من يرحم الهاجري [الأرشيف]

محمد السحيل

20-01-2006, 09:43 PM

الله الله

اســــــــــــــمع

الهاجري يا جماعه عنه جاني علوم=مدري وش اللي حصله والبصاط احمدي

ان قلت جوه صفى وان قلت جوه غيوم=منهو يسوي سواته والبصاط احمدي

سعد النخيش

20-01-2006, 09:49 PM

محمد السحيل

صح لسانك

ونا في صفك

وننتظر الهاجري

أبوعبدالرحمن

20-01-2006, 09:51 PM

الهاجري يا جماعه عنه جانـي علـوم
مدري وش اللي حصله والبصاط احمدي

ان قلت جوه صفى وان قلت جوه غيوم
منهو يسوي سواته والبصاط احمـدي

ياسلاام

مبدا كايف

صحت قلوبكم ومتابع لكم

محمد سالم الهاجري

20-01-2006, 09:56 PM

الله الله مرحباء ياسعد ومرحباء فيكم كلكم ووافين وغالين وجودك شرف لنا سؤ ان في صف اخوي ولافي صفي

استلم استلم

الهاجري يرحمه ربه وربي رحوم *************** ولا انت منته بربي والبساط احمدي

الله يستر لاتوصل صوب فرك الخشوم *************** ولزمك لزمة حرامي والبساط احمدي

محمد السحيل

20-01-2006, 10:22 PM

محمد السحيل

صح لسانك

ونا في صفك

وننتظر الهاجري

سعد اسفرت وانورت

هلابك

وصح بدنك

والصف يتشرفبك

محمد السحيل

20-01-2006, 10:25 PM

الهاجري يا جماعه عنه جانـي علـوم
مدري وش اللي حصله والبصاط احمدي

ان قلت جوه صفى وان قلت جوه غيوم
منهو يسوي سواته والبصاط احمـدي

ياسلاام

مبدا كايف

صحت قلوبكم ومتابع لكم

ابو عبدالرحمن

هلا وغلا

لاهنت على المرور الكريم

محمد السحيل

20-01-2006, 10:28 PM

الله الله

اســــــــــــــمع

ما بين ضرب الرماح وبين زرق السهوم=يا من يرد المنيه والبصاط احمدي

يا الهاجري لا يغرك في حياتك حلوم=افهم كلامي وركز والبصاط احمدي

محمد سالم الهاجري

20-01-2006, 10:35 PM

الله الله استلم استلم

اثرك يا صاحبي مثل الحصان العزوم *********** تطمر طويل الحواجز والبساط احمدي

الهاجري ون خذى قسمه خيار القسوم *********** ليتك سمعت النصيحه والبساط احمدي

صالح الروقي

20-01-2006, 10:39 PM

صح لساااااااااااانك يالهاااااااجري

وصح لساااااااااااااااااانك يالسحيل

وانا في صفك ياولد عمي

ويالله واصلوا في الابدااااااااااااع يالمبدعين

مودتي

الروووووووووووووقي

أبوعبدالرحمن

20-01-2006, 10:49 PM

صحت قلووبكم

وانهكانك اليوم يا الهاجري

محمد السحيل

20-01-2006, 10:52 PM

صح لساااااااااااانك يالهاااااااجري

وصح لساااااااااااااااااانك يالسحيل

وانا في صفك ياولد عمي

ويالله واصلوا في الابدااااااااااااع يالمبدعين

مودتي

الروووووووووووووقي

هلا وغلا

صح بدنك

ولاهنت على المرور العطر

والصف يتشرف بك

اخوك

محمد السحيل

20-01-2006, 10:56 PM

الله الله

اســـــــــمع

يا الهاجري ليت حظك يا عميلي يقوم=حتى تزول الغشاوه والبصاط احمدي

منته بصالح دفاع ولا انت صالح هجوم=ليتك تريح ضميرك والبصاط احمدي

محمد سالم الهاجري

20-01-2006, 11:09 PM

استلم استلم

يا صاحبي لاتحسب ان الشلوى بقوم ********** ترى العتيبي مخرف والبساط احمدي

مخبلك يلي تناطح جنب ضلعن دحوم ************ الضلع يكسر قرونك والبساط احمدي

نجاء بن محمد الجبيري

20-01-2006, 11:12 PM

السلام عليكم

واقفييييييييييييييييييييي ييييييييييييييييييييييييي يييييييييييييييييين

في الصف

الليل لليل

محمد السحيل

20-01-2006, 11:22 PM

هلا وغلا

يا نجا

نورت بحضورك

والصف يتشرف

واشكرك على المرور

محمد سالم الهاجري

20-01-2006, 11:26 PM

jتعديل (الشلاوى )

محمد السحيل

20-01-2006, 11:32 PM

الله الله

اســـــــــــــــمع

يا صاحب الحجه الاثبات بالله معدوم=ان كان ترضى الحقيقه والبصاط احمدي

عيب الرغى عقب تهدر يا البعير الردوم=اخذ العبر من حياتك والصباط احمدي

محمد سالم الهاجري

20-01-2006, 11:39 PM

استلم استلم

انكانها عودة من بيننا با السلوم ************ حنا عيال القبايل والبساط احمدي

انا جمل والجمل ينطح لهيب السموم ********** ولاانته اعمى بصيره والبساط احمدي

سعد النخيش

20-01-2006, 11:43 PM

متابع لكم وماسك الصف

صحت قلوبكم

محمد السحيل

20-01-2006, 11:46 PM

الله الله

اســـــــــــــــــــــمع

ان كانها عودت ما بين خصم وخصوم=محدن يلادي فعولي والبصاط احمدي

لا يا الجمل فوق خدك كم وكم من رقوم=بالله سدد ديونك والبصاط احمدي

محمد سالم الهاجري

20-01-2006, 11:49 PM

مرحباء والله يا سعد عاشت عينن شافت وجودك وسمك الا انت اكبر مشاهد لنا يااخي انت والله يااخي اعتبر المحاوره هااذى

كلهاااا انت اللي بادعهاااا والله دايمن تشجيعك ماينقطع دايمن ونت معناااااا

اي والله بس ولونك شوي مظايقني اليوم بس يالله الصف واحد

لانك قايم مع محمد ضدي محمد مصيبه من غير صف كيف الا قمتو معه

الله انشالله ينصرنا عليييييه ونقلبه اليوم والمعيين الله

ونت ياسعد غششني ونااا اخوك ماني بخلي منك ولا من اخوي نجاااااء

الله الله فيني با الرسال الخاصه

ههههههههههههههههههههههههه ههههههههههههههههههههههههه ههههه

اخوكم برق الشمـــــــــــــــــال

محمد السحيل

20-01-2006, 11:50 PM

هلابك

يا سعد

مليون ولا يكفون

ولا هنت على المرور

سعد النخيش

20-01-2006, 11:55 PM

يا لهاجري

العذر والسموحة

مادريت انك غيرت اسمك ولا انتبهت الا الان والله

بس اعذرني الليلة مقدر انسحب من الصف

تكفي ونا خوك المعذرة

مهدي بن مسفر الحبابي

20-01-2006, 11:57 PM

أخوي محمد السحيل صح لسانك وبيض الله وجهك

أخوي محمد سالم الهاجري صح لسانك وبيض الله وجهك

تسلمون تسلمون

لكما وللجميع احترامي وتقديري

محمد سالم الهاجري

21-01-2006, 12:01 AM

الله الله استلم استلم

الحمد لا الله عن الهزلات حظي يشوم ************* ولانت حضك مدحدر والبساط احمدي

اهل الوفاء تفعل الموجوب ولا الرخوم *********** ماتنفعك يا صحيبي والبساط احمدي

محمد سالم الهاجري

21-01-2006, 12:04 AM

لالالالالا اخوي سعد والله الصف واحد ونا اخوك بس حبيت امزح معك ولا انتم اخوان واافيييين والله

بس تعرف امزح ونا امون يا سعد وناا مابي الا شفتك في المنتدى اي والله

مرحباءءء والله مليووووووووووووون

اخوي مسفر غالي والله وشوفتك وجودك لنااا راس مال ويشهد الله

انت غالي وحضورك شرف لناااا

وحناا نبي بس وجودك لانه وسام يتسجل في رصيدناااا

اخوكم برق الشمال

الكريم معان

محمد السحيل

21-01-2006, 12:05 AM

صح لسانك يا محمد

لكن عدل

اضنها خطا مطبعي

نجاء بن محمد الجبيري

21-01-2006, 12:09 AM

ياولد ش هذي الليله

يا برق الشمال ترا المقهى الي انت فيه الليله على حسابي وانا خوك والكمبيوتر ابشر بعوضه

ولاجاك ضيف خله يقرا الفاتحه والتحيات عند الباب

اسروا والمخرج ملي

الجبيري

محمد سالم الهاجري

21-01-2006, 12:13 AM

عسى الله يعين يااااا ولد لاعد توخذوني ترى الكبر له دور وناا كبير سن

ومنعس وراي دوام والله قمت اخلط في الكتابه ولاعااد اميز عدل ساا محوني

غير من لقاله زله يرفاهااااا وكون له من الشاكررين

سمعتني يااااخوي محمد العتيبي يا المدقق على كل حرف وكلمه الحمدالله انك منت بضابط تحقيق

كان بتبلش العالم يولد الله يكفنينا شرك يولد

اخوكم برق الشمال

الكريم معان

محمد سالم الهاجري

21-01-2006, 12:17 AM

راسك العوض يرجال الجهاز بداله جهاز ودام الرؤس سالمه اهم شي الجهاز في اللي مايودي

الضيفان مشكله ذى الايام بس يالله الله يكون في العون يولد مشااكل الله يصبرناا على فعل الجميله

ياخوي نجااااااااااااااااااااااا اااء

المقهى والله عند نفسه يرجال يستلم كاش اول شي

والساعه 40 اريال يولد وتعرف حنى اخر الشهر هههههههههههههه الله يكون في العون

اخوكم برق الشمال

الكريم معااان

محمد الجبريني

21-01-2006, 12:20 AM

يا ساتر استر لا تطيح الستاره

والليل راح وكل مطرود ملحوق ......... الله وش اللعب والصفوف وكلهم متورسلين الهاجري

الرجال عنده عمل خلوه يمسي لا يغيب بكره ههههههههههه

معك يالهاجري والله معك وفى صفك
لاهنت كفو تصامد القوم اربعين يوم

محمد السحيل

21-01-2006, 12:24 AM

الله الله

اســـــــمع

الحمد لالله على الامجاد سبع ٍ قظوم=ما ضاع ليه فقيده والبصاط احمدي

يا موتر ٍ مخطي السكه ودرب العموم=ارفق وقدمك مطفه والبصاط احمدي

محمد السحيل

21-01-2006, 12:30 AM

هلا وغلا

يا محمد الجبريني

حي والله هالطله

لكن رفيقكك معاد تنفع فيه الفزعات

اشكرك على مرورك الكريم

(وترى الموضوع انا تكلمت فيه كذا مره )

ولوقي برفض شديد

محمد سالم الهاجري

21-01-2006, 12:33 AM

استلم استلم

يصاحبي لاتجي المسجد وريحتك ثوم **************** اقرى صحيح البخاري والبساط احمدي

انته عتيبي في مكه لو تصلي او تصوم ************** والله ماقربك جنبي والبساط احمدي

نجاء بن محمد الجبيري

21-01-2006, 12:34 AM

شباب تراني طالبكم

تمسون قولوا تم

ما ودنا نخليكم والنوم جانا وخلوا ختامهامسك

قولوا تم

محمد سالم الهاجري

21-01-2006, 12:36 AM

تعديل

انته عتيبي في مكه لو تصلي او تصوم ******************* والله مامنك جنبي والبساط احمدي

رشيد العتيبي

21-01-2006, 12:37 AM

صحت السنتكم جميع وكلكم كفو

محمد سالم الهاجري

21-01-2006, 12:37 AM

ابشر والله يا الجبيري طلبتك في الشحم ابشر والله ونا اخوك

ابشر الله لايهينك يااخوي محمد العتيبي والله شاعر وافي تراك غلبتني

وناا اتعلم منك

تمسوون على خيير اخوكم برق الشمـــــــــــــــــــــ ـــــال

محمد الجبريني

21-01-2006, 12:40 AM

هلا وغلا

يا محمد الجبريني

حي والله هالطله

لكن رفيقكك معاد تنفع فيه الفزعات

اشكرك على مرورك الكريم

(وترى الموضوع انا تكلمت فيه كذا مره )

ولوقي برفض شديد

لاإله الا الله العرب وش جاها والله اني توي عرفتك

ومغير اسمك عسي منت مسوي علم ولا كارثه ياخوي
ههههههههههههههه

خله يولي وأنا اخوك العلم هذاك

والله اني جايكم انهج من الفحمه رغة الليله وعمتلي ملعبه وطحت فى شاعر دمر خدي

ونكان محد موافق على راينا مت أبغليبتي

لاكن افزعو تكفون ياربعي ياغرابيل

محمد السحيل

21-01-2006, 01:03 AM

لاإله الا الله العرب وش جاها والله اني توي عرفتك

ومغير اسمك عسي منت مسوي علم ولا كارثه ياخوي
ههههههههههههههه

خله يولي وأنا اخوك العلم هذاك

والله اني جايكم انهج من الفحمه رغة الليله وعمتلي ملعبه وطحت فى شاعر دمر خدي

ونكان محد موافق على راينا مت أبغليبتي

لاكن افزعو تكفون ياربعي ياغرابيل

والله مدري العالم وش جاها

لا تنشد بس

ههههههههههههههههههههههههه هههه

وابشر بالفزعه بس اشر

الضاهر العالم ما ودها انا نصير عباقره هههههههههههههههههههههههه

لكن عباقره رغم انف التاريخ

اخوك
محمد العتيبي