أسواق
10-10-2012, 04:50 AM
السلام عليكم ورحمة الله وبركاته
أنا حبيت أحط تجربتي السئية مع حبوب التخسيس
شيتوكال لونها كحلي أخذتها من النهدي
ب 195 الظاهر أو حول هالشي
فيها 60 كبسولة كل يوم حبه ولو أكلتي أكل دسم حبتين
والله يابنات أنا وزني صح دبيبه < بس ماهوب ذاك التشويه
بس دلع قلت بخف وأنحف وكذا وإلا الحمدلله مافيه هاك العيب
وراضيه بخلقه الله جل جلاله وللحين نفسي والله تروداني أرجع لها
,,
مالكم بالطويلة
أنا سويت تحليل شهر 2 عن كل شي
بمستشفى الأنصار
والحمدلله كل شي تمام التمام
رحت أنكست وأخذت الحبوب شهر 5 وشهر 6 مالاحظت ذاك الفرق
بس نحفت شوي
والله ياناس أني فكرت أشريها بشهر 9 عشان تخبرون رمضان وكذا
المهم ماتوفر معي المبلغ وقلت خيره
أقولكم وش صار معي بعدها ::
بس أحسني خملانه أبا أرقد
نوم موب طبيعي والله أني أنام الليل من 10 وأصحى الفجر وأرجع أرقد لين 11
وأتغدا وأرجع أرقد أحس في شي تلخبط مدري وش ,,
وغيره أعوذ بالله يخمني شي مادري وشنهو زي الضيقه
مع أن الحمدلله وضعي عال العال وأروح وأجي بس كذا زي الخنقه تجيني
وشي ثالث رجلي اليسار الله يكرمكم والله مااقدر أمشي عليها واجد
تعورني رمضان كل مارحت وجيت أحس بألم مو زي اول
أنا كنت العام بالكليه أدرج والله الحمدلله ماأحس بذاك التعب إلا يعني تعب طبيعي
وارهاق
الحين رجلي ألمم فضييع مدري وش
واللي غيره أحس أني لو أتعشى عشاء زين يعني ماتجي ساعه أو ساعتين إلا وأنت أرتجف
ياناس والله ماكتبت هالكلامم إلا ماأبي الشي اللي جاني يجيكم
ويشهد على الله أني ودي أنحف وسألت عنها وأنا متردده وأخذت أرقام بنات يبعيونها
زي سبتروم وريداكت ومدري وش بس للأمانه أنا ماجربتها ذي
بس تخيلوا من صيدليه وكذا أجل كيف الثانيات
وللعلم ترا مكتوب على الكرتون [ مكمل غذائي ] يوم سألته قلت له أنا ماأبي مكمل
قال دا من شان الترخيص مدري الهئية ] لكن هو في الحقيقه حبوب تخسيس
وشي ثاني تابعوا الدكتور القحطاني والله ذاك اليوم تكلم عنها مايمدحها
أنا متردده ونزلت موضوع أدورها
والله بس بعد ماسمعت كلام القحطاني
تليف في الكبد وأمراض خفت والله
أسأل الله أن يعافينا ولايبلانا وأن يحمينا
صراحة أنا حبيت أحط تجربتي لأن تعرفون وضعنا بنات نبي ننحف بسرعه
ومدري وش ماندري أن اللي يخفس بنا ذا ماهوو في صالحناا
خلوكم على الشاهي الأخضر والزنجبيل الأخضر
أتمنى منكم تنشرونها للعضه والعبره ويابنات أصحووا والله أننا في خطر
والشي اللي قلته ماأبي منكم إلا تدعون لي بالستر والهدايه
والله يابنات أنها ماهيب زينه أنا كنت يوم أقرأ قصص وتجارب
أقول يمكن هي عندها مشاكل قبل أو شي
لكن والله الحمدلله أني سليمه وبعدها أنكست لكن الحمدلله أني خليتها
والله يفكني منها وإن شاء الله ماعاد أخذها ويعافيني
أنا ماودي أخلعكم بس أنا سمعت بعد أن الجسم يضعف بعدها ومايتحمل
وتخبرون الحرمة وراها مشوار طويل حمل وولاده ورضاعه وقروشة
نصيحتي قلتها لكم وأدري أني طولت عليكم لكن والله من خوفي
وأستودعكم الله التي لاتضيع ودائعه
أختكم : ترف العتيبي
أنا حبيت أحط تجربتي السئية مع حبوب التخسيس
شيتوكال لونها كحلي أخذتها من النهدي
ب 195 الظاهر أو حول هالشي
فيها 60 كبسولة كل يوم حبه ولو أكلتي أكل دسم حبتين
والله يابنات أنا وزني صح دبيبه < بس ماهوب ذاك التشويه
بس دلع قلت بخف وأنحف وكذا وإلا الحمدلله مافيه هاك العيب
وراضيه بخلقه الله جل جلاله وللحين نفسي والله تروداني أرجع لها
,,
مالكم بالطويلة
أنا سويت تحليل شهر 2 عن كل شي
بمستشفى الأنصار
والحمدلله كل شي تمام التمام
رحت أنكست وأخذت الحبوب شهر 5 وشهر 6 مالاحظت ذاك الفرق
بس نحفت شوي
والله ياناس أني فكرت أشريها بشهر 9 عشان تخبرون رمضان وكذا
المهم ماتوفر معي المبلغ وقلت خيره
أقولكم وش صار معي بعدها ::
بس أحسني خملانه أبا أرقد
نوم موب طبيعي والله أني أنام الليل من 10 وأصحى الفجر وأرجع أرقد لين 11
وأتغدا وأرجع أرقد أحس في شي تلخبط مدري وش ,,
وغيره أعوذ بالله يخمني شي مادري وشنهو زي الضيقه
مع أن الحمدلله وضعي عال العال وأروح وأجي بس كذا زي الخنقه تجيني
وشي ثالث رجلي اليسار الله يكرمكم والله مااقدر أمشي عليها واجد
تعورني رمضان كل مارحت وجيت أحس بألم مو زي اول
أنا كنت العام بالكليه أدرج والله الحمدلله ماأحس بذاك التعب إلا يعني تعب طبيعي
وارهاق
الحين رجلي ألمم فضييع مدري وش
واللي غيره أحس أني لو أتعشى عشاء زين يعني ماتجي ساعه أو ساعتين إلا وأنت أرتجف
ياناس والله ماكتبت هالكلامم إلا ماأبي الشي اللي جاني يجيكم
ويشهد على الله أني ودي أنحف وسألت عنها وأنا متردده وأخذت أرقام بنات يبعيونها
زي سبتروم وريداكت ومدري وش بس للأمانه أنا ماجربتها ذي
بس تخيلوا من صيدليه وكذا أجل كيف الثانيات
وللعلم ترا مكتوب على الكرتون [ مكمل غذائي ] يوم سألته قلت له أنا ماأبي مكمل
قال دا من شان الترخيص مدري الهئية ] لكن هو في الحقيقه حبوب تخسيس
وشي ثاني تابعوا الدكتور القحطاني والله ذاك اليوم تكلم عنها مايمدحها
أنا متردده ونزلت موضوع أدورها
والله بس بعد ماسمعت كلام القحطاني
تليف في الكبد وأمراض خفت والله
أسأل الله أن يعافينا ولايبلانا وأن يحمينا
صراحة أنا حبيت أحط تجربتي لأن تعرفون وضعنا بنات نبي ننحف بسرعه
ومدري وش ماندري أن اللي يخفس بنا ذا ماهوو في صالحناا
خلوكم على الشاهي الأخضر والزنجبيل الأخضر
أتمنى منكم تنشرونها للعضه والعبره ويابنات أصحووا والله أننا في خطر
والشي اللي قلته ماأبي منكم إلا تدعون لي بالستر والهدايه
والله يابنات أنها ماهيب زينه أنا كنت يوم أقرأ قصص وتجارب
أقول يمكن هي عندها مشاكل قبل أو شي
لكن والله الحمدلله أني سليمه وبعدها أنكست لكن الحمدلله أني خليتها
والله يفكني منها وإن شاء الله ماعاد أخذها ويعافيني
أنا ماودي أخلعكم بس أنا سمعت بعد أن الجسم يضعف بعدها ومايتحمل
وتخبرون الحرمة وراها مشوار طويل حمل وولاده ورضاعه وقروشة
نصيحتي قلتها لكم وأدري أني طولت عليكم لكن والله من خوفي
وأستودعكم الله التي لاتضيع ودائعه
أختكم : ترف العتيبي