تكفون ادخلوا وقولوا آراءكم بصراحة

[راشـــــد]

بسم الله الرحمن الرحيم
السلام عليكم ورحمة الله وبركاته وبعد
بودي أن أطرح عليكم قصة حدثت معي اليوم وقبل حاولي الساعتين من الآن
القصة أحداثها طويلة
واسمحوا لي أن أرويها لكم بكل أحداثها

كنت قبل حوالي سنة ونصف السنة في أحد الشاتات
وكان في بنت( اسمها أميرة ) تدعو الموجودين لمنتديات جديدة
قدمت لي الدعوة وقالت بالحرف الواحد إذا سجلت أعطيك أيميلي
أخذت الرابط وسجلت منذ ذلك التاريخ وحتى اليوم

مرت الأيام وأصبحت معروف في المنتدى
عرضت علي الإدارة الإشراف
على أحد المنتديات فوافقت
أصبحت مراقب على أحد المنتديات
المهم نسيت تلك الفتاة التي قدمت لي الدعوة ونسيت وعدها
تطور الأمر بأن جعلوني مشرف على أكثر من قسم
وتطور أكثر فأصبحت أحد المشرفين المهمين ومعي كم عضو وعضوة
في هذا المنتدى

تواجد بالصدفة المحضة إنسانة عزيزة على قلبي
تعرفت عليها ذات مرة فقالت لي بأن اسمها ( لبنى) احترامها رغم مافعلت
وأنها أم لثلاثة أطفال وهي ربة منزل
رغم أنها ليست معي بالمسنجر
ولا يوجد بيننا إلا الاحترام والتقدير والردود بالمنتدى والرسائل الخاصة

المهم ياسادة يا أتيقاء يا أنقياء

حدثت مشكلة فاجتمعت الإدارة
وأضافوني بالمسنجر وحضرت الاجتماع
وحضرت لبنى وأميرة من قدمت لي الدعوة
ومن وجدتها بالصدفة في المنتدى
كلتاهما عضو في مجلس غدارة المنتدى وانا أعلم ذلك

فقالت لي أميرة لابد من أن تشكرني لأنني صاحبة الفضل عليك بدعوتك لهذا المنتدى الذي أنت فيه الآن لك وضعك
قدمت لها الشكر وأمام أعضاء مجلس الإدارة كلهم وبما فيه لبنى وكذلك أيضا صاحبة المنتدى والتي لم أعلم بأنها من أسرة كبيرة إلا في هذا الاجتماع ولم يكن لدي علم أصلا من هو صاحب هذا المنتدى
واتضح لي أنها متكبرة من خلال بعض اللحظات التي قضيناها في الاجتماع سويا

( قالت لما أتكلم كلكم تسكتوا لين أنتهي من كلامي مفهوم ) فقلت أنا أفضل الخروج من الاجتماع على هذا السكوت
لأن الاجتماع معقود ليس لفرض الآراء وإنما لسماع الآراء وأخذ الأصلح منها
انتهى الاجتماع وخرج كل الموجودين
وبقيت أنا ولبنى أم الاطفال الثلاثة
فقالت لي
ياراشد كيف تشكر أميرة وأنا موجودة
يبدو أنك كذاب في احترامك وشعورك تجاهي
قلت لها أشكرها أمامك أفضل من أشكرها خلفك
وبدأت من تلك اللحظات الخطط والتدابير للإطاحة براشد

وللأسف أنهم نجحوا
إخواني وأخواتيي
قلبي يعتصر ألما لما حدث
أرسل للبنى وترسل لي وعند غياب أحدنا يقوم الثاني بإرسال رسالة سؤال عن الغيبة
في إحدى المرات طال غياب لبنى
فأرسلت لها اسأل عن سبب الغيباب
كان في شات المنتدى أناس تدخل باسم راشد وتقول كلام غير لائق على الموجودين
وهناك شخص آخر يقول شفتوا أن راشد إنسان غير مؤدب ولا يستحق الإشراف
أرسلت لصاحبة المنتدى أروي لها ماحدث
فقالت يارشد لا تهتم الشات نحن لاننظر له
ولكن سوف نحل المشكلة
اصطنعوا مشاكل كبيرة بيني وبين الأعضاء
فقلت ياناس الإشراف لا أريده متنازل عنه ابحثوا عن الأكفأ
فاجتمعت الادارة وقالوا أنت الأكفأ ونحن نثق بك

مرة أيام ولم ترسل لي لبنى أي رسالة ولم ترد على رسائلي
وقالت مرة في الشات أنت هنا من أجل أميرة فاذهب لها
لم أرد
بل خرجت وأرسلت لها رسائل

وذكرتها بعلاقتنا القديمة
وأرسلت لها أول رسالة تحمل اسنها قلت لها بالعنوان ( لبنى وش السالفة )
المهم ردت وقالت أنها كانت معصبة
وتعال للشات نتفاهم
رحت الشات وقالت لي بكره تجي الساعة 3 الظهر أبيك ظروري
قمت من النوم عشانها وفتحت النت ودخلت الشات على الموعد
ووجدتها فسلمت عليها
وقالت لي راشد
أنت هنا ليه بالمنتدى؟
قلت أنا هنا بالمنتدى لأشياء كثيرة أنت أحدها
فقالت كيف فهمني؟
قلت لها أنا سجلت وأرتحت هنا ولما وجدتك زادت راحتي ولن أترك المنتدى طالما أنتي فيه
بدأت تتحدث عن بعض الأعضاء وبعض المشرفين
وأنا مسترسل معها بالحيث
وقلت لها لقد غضبت مني صاحبة الموقع في ذاك الاجتماع
لما تحدثت وطلبت مني السكوت
ضحكت
وفجأة إذا باللون الأخضر يدخل دون إنذار
صاحبة الموقع
(الموعد مرتب وأنا لا أعلم)
فقالت صاحبة الموقع راشد
لبنى تشتكي منك
تفاجأت في بداية الأمر ولم أتكلم
فالت راشد سؤال لماذا ترسل للبنى رسائل باسمها؟
لماذا تقول لها بالرسالة يالبنى ؟
قلت لها لبنى اسم جميل وأنا أحبه ولذلك قلت لها هذا الاسم
فقالت صاحبة الموقع
أنا أحب اسم و أود أن أناديك به
فقلت لها إذا كان تحبينه فناديني به
فقالت أنا أحب اسم ( حمار) أكرمك الله وأحب أن أناديك باسم حمار
لأنك حمار
ولبنى ساكتة !
فقلت لها ألأنك صاحبة الموقع تقولين هذا الكلام؟!
أم لأنك سار آل00 تقولين ذلك

قولك هذا يدل على أنك رابية في حضيرة لذلك تحبين هذه الأسماء

فقالت لن تدخل موقعي مرة أخرى برى يالله

00000000000000000000000000000000000000000

ياسلدة يأتقياء يا أنقياء
هل يوجد أناس بهذه العقليات
ألأنها تحمل اسم آل 000 تتصرف بالبشر كما يحلو لها
ياسادة يا أتقياء يا أنقياء
ما يميزنا هنا
أن صاحب هذا الموقع يتمتع بالأخلاق العالية
هو وبقية الشرفاء المشرفين الأعضاء
حتى ولو أخطأ شخص من الأعضاء لا يتلفظون عليه بما قيل لي

يا سادة يا أتقياء يا أنقياء
قولوا رأيكم بصراحة فيما قلت
لك تحياتي

[راشـــــد]

كنت بالسابق أتوقع أن صفة الخيانة

مرتبطة ارتابطا وثيقا بالرجل

لكن للأسف اصبحت المراة تشارك الرجل بهذ الصدفة الذميمة

يا للأسف

هذا ما أستطيع قوله

[ريانة العود]

اخوي رااشد .. انا بصراحه تضايقت من اللي صار فكيف موقفك انت ..
الناس اجنااس يا راشد وتوقع اي شي منهااااا.. تدري انا كنت اظن ان عيال العز دائما كذا واخلاقهم وحده وانا تاكدت الحيين .. لاكن انا عارفه ان في ناااس بالاخلاق العاليه ... بس يا رااشد الناس اللي مثل كذا تحب التجريح والغدر .. وبصراحه انا كنت اظن ان البنات كلهم بقلوب بيضه وطيبه بس اكتشفت ان في منهم بهالنوووع ..بنات بوجهييين يتصنعووون ويتقنون التمثييييل .. كنت اتمنى انها تكون في غيرك ولا فيييك... تدري لييه ؟؟ لانك قدمت افضل ماعندك وكل اللي عندك .. لدرجه انك تعينت في اكثر من قسم للاشراااف ...

اخوي راااشد ... انت قضيت وقت طويل في المنتدى اللي انطردت منه وصعب علييك تنسى ... لاكن لاتنسى انك انت هنا ومازلت تحمل لقب الاشرااااف .. ومهما كااان الامر المنتدى هنا محترم والاعضاء محترمييين واتوقع انك مستعد انك تنسى المنتدى اللي فيوم قدمت كل اللي عندك عشانه ... وقدم لك الاساءه والتجريح .. احنا قلوبنا وحده وكلنا هنا لبعض ..

الناس اللي مثل لبنه وراعيه الموقع ناااس لاتزعل عشانهم او تضايق نفسك عشانهم .. هذولا ناس مافي رحمه في قلوبهم ونااااس ماعندهم الا التجريح وطعن الظهور .. ونزف القلوب البريئه الطاهره اللي دائما تقدم افضل ماعندها وتشقي نفسها عشان رضا الغير .. وفالنهااايه جزائك وتعبك الالفاظ البذيئه السوقيه ..

اخوي رااشد اشكرك لانك مانسييت ان في اعضاء هنا تساعدك وقدمت اللي في قلبك لها تشتكي وتطلب العووون..
احنا هنا ننسيك بلبنه وراعية الموقع واميره وكل الاشكال الخاينه اللي مثلهم ..

بس لاتحط في بالك ان كل الجنس الناعم مثل هالاشكااال .. اصحى انك تاخذ موقف في قلبك .. لاكن خذ حذررك ولاتثق في اي احد .. هالزمن هذا صااار حتى القريب الحبيب يغدر ويخووون .. كيف تتوقع من شخص لك معرفه له بالنت فقط ؟؟؟؟ الله يكون بالعووون واتمنى اني ساعدتك بقد ما اقدر ..

نسيت اقول .. انت لاتخلي شي بقلبك وحتى لو نسيت ربي ما ينسا وربي المنتقم الوحييد وهو اللي يقدر يطفي النار اللي بقلبك .. صدقني خل الامر لله وربي ماينسااا عباده ..

تحياتي لك ...واسفه على الاطاله

[إعصار نار]

.
.

سحبت وجهت نظري ،،

أعتذر ..!!!!

[ريانة العود]

بس الشخص اللي يخاف من هالناس راح يضل خايف في كل شي وماراح ينجح في الامور اللي تصادفه ... لاتنسى اننا كلنا بشر ومافي احد افضل من الثاني من الناحيه الماديه يمكن .. اما ناحية القلوووب هذي الصفه الوحيد اللي تميز الشخص .. القوي الغالب الله .. وخل ربك قدامك ودائما .. لاتخاف الا من ربك .. وربي يمهل ولا يهمل .. ربي متوعد على كل جبااار ظااالم .. انا عزة نفسي ماتخليني اخاااف .. لاني عارفه ان في سند قوي ورا ظهري غالبهم غالبهم وهو الله سبحانه وتعالى ... وهو الوحيد اللي يقدر ياخذ بثأري وياخذ بكل حقوقي كلها ...

[قوت القلوب]

هلا اخوي راشد حقيقه قصتك مؤثره وموجوده بكل مكان سواء بالمنتدى وعالم النت او الواقع
الناس الحين كلها مصالح تعطي اعطي ماتعطي ما اعطي

تشوف اقلية من الناس الي تعطي من قلب ومانتظر احد يعيطها

اخوي راشد ات المنتدى الي انت فيه كرامتك اولى لك واحسن من لقب مشرف او غيره وان هذول الناس مالهم امان الظاهر شافو صيده جديده ويبون يتخلون عنك...

ويسلمووو


تحياتي

[إعصار نار]

.
.

سحبت رأيي في الموضوع ..!!

أعتذر ،،،

[ريانة العود]

ماشالله ماتقصر جاهز ...
بعدين انت وش جاب الطااري ..
وعلمني اذا ماخفنا يعني نرمي نفسنا للتهلكه .. نسكت على الحق .. احنا كلنا سواااااا .. كلنا بشر ومافي احد احسن من الثاني .. كلنا انخلقنا على ايد وحده .. كلنا انخلقنا من شي واااحد .. ومافي احد احسن من الثاااني ...

والحساااب مين يحاسبنا انا احاسبك انت تحاسبني لاااا .. ربي الوحييد اللي يحاسبنا ..

اتمنى ان ماتزعلكم وجهة نظري .. بس اختلاف الراي لايفسد للود قضيه .. الكل يفكر بطريقته .. انا هالطريقه تريحني كثييير .. وحبيت اني اريحكم معي .. بس اتمنى اني ما اضايق احد ..

[معاند الجرح]

يالله أخوي راشد قصتك مؤلمة وتجرح بنفس الوقت


أخوي الغالي هذا منتدى مايحترم بالأساس المفروض ماتتنازل وتجلس فيه


والله اذا كانت صاحبة الموقع تعاملها كذا فالعوض على البقية



منتدانا تعامله أحسن من الجميع



أخوي لاتجعل هذه الحادثة أمام عينك وأرميها خلف ظهرك



والله ما احد يستاهل كلمة من اللي تكتبه ولبنى ... انسانة مابادلتك نفس الشعور



ولا عرفت تقدرك وتدافع عنك انسى الماضي وافتح صفحة جديدة



مبدأها قلبك ليس لأحد قلبك لك فقط

[ياسميناة]

هلا باخونا راشد


صراحة القصة مؤلمة ولاتزعل ولاتتعب شعورك الناس ياطويل العمر مايتشابهون والغدرسمة باصحاب الغدر والبنات موكلهن سواسية بالعكس قلوبهن نظيفة وحليلات ومتواجدات في منتدانا والحمد لله

وأشكر ربك واسجد ركعتين شكر إنك عرفت حقيقة هالبنى قبل ماتتعدى السنه والسنتين وتعرف مدى الغدر والخيانة أنت دائما الأفضل واجعل شعارك إن جيت ياورد سهرنا عليك وإن رحت ياورد لا أسف ولا ندامة عليك

وإن شاء الله نكون وقفنا معك وأعطيناك جزء بسيط من قدرك الغالي


على فكرة ياراشد أنت أول من رحب فيني بهالمنتدى بعد معاند وهذا إن دل يدل على ذوقك وتعاملك الراقي

ومشكوووووووووووره أخوي

[السيف]

قم يا راشد عطني الموقع حرام بالله ما اخلي فيه شنب يسوا

و انت قاهرني علي الحرام

وش هذا ؟؟؟؟؟


كاتب الرسالة الأصلية : راشـــــد

فقالت لي أميرة لابد من أن تشكرني لأنني صاحبة الفضل عليك بدعوتك لهذا المنتدى الذي أنت فيه الآن لك وضعك
قدمت لها الشكر وأمام أعضاء مجلس الإدارة كلهم وبما فيه لبنى وكذلك أيضا صاحبة المنتدى



ليش كذا يا راشد

ليش وش بلاك ارخصت نفسك انت

علي الحرام ما اشكرها قدام احد دامها فرضت الشكر علي قدام الكل

الشكر من النفس مو انسان يفرضه علي

و بعدين على وشو تشكرها على جهدك الي وصلك لمركزك ؟؟؟

و بعدين رابط المنتدى عطني اياه حرام بالله ما يشتغل بكرى

الي يسوي هالسوايا ما يستاهل يكون له منتدى اصلا

و بعدين آل .... الي كاتبهم تقابلنا معهم و جلسنا معهم و خاويناهم

و اقسم بالله رجال ينحطون على الجرح يبرا

و الي يسوي هالسوايا هم بريئين منها اسئلني

و ترى كبيرهم ما يرضى المذله لصغير رعاياه

لكن يا راشد قسم بالله قصتك قهرتني وانا اخوك

و انت بعد قهرتني لأنه هاللبنى هذي ما تسوى ريال علي الحرام

مره كبيره و ام عاقله تسوي هالحركات و تشكى

يا حبيبي ماحد قالك راسلني عشان يتشكى ولا انت فرضت عليها

هي الي جت و بعدين اذا ما ناديتها لبنى وش اناديها (( لبنه ولا لبنه بالجبن ))

راشد اسمع و انا اخوك

رح لهالمنتدى القديم و سجل فيه كانهم طردوك و ارسل رساله خاصه للي قهرك

و قل للأعور اعور بعينه و لا يهمك لا لقب ولا اصل ترانا كلنا عيال آدم و حوا

و ما يصبر على الجور الا الثور وانت ادري بك رجال و ما تسكت عن حقك

و كانك سكت علي الحرام لا اخذه انا وش فايدتنا اخويا يعني نرد على مواضيع بس ؟

قسم بالله البس عباة و برقع و اقعد عند الحريم كان احد من هالمنتدى او غيره او ولد ولا بنت

ربطتني معهم وقت وضخكه و كلمه طيبه و ما وقفت معه بقهره

يا خوي الي براسك سوه و لايهمك احد و كانك منت غلطان ما عليك من احد ابد

الا مد صبعك و بعين الي قدامك بس لا تخلي شي يقهرك وانا اخوك

و كانك عجزت تعال قلي و انا اخذ لك حقك يا عشير الوفا انت

و اسمع علي الحرام ما اعرفك لين ما تجيني رساله خاصه

في المنتدى تقولي انك خذيت حقك

الأحترام لأهل الأحترام ولا ذولاك الي سوو في اخوي كذا يهبون مالهم الا الرديه

اخوك / سعد السيف

[طيف الوله]

اخي العزيز


من موضوعك عرفت ان الامر كله بيد النساء

وهنالك حديث يوضح ان المراه لا تنفع لان تكون في مركز قياااده

اخي

الحياه مربع ثلاثه من اضلاعه تحمل الالم والظلم وهضم الحقوق والضلع الرابع هو الوجه النقي للحياه فكن ملازما

لذلك الضلع ولا تلفت للماضي ارمه ورا ظهرك انت هنا الكل يحبك ويحترمك وهذا يكفيك اخي الغالي

[أمل عبدالعزيز]

أخي العزيز الرازِن راشد........

أنت أكبر من هذه الترهات...... وأصابع يدك ليست سواء....... ولكلِ بيضٍ عُشْراً , ومن سوء الحظ أنك لم تقع سوى فى العُشْر , فلاتعتقد أن الكل بمثل هذا الدنو.......

المنتديات قال عنها الشيخ الفاضل السديس حفظه الله: مراحيض النت = قصد بذلك تلك المنتديات البئيسة والتعيسة , وقد كان للمنتدى الآنِف الذكر نصيب الأسد من هذا الوصف والعِلَّة فى ذلك بسبب إدارته لاغير.......

أنت فقط تأكد أنك حينما تكون على صواب لن يضرُك أى شيء بعد هذا ,

ولاتصدق كل من قال لك أنا من 00000 مطلقاً , فقد حدث وأن نسب كثر من الناس أنفسهم لمثل هذه الأُسر وثبت بالقطع كذِبُهم ........

وليكُن لكَ من اسمِك نصيب أيها الراشد ...........

[يم يم]

اخوي راشد ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,, تحيه طيبه وبعد ..!!

قرأت موضوعك أكثر من مره ومثلي مثل غيري أشعر بالأسف لما حصل لك من فبركه وتلاعب راح ضحيتها
راشد لكن لتعلم أخي الفاضل أنك طلعت بكرامه من هذا المنتدى الذي أستغرب كيف لمثلك أن يكون مشرفا ً فيـــه
لأنك أكبر بكثير من كل هذا لذلك يجب عليك نسيان كل ماحصل وبروااااقه بعد , بالنسبه لقولك بأنك لم تكن تعلم
عن نسب صاحبة المنتدى وأنها من أسره كبيره فأقول ليس بشرط أن تكون من تلك الأسره وإن كانت فلكل قاعده
شواذ وأعلم اخي الحبيب أن الكبير كبير في كل شيء والصغير كذلك وكل إناء بما فيه ينضح .

أخوي راشد من قرأتي للقصه جاء في بالي كم سؤال (تطفلي) اذا حبيت جاوب عليهم ..
1/ هل كانت تلك المشكله التي عقد الأجتماع لأجلها تخصك ؟
2/ وش معنى قالت لك أميره أشكرني قدام الحضور هل لأن شكرك لها سوف يكون بمثابة الصدمه لشخص ما كما حدث ؟ ولماذا تضايقت لبنى من هذا الشكر ؟ وليه قلت بالحرف الواحد أشكرها قدامك ولا أشكرها خلفك !! وهل كنت تعلم بأن الشكر سوف يضايق لبنى ؟ <<<<<< زودها حبتين المحقق

أخوك / يم يم

[][ الفيصل ][]

تصدق أخوي راشد أستفدنا من قصتك القهر والغبن ياخي حررررررررررام ليش ماتأخذ حقك هل انت خائف ؟؟؟؟

أخوي تشكر أميرة ؟؟؟ لا أعتقد أني راح اسويها





وبعدين شئ معروف وأنا خبير في هالمواضيع لا تجلس في موقع البنت أعلى منك منصب وألا تتحكم فيك


وعارف أن بعض الناس يقولون طيب فيه بنات أعلى منك هنا باأقولهم غلطانين وبكره تشوفون

[السيف]

فعلا كلامك هو المنطق

و انا قلت كذا من اول

و تسلم يدك على ما كتبت

اخوك / السيف

[][ الفيصل ][]

شكراً لك أخوي السيف أنا تكلمت وكأن الموضوع قد حصل لي أنا شخصياً وهذا من وجهة نظري وأتمنى أن لا يزعل أحد مني تحياتي لكم



السيف أحنا متفقين في كل شئ هههههههههههه

[راكان بن بدن السبيعي]

أخوي / راشد


أوافقــك في كثير من كلامك وأعارضك في البعـــض


ولكن أود أن أقول لك منتدى لايحترم آراء الناس ولا يقدر أتعابهم أبتعد عنه


ووجودك فيه كارثه لأنه سيضيع وقتك بلا فائده


وأنت عزيز أخي عن هذه العبارات


ولاتخرج هذه العبارات الا من شخص تشبّعت آذانه من سماعها



ما أعارضك فيه

وتذكّر : أن الأختلاف في الرأي لايفســد للود قضيّه


ألــ آلـ..........

التي تتكلم عنها يجب أن لانبخس حسناتها فهي من بنت مجد الأمّه ومن حفظت أمننا وشريعتنا ...


فلا نتذمر من حثالة الـ آل لكي تشمــل شمعتهم المضيئــه .....


فلا عز لنا إلا بالدين ...........



أعذرني أن جانبت الصواب في كلامي

دائماً أتجنب الخوض في هذه الأمور ولكن لشخصك العزيز أردت المشاركه



تحيـــــاتي لك

أخــــــوك / الكــــــايد .