شاب سعودي يريد عروسه ساااااااعدوه

[عبير وفل]

اذ أراد الشاب السعودي الزواج الله يعين أمه وخواته على كثرة شروطه يبيها طويله وعيونها واسعه وشعرها طويل وجسمها متناسق وبشرتها صافيه الخ الخ وتروح الأم تحوس وهي يحاول تلقىمواصفات مطيح البنات ومن التعب تقوله ياوليدي وشرايك تشوف هالبنت وبعد اتعزز يوافقالمملوح انه يشوفها واذا شافها طيح العقال والغتره وانتثر كله وقال ايه هذي هي هذي هي طبعا العروس دباء سمراء قصيره وجهها كله حب شباب والأخ حبها من أول نظره أجل ليش التشرط يومنك مهاود وترضى باللي يجي طبعا هو ماهو من زينه بس شين وقواة عين كتبت هذا الموضوع من فقعة القلب من هالشباب يتشرط وهو ماهو قادر يصبر لين تتحقق شروطه الخياليه وسلامتكم بس لا يزعلون الشباب

[خالديه وأفتخر]

ههههههه

حبيبتي عبير وفل كلامك من الواقع لكن في نفس الوقت لاتلومين الشباب

من الضغوط هي الي تخليه يقبل بس في نفس الوقت ما أعتقد أن الأم

راح تخطب لولدها الا البنت الي تناسبه والبنت مهما كانت مواصفاتها

لازم تحمل ولو شيء بسيط من الجمال


أشكرك حبيبتي وسلامة قلبك

[ورد الجــوري]

هههههههههه
يابعدي
لازم من التشرط وهذا امر طبيعي
فالكل يتمنى الأجمل والأحلا خصوصا في هذا العصر
عزيزتي
وفي النهاية كله نصيب وربي يكتب هالنصيب

دمتي بخير
/
/
ورد

[عبير وفل]

أشكركن حبيباتي على المشاركه أولا طبعا ماهو كل الشباب ثانيا كل بنت فيها جمال طيب ليه يتشرط قول وحده زينه مقبوله مادامك أجودي تقبل بنصيبك تحياتي

[حســـين]

من المعروف ان اللي يتشرط يوقع له في وحده الجمال ما قرب منها

ترى الجمال جمال الروح>> :غمزه: :غمزه:

تحياتي

[ناعسةالطرف]

ياعمري


المودة والمحبة تجي من الله وقت النظرة الشرعيه


ياما وحدة ملكة جمال بس الولد ما رضي ليه؟؟

يقول ما ارتحت لها..


وسبحان الله وكل شيء قسمة ونصيب

[قلب من دانتيل]

اشكرك عزيزتي لطرحك هذا الموضوع
كلامك صحيح . اكثر الشباب يبحثوا عن الجمال الخارجي
لكن الجمال جمال الروح

[خــــالـــــد]

عبير وفل
.
.

كلامك صحيح .. لأن بعض الشباب يعتقد أن الجمال الخارجي

هو الأساس لاختيار الفتاة ..

ولا تنسين يا أختي أن هناك بعض الفتيات أكثر تعقيداً من شروط الشباب

وهم يشترطون أن يكون له رصيداً وقدره ... !! ويشترطون أن يكون من أصحاب

الشهادات العليا . و .. و.. و... إلخ !! << هل هذه الشروط ( تفقع قلبك ) :نأ:


شكراً لكِ




أخوكـ/خالد

[..*"الرؤى"*.. غريب أمرها]

هههههههههههههه

..*" عبيرْ "*..

**
*

أنتِ فللللللللللة..ْ

والله روووعةْ القصة موووتْ..

والجمالْ جمال الأخلاق والبشاشة(ولا تنسوا الملحْ)..

ننتظرْ جديدكـْ..

تحية..ْ

[جواهر عبدالله]

أولاً المسألة مسألة نصيب

والشاب عندما يفكر بالزواج يحاول أن يبحث عن فتاة أحلامه

بمواصفات معينة هو يرغبها في شريكة حياته

لكن ـ وقت الجد ـ تبدأ التنازلات عن بعض الأشياء

لأن الكمال لله وحده فقط

وكما أسلفت : [ كل شي قسمة ونصيب ]

فمهما كانت شروطه ..

وما دام أن الله قد كتبها من نصيبه

فسيرضى بها مهما كانت .

[عبير وفل]

أهلين بكل الحلوين نورتو شرفتو طبعا ياخلود حتى شروط بعض هالبنات تفقع القلب والموضوع يبقى في النهايه زي ماتفضلتو قسمه ونصيب

[النقي]

هلا بكل المشاركين ام عاد شروط
الواحد اول ما يفكر بازواج :110:
يروح لعجوزه ويقولها يا ام فلان الله لالا يهينك دوري بنت الحلال اللي ...................... (شروط بس معقوله )
لكن وجها لونه كذا................. وعيونها كذااا ....................... و شعرها كذاااا هذا للاسف طالب طلبيه من مطعم
مو طالب زواج :icon_sad: والزواج بدون نظره شرعية كما يحدث عندنا شي يسبب المشاكل وكما قال الرسول اذا خطب احدكم فلينظر الى المرأة وينظر الى الشيء اللي يرغبه فيها طبعا قول الرسول وما احسن من كلام الرسول الا كلام الله تعال
هذاااا الله اشوفه انا وكثير من شبابنا اللي تزوجوا كان اختيار اهلهم لهم وكانت البنات معروفه لدي الشباب والشباب
راضين بدون شروط معقدة اختي عبير
شامر لك الطرح الجميل وننتظر المزيد

اخوكي النقي وكامل تحياتي لكي اختي

[emanoo]

ارد على الأخ

!النقي!
الي يقو ل(والزواج بدون نظره شرعية كما يحدث عندنا )

مين قال انه مافي عندنا نظره شرعيه
لا بل هي موجوده عندنا ولاكن بعضهم مو كلهم مايطبقوها لاكن نقول الله يهديهم ويصلحم

[جواهر عبدالله]

وكما قال الرسول اذا خطب احدكم فلينظر الى المرأة وينظر الى الشيء اللي يرغبه فيها [/align]

هل هذا حديث ؟

أرجو أن تكتبه كما ورد عنه صلى الله عليه وسلم

وجزاكـ الله خير .

[مبـــارك]

الزواج قسمه ونصيب .. مهما كانت الشروط

المكتوب بيصير .

حتى لو ان الواحد يختار اللي بيتزوجها وشافها وتمت الامور بدون نصيب ماراح يصير شئ

وبالنسبة للشروط .. فهذي من حق كل واحد يختار اللي يبيها لان كل واحد في راسه صورة راسمها لشريكه حياته ويتمناها

وسلامتكم

[toota2005]

من المعروف ان اللي يتشرط يوقع له في وحده الجمال ما قرب منها

ترى الجمال جمال الروح>> :غمزه: :غمزه:

تحياتي


صحيح دايم اللي يشرط من البنات او الشباب يلاقي عكس اللي يبيه ههههههه
مشكورة ياعسل على طرح الموضوع ,,

[عبير وفل]

أسعدني مرور الجميع وبالنسبه للرؤيه الشرعيه موجوده عند البعض ومازال في مجتمعنا بعض الأمور الصعبه مثل اكراه الفتيات على الزواج :11umbup: