$$كل عام وانت الحب يابعيد المراميس$$ [الأرشيف]

محمد السليس

21-01-2006, 05:21 AM

ابو جسار

كل عام وانت بخير

ودنا بها الطاروق التنشيطي للتعلم والاستفاده من لدنك طال عمرك

قم يازعم هاك العلوم الوالمه واسلم وهات = ما اورد الدعوى علاك الا واجيب اشهودها
من عقب شفتك ماتواتا لا تهيد ولاتبات = باقٍ تعدي فالجبال تصيح مثل اقرودهـــــــا

سلطان الشيباني

21-01-2006, 05:53 AM

الله الله

مبدا كايف
يوحي لمحاوره

ناااااريــّــه

واصلوا
وسجلووني متااابع

وازهل الصف يامحمد

ولايهون زعم

عاطر التحيّه

123321

21-01-2006, 10:25 AM

المحاوره فن من فنون الشعر قد يجهله الكثير وان كانو يجيدون تنميق الكلام

وكل اناء بما فيه ينضح

.
.
سقطه

فيصل بن بدر العتيبي

21-01-2006, 06:35 PM

مبدأ كايف يابو علي

صح لسااااااااااانك يالذيب

في انتظار ابو جساااار

لنتابع محاورة من كبار الشعار :11umbup:

صالح الروقي

21-01-2006, 08:50 PM

يسلم هالرااااااس يابو علي

وصح لساااااااااانك

وننتظر ابو جساااااااار

وانا في صفك ياخااالي محمد

تحياتي
الروووووقي

بعيد المراميس

21-01-2006, 10:34 PM

سلطان الشيباني حياك الله ولاهنت على هذا الحظور والصف واحد طال عمرك

123321 = حياك الله وكلامك ميه الميه وانا اخوك وشرفتنا

ابو بدر حياك الله ولاهنت على هذا الحظور الطيب يالامير

صالح الروقي حياك الله يالقرم والصف واحد مايحتاج

بعيد المراميس

21-01-2006, 10:37 PM

الشرف لي يابو علي الله لايهينك

واستلم:

اوحيك يامحمد علي والباقيات الصالحات=ياموّرد الدعوا عليك شهودها وبنودها
هات الخبر واخذ الخبر واصابعك ماهن خوات=يوم اليمن ماترسل النا الا شيوخ زيودها

فيصل بن بدر العتيبي

21-01-2006, 10:45 PM

اوحيك يامحمد علي والباقيـات الصالحـات
ياموّرد الدعـوا عليـك شهودهـا وبنودهـا
هات الخبر واخذ الخبر واصابعك ماهن خوات
يوم اليمن ماترسل النا الا شيـوخ زيودهـا

صح لساااانك يابو جسااار

دانـــــه

21-01-2006, 11:27 PM

ابو جساااااااار ههههههههههههههههههههههههه ههههههه صح لسانك وااناملك ياشيخ
يوم اليمن ماترسل النا الا شيـوخ زيودهـا
يوم اليمن ماترسل النا الا شيـوخ زيودهـا
يوم اليمن ماترسل النا الا شيـوخ زيودهـا

بصفك اكيد بعيد المراميس وننتظر اخونا محمد

محمد السليس

22-01-2006, 12:02 AM

الله يشرف مقدارك ويسلمك

استلم لاهنت

لاتسبق الاحداث لين تشوف ركض العاديات = كم لحيتن يم القشر سلك الحرير ايقودها
ان فاتك التكبير فات اجر الجماعه فالصلات = يامتعبن نفسك بطول اركوعها واسجودهــا

سلطان الشيباني

22-01-2006, 12:05 AM

الله الله

ان فاتك التكبير فات اجر الجماعه فالصلات
يامتعبن نفسك بطول اركوعها واسجودهـا

ياسلام ياسلام

واصلوا
لاعدمناكم

تحياااتي

محمد السليس

22-01-2006, 12:05 AM

سلطان الشيبانى

هلا وغلا يالامير

ومتابعة مثلك وشرواك من الرجال هى النوماس والله

123321

كلام يامدير الشرطه

ابو بدر

عسانى ماخلا ولاعدم يالامير وصح بدنك

صالح الروقي

هلا وغلا يالقرم والصف واحد وانا خالك عسانى ماخلا

دانه

مشكوره على حضورك

نجاء بن محمد الجبيري

22-01-2006, 12:09 AM

السلام عليكم

هلا بملاك الشعر والمعذره والله اخي محمد السليس

اليوم والله في صف ابو جسار وبقوه

تكفا يا بو جسار وريني في السليس يومن عبوس قمطرير

والصف ازهل

الجبيري

خالد الشليخي

22-01-2006, 08:36 AM

صح لسانك اخوي محمد وبيض الله وجهك
وصح لسان اخونا زعم ويعطيكم العافيه
متابع لمحاورتكم المتميزه من بدايتها

محمد سالم الهاجري

22-01-2006, 05:59 PM

سجلوني متاابع وفي صف بعييد المراميس

ازهل الصف علي اناا والجبيري واللي عقد رؤس الحبال يحلهااااااااااااااااااا

جمهور متعطش لسماع ابياتك الجزله يابعيد المراميس

اخوك برق الشمـــــــــــال

الكريم معان

سعودعبدالله

22-01-2006, 07:38 PM

الله الله

صحت قلوبكم

سجلوني متااابع

والليل يا بعيد

بعيد المراميس

22-01-2006, 10:54 PM

مرحبآ يابو بدر مره ثانيه وصح بدنك ولاخلا ولاعدم من حظورك

دانه هلا ومرحبتين يابنت الرجال ويشرفني حظورك ووجودك بصفي الله لايهينك

سلطان الشيباني مرحبآ مره ثانيه

مرحبآ يابو محمد ونورت المحاوره وشرفتني الله يشرف مقدارك وانا اخوك ولاخلا ولا عدم ومحمد الله يعين عليه جاين من اقصاه والله مدري وين انحاش مار الله يخارجنا

مرحبآ يابرق الشمال والشرف لي طال عمرك بوجودك فالصف الله لايهينك وماعلي من احد دامكم معي اوريكم فالاداره كلهااا لو ارميهم بأم خمس ههههههه

ابو عبدالله مرحبآ بك وبمتابعتك

بعيد المراميس

22-01-2006, 10:58 PM

هاستلم يابو علي الله لايخليني منك

اقلب حجر واعدل حجر وامسح دموع ام البنات= الله يبارك في رجالن ماتبيح سدودها
خل الاجر واهل الاجر واخذ مني علم ثبات=اخنقك خنقه بعدها والله معاد تعودها

سعودعبدالله

22-01-2006, 11:25 PM

اخنقـك خنقـه بعدهـا والله معـاد تعودهـا

ههههههههههههههههههههههههه ههههههههه

الله الله الله

صح لسانك يابو جسار

متابع متابع

محمد السليس

22-01-2006, 11:25 PM

عسي عمرك طويل يالامير ولاخليت

استلم لاهنت

أليا ذكرت اللى مضا ضحكت يمال الغنات = يوم الجمال من الحدم قامت تعض ابدودهـا
ياصاحبي بالله قلي كيف هاذي منك جات = انقصتلك فى وزنة ٍ واجب علاك اتزودها

أبوعبدالرحمن

22-01-2006, 11:56 PM

صحت قلووبكم

ومتابع لكم

وبما ان ابوعلي على يميني الأن فأنا في صفه

بعيد المراميس

23-01-2006, 12:08 AM

صح بدنك يابو عبدالله ولاخليت من هالحظور يالقرم

الله الله يابو علي ياسلااام سلّم

استلم طال عمرك

وانا ليا مني تذكرت العلوم الماضيات=يوم العرب هاك السنين الغبر فوق عدودها
السلعه اللي تغري التجار ماراحت فوات=عجوبها التجار في بيض الليال وسودها

محمد السليس

23-01-2006, 12:54 AM

الله الله يا ابو جسار والله يكفيني شرك

استلم لاهنت

المشكله محدن حرشك ولاحذف يمك حصات = مار القراده جابت اقصا الناس يامقرودها
اليا تواردنا الموارد يالحياه ويالممات=يامن نقلت البندق اللى مكذب ٍ عبرودها

محمد السليس

23-01-2006, 12:55 AM

هلا وغلا ياا ابو عبدالله

وصح بدنك ولاعليك زود

سلمت ولاهنت يا ابو عبدالرحمن وعسانى ماخلا يالذيب

علي عبدالرحمن الأسمري

23-01-2006, 01:32 AM

ابو علي و الغنامي
صحت قلوبكم
هنا والله الطرب على اصوله
تسلمون

بعيد المراميس

23-01-2006, 07:41 PM

أبوعبدالرحمن... هلا ومرحبا بك وبحضورك المشرف لاهنت

علي عبدالرحمن الأسمري....حيك وحي مرورك الكريم ولاهنت يالقرم

استلم يابو علي الله لايهينك

لاصرت منت بقد ماقلته تلحف بالعباة=تذريك عن لفح الهبوب اللي يذعذع نودها
اليا تواردنا الموارد ماهي بهرج سعوات=يا راعي الكف النديه لا تحسب جودها

علي عبدالرحمن الأسمري

23-01-2006, 08:21 PM

اليا تواردنا الموارد ماهي بهرج اسعوات
ياراعي الكف الندية..لاتحسب جودها

صح لسانك
ومتابعينكم وشاكرين

مـشـعـا

23-01-2006, 08:41 PM

لاصرت منت بقد ماقلته تلحـف بالعبـاة
لاصرت منت بقد ماقلته تلحـف بالعبـاة
لاصرت منت بقد ماقلته تلحـف بالعبـاة

ههههههههههههههههههههههههه

الله عليك يابعيد

بصفك وانا اختك لااوصيك فيه

متابعه متابعه متابعه
متــابـــــعه

محمد السليس

24-01-2006, 01:05 PM

لاهنت يا ابو جسار واستلم لاهنت

الذيب لامنه غزى ماسدته يفلان شات = حتى الشواويه معــه ثانى تعرف احدودها
والله مااوردهن واصدر ياعميلي حايمات =ربك يعين العالم اللى قد لهدت اكبودها

محمد السليس

24-01-2006, 01:12 PM

ابو عبدالرحمن الاسمرى

اعجاب مثلك وشرواك وحضوره هو المكسب والنوماس يشهد الله

ولاهنت يالسنافي

مشعا

انتى وراك على يالسنافيه

حسبي الله وبس

عبدالعزيزالكسر

24-01-2006, 08:42 PM

كل عام وانتم بخير

ياسلام

لقا ولا احلى

شد حيلهم بينهم

فالمدرج ونتفرج

سجلو اعجابي

تحياتي

علي عبدالرحمن الأسمري

24-01-2006, 11:41 PM

الذيب لامنّه غزا..ماسدّته يافلان شات
حتى الشواويّه معه ثاني تعرف احدودها
والله مااوردهن واصدّر ياعميلي حايمات
ربك يعين العالم اللي قد لهدت اكبودها

ليت فيه صفين ياابو علي وانها على الهوا مباشرة
كان والله حزة السعد
تسلمون ومتابعين باعجاب

صحت قلوبكم كلكم

سلطان الشيباني

25-01-2006, 02:04 AM

ياسلام ياسلام

والله مااوردهن واصدّر ياعميلي حايمات
ربك يعين العالم اللي قد لهدت اكبودها
والله مااوردهن واصدّر ياعميلي حايمات
ربك يعين العالم اللي قد لهدت اكبودها

كفو يامحمد

ولا على زعم زود

واصلوا لاعدمناكم