هل من المعقول ان اقل عدد لتربية الاغنام 200 راس

[تاجر مواشي]

اغنام - ابل - دواجن - طيور

السلام عليكم ورحمة الله وبركاته

ابارك لكم حلول العشر من ذي الحجة وهي التي اقسم الله تعالى بها لعظمتها حيث قال سبحانه
" والفجر * وليالٍ عشر "
فلنجتهد بهذه العشر المباركات لعل الله ان يغفر لنا ويرحمنا برحمته .

الموضوع بارك الله فيكم اخواني انني قبل اسبوع تقريباً كنت جالس مع احد الاخوان المربين للماعز الصنف كما يعرفون
وسألني هل تعرف احد عنده معزا قلت له ليش قال ابشتري لي 200 راس قلتله وش تبي بهالعدد قال بيني وبينك اللي
يبي الفايدة والربح اللي يستاهل هالغثاء لا يربي اقل من هالعدد وكل ما زاد يكون افضل قلت طيب انت تبيع بأسعار جيدة
لأن اللي عندك من النوع الصنف الغالي قال يارجال بيعنا ما يجي إلا كل مدة لأن اهل الصنف عددهم محدود مو مثل اهل الحلال العادي
وكلش غالي وياكل عليك العامل - الماء - العلف وتحتاج لبيع مستمر عشان تغطي مصاريفك .

هل الكلام هذا معقول وليش
يعني ما يقدر على مشروع تربية الأغنام إلا الشخص المقتدر فقط
اما الإنسان اللي على قد حاله يدور له شغله ثانية
يعني بيصير فيه احتكار حتى في الشغله هذي
نبي رايكم اخواني اهل الحلال يمكن الكلام هذا يكون فيه مبالغة
او الحسبة غلط او التربية غلط ولا وش السالفة .