زمان الصمت
07-08-2003, 09:13 PM
في سنة من سنوات القيظ وطباخ التمر الأحمر والأصفر والكحلي كنت أنسانة منتفة <<< طمنتينا أنك أنسانة
يعني ماعندي من الدراهم الا الريالين ويخب علي ..
صرت من الجوع والعطش كني ضب مجربع قلت ما ابي اصرف هالريالين هي شقاء عمري من الطرارة
والدوجان بالأسواق ، قررت أشتغل بدراهمي الواجدة و أخش بالتجارة وطبعاً بما إني غنية << ترفع معنوياتها
قررت أخش بتجارة الطراطيع والحمام ...
وكان يدور في بالي أني أشتري بريال طرطوعة وبريال حمامة <<<< الله من زين الحساب
وطبعاً ماكان عندي وسيلة مواصلات لاسيكل ولازلاجات الا ألقى ذاك الوايت اللي يرد الروح وايت الصرف
الصحي الله يكرم السامعين اللي رايح للديرة وأزم عباياتي بوسطي وأطمر طمرة طامرة على بالي سوبرمان
وأتشعبط فيه من ورى وأردد وينك ياريحة هلي .. والا وصلنا لسوق الحمام وأقمز والوايت يمشي ماكني مسوية
شئ وأدخل السوق هذاك السوق اللي ماله باب وأشوف ذيك البسطة اللي ماعليها أحد وأتسمر عليها ولا أحد
شاف ولا أحد دري ومتشققة من الوناسة وكانت البسطة هذي لواحد الله يستر علينا وعليه ينادونه عشق نهار
ويجي ويقلبني أنا وعبايتي وريالين من كثرة ما أنا خايفة بيدي
وأجلس أطارح أنا وياه فصخت زنوبتي الحمراء وطايحة تلزيخ فيه أحسن أحد قاله يقلبني وأنا وياه هواش
يقول قومي قامت أعصبك وأنا أقول قم قامت عليك القيامة ياللي ماتخاف الله أنا زليخة بنت محماس التكروني
تطردني هين إن ما جبت البدي قارد حقي يا آكلك <<< يعنني أخوف
وبعد مشادات الشوش الا تجي وحدة بنت حسب ونسب يقولون إن أسمها سوسي مع جواريها نافخة خشتها
جاية تشتري جواري لها <<<< غلطت بالعنوان
وترحمني أنا ودموعي وخشمي اللي ينقط أربع أربع وبفستانها تمسح لي خشمي <<< رجعت بزر
وشوشتي نافشها عشقوووووه من القهر وتلعب علي قالت لي تعالي بشتري لك بسطة وأنا من الوناسة
ذبيت رياليني .. وأركض وراها مسيكينه ما كذبت خبر
بس ياخسارة ما طلع لها ذمة ولا ضمير ألعبت علي علشان أكتب لها بالمنتدى نظراً لثقافتي العامة
وحسن أسلوبي ورقتي ودلالي واللي يبي يخطبني يخطبني من عند أبوي المملوح ..
ومن يومها وأنا مالي هم غير أهجيهم بقصائدي الطرطوعية
تقول زليخة ...
ياعشق ياراعي السموم
والله لأشقق هالهدوم
أن كانك ميت ومهموم
بخلي كبدك تحوووم
زليخة تنشد عن العلوم
برعب تخليك أمهموم
طيفي يلاحقك بالحلوم
ويطيرمن عينك النوم
ـــــــــــــــــــــــــ ـــــــــــــــ
هـيـن هـيـن يا حســوس
يا حكاك القدر المنحوس
والله لأكسر هالضروس
وأحـشي بالبـاقي السـوس
وأرسل لك جني يحوس
مايفك راسك إلا بالفلوس
ياخيبـتك يا أم العـروس
بنتك عندك صارت عنوس <<< لزوم القافية
وبس سلامتكم
تستفيدون من قصتي ولا شئ
الفايدة بالشعر وهو التخويف مني وأقول لكم ياويله ويا سواد ليلة اللي
يطرد الناس من بسطات ماهيب له سمعت عشقوه أو ياخذ الناس على قد عقولهم
والآن مراسم التتويج :
ترررررررررررررررررررا ترا رارارار ترااااااااا
أعلن لكم سيطرتي الكاملة على بسطات الرياض وماجاورها واللي يفتح
برطمه بكلمه والله لأهجيه شر هجاء أبن أبوه أحد يقرب
حقوق الكتابة محفوظة زمان وبس والباقي ياكل خس
يعني ماعندي من الدراهم الا الريالين ويخب علي ..
صرت من الجوع والعطش كني ضب مجربع قلت ما ابي اصرف هالريالين هي شقاء عمري من الطرارة
والدوجان بالأسواق ، قررت أشتغل بدراهمي الواجدة و أخش بالتجارة وطبعاً بما إني غنية << ترفع معنوياتها
قررت أخش بتجارة الطراطيع والحمام ...
وكان يدور في بالي أني أشتري بريال طرطوعة وبريال حمامة <<<< الله من زين الحساب
وطبعاً ماكان عندي وسيلة مواصلات لاسيكل ولازلاجات الا ألقى ذاك الوايت اللي يرد الروح وايت الصرف
الصحي الله يكرم السامعين اللي رايح للديرة وأزم عباياتي بوسطي وأطمر طمرة طامرة على بالي سوبرمان
وأتشعبط فيه من ورى وأردد وينك ياريحة هلي .. والا وصلنا لسوق الحمام وأقمز والوايت يمشي ماكني مسوية
شئ وأدخل السوق هذاك السوق اللي ماله باب وأشوف ذيك البسطة اللي ماعليها أحد وأتسمر عليها ولا أحد
شاف ولا أحد دري ومتشققة من الوناسة وكانت البسطة هذي لواحد الله يستر علينا وعليه ينادونه عشق نهار
ويجي ويقلبني أنا وعبايتي وريالين من كثرة ما أنا خايفة بيدي
وأجلس أطارح أنا وياه فصخت زنوبتي الحمراء وطايحة تلزيخ فيه أحسن أحد قاله يقلبني وأنا وياه هواش
يقول قومي قامت أعصبك وأنا أقول قم قامت عليك القيامة ياللي ماتخاف الله أنا زليخة بنت محماس التكروني
تطردني هين إن ما جبت البدي قارد حقي يا آكلك <<< يعنني أخوف
وبعد مشادات الشوش الا تجي وحدة بنت حسب ونسب يقولون إن أسمها سوسي مع جواريها نافخة خشتها
جاية تشتري جواري لها <<<< غلطت بالعنوان
وترحمني أنا ودموعي وخشمي اللي ينقط أربع أربع وبفستانها تمسح لي خشمي <<< رجعت بزر
وشوشتي نافشها عشقوووووه من القهر وتلعب علي قالت لي تعالي بشتري لك بسطة وأنا من الوناسة
ذبيت رياليني .. وأركض وراها مسيكينه ما كذبت خبر
بس ياخسارة ما طلع لها ذمة ولا ضمير ألعبت علي علشان أكتب لها بالمنتدى نظراً لثقافتي العامة
وحسن أسلوبي ورقتي ودلالي واللي يبي يخطبني يخطبني من عند أبوي المملوح ..
ومن يومها وأنا مالي هم غير أهجيهم بقصائدي الطرطوعية
تقول زليخة ...
ياعشق ياراعي السموم
والله لأشقق هالهدوم
أن كانك ميت ومهموم
بخلي كبدك تحوووم
زليخة تنشد عن العلوم
برعب تخليك أمهموم
طيفي يلاحقك بالحلوم
ويطيرمن عينك النوم
ـــــــــــــــــــــــــ ـــــــــــــــ
هـيـن هـيـن يا حســوس
يا حكاك القدر المنحوس
والله لأكسر هالضروس
وأحـشي بالبـاقي السـوس
وأرسل لك جني يحوس
مايفك راسك إلا بالفلوس
ياخيبـتك يا أم العـروس
بنتك عندك صارت عنوس <<< لزوم القافية
وبس سلامتكم
تستفيدون من قصتي ولا شئ
الفايدة بالشعر وهو التخويف مني وأقول لكم ياويله ويا سواد ليلة اللي
يطرد الناس من بسطات ماهيب له سمعت عشقوه أو ياخذ الناس على قد عقولهم
والآن مراسم التتويج :
ترررررررررررررررررررا ترا رارارار ترااااااااا
أعلن لكم سيطرتي الكاملة على بسطات الرياض وماجاورها واللي يفتح
برطمه بكلمه والله لأهجيه شر هجاء أبن أبوه أحد يقرب
حقوق الكتابة محفوظة زمان وبس والباقي ياكل خس