واحشني ياعلوان، يامرزوقي، يابن داخل.!

[عميد اتحادي]

ياناس والله ماأدري من فين أبدأ، بس أنا مصدوم، أحس الإتحاد ضايع تماماً إدارياً


غلط هزازي إبراهيم والمولد ومااتعاقبوا بل والنادي دافع عنهم حتى الإدارة، طيب احنا الغلطانين هما ماغلطوا هما الصح احنا الغلط

إبراهيم هزازي أصلا ماسوا كده الا عشان أمه ومستعد يعيد الحركه لعيون الوالدة كل مباراة.! ياخي ليش مانفهم احنا؟

وأسامة المولد قصده يحيي الجمهور من باب المحبة والعتب

لكن اليوم نايف طالعلي عالقنوات ويقول: والله نفسيا ماكنت مرتاح، يهوو كنت تعبان نفسيا.! أمممممّا كده ياناس انتو متأكدين انو دوري وكوره وكده

وربي في الحواري في ناس تبكي عشان تلعب، تبكي والله شنبات طول بعرض يبكو ودا يقلي نفسيتي آآآآآآآآآآه

لا ويقلك مستأذن من لؤي قزاز، قزاز اللي أدوه منصب اسمه مستشار النادي، ماأعرف مستشار ايه بالزبط المهم انو مستشار.!

لا لا كارثة والله كارثة ولحد يقلي عادي وبسيطة، الإتحاد ضاااااااااايع

ولو نايف هزازي مااتعاقب، لو الحكاية بس ضحك عالجمهور وامتصاص لغضبه وصوته فسلملي عالاتي

ووالله وحشوني علوان والمرزوقي وبن داخل ماكنت أسمع بكلام زي ده أيامهم

يكفي انو في إدارة بن داخل كان في شخص اسمه عمر الخولي، لو كان الآن موجود اتوقع مااتورط الاتحاد في المشاكل اللي دحين وخصوصا القانونية والمالية



ماحقول ارحل يابن فايز حقلك امشي والقلب داعيلك بسرعه، لأنك الله بلخييييييييييير ومن جنب القده