المساعد الشخصي الرقمي

مشاهدة النسخة كاملة : ارتداد السوق إلى الخير والله يوفق الجميع


أمل عبدالعزيز
30-01-2006, 05:01 PM
,
,
,

,
,
,
,وهاهو السوق بدأ يرتد ويعود لأنفاسه

والله يعين الناس ألي باعت ويعوض على كل مسلم ومسلمة


تحيتي للكل....

وحاول يكون نص السيولة معك باليد تحسباً
فيصــل
30-01-2006, 05:07 PM
الله يطمنك يا أمـــل


ويوفقك للخير ويهديك للحق


تحياتي ياهاموره
°·.·•√شـيـهـآن •·.·°®
30-01-2006, 05:25 PM
مشكوووره


والله يعووض اللي خسرت
سيف العدالة
30-01-2006, 05:35 PM
أمل عبدالعزيز

الحمدلله والله امس انحاست الدنيا عندنا لما شفت السوق

الله يعطيك العافية على الأخبار الزينة

شكرا لك ياهامـــــــــــورة
أمل عبدالعزيز
30-01-2006, 05:49 PM
.

.
.
اللهم آمين يافيصل

وشكراً لك المرور وجزاك الله كل خير على الدعاء الطيب
أمل عبدالعزيز
30-01-2006, 05:51 PM
اللهم آمين ياشيهان وشكراً لك على المرور الطيب والله لايخسر مسلم يارب
أمل عبدالعزيز
30-01-2006, 05:53 PM
,
,

,

,أشجان الفؤاد الله لايحوس مسلم

ولابد من الحذر

ولو نص المحفظة يكون سيولة يصير تمام

تحيتي لك
ياسر المطيري
30-01-2006, 07:57 PM
بالمناسبة هذه قصيدة ارتجالية
بالشيء اللي صار معي اليوم








ما عطاني (صدق) والله ما عطــاني=وقفـه بريال ما بيني وبينه
كلما قرّب عليّ وقــلت جـــــاني=ارتفع سعره وزاد مضاربينه
شفت أنا هامورها أقشر وأناني=والطمع مزروع في قلبه وعينه
يشتري اخضر ويبيع أحمر عشاني=غابنه شكلي يا جعله للغبينه
قلت ابتركها وباخذ سهم ثاني=والتفت شوي وليا أسعار شينه
قلت يا هل السوق وين ألقى مكاني=قالوا أقعد لين نلقى الحظ وينه
قلت ردوني لبسطة بردقاني=المكان اللي يساوي له مدينه
قالوا أصبر قلت لا والله ماني=صابر وقلبي يقطعني حنينه
للمكان اللي ضميته وارتواني=للمكان اللي لنا عطفه ولينه
للمكان اللي عشقته واحتواني=للمكان اللي أنا حافظ سنينه
ربحه البيّن لو أن الدين عاني=آه يا ربحه ويا طيبه ودينه



:biggrin:
:biggrin:
:biggrin:
:biggrin:
خــــالـــــد
30-01-2006, 08:03 PM
أمل

الله يعطيك العااافية .. ما يجي منك الا الخير

لكن بعض الخواافين باعوا من هزة السووق امس

يالله خليك كذا هههههه



ياسر المطيري صح لسااااانك .. رووعة انت

والله يرزقنا ويااكم




أخوكـ/خالد
ياسر المطيري
30-01-2006, 08:54 PM
المراقب العام حته وحدة


:biggrin:


صح بدنك الروعة بحضورك
راشد الراشد
30-01-2006, 11:26 PM
تقفل الشركات قبل امس بالنسب العليا

ثم امس نسب دنيا

فاليوم نسب عليا


فهذا لايصدقه عاقل بانك في سوق اسهم واقرب له سوق للمراهنات و


مالذي تغير وماالسبب الفعلي للنزول؟؟؟؟

المطلوب ألا ننخدع ونصبر

فغدا بمشيئة الله هو الاختبار الحقيقي لعودة السوق

المطلوب توفير سيولة
المــــحـتار
31-01-2006, 12:30 PM
فعلا السوق سيرتد ولكن الاسبوع القادم



ان ما يفعله الهوامير وما سوف يفعلونه الاربعاء انما لاجل تخوفيكم


انصحكم بعدم البيع لاجل الاقتناص من جديد


فما تخططون به الهوامير يخططون به



والاسبوع القادم سترون الارتفاعات والمؤشرات الجديده



لا لا لا للخوف




نعم نعم نعم للشراء مع كل نزول

مع ابقاء سيوله لاي امر


دمتم بود
خيـــاليـــة
31-01-2006, 01:39 PM
الله يجزاك كل خير

ويعوض اللي خسر

ويرزق اللي ماشرى
alm6nooo5
31-01-2006, 02:13 PM
رأيي في السوق وقد ترددت بكتابته

السوق قد يصحح واليوم أتوقع إغلاق على نزول بسيط

وأما يوم غد نزول شبه قوي وأنصح بالشراء قبل الإغلاق

يوم الخميس راح يعوض خسائر الأربعاء وأنصح بالبيع قبل الإغلاق

إذا صح السيناريو سأخبركم بمسار السوق

للفتره القادمه بإذن الله
متعب الهزاع
31-01-2006, 04:08 PM
اختي العزيزة امل عبد العزيز ماشاء الله عليك اثاريك من الهوامير طيب

انا ابستشيرك في البلاد تتوقعون خلال شهر راح ترتفع وتوقعكم كم

طبعاً العلم عند الله انا داري بس اكيد توجد توقعات.
°·.·•√شـيـهـآن •·.·°®
31-01-2006, 05:14 PM
توقعات شبه مؤكده

ان السووق سيبداء ارتداده يوم السبت القادم انشالله

وعلى فكره ترى هذ1 النزول مفيد للسووق خاصة بعد الاقتراب من حـآجز العشرين الف نقطه ....


والشخص مايسمى خسرا ن الا إذ1 بــــــآع .. امـآ ان كـآن متعلق في السهم فهذا مايسمى خسـآره الخساره بعد البيع


ومن المعرووف انه اول مايرتد الآسهم القيـآديه مثل سـآبك والغــآز والصنـآعيات ...

تحيـآتي للجميع

والله لايخسر مسلم

ومن وجه نظري للي عنده سيوله الدخول في هذ1 الوضع ...
أمل عبدالعزيز
31-01-2006, 06:12 PM
,
,
,
هلااااااا والله فيك ياياسر

والله يحيك وبصراحة وجودك هنا له مكانته

وكملتها بالعذبة ألي كتبتها !!:هاها:

صح لسانك والعوض بيجيك من صدق وخوياتها بس حافظ عليها:غمزه:
السيف2006
04-02-2006, 01:46 AM
الله يجزاك كل خير

ويعوض اللي خسر

ويرزق اللي ماشرى
اللهم آمين ولايضيع لنا تعب
ياسر المطيري
04-02-2006, 05:51 PM
,
,
,
هلااااااا والله فيك ياياسر

والله يحيك وبصراحة وجودك هنا له مكانته

وكملتها بالعذبة ألي كتبتها !!:هاها:

صح لسانك والعوض بيجيك من صدق وخوياتها بس حافظ عليها:غمزه:


أمل عبد العزيز




شكراً على الإطراء . . وكلك ذوق

ما ودك تفزعين لي بتوصية . . توصية . . فيها الخير
أخوك قدّر عليه الله . . وفكر فالزواج . . والله يا فيها مغطة ظهر
بس أبغى حق القصر . . وحق المهر . . وحق الموتر . . وحق أثاث الشقة
وجزاك الله عن أمة الأسلام خير . .





:biggrin:
لا من جد أفزعي لي بتوصية فيها أربعة نسب بس
أمل عبدالعزيز
05-02-2006, 07:06 AM
أربع نسب بس؟:بفكر:

خلاص درعم على فتيحي وأنت مغمض

وشوف وش بيصير لك بس

وترى صدق روعة وسيسكو أروع
خصوصاً مع إطلالة ينساب...

والعقارية فيها مع الإرتفاع اكتتاب يعني مسألة روعة بس لازم طولة صبر
ولك تحيتي...