كانيدا + الادارة ارجوا من الكل الدخول

[عميد اتحادي]

بسم الله الرحمن الرحيم

اول شيء جمعة مباركة واسال الله ان يتقبل مننا ومنكم صالح الاعمال ..

انا لاحظت الحملة الشرسة اللي طالت الادارة و الاعبين و كانيدا



ي ناس ي عالم ترى كل الناس يتطورون واحنا كل ماقلنا شيء قلتوا نبي اتحاد 2005 ماعندكم الا الشيء ذا .. ترى كل شيء تغير كل الناس جالسة تطور وتتقدم واحنا للاسف كل مالنا نتراجع ل الخلف ..


نبي ناخذها حبة حبة ..

الادارة / والله العم محمد الفايز ماقصر قدم كل اللي يقدر عليه هو ومجموعة المستقبل بس زي ما انتوا عارفين كره القدم تعتمد ع المادة ولاشيء غير المادة وهذا الشيء غير متوفر عندنا .. ولاتنسوا ادارة علوان وبن داخل ورثت لنا الديون .. وماقصر جاب افضل لاعب برازيلي 3 مرات سوزا .. وافضل لاعب كرواتي 2011 انس .. وامبامي كل المحللين يمدحونة ..

عبدالمحسن ال الشيخ الله يجزاه خير هو اللي دعم النادي من عام 1417 هـ ب حوالي 900 مليون ريال ..

منصور البلوي دعم الفريق لما كان رئيس نادي بسسسس .. انا احب ابو ثامر والحمد لله اني عشت عصره بس للاسف ما استمر والمشاكل اللي صارت له وحرمانة من رىاسه النادي ويمكن منعوه من الدعم ايضا لانه لم يدعم النادي الا لما كان رئيس .. وكل فتره يقول راح اتكفل بلاعب ولا صار اي شيء ..


بقية اعضاء الشرف مع احترامي مالهم اي وجود كله كلام في الاعلام او يدعمون وياخذونها من النادي ..


اغلب الجمهور يبي الاتحاد يرجع للزمن الجميل 2004- 2005 .. لو تلاحظون كيف كان فريق الاتحاد وقتها ... (( حسين الصادق - مبروك زايد - مونتي -تكر -باسم اليامي - الدوخي -الصقري - العيسى - سعود كريري- عبدالله الواكد - تشيكو- محمد نور - خالد مسعد - القهوجي - مناف ابو شقير -ابراهيم السويد - عبده حكمي - حمزه ادريس -كالون- مرزوق العتيبي ومن قبلهم (( سيرجو + الحسن اليامي+ خميس الزهراني )) والمدرب كان يوردانسكو ومن قبلة دراغان .. اجزم لو كانيدا وقتها كان مدربنا بنكون حققنا شيء اكثر من اللي سويناه
كلهم كانوا في افضل مستوياتهم وكنا نسحق كل الفرق ومانخاف من اي فريق .. كنا نلعب واحنا ناقصين ونفوز بعد ومباراة الهلال في ولي العهد اكبر دليل ومباراة الاهلي المصري 3-2 في كاس السوبر السعودي المصري ..


لو نقارنهم بجيلنا الحالي مع احترامي ما فيه اي مقارنة .. ولو ان فيه بعض العناصر عطائها صاير عطائها اقل بكثير ول العمر احكام

انا ما ابكي على الماضي واطلالة ترى احنا عيال اليوم ..


كانيدا ولو عنده احيانا اخطاء وكلنا بشر ونخطي .. لاتنسون غوارديولا السنة الماضية ومورينهو في دوري الابطال قدام البايرن (( جل من لايخطي )) يعني مافيه احد معصوم عن الخطا ..

الحين احنا في بداية جيل جديد و لاتطالبون ببطولات او شيء اصبروا وان شاء الله راح نرجع لمجدنا التليد ومو خساره تغير العشق وتغير نظرتنا ب كيان الاتحاد ..



كانيدا / انا ما امدح هذا الرجل لكن الحق حق والله مدرب متمكن وكلام د عبدالرزاق ابو داود وفواد انور خير كلام .. يعني من سنة ونص خسارة مباراة شيء جميل وهزم اقوى فريق سعودي في اخر موسمين الاهلي مرتين .. للاسف الكل اصبح ينتقد اذا لعب دفاعي قالوا ليه واذا لعب هجومي قلتوا ماعندنا دفاع واذا لعب ب 3 محاور قلتوا خواف مع ان تكتيكة ممتاز مره بس يحتاج له ناس سريعين مو زي اللي عندنا كلهم تشبعوا وماعندهم طموح وياخرون اللعب ..

اذكر لكم كم تغريده في اخر الموسم الماضي /

1 -قال : الاتحاد كسب مستقبلة ( عسيري 19 - هتان 20- ابو سبعان 22 - نايف 23 - معن 20)
يعني مدرب يخطط ل المستقبل ويعتمد على الشباب .. فيه ناس يقولون نبي الاحلال مايصير الاحلال في يوم وليلة .. اصبروا

2- واصلوا القتال روحكم عظيمة .. الموسم القادم سوف اكون مسوول عن كل شيء ..

ماذا حدث هذا الموسم .. طالب ب عبده عطيف و حسني وراحوا .. طالب بظهير ايسر تحديدا (( ياسر الشهراني )) او عكاش ولم يحضر لنا احد منهم ..

كيف تحاسبون مدرب ماتوفرت له ادوات النجاح والدليل مباراه امس ماعنده ولا لاعب بديل وفيه ناس يطالبون بلاعبين صغار في مباريات مهمة والله صعبة ي عالم ..


قفلة /

اعتزلت تشجيع نادي الاتحاد و انتقلت الى ادمانة