مشاهدة النسخة كاملة : القريّــب يقرّب شوي !!
عبدالعزيزالمرشدي
15-01-2006, 11:23 PM
سلام تسليمة ٍ جزله =ترقا بروس المراقيبي
ماني بمحبوس في عزله=طيّـب والاعب هل الطيبي
صداح الجبل
16-01-2006, 02:18 AM
يا مرحبا بالوفى واهله........والورد يحمل تراحيبي
والطيب بالطيب في العمله........ياجي بمثلك ويا جي بي
عبدالعزيزالمرشدي
16-01-2006, 01:53 PM
بقيت والطيب نرمزله=ياهيه قلّـط مناجيبي
حبال المشاريب منجزله=والوقت بيّن به الريبي
صداح الجبل
17-01-2006, 05:00 AM
عذرا للتأخير ، توي دخلت المنتدى
الشعر ماله سوى صقله..........رمز وحكمه وترتيبي
من طاوع الوقت في شكله........ايغص باحلى المشاريبي
عبدالعزيزالمرشدي
17-01-2006, 02:16 PM
صداح يسعد مساءك !!!
ركز على القافيه شوي وتمعن !!!
لك تقديري !!!
أبوعبدالرحمن
17-01-2006, 02:34 PM
صحت قلووبكم
ومتابع لكم
صداح الجبل
18-01-2006, 03:59 AM
ولا يهمك , رغم ان القافية اللام والهاء في حد خبرتي بالقلطه
الشعر محبوك في غزله.......والشاعر يميل ويصيبي
يا عارفٍ جده وهزله........الذيب ما ياكل الذيبي
عبدالعزيزالمرشدي
18-01-2006, 01:11 PM
هلا ابو عبدالرحمن
حضورك شرف لنا
عبدالعزيزالمرشدي
18-01-2006, 01:22 PM
صداج هنا تمااااااااااام
الشعر له طلعه ونزله=ورزقي بيد عالم الغيبي
الطيّب الطيب يحجزله=وله يكملن المواجيبي
صداح الجبل
19-01-2006, 05:20 PM
سلمت اخوي ........
مبدا المطاليق نركز له.........راية وفى ما بها عيبي
حد الفضا باتجاوز له..........هذا سباقي مع شيبي
Powered by vBulletin® Version 4.2.6 by vBS Copyright © 2024 vBulletin Solutions, Inc. All rights reserved, TranZ by Almuhajir