المساعد الشخصي الرقمي

مشاهدة النسخة كاملة : (( فهــدتششش .. وجــزا الوالدين الجنـّــه ))



فيصــل
17-01-2006, 08:55 AM
(( فهــدتششش .. وجــزا الوالدين الجنـّــه ))



صبحكـــم ألله بالخيـــر ..


ومن العـــــايدين


تجاوبا ً مع الحمله اللي شنتها المملوحه على الغبـــار بمنتدى الصرقعه والغربله


ومع مسابفة الأخت المشرفه المتألقه ورد الجوري


حبيت أورد لكم هالقصــه الواقعيــه ..


من عنوااان القصه واضح اسم البطل وهو فهدتششش .. وهو سعودي ماهو لاصربي ولاشيشاني لوجود التششش بآخر اسمه اللي هو فهد لكن هالتششش لها قصه وهي محور السااااالفه كلها ..


هذا فهد ألله يطول بأعمااااركم من الشـــله وكان الوقت مثل الأيام اللي راااحت عيد وكل واحد طاااق له يم ديره .. اللي راااح لأهله واللي طلع برا يتعرف على معااالم الدول الشقيقه والصديقه ويزور المتاااحف والآثاار <====== ايييه كثّر منها .. واحد يقال له طلال ضرب الرقم القياسي لروحاته لمصر وتفاجأ في المره الثمانطعش ان النيل في القااااهره مايصحى الا عقب المغرب ومن الشقه على النوادي الليليه الى الفجر ويرجع للشقه .. من وين يشوف النيل بالله .. المهم .. نرجع لفهد اللي سااافر لأهله في قريه من قرااايا الرياض .. يقول فهد :


وصلت عند الأهل وهات يا استقبااال وسلامات واموااااه كل واحد اقاااابله اللي اعرفه واللي ما اعرفه .. والمشكله كلهم يعرفوني من وين مدري .. وانا ابتلشت فيهم مااا اعرفهم وتبدا عاد الاحراااجات " شكلك نسيتنا يالحبيب " " الله لنا كل من راااح جده نسى جماعته " ومن هالكلام اللي يسم البدن .. وراحت اول يومين من العيد عزايم ومن بيت فلان لبيت فلان وطفشت من الوضع كتمه وجو ماتعودت عليه المهم ضاااق صدري ليله وطلعت لم المزرعه حقتنا بلحالي وقعدت اتأمل في مخلوقات الله ومشغل المسجل وخاش جو مع الطرب .. وتذكرت ان بشنطة السياره نص قارورة شراااب جايبها معي وناسيها .. وفرحت وانا اطلعها وافرش البساط واقعد اقربع منها وامزمز على فصفص مااالح وفستق نسوه البزارين بالسياره .. ساعة زمن والقزازه فاااضيه وانا خاااش جو غير وأقوم أدفن القزازه بعيد لايشوفها أحد وتصير فضيحه بجلاجل .. ومع الحركه والهوا البارد بآخر الليل سكرت وقمت احس نفسي ثقلت شوي قلت ياولد الحق رح لبيتكم ونااام بفراااشك قبل ماااتفقد صدق .. وركبت السياااره ومشيت للبيت ونوافذ السياره مفتوحه والهوا يهب من كل صوب وام كلثوم ترن بالمسجل " يامسكرني " قصدي " يامسهرني " ووصلت للبيت مع هالجو وأنا سكران فل وفاااقد الا رجل .. وقعدت نص سااااعه عند الباب ومخشت بويته كلها ادور خرم المفتاح لين سهـّل الله ولقيته وفتحت باب الحوش حق الفله ودخلت ويوم تناصفت الحوش وانا افقد بقووووه وانسدح بالحوش قريب من الخزان ولاعاد قدرت اتحرك والدنيا تدور فيني .. سكرااااان طينه .. وشوي الا اسمع صوت الشايب أبوي طالع من داخل البيت يسبّح ويهلّل بيروح للمسجد لصلاة الفجر .. لاحول وش هالحظ ما الله امرني امشي بعد خطوتين وادخل الملحق وأنستر فيه .. وحاولت أتحرك وماااافيه أمل ويوم شااافني الوالد ويجي يركض .. وجلس جنبي ويصيح فهد .. فهد .. وانا يالله ارد عليه وصوتي متغيّر وريحتي تعجعج من الشراب .. سم يبه .. وحس ان الوضع ماهوب طبيعي ويصيح على الوالده .. أم فهد أم فهد .. وجت الوالده " كملت " ويوم شافتني منسدح بالحوش وشماغي بديره والنعال بديره وعيوني كل وحده بديره قامت تصيح ياويلي ويلاااااه وابوي يسكتها بس مافيه الا العافيه بس الله العالم ان ولدنا مسكون أو خاااش فيه جنيّه وأنا والله ناقد عليه من أول بس ألله جابها الحين .. وانا اقول يبه مافيني شيء .. قال اسمعيها تحتسي الكافره .. والله الا جيتي برجليك لابو فهد .. وامي سمعت صوتي متغير من هنا وتحسبها الجنيه صدق على كلام ابوي وهي تنط وتبرك على صدري وتلف يديها على رقبتي وهااات ياااخنق وهواش .. انتي وش تبين بجنيني يالكااافره علميني وش تبين فيه يالمخيسه إطلعي منه يالنجسه وتخنق فيني.. الخ من قاموس السب اللي على كيفكم ولافك حلقي منها الا ابوي يوم قال لها روحي هاتي المنقل والمسامير .. ويوم حسيت ان السالفه فيها كوي وانا اقول لابوي يايبه والله مافيني شيء بصوت تعباااان .. قال واللي مثلك يعرف الله ياكااافره " على باله الحين يحاكي الجنيّه " خخخخخخخخ ويقوم يربط يدي بالشماغ بماصورة الخزان وشوي الا الوااالده جااابت العدّه .. والوالد يقرا قرآن علي وماخلى جزء في القرآن ماقرا منه وكل ماجيت أتكلم لطشني على وجهي .. بس يالكااافره .. أن قاله الله إن تطلعين اليوم من ولدي .. وانا أطالع بالضو والوالد حاط المسامير فيها ينتظرها تحتمي زيييين وتصير حمراااا تسر الناظرين .. ويوم احتمت صح وياخذ واااحد منها وفي محاوله أخيره مني للمقاومه حركت يدي اللي ماهي مربوطه وهو يقول لامي : جوّديه يا أم فهد وتقوم الوالده الله يحييها وتجلس على يدي بركبها ويديها بكل ما اوتيت من قوه وخوف عل جنينها المنكوب خخخخخخخخ .. وهو يصكني باول مسماااار في الصدغ اليمين تشششششششششششششششش وحسيت الوجع بقلبي وريحة اللحم المحترق والشعر ماليه خشمي .. واخذ الثاني قلت الحق نفسك ياولد وبديت اصحصح وتفك شوي السكره قلت له : خلاص يا ابوفهد بطلع من ولدك وتووبه ماعاد ارجع له (( يعني اني الجنيّه )) كودي افتك من المسمار الثاني .. بس من تكلم ؟ .. الوالد اندمج بقوه مع الوضع وراسه وألف سيف الا يطلّع الجنيّه مني قال : هيّن ماعنك وعن الكويه وانا ابو فهد وتشششششششششششششش وصقعني بالثاني في الصدغ الشمال .. وعقبها هجدت وامتنعت عن أي مقااااومه .. والوالده تقول بشّر يابو فهد ؟ .. سكت الوااالد دقيقتين وهو يطالع فيني وانا هاجد ولا نفس .. قال أبشرك الله فكه منها الكافره وتقوم الوالده تنط وتحب راااسه وايديه وتدعي له " ياجعلها ماتعرض على النار " تقصد يدين الوالد .. خخخخخخخخ .. وهم يتشاقلوني ويوصلوني للملحق وينطلوني على أقرب طرّاحه .. وقال الوالد بطلع الحق الصلاة ضيعتها علينا هالكافره حسبي الله ونعم الوكيل .. وانا في نفسي أقول حسبي الله على الشراب وعلى ام كلثوم وعلى يامسهرني .. ومن عقبها تووووووووبه من الشراب للأبد وجزا الوالدين الجنّه اللي ببراءتهم وفطرتهم السليمه اللي ماتعرف سكر وسكار فكوني منه !!



طبعا ً قعدنا شهر وحنا كل ماشفنا فهد غشينا من الضحك عليه .. والكويات الحلوين زي الجنيهااات الذهب على صدوغه ومن يومها بطل فهد شراااب فعلا ً وتااب .. وبطل بعد ينسف الشماغ او الغتره على فوق دايم منزلها خخخخخخخخخخخخخخخخ !!



ومن يومها أيضا ً وحنّا نسميّه فهدتششش !!


:biggrin: :biggrin: :biggrin:


ههههههههههههههههههههههههه هههههههههههههههههه

ههههههههههههههههههههههههه هههههههههههههههههه



ومن جـــــد ..



(( جـــزا الوالــدين الجنــــّـه ))



أتمنى السالفه تكون نالت استحسانكم



وبصراااحه حاولت ازخرفها بالايقونات وبغيت أستعين بملكة الأيقونات كلي حلا لكن زي العاااده مالها أثر !! :biggrin:



تحياااااااتي للجميع !!



حقوق النشر محفوظه لسعود والمملوحه وورد بس !!

المملوووحة
17-01-2006, 09:34 AM
^
^

الله مير يجبر بخاااااااااااااطرك قل امين

بس ورا تسذا السالفه سكر ونكر لاحول ولاقوه؟؟؟
<<جترا فيه قصار هنا خخخخخخخخخخخخخخخخخخخ


اول شي اسفهلييييييييييت بالموضوع وسرعه حماسك يااخوي

بس يوم قريت السالفه والا فيها سكر ونكر وسفر ونوادي ليله ياعوك<<الله يشغل اللي ببالي بعارينه وصقوره بس :خجل:

بس يوم شفت نهايه السكر والنهايه السعيده


وانا يرجع لي اسفهلالي<<تكفين واقفه عليتس خخخخخخخخخخ


فيصل

ياعلي ماعدم هالطله وهالسويليفااااااااات

والله يجزا والدينا الجنه

ويستر على المسلمين ويكفيهم شر انفسهم

وبس

ورد الجــوري
17-01-2006, 02:02 PM
ههههههههههههههههههههههههه ههه
حلو كل كويه وانا اضحك......... واقول ياحليلهم
بلاهم موعارفين عن بلا هالفهد اللي صار في دينهم معزه ههههههههه
يستاااااااااااااااااااهل وجعل هالكوي علامة تبعده عن هالخرابيط هههههه
/
/
الله ياجعل والديه الجنه
ياحليل هالقصة يكفي تششششششششششش تجيب الدفا في هالبرد ههههههههه
/
/
فيصل هلا والله فيك نورت
/
/
ورد

ناعسةالطرف
17-01-2006, 06:05 PM
ليه كذا فيصل ):


ويش ذا الصاحب <<<بتقلبها مواعظ


بس عن جد


<<<انقلب مزاجها يوم قرات مصر والنوادي وبعد سكر<<<تكفين عدليه

المهم

قصة حلوة


يسلموا فيصل

):

صمت&البوح
17-01-2006, 08:38 PM
هههههههههههههههههههههه

زين انه مالحق ونام بالملحق

الله على البرائه بس الام تربض على صدره والابو ماسكن برقبته ههههههههههه

عسى الله يخليهم



يسلمو اخوي فيصل على الموضوع التشششششش (:

سعود
17-01-2006, 08:42 PM
خخخخخخخخخخخخخخخخخخخ


فيصل انت جيت او الهوا رماك


<<== ينتظره على احررر من الجمررره


فصولي والله اني مستعجل


ولم اقرا الا عنوان الموضوع


<<<== جيت هناااا لحجز موقع


ههههههه لايكون الاخ يتشغل في العقار بس



ولي عوده بأذن الله



وشكر خاص لحضورك المشرق


تحية عطرة

أبوعبدالرحمن
17-01-2006, 11:16 PM
ههههههههههههههههههههههههه ههههههههه

ههههههههههههههههههههههههه هههههههههههههههههههههههه


ههههههههههههههههههههههههه ههههههههههههههههههههههههه هههههههههههه





يستاااااااااااااااااااااا ااهل وزوووووووووود


عني انا بيحرم من اليوم ورايح ههههههههههههههههه


يسلموو يافيصل

أمل عبدالعزيز
23-01-2006, 05:00 AM
هذا فهد ألله يطول بأعمااااركم من الشـــله وكان الوقت مثل الأيام اللي راااحت عيد وكل واحد طاااق له يم ديره .. اللي راااح لأهله واللي طلع برا يتعرف على معااالم الدول الشقيقه والصديقه ويزور المتاااحف والآثاار <====== ايييه كثّر منها .. واحد يقال له طلال ضرب الرقم القياسي لروحاته لمصر وتفاجأ في المره الثمانطعش ان النيل في القااااهره مايصحى الا عقب المغرب ومن الشقه على النوادي الليليه الى الفجر ويرجع للشقه .

^
^

^شلتكم؟؟ محششين؟ :gun_rifle أفا يافيصل هههههههههههههه ماهقيتها منك تتعرف على هيك ناس :evil_32:

بس مثل ماقلت دامه تاب فالحمد لله :36_11_15[


وحس ان الوضع ماهوب طبيعي ويصيح على الوالده .. أم فهد أم فهد .. وجت الوالده " كملت " ويوم شافتني منسدح بالحوش وشماغي بديره والنعال بديره وعيوني كل وحده بديره قامت تصيح ياويلي ويلاااااه وابوي يسكتها بس مافيه الا العافيه بس الله العالم ان ولدنا مسكون أو خاااش فيه جنيّه

سكر ونكر؟ مايصير يافيصل لاتنسى هنا فيه بزارين وكثيررررررررررر بعد :11bomb: وأنت تجي وتكتب هيك يمكن يتحول المكان لمسرح ههههههههههههه وعلى قولة المملوحة القصَّر واجدين
يعني بدل ماتبعد الغبار جبت لنا حررريقة :11ab: :vampire:

بس ماعجبني غير كل عين بديرة :evil_32:

وربي ولا حتى افلام الكرتون ههههههههههههههههههههههههه هههههههه :11ughboun

موضوع جميل وله هدف وغاية يافيصل بس الله يهديك ليتك رمزت للشرب بكلمة حلوة مثل: أكل فيمتو ليل؟<== أم التصريف ياشيخة :نأ:

وتسلم خيووووو على تشششششششششششششششششششششش

والمرة الجاية بيكون التشششششششششششششش في دميجتك ولاتقول ليه

:11ab:

فيصــل
24-01-2006, 02:30 AM
بس يوم قريت السالفه والا فيها سكر ونكر وسفر ونوادي ليله ياعوك<<الله يشغل اللي ببالي بعارينه وصقوره بس

ههههههههههههههههههههههههه هههههههههههههه

ههههههههههههههههههههههههه هههههههههههههه


ياااارب يخليه لك ولصقوره وبعارينه


مرورك له من اسمك وااااجد يامملوحة المنتدى


لاعدمنا هالطله ياعزيزتي

سمووره
24-01-2006, 06:24 AM
ههههههههههههههههههههههههه هههههه
ههههههههههههههههههههههههه هههههههه


بس قاعده أتخيل شكل فهد وأمه وأبوه ماسكينه وقاعدين يكوون فيه هههههههههههههههه

يستااهل ماااجااااءه ههههههههههههههه

والحمدلله أنه تاب ورجع لطريق الصواب

الله يهدي الجميع يارب

يسلمووو فيصل الله يخليك ويعافيك

فيصــل
01-02-2006, 12:54 PM
بلاهم موعارفين عن بلا هالفهد اللي صار في دينهم معزه ههههههههه
يستاااااااااااااااااااهل وجعل هالكوي علامة تبعده عن هالخرابيط هههههه


ههههههههههههههههههههههههه ههههههه


اهلين ورد .. ابشرك هالتششششششات بعدته عن كل شيء


الله مايطق بعصــــا ياورد


ههههههههههههههههههههههههه ههه


تحيااااتي لمرورك الرااااايق

فيصــل
25-02-2006, 08:53 AM
ليه كذا فيصل ):


ويش ذا الصاحب <<<بتقلبها مواعظ


بس عن جد


<<<انقلب مزاجها يوم قرات مصر والنوادي وبعد سكر<<<تكفين عدليه

المهم

قصة حلوة


يسلموا فيصل

):


تسلمين نعوسه على مرورك الطيب ..


تحياتي

فيصــل
25-02-2006, 01:03 PM
هههههههههههههههههههههه

زين انه مالحق ونام بالملحق

الله على البرائه بس الام تربض على صدره والابو ماسكن برقبته ههههههههههه

عسى الله يخليهم



يسلمو اخوي فيصل على الموضوع التشششششش (:



صمت البوح


ههههههههههههههههههههههههه هههههههههههههههه


ياخي الضنا غااالي .. بغوا يذبحونه من خوفهم


ههههههههههههههههههههههههه هههههههههههههههه


وتسلم على المرور التشششششش


تحياااتي

مهاجرة بإحساس
25-02-2006, 02:35 PM
فيصلللللتشششششششششششش
ههههههههههههههههههههههههه ههههههههههههههههههههههههه ههههههههههااي ..
ياعردزي يالوالدين ...
جزاهم الجنه ..
بعد حيي يالابو .. لا ويعلكه وليده يحسبها سكني :نأ:
ههههههههههههههههههههههههه ههههههههههههههههههههههههه ااي .

صراحتن قصه خطيـــــــــــرره ..
بس اشوى انه تاب :نأ:
ههههههههااي .

يسلمك ربي فيصل :خجل:

هجوره :خجل: ام شوشه :نأ: