على جال فيضه

[عبدالكريم بن خزيّم]

http://up13.up-images.com/up/viewimages/ff64c0e9c7.jpg (http://fashion.azyya.com)
--(( على جال فيضه ))--

مسعد رويعي عاش في جال فيضه=يملك ثلاث شياه واربع معازي
إذا امطرت مبسوط زايد ركيضه=واذا ادهرت مسكين مسعد مافازي
راحت حياته وانحدر به حضيضه=ومعزّبه بالحيل معه انتهازي
لامن تديّن عاش حاله غميضه=ينذل لو هو من خلايف عزازي
ياكم دهاه ابليس وسط الفريضه=من نجد يسري بالفكر للحجازي
ثقلت حموله يالله انك تعيضه=ويصير عنده شاحنه وارتوازي
ومؤسسه تندار في ايدين عيضه=رجل ٍ يروز ولا اظنه يرازي
أقفى الشقاء والسعد اقبل وميضه=واصبح يجاري بالتجاير نيازي
ويرتاح مسعد من نفوس ٍ مريضه=ويعيش بالدنيا بحال متوازي
ويحط فلّه بالمساحه عريضه=وفراش يجلب من روايع شيرازي
تقديري للجميع ,,,,,

[سامي العطاوي]

عبدالكريم بن خزيم

صح لسانك

لاهنت

[أبوعبدالرحمن]

عبدالكريم خزيم

صح لسانك ملايين

وسلمت اناملك


جزل ومبدع دوما


تحيتي لك

[>>متعبه عسآفهآ<<]

صح لسانك ..

لاهنت