:: إحدى عشر عنز عوارض .. معزا مراح ::

[تاجر مواشي]

اغنام - ابل - دواجن - طيور

بسم الله الرحمن الرحيم

العرض على 11 عنز ما بين عنز وجفرة ..
فيهن ثنية وجذعتين .. والباقي تامات ..
النقل والسعي : على المشتري .. والتسليم في المراح
http://im12.********************************************/yQx91.png
والمعزا عليهن أسوام طيبة في المراح .. لكن نصفر العداد (والرجاء الابتعاد عن سومات الذبح) ..

الصور :
صورة جماعية :
http://im15.********************************************/6Dzl2.jpg (http://www.********************************************/?cSY8ah)
http://im15.********************************************/lF9c3.jpg (http://www.********************************************/?OAE8OW)


(1) من معزا عايش الابيض مشتراة من المربي المعروف عبدالله القباني (أبوخالد) :
http://im15.********************************************/QPTS4.jpg (http://www.********************************************/?k6WfC1)
وهي حايل ردت على الفحل عدة مرات (لأنها سمين) .. وعزلتها عن العلف ولا تزال فيها سمنة وما قرعت ..

(2) عنز طيبة بدون تعريف قرعت عدة مرات، وعزلتها عن العلف وعطيتها ابرة تبويض وقرعها الفحل غيض ولد غياض ولد رحال (فحل حلال عامر وغانم العجمي) قبل يومين والعلم عند الله وأنا أبيع حايل :
http://im15.********************************************/NOVH5.jpg (http://www.********************************************/?j25iFh)

(3) عنز طيبة وبدون تعريف .. قرعت عدة مرات، وهي مقروعة على الفحل سابك ولد شاهين ولد الوعر (الله يبارك لأبو رايد فيه) .. وأنا أبري ذمتي وأبيع حايل ..
http://im15.********************************************/7RUU6.jpg (http://www.********************************************/?quSqEQ)

(4) بنت الأصيل تيس الحريص .. فيها ضعف والحين بدت حالها ترد .. مقروعة على ارتكاز ولد العابر ولد البارز ولد كساب بتاريخ 28-7-2012 ولا ردت .. والله أعلم بمافي الأرحام.
http://im15.********************************************/NAMW8.jpg (http://www.********************************************/?MFb6hc)

(5) عنز طيبة ثنية بدون تعريف مقروعة على بيان ولد رزام ولد رابح ولد العديم ولد العميد أمس 6-10-2012 ..
http://im15.********************************************/qTel9.jpg (http://www.********************************************/?8XlMEG)

(6) من معزا الجبر ، عنز طيبة ، توها والد قبل أسبوع ، فيها عيبين (أبينهن للأمانة) ، الأول ديدها معطوب بالكامل، والثاني انها نطوح للمعزا ، والعنز بطنها ذهب :
http://im15.********************************************/qULX1.jpg (http://www.********************************************/?iWKilV)

(7) الجذعة أم أذن بنت ارتكاز ولد العابر ولد البارز ولد كساب، وأمها العنز رقم (6) .. طيبة وفيها قطع بأذنها اليمين .. ومقروعة على بيان ولد رزام ولد رابح أمس 6-10-2012 ..
http://im27.********************************************/4ckx1.jpg (http://www.********************************************/?7ja9L8)

(8) جذعة رملية (بنت ارتكاز ولد العابر ولد البارز ولد كساب) وأمها رقم (5) .. توها مقروعة على بيان ولد رزام ولد رابح أمس 6-10-2012 ..
http://im15.********************************************/trSz10.jpg (http://www.********************************************/?VqKHMQ)

(9) عنز طيبة بدون تعريف .. فيها بعج بسيط بجنبها اليمين مدري اليسار ، وما له تأثير سبق ودفعت وولدت عندي لأن البعج متقدم وبعيد عن الأمعاء، والعنز جرمها خيالي .. مقروعة على الفحل مضاد ولد ضد ولد البارق بتاريخ 9-8-2012 وماردت .. وفيها تالي حليب :
http://im15.********************************************/DyKW7.jpg (http://www.********************************************/?6pKF0M)

(10) عنز نظرة .. لكن جرمها قليل وفيها ضعف سنها تامة ، وكانت مع الفحل بيان ولد رزام .. والله أعلم هل قرعها ولا لا :
http://im27.********************************************/FgJJ2.jpg (http://www.********************************************/?QstKjO)

(11) عنز طيبة ولدها فحل (هصار ولد ارتكاز ولد العابر) .. لكنها حايل وماقرعت :
http://im15.********************************************/7ZM71.jpg (http://www.********************************************/?v4C3lC)

والبيع جملة .. ولا يسوم إلا الصامل ، والبيع بعد الشوف ..

تحياتي ،،