيقي وصريح او مبطنه بالـ...؟.<<= افهمها عاد

ج2 : عاد مافهمت شي

*مارأيك بالتعارف ان صح المسمى بين الشاب والفتاة عبر النت....وان كانت
العلاقه سطحيه ولاتتعدى الحوارات فيما بينهم مواضيع عاديه لاتمس الحياء ولا تتجاوزحدود القواعد العامة للأدب والقيم؟ وماهي الفكرة المتكونه لديك عن هؤلاء الاشخاص؟
ج3 : القواعد العامة للادب والقيم تختلف من شخص الى آخر
ومن مجتمع الى أخر

* وش هو المشروب المفضل لديك, واذا كان عصير باي نكه تفضله ؟
ج4 سفن آب

* دايم ترتدي الثوب اوتبدل اكثر؟واذا كنت تبدل... الفنايل و الشيرتات تبعولك والبناطيل كلهم على بعضهم كم سحاب فيهم؟ ...<<= هع هع
ج5 : اكيد الثياب اكثر ... والله مدري كم سحاب

* هل انت شخص كتوم بطبعك ؟ تحافظ على اسرار الغير؟
ج6 : نعم

* هل تشكو من عقدة معينه قد تكونت لديك منذ الصغر اوحتى بعده ,من شئ ما او مكان ما ؟
ج7 : لا

* اذا اردت ان تقوم بعمل ما هل تدرسه تخطط له مسبقا ام تفضله يكون ارتجاليا وتلقائي؟
ج8 : حسب أهمية العمل

* لديك موهبه تميزك عن غيرك قد منحها الله لك ؟ واذاعندك وش هي؟
ج9 : ايه .. الصبر خخخخ

* اتعاني من مرض مزمن يلازمك طول عمرك؟ بعيد الشر عنك وعن القراء
ج10 : لا .. ولله الحمد والشكر

* وش هو برنامجك المفضل؟ <<= يرحم والديك لاتقول لي مواهب وافكار ...هع
ج11 : برنامج ممتاز ياشباب

* وش تحب اكثر رحلات- البحر- او البر- ولا الحديقة والمزرعة
ج12 : البر

*ما رايك بالرجل الذي يمانع عمل المرأة اواكمال دراستها الجامعيه بحجة ان

تبقى تخدم وتهتم بزوجها وبيته فقط اويخرجها من الجامعه بعد زواجها

<<= هذولا الأنانيين ودي اصقع خشته بالقاع واشوته اليما يقول بس

ج12 : يكفي جوابك على السؤال !!

* متى تكرة نفسك وتتمنى لو انه بمقدورك معاقبتها لعاقبتها؟
ج13 : ماعمري كرهت نفسي

* هل مازلت مواصلا لتلك الفكرة الرائعة والمحاولات الجميلة لكي تصبح يوما ما إماما لمسجد ؟
<<= مع امنياتي القلبية لك بالوصول لتلك الغايه

ج14 : نعم وهذي امنيه لي



* وشلون جدار غرفتك والأرضية ؟
ج15 : بخير ويسلمون عليك :biggrin:

* مارايك باهتمامات شباب ذا اليومين؟.. (البنات والورعان)
ج16 : الله يهديهم

* وش تحب اكثر عمومتك وعيلانهم , او خوالك وعيلانهم ؟
ج17 : اللي بيزوجني منهم بحبه اكثر :غمزه:

* هل هنالك شخص تشعر بانه يفهمك ويستوعبك؟
ج18 : نعم

* هل قد مرة شفت ام السعف والليف؟او ام القمل والصيبان؟ ويوم شفتها هل خفت منها؟..هع هع
<<= وش له رازتن ذا لسؤال ما لامه داعي..
ج19 : دام ماله داعي .. ماله داعي نجاوب

* اسم القصة التي اثرت فيك لما كنت صغير وكنت تحبها؟ وكنت تقلد بطل هالقصه؟
ج20 : قصة بشار عندما كان يبحث عن أمه :biggrin:

*بما ان سب الرسول واهانته من قبل الحاقدين (بقرة اوروبا المدلله الدانمارك

واختها النرويج الإمعه )برسوم كاريكاتورية ...

من اهم الاحداث في هذا الوقت..فماموقفك من ذلك؟...
ج21 : مثل موقف أي مسلم يغار على دينه وعلى رسوله صلى الله عليه وسلم



..هل تؤيد المقاطعه للمنتجات والصناعات الدانماركيه والنرويجيه...

ج22 : نعم وبكل قووة

*.... هل ياترى في احد ثقلها وياك واسئلته كانت واجدة.؟ <<= ماأتوقع هع ..
ج23 : لا

تاشكورات على طولت بالك.. هع.. والترويقه يارايق...هع هع

العفووووووو

ولي عودة... واذا ماودك مايردك الا لسانك...

الله يحييك في أي وقت :يمه:


تحية عطرة

[سعود]

روعه



عندي سؤال واحد

وشوي خيالي

لو كنت تطير كان وين تروح ؟؟ جاوب حسب فهمك لسؤال

و يمكن ارجع


بحلق على علووو منخفض

وبرووح لمكه اخذ عمره وارجع


حياك اذا رجعتي


تحية عطرة

[سعود]

ناعمه



الكاتبه : ناعمه

عقاب لك بتترك بالكرسي اسبوع اخر

<< قويه



طيب ماسويت شي انا :يمه:

[سعود]

بشرى


ماهو الشيء الذي يستحيل أن تتسامح فيه


الاستهزاء بالدين




تحية عطرة

[سعود]

أمل بنت عبدالعزيز




سعود

برأيك ماتحس أن الكرسي جاب لك الصرع؟

ترى لو تبي تعتذر عن الإجابة أنا سامحتك والله يحللك ويبيحك ...


ايوالله بعتذر


<<== يقول ليت الناس مثل امل تجي وترفع من معنوياتي وتطلع :biggrin:



مشكورة امل على زيارتك التفقدية المتكررة :11umbup:


تحية عطرة

[سعود]

خالد



سعوود للحين على الكرسي

انتبه من البواسير وأنا أخوووك

قم شوي

لا توصي حريص :11umbup:

ابشرك قمت


والحين منبطح بجهازي على السرير :biggrin:


<<=== يقول الله يستر لاتشوف ناعمه ردي وبعدين تسحب الكرسي :يمه:



تحية عطرة

[سعود]

الباسل


س1 ماهو موقفك من الليبراليه ؟ وهل أنت انسان ارستقراطي ام بروتاري ام برجوازي؟

ج1 : اللبراليه مناخ ملائم للتقدم والرقي ولكن يجب ان نضبطها في مجتمعنا عندما نريد تطبيقها بضوابطها الشرعيه
بالنسبه للجزء الثاني من السؤال انا انسان بسيط لا هيك ولا هيك

س2 هل سبق لك ان سافرت الى جزر لانجرهانز؟او جزر الكناري وأيهما افضل في نظرك؟

ج2 : بصراحة جزر لانجرهانز؟ا فيها مناظر خلابه ورهيبه ودك انك تغوص فيها خاصه في الاجزاء السفلى في البنكرياس

س3 في معلوماتك الشخصيه هل صحيح ان هنغارى فازت على المجر في بطولة اوربا في السبعينات 5 /0؟

ج3 : المجر هي نفسها هنغاريا :غمزه:

س4 نعرف جميعا ان صفر تقسيم خمسه يساوي صفر ولكن خمسه تقسيم صفر كم تساوي؟هههههههه

ج5 : مستحيلة الحل والنتيجه الى مالا نهايه

ارجو الاجابه وعدم التهرب .........هههههههههههههههههههه� �هههههههههه

اشرايك فيني ماتهربت :biggrin:




تحية عطرة

[بنت الريف]

لاتنقززززززززززززززز من الكرسي الله لايهينك

تراني مابعد جبت اسئلتي جالسة اتابع

ابيك تريح شوي

احس كن مالك خلق وانت تجااااااوب

لكن جااااااااااااااايتك وجايبة ظرف الاسئلة.<<<<<< متأثرة بجو الأختبارات الله لايعيدهاااا

بنت الريف

[سعود]

ناعمة



سعود

كيف الحال؟


الحمدلله بخير


انتي كيف حالك ؟؟


مانويتي تعتقيني وتريحيني وتنزليني من فوووق الكرسي :11eatdrop



تحية عطرة

[سعود]

مشاعر حالمة


شخبارك سعود ..شخبار امك عساها بخير ^__^
انا تمام التمام :11umbup:

وابشرك امي بخير


عندي لك كذا سؤال ..
هاتي ماعندك


س: احلى أسم بنت وولد عندك ؟
ج : من البنات العنود وسارة ونوف
من الشباب : سعود ونواف

س: برأيك مالوقت المثالي للجلوس على النت ؟
ج : اعتقد بالليل حيث السكون والهدوء


س: كلمة عتاب لمن توجهها ؟
ج : لبعض المشرفين الذين يرتادون قسم الالعاب
ولبعض الاسماء بعينها ولكن ليس هنا المكان المناسب

س :لمن تقول كثر الله من امثالك ؟
ج : جميع مرتادي القسم الاسلامي


س :وش هواياتك؟؟؟
ج : التزلج على الجليد


تحية عطرة

[بنت الريف]

تعبت من الأسئلة والا لسه ...??1!

تعرف انك عصبي لا تتهرب لكن من العصبية المقبولة
--
سؤالي كم مرة تعصب باليوم ؟؟؟http://www.asmilies.com/smiliespic/3dsmilies/36_11_18[1].gif
--
من هو العضو اللي يخليك تعصب بالمرة ويطلع سعود عن حلمه ؟
تقدر تقول لنا من هو ؟؟خليك جريء وقول لنا ولايهمك نوقف معك !!
----
اكتشفت وللأسف الشديد مؤخرا ان معظم مؤشرات المشاركات للأعضاء والألفيات المولعة
مردها ارتياد مدينة الألعاب الترفية في منتداكم ؟؟
هل انت مقتنع ياسعود ببعض المشاركات مثل http://www.asmilies.com/smiliespic/3dsmilies/36_7_2[1].gif
...واحد ...واثنين ؟؟
وكم عمر اللي بعدي ؟
وين يسكن ؟
وش ياكل ؟؟وش لون عيونك وثوبك ماادري خشمك ؟وتش وبش ؟؟
----

خيروك بين زوجة المستقبل حلوة وتطيح الطير من السماء بس قشرى والسانها طويل والكل يتعوذ منها ؟؟؟
والا شينة وخلووووووقة وربة بيت من الطراز الأول ؟؟(اختار احدهما لاتتهرب )http://www.asmilies.com/smiliespic/3dsmilies/36_7_11[1].gif
-----
جتك بنتك بالمستقبل القريب ان شاء الله اللي اسمها نوف وقالت لك المعلمة ضربتني والضرب من جد ماهو في محله
ممكن تعلمنا ردة فعلك وتصرفك ؟؟؟
-----
فيه بنت وقالت لك انا معجبة فيك ياسعود وبأخلاقك ممكن تتزوجني ؟
ومابي مهر وهي غنية من اصحاب البلايين ولهم يخت يجوب البحار وطائرات خاصة وقصوووور
ومزرعة دواجن بدون انفلونزا طيور ؟؟ ؟؟؟؟ماهو ردك ؟؟؟
-----
مرة انت شريت اغراض كثيرة وبمبلغ جامد وماحاسبت وعلى طول شوت وطلعت من المحل
الا وصاحب المحل يناديك ويقولك ياعم وين ؟مادفعت الحساب ؟؟؟ ؟ كيف تتصرف ؟؟http://http://www.asmilies.com/smiliespic/3dsmilies/36_6_9[1].gif
----
انسان مقصر انت دائم معه ....ماذا ستقول له الان وانت جالس على الكرسي الدوار ؟؟
----
لمن تهدي الاتي ....
وردة حمراء ؟
قطوة سوداء تخرع ؟
قلم جميل ؟
كبسة محترقة ؟
فقع توه جاي من البر؟؟
رفسة ؟
-----------
ها سعود عسى ماعصبت .http://www.asmilies.com/smiliespic/3dsmilies/36_19_3[1].gif...

بالمناسبة كيف الوالدة ؟؟وسلم لنا عليها ..http://www.asmilies.com/smiliespic/3dsmilies/36_1_39[1].gif
لك كل الود
أختكم
بنت الريف

[خالد نواف]

اهلا اخوي سعود اولا

كيفك ان شاء الله تكون بخير وعافيه

سوالي لك عزيزي

معوكس كاتب صحفي كان يكتب زاويه ابا العواكيس في بدايه الثمانينيات ميلادي

هل فيه صله قرابه بين سعود ومعوكس ؟

ام ان سعود كان يقراء زاويه ابا العواكيس وتاثر بشخصيته ؟

تحياتي لك/سعود

[نــدى الورد]

ماشاء الله عليك ياسعود

اجاباتك دبلوماسيه :غمزه:

[سعود]

بنت الريف

لكن جااااااااااااااايتك وجايبة ظرف الاسئلة.<<<<<< متأثرة بجو الأختبارات الله لايعيدهاااا


<<<== مامروعه الا اسئلتك واسئلة كيبووو <<== قائدة الحملة :11ying:


وإلا مازن ضمنا اسئلته لاني ارسلت له طرف ثالث وفكنا من اسئلة التوحيد والفقة :biggrin:


تحية عطرة

[سعود]

بنت الريف



تعبت من الأسئلة والا لسه ...??1!
ج1: لا :11ying:

--
كم مرة تعصب باليوم ؟؟؟--
ج2: ثلاث مرات ..مره بعد الفطور ..ومرة بعد الغداء ..ومره بعد العشاء.

من هو العضو اللي يخليك تعصب بالمرة ويطلع سعود عن حلمه ؟
تقدر تقول لنا من هو ؟؟خليك جريء وقول لنا ولايهمك نوقف معك !!----
ج3: نادر ماحد يطلعني عن حلمي ...انا اذا تحلم غالباً وقت النوم...واذا كنت نايم ..مافيه عضو صاحي فيني الا قلبي والا كان مت.. :biggrin:

اكتشفت وللأسف الشديد مؤخرا ان معظم مؤشرات المشاركات للأعضاء والألفيات المولعة
مردها ارتياد مدينة الألعاب الترفية في منتداكم ؟؟
هل انت مقتنع ياسعود ببعض المشاركات مثل
...واحد ...واثنين ؟؟
وكم عمر اللي بعدي ؟
وين يسكن ؟
وش ياكل ؟؟وش لون عيونك وثوبك ماادري خشمك ؟وتش وبش ؟؟
ج4: والله انك صادقه ..انا ذاكر اخوي الصغير وحل واجباته ..وافتح له الجهاز ..واخليه يلعب في الالعاب لين يشبع وخاصة في الالعاب اللي ذكرتيها . :biggrin:
----

خيروك بين زوجة المستقبل حلوة وتطيح الطير من السماء بس قشرى والسانها طويل والكل يتعوذ منها ؟؟؟
والا شينة وخلووووووقة وربة بيت من الطراز الأول ؟؟(اختار احدهما لاتتهرب )
ج5: عيني تبي هذا ، وقلبي يبي ذاك .........واحترت انا مابين قلبي وعيني.

بصراحه باخذ الثنتين ...بحط الحلوه على الصامت ... :huglove:
والشينه على الهزّاز... :rolleyes:
-----
جتك بنتك بالمستقبل القريب ان شاء الله اللي اسمها نوف وقالت لك المعلمة ضربتني والضرب من جد ماهو في محله
ممكن تعلمنا ردة فعلك وتصرفك ؟؟؟
ج6: بعطي ام نوف عصا مكنسه ...وبدخلها على المدرسه ..وبقول لها لاتضربين المعلمة بس فهميها غلطها :bones:
-----
فيه بنت وقالت لك انا معجبة فيك ياسعود وبأخلاقك ممكن تتزوجني ؟
ومابي مهر وهي غنية من اصحاب البلايين ولهم يخت يجوب البحار وطائرات خاصة وقصوووور
ومزرعة دواجن بدون انفلونزا طيور ؟؟ ؟؟؟؟ماهو ردك ؟؟؟
ج7: بحطها ثالثه مع الحلوه والشينه .....وبقعد اقول ...والرابع الله يجيبه :huglove:
-----
مرة انت شريت اغراض كثيرة وبمبلغ جامد وماحاسبت وعلى طول شوت وطلعت من المحل
الا وصاحب المحل يناديك ويقولك ياعم وين ؟مادفعت الحساب ؟؟؟ ؟ كيف تتصرف ؟؟
ج8: بعتذر منه ..وبقول اني كنت فاكر انك مهديني الاغراض؟؟ههههههههههههههه لااكيد بعتذر له وبحاسب وبطلع..
----
انسان مقصر انت دائم معه ....ماذا ستقول له الان وانت جالس على الكرسي الدوار ؟؟
ج9: بقول له جعلك ماتقعد مكاني :biggrin:
----
لمن تهدي الاتي ....
وردة حمراء ؟
لكل من احب.
قطوة سوداء تخرع ؟
لقطو اسود يخرع .
قلم جميل ؟
لكل كاتب جميل.
كبسة محترقة ؟
لواحد شبعان .
فقع توه جاي من البر؟؟
لكل من يحب الباذنجان ..
رفسة ؟
رفسنجاني ...اظنها بنته؟؟


تحية عطرة

[سعود]

خالد نواف

اهلا اخوي سعود اولا

كيفك ان شاء الله تكون بخير وعافيه

هلا بالغالي ...بخير وعافيه الله يسلم قلبك..

سوالي لك عزيزي

معوكس كاتب صحفي كان يكتب زاويه ابا العواكيس في بدايه الثمانينيات ميلادي

هل فيه صله قرابه بين سعود ومعوكس ؟

ام ان سعود كان يقراء زاويه ابا العواكيس وتاثر بشخصيته ؟

ج: مافية صله قرابه ..ولا أظن اني تأثرت بشخصيته ، لاني ماكنت متابع له..

وشكرا على مرورك الغالي على قلبي..


تحية عطرة

[سعود]

ندى القمر



اجاباتك دبلوماسيه


ثانكس :biggrin:


وانتي بعد دخولك دبلوماسي


ريحتيني وريحتي نفسك



مشكوره ندوووووووووووش على هيك مرور خفيف على القلب


تحية عطرة

[سعود]

ناعمة



الحقيني وتعالي اغلقي الموضوع

ترى ماصدقت على الله اخلص من الاعضاء


<<<== خايف من كيبو تجي وتحووووووس الدنيا


او عضو مطفي الانوار يجلسني زوووووووود



تحية عطرة

[أمل عبدالعزيز]

,
,


سعود أقفله؟؟

أشر بس


وشوف وش بيصير؟؟


ههههههههههههههههههههههههه هههههه

<========متابعة لسعود وبدقة:هاها:


على فكرة أجاباتك شيء خطير

خطيرررررررررررررررررررررر ررررررررر

تدل على أنك نفساوي وتخصص دقيق ههههههههههههههههههههههههه هههه

[بنت الريف]

علششششششششششششششششااااان
اجاباته خطيرررررررررررررررة ودبلووووووووووماسية

تكفووووووووووووووون جلسوه كمان يومين

ودي احد يجي ويصكه بكم سؤال الا وهو متعلق برجول الكرسي

ههههههههههههههههههههههههه هههههههههههههههه

ههههههههههههههههههههههههه ههههههه


بنت الريف

[نــدى الورد]

ندى القمر



اجاباتك دبلوماسيه


ثانكس :biggrin:


وانتي بعد دخولك دبلوماسي


ريحتيني وريحتي نفسك



مشكوره ندوووووووووووش على هيك مرور خفيف على القلب


تحية عطرة


سعود وش سالفتك كل ساعه تقولي ندى القمر :icon_roll

انـــــــــا ندى الورد :خجل:

[أسرار العيون]

ندى الورد لاتلومينه
ترى سعود نظره ضعيف
كم مره قايله لك ياسعود لازم تراجع طبيب العيوووووووووون :biggrin:

خخخخخخخخخخخخخخخخخخخخخخخخخ خخخخخ
سعود كان الله في عوونك :evil_32:

[عاشق الحزن]

السلام عليكم ورحمة الله

صحيح أني جيت متأخر

ولكن هذا سعود

مستحيل أتاخر عن ازعاجة بالأسئلة

استلم ياسعود وأتمنى أن تكون اجوبتك صريحة ومباشرة

1- كم عمرك ؟
2- أنت تمتلك شهادة علمية كبيرة فلماذا لاتود أن تذكرها هنا ؟
3- ماهو السر في سكنك بجوار نادي النصر وهل أنت من عشاق العالمي ؟
4- هناك اشاعات أنك سترتبط خلال هذا الصيف , ما مدى صحة تلك الأخبار ؟
5- من هو افضل كاتب في غرابيل وافضل كاتبه من وجهة نظرك وبدون تهرب ؟
6- أين تصنف نفسك في قائمة العضماء ؟
7- هل أنت شخص قيادي وتمتلك فاعلية في التأثير على من حولك ؟
8- ما رأيك في الملف النووي الايراني ومدى تأثيره على الاستقرار النفطي في العالم ؟
9- هل تتوقع أن نقول مستقبلاً رحم الله أيام شارون فقد كان يعاملنا بما تبقى من الانسانية لدى اليهود ؟
10- هل تؤيد إغلاق منتدى المطبخ في حال وصول انفلونزا الطيور لمنتديا تغرابيل ؟
11- هل لديك أي بلاغ عن أحد الأعضاء تشتبه باصابته بهذا المرض ؟


][§][أبـــو عبـــد الله][§][

[سمووره]

يؤؤؤؤؤؤؤؤؤؤؤؤؤؤؤؤؤ

يؤؤؤؤؤؤؤؤؤؤؤؤؤؤؤؤؤؤؤؤؤ

سعووووووووود أنت لين الحين وانت جالس على هالكرسي

خخخخخخخخخخخخخخخخ

الله يعييينك بديت تكسر خاااطري

عاد ابو عبد الله ماقصر معك جاء في الوقت الضايع ولحق عليك

لو تبي تشرب عصير او مويه اجيبلك خخخخخخ

[سراااااااااب]

بسم الله الرحمن الرحيم

مررت من هنا بسبب غلطة ماوس

فعجزت أن أعود .... لعلي أخرج بفائدة من خلال المارين وليس من خلال ذلك الشاب الذي وضع الله بيني وبينه حاجزاًً من حديد صلب فلا أجد أن بداخلي أي شعور حرص على ما تخطه يداه........ لماذا؟؟؟؟؟ لا أعلم

لا أسئلة فمن سبق لم يدع لي صغيرةًً ولا كبيرة

لدي تعليق

في نظام العلم والتعليم

دراسة ثم


إختبارت من خلال الأسئلة النظرية والعملية على حسب المحتوىثم







نتائج












وأي نتائجٍٍ ظهرت لي يا أخي الفاضل







حقاًً لقد صُدمت







بل أصابني شعورٌٌ غريب وكأنني أتعرف لأول مرة عن ماهية الشاب السعودي









أشعر بسعادة يكسوها وسامٌٌ من فخر وإعتزاز لمثل هذا النموذج







نموذج الشاب سعود






إجابات دقيقة







مُتزنة








عقلانية








منطلقة من قناعات إعتزاز وفخر بـــ






دين







ووطن







شاب مُعتدل جمع بين كل أنواع الجمال




لعلي أعترف وبكل جرأة








أحسسني ذلك الشاب الأصيل كم أن النساء ناقصات عقلٍٍ ودين







أحسسني بأنه جبل ثابت لا مجال لرياح الكون أن تُحركه







أحسسني كم هي محظوظةٌٌ من كانت رفيقة دربه

أليس من الجميل أن تنعم الفتاة بقرب شاب بهذه الصفات الرائعة

الذي إرتقت أمنياته بزيارة بيت الله الحرام وأداء شعائرة المقدسة

الذي عقد رغد عيشه برضا والديه

عندما أعلن بأنه لا يصح إلا الصحيح من خلال{ وجعلنا الليل سباتا ,,, وجعلنا النهار معاشا}

سعود

إبق كما أنت مقنع لا لشيء سوى ....... لتتقي شر عيون الحاسدين







أظهرت لنا نصف الجمال الذي وهبك الله إياه ولا أقصد الجمال الخارجي.



وذلك يكفي ليسير على نهجك كل الشباب المحبين لك



عذراًً على الإطالة فلدي الكثير الكثير ......... ولكن


لا بد للإنسان أن يخلع نظارته الشمسية عن عينيه أحياناًً لأن هناك أشياء أصيلة لا تُرى إلا بالعين المجردة









أختك / سراااااااااااب

[لي طب۶ي الخاآاآص]

مساء الخير عمووووو كيف حالك ؟؟

وشخبار مجوووودي سلملي عليه




وش رايك باسمي الجديد ؟


بماذا تعرف الأنوثة و هل هناك فرق بين الأنثى و المرأة من وجهة نظرك ؟

[سعود]

امل بنت عبدالعزيز



سعود أقفله؟؟

أشر بس

أشرت بالمنديل بس شكلك ماشفتيني :biggrin:






<========متابعة لسعود وبدقة

ايه تابعيني لين اوصل الى 10000 الآف نقطة :biggrin:



على فكرة أجاباتك شيء خطير


على فكرة متابعتك تسعدني كتير ...كتير ...كتير




تحية عطرة

[سعود]

بنت الريف





تكفووووووووووووووون جلسوه كمان يومين

ودي احد يجي ويصكه بكم سؤال الا وهو متعلق برجول الكرسي


ربنا على المفترررري :11ying: :11ying:


صديقة غرابيل ربي يسعدك على هذا الحضور الذي له رونق خاص



تحية عطرة

[سعود]

ندى الورد



سعود وش سالفتك كل ساعه تقولي ندى القمر

انـــــــــا ندى الورد


معليش اختي العتب على النظر :blushing:


<<<== الشوف شجر :11eatdrop


انا ضيعت بينك وبين بنت ثانيه في المنتدى اسمها ندى القمر


ماش الاسئلة خلت عيوني مثل عيون المنتصر بالله


تسلمين على التنبيه


تحية عطرة

[سعود]

أسرار العيون


ترى سعود نظره ضعيف
كم مره قايله لك ياسعود لازم تراجع طبيب العيوووووووووون



راجعته يقول بالاضافة الى ضعف النظر عندك عمى في الالوان


مشكوره على المرور العذب


تحية عطرة

[سعود]

ابو عبدالله


1- كم عمرك ؟
ج1 - فيه ناس عمرهم خمسين سنه ... وهو في الحقيقه سنه وحده تكررت خمسين مره، وناس عمرهم عشرين سنه بس كل سنه مليئة بالخبرة والتجارب تختلف عن السنه اللي قبلها ، لذا فالعمر ليس مقياس للتجارب .

2- أنت تمتلك شهادة علمية كبيرة فلماذا لاتود أن تذكرها هنا ؟
ج2 : شهادتي الكبيره هي حب الاعضاء اللي لمسته هناااا.. وها أنا أذكرها مقدماً لهم الشكر الجزيل.

3- ماهو السر في سكنك بجوار نادي النصر وهل أنت من عشاق العالمي ؟
ج3 : انا احب كل ماهو سعوووودي.نصر كان أو هلال .. سنة اسكن بجوار الهلال والاخرى بجانب النصر .

4- هناك اشاعات أنك سترتبط خلال هذا الصيف , ما مدى صحة تلك الأخبار ؟
ج4 : انت قلت انها اشاعات وهي كذلك .

5- من هو افضل كاتب في غرابيل وافضل كاتبه من وجهة نظرك وبدون تهرب ؟
ج5 : كثير .. بس بصراحه يعجبني مغربل من الشباب ... وامل عبدالعزيز من البنات.

6- أين تصنف نفسك في قائمة العضماء ؟
ج6 : العظيم هو الله سبحانه وتعالى .

7- هل أنت شخص قيادي وتمتلك فاعلية في التأثير على من حولك ؟
ج7 : اتمنى أن أكون كذلك.

8- ما رأيك في الملف النووي الايراني ومدى تأثيره على الاستقرار النفطي في العالم ؟
ج8 : ملف شائك ومعقد .. فإيران تسعى لإمتلاك اسلحة نووية .. وبدأت بتخصيب اليورانيوم وبالرغم ان مجلس الأمن سيجتمع الاسبوع القادم لبحث الملف النووي الايراني ،اخذت إيران تلوووح وتهدد بسلاح النفط عند إعتراض طريقها .. وتعتبر إيران المنتجة رقم ( 2 ) على مستوى العالم بعد السعودية ولو قطعت النفط، لقفزت أسعار النفط الى ارقام خياليه قدرتها مصادر غربية بــ 100 دولار للبرميل الواحد.

9- هل تتوقع أن نقول مستقبلاً رحم الله أيام شارون فقد كان يعاملنا بما تبقى من الانسانية لدى اليهود ؟
ج9 : اتوقع ان يقول اليهود رحم الله المسلمين ايام شارون .

10- هل تؤيد إغلاق منتدى المطبخ في حال وصول انفلونزا الطيور لمنتديا تغرابيل ؟
ج10 : لا...بالعكس اؤيد زيادة التركيز على المنتدى الصحي اذا جاء انفلونزا الطيور.


11- هل لديك أي بلاغ عن أحد الأعضاء تشتبه باصابته بهذا المرض ؟
ج11 : اشك في ابو جاسم. :biggrin:


تحية عطرة

[سعود]

سمورة الامورة




لو تبي تشرب عصير او مويه اجيبلك خخخخخخ


<<== مشمر عن ساعديه وناسف الشماغ على كتفه والعقال فوووق راسه

ويقول خاطري في كابتشينو


سمورة مرورك من هناااا يكفيني :blushing:


تحية عطرة

[أمل عبدالعزيز]

,
,
,

مبروك عليك العتق من الكفاح المرير
على صفيح من نار مع أسئلة الجمهور الغربولي
ولاتشره عليهم لأنك ياسعود شخص مهم
ولك مكانتك
في هذا الصرح
وألف حمد لله على سلامتك
وخروجك بنص سيولتك في المخ

ههههههههههههههههههههههههه هه

[مازن]

سعود اسجد ركعتين شكر لخروجك من هالكرسي العصيب

[سعود]

سرااااااب



بسم الله الرحمن الرحيم

مررت من هنا بسبب غلطة ماوس

فعجزت أن أعود .... لعلي أخرج بفائدة من خلال المارين وليس من خلال ذلك الشاب الذي وضع الله بيني وبينه حاجزاًً من حديد صلب فلا أجد أن بداخلي أي شعور حرص على ما تخطه يداه........ لماذا؟؟؟؟؟ لا أعلم

لا أسئلة فمن سبق لم يدع لي صغيرةًً ولا كبيرة

لدي تعليق

في نظام العلم والتعليم

دراسة ثم


إختبارت من خلال الأسئلة النظرية والعملية على حسب المحتوىثم







نتائج












وأي نتائجٍٍ ظهرت لي يا أخي الفاضل







حقاًً لقد صُدمت







بل أصابني شعورٌٌ غريب وكأنني أتعرف لأول مرة عن ماهية الشاب السعودي









أشعر بسعادة يكسوها وسامٌٌ من فخر وإعتزاز لمثل هذا النموذج







نموذج الشاب سعود






إجابات دقيقة







مُتزنة








عقلانية








منطلقة من قناعات إعتزاز وفخر بـــ






دين







ووطن







شاب مُعتدل جمع بين كل أنواع الجمال




لعلي أعترف وبكل جرأة








أحسسني ذلك الشاب الأصيل كم أن النساء ناقصات عقلٍٍ ودين







أحسسني بأنه جبل ثابت لا مجال لرياح الكون أن تُحركه







أحسسني كم هي محظوظةٌٌ من كانت رفيقة دربه

أليس من الجميل أن تنعم الفتاة بقرب شاب بهذه الصفات الرائعة

الذي إرتقت أمنياته بزيارة بيت الله الحرام وأداء شعائرة المقدسة

الذي عقد رغد عيشه برضا والديه

عندما أعلن بأنه لا يصح إلا الصحيح من خلال{ وجعلنا الليل سباتا ,,, وجعلنا النهار معاشا}

سعود

إبق كما أنت مقنع لا لشيء سوى ....... لتتقي شر عيون الحاسدين







أظهرت لنا نصف الجمال الذي وهبك الله إياه ولا أقصد الجمال الخارجي.



وذلك يكفي ليسير على نهجك كل الشباب المحبين لك



عذراًً على الإطالة فلدي الكثير الكثير ......... ولكن


لا بد للإنسان أن يخلع نظارته الشمسية عن عينيه أحياناًً لأن هناك أشياء أصيلة لا تُرى إلا بالعين المجردة









أختك / سراااااااااااب













بصراحه ...



تعجز جميع عباراتي عن مجاراة قلمك....


ويخجل قلمي من يكتب رداَ يليق بكم..


فرحم الله إمرءاً عرف قدر نفسه..


فقلمك الجميل وعباراتك القويه..واسلوبك الرائع ..


يحتاج الى كاتب كبير ...وكبير جداً ..يستطيع ان يقدم لكم الشكر ويبقى مع ذلك مقصراً في شكركم ..



ارجو ان تسامحيني ..على عجز قلمي ..في احوج مااحتاجه..

لكن عزائي الوحيد ...ان المصطفى صلى الله علية وسلم يقول فيما معناه" من أهدى لكم معروفاً ..فقولوا له جزاك الله خيراَ"



اختي سراب....جزاك الله خيراً.



تحية عطرة.

[سعود]

وسن


مساء الخير عمووووو كيف حالك ؟؟

وشخبار مجوووودي سلملي عليه

كيفك انتي اخت وسن.

وعبدالمجيد بخير الحمد لله.



وش رايك باسمي الجديد ؟

حلو.


بماذا تعرف الأنوثة و هل هناك فرق بين الأنثى و المرأة من وجهة نظرك ؟

من وجهة نظري ..ان كلمة المرأة أعمّ من الانثى ..



فكل انثى هي إمرأة...وليس كل إمرأة انثى.



تحية عطرة.