المساعد الشخصي الرقمي

مشاهدة النسخة كاملة : معركة البعوض



فيصل السلمي
15-01-2006, 08:48 PM
السلام عليكم ورحمة الله وبركاته

هذه مجالسيه للشاعر المرحوم محمد بن شريف الجبرتي السلمي وقصته مع البعوض


البارح الناموس جرد عليــــــه**جاني بقواته وقوم لظيـــــــه
وأخذت لين أصبحت تومي يديـــــه**وأصبحت من فعل النواميس سهران
وقلت يالناموس تراني أشكيــــك**على الحكومة والحكومة تجازيــــك
وتجيب لك سيار مشحون سفنيـــــك**وأنته ضعيف الجسم يقتلك دخــان
قال يابن شريف مانت كامل جنودي**اللي تعدا كل الحـــــــــدودي
مثل السحاب اللي عليكم يقــودي**إذا قتلت قران يمسيكم قــــران
وقلت أنا عارفك يابو ذبابــــه**ما تصبح إلا فالبيوت الخرابـــه
نرسل عليك السم مثل السحابـــه**وحنا نكافح كل ظالم وعــــدوان
قال البعـوض أنا بلا من بلاويــك**فالصبح أروح عنك والليل أمسيك
آكل كراعينك وراسك وأذانيــــك**فالصبح رحماني وبالليل شيطــان
وقلت أنا بانام في شرشــــــــف**انا اهتني بالنوم والا أنت تصلف
وإذا قربت من الشراشف تخطـــــف**تخظف جناحينك ولا عاد جنحــــان
قال أنا ما عليه منك واحد لحالك**مانته محدد بالشراشف عيالــــك
عيالك اللي مكسبك راس مالــــك**وإذا سهر ورعك ترام انت سهران
وقلت مالك إلا مذرحات الهبايـــب**اللي تشتك مثل شت الشعايــــب
ولياك منته فالديار القرايـــب**يحكم عليك الريح راضي وغضبــان
قال لاهبت الحاية كبيرة تذريــــت**انته برا وأنا بدخل البيــــت
وإذا دخلت البيت ياليت ياليـــت**ألعب على راسك أغاني ودوشــان

نياف العتيبي
16-01-2006, 12:01 AM
اخوي فهد


رحم الله شاعرها


ولاهنتتتتتتتتتتت على نقلها


والمنقول له قسم خااااص اخي

وسوف انقلها له ..



تحياااااااااااااتي



النااااااايف

فيصل السلمي
16-01-2006, 12:05 AM
اخوي نياف الله يرحمه ويرحم اموات المسلمين

ومن قال مايهون


وشكرا على مرورك ونقلك للمكان الصحيح

حزن الشمال
16-01-2006, 12:11 AM
رعاك الله يابن شمنصير الوفي وابقاك المتعال راويه خير لكل حدث شعري

فيصل السلمي
16-01-2006, 12:41 PM
حياك الله اخي حزين في الموضوع وفي شمنصير

ان شاء الله اكون عند حسن ظنك اخوي وشكرا على مرورك

حزن الشمال
19-01-2006, 04:28 AM
قصيده البعوضة وقصيده الذيب من خلال اطلاعي ان هاتين القصيدتين قيلت في وادي حجر وهي مسقط راس والدي رحمه الله فهل لديك اعتراض والرجاء ثم الرجاء اعطاء الحقوق لاصحابها ولاتنسى الدله0

فيصل السلمي
20-01-2006, 12:34 AM
شكلك راعي هوشات اخوي حزين خخخخخخخخخ


والله ونعم وسبعة انعام بك وبابوك الله يرحمه ويغفر له ويرحم اموات المسلمين


من جحد انها لابوك اخوي


من كلامك انك من ابنء المرحوم محمد بن شريف

ونعم والله اخوي

بس ترى محد جحد حق ابوك ولاحد يقدر يجحد
حقه تدري ليش؟


لانه علم من اعلام الشعر في الجزيره العربيه


واسأل الله ان يعوضنا خير برحيله تغمده الله بواسع رحمته


اما ان كنت تقصد ان القصيده لغير المرحوم


فهذا شئ اخر لا اعلمه او اسمع به


تشرفت بمرورك اخوي حزين


ولك مني اصدق وارق واعذب التحايا





>>>>>>>>>>>>>>>>>>>>>اخوك فهد

حزن الشمال
20-01-2006, 02:45 PM
هكذا سليم اهل السلام




للكلمه في خاطري معنى ومقياس

ورد الجــوري
21-01-2006, 12:19 AM
شكرا أخوي
فهد على هالنقل
وبالفعل معركة
من نوع آخر
/
/
ورد

فيصل السلمي
21-01-2006, 08:23 PM
هلا وغلا اخت ورد

ايه معركه كلاميه :biggrin:


شكرا على مرورك اختي

سكوت
09-02-2006, 10:59 PM
سلمت أخوي فهد عالنقل

ورحم الله قائلها

فيصل السلمي
11-02-2006, 05:11 PM
(((((__سكوت__)))))


الله يسلمك اختي

الله يرحم امواتنا واموات المسلمين


شكرا على مرورك سكوت