سعد المسعودي
11-01-2006, 02:58 AM
قصيدتي المعنونة : بالصير
والمخاطب فيها أبني يزيد
سمع بها الشاعر المعروف : خليف الوهيداني
وجاراها ووصلتني مجاراته وهي جزلة
فرديت عليها ،،،بالقصيدة المعنونة (ياخليف )
وأترككم مع ثلاثة القصائد
الصبر
يزيد لو الصبر يابوك رجال
ماكان يصبر ربع صبرٍ صبرته
أصبرت صبر أيوب وأثر على الحال
وأثر على قلبٍ قسيت وجبرته
لكن أبصبر في رجاء حل حلال
لايمكن أستسلم لهم ٍ ذكرته
والله لاعاند قاسي الوقت لوطال
وأبطش على الكايد بسيف ٍ شهرته
وش عاد لوموجه تلاطم على الجال
أما ثناني غصب ولاّ عبرته
أما نجحت وصرت بالمنزل العال
وبنيت قصر ٍ في خيالي عمرته
وحققت شيءٍ مشغل ٍ بالي أشغال
وأوفيت نذر ٍ في زماني نذرته
ولاّ بقيت بدنيتي شبه رحال
وأبحث عن المقصود مهما أنتظرته
وأطوف بالمركب على بحر الأهوال
وإلياأنكسر مجداف قمت وجبرته
يزيد لوالصبر يابوك رجال
ماكان يصبر ربع صبرٍ صبرته
ولكم تحياتي
أخوكم / الحرالأشقر
مجاراة الشاعر : خليف الوهيداني
!
!!!!!!!!!!!
الله من قلب(ن)به الضيق يجتال
ولسمع جزلات القصايد حشرته
قلب(ن)يصيبه نوب سجات وهبال
ولو يعتذر مني قبلت وعذرته
قلب(ن)لصلفات الهواجيس مدهال
ولسفنها قلبي محيط(ن)عبرته
وهالليل رج القلب هزه وزلزال
زلازال(ن) قلبي صراحه ادمرته
من حر شكوى الحر الاشقر وماقال
عيني لذيذ النوم بعده اهجرته
كني بدار(ن)مابها حي وزوال
اوتقل سجن غريب جيته وزرته
عسى الفرج لك دوم ياطيب الفال
في كل درب من أين مالوجه درته
كني معك بالهم يانسل الأبطال
ولو تجهر المكتوم مثلك جهرته
دنيا بها عاشو صعاليك وأنذال
وراع الكرامه والبطوله احقرته
وان كان اللي بالوضع قدرةومدخال
ادخل وهمك دون حالك قهرته
الشاعر : خليف الوهيداني
رداً على مجاراة الشاعر : خليف الوهيداني
!
!!!!!!!!!!
ياخـــليف
قول وفعل يامعرب الجد والخال
يامكســـباً يعوض في ماخسرته
يامسنداً كتفي بحمله ليامال
يامن لعوزات الليالي وفرته
ياخليف أنا ماقلت تكفون يارجال
وكم واحدٍ شرواك طيبه شكرته
ياخليف لوسامرت مع الليل موال
وذوبت قافك لين ذاب وصخرته
مانزحت ياخليف همي عن البال
وأنا الذي همي بكفي شبرته
أقصر طويله بين دله وفنجال
وأطول قصيره عند ربي ذخرته
أكبر صغيره مابعد لبس عقال
وأصغركبيره لوبيكبر كبرته
والرجل صار بلاش والطيب بريال
واللي بليا ريال بيطيح كرته
والحق حق وكلمة الحق تنقال
ماينحدر درباً بعيني بحرته
ولكم تحياتي
أخوكم الدائم : الحرالأشقر
والمخاطب فيها أبني يزيد
سمع بها الشاعر المعروف : خليف الوهيداني
وجاراها ووصلتني مجاراته وهي جزلة
فرديت عليها ،،،بالقصيدة المعنونة (ياخليف )
وأترككم مع ثلاثة القصائد
الصبر
يزيد لو الصبر يابوك رجال
ماكان يصبر ربع صبرٍ صبرته
أصبرت صبر أيوب وأثر على الحال
وأثر على قلبٍ قسيت وجبرته
لكن أبصبر في رجاء حل حلال
لايمكن أستسلم لهم ٍ ذكرته
والله لاعاند قاسي الوقت لوطال
وأبطش على الكايد بسيف ٍ شهرته
وش عاد لوموجه تلاطم على الجال
أما ثناني غصب ولاّ عبرته
أما نجحت وصرت بالمنزل العال
وبنيت قصر ٍ في خيالي عمرته
وحققت شيءٍ مشغل ٍ بالي أشغال
وأوفيت نذر ٍ في زماني نذرته
ولاّ بقيت بدنيتي شبه رحال
وأبحث عن المقصود مهما أنتظرته
وأطوف بالمركب على بحر الأهوال
وإلياأنكسر مجداف قمت وجبرته
يزيد لوالصبر يابوك رجال
ماكان يصبر ربع صبرٍ صبرته
ولكم تحياتي
أخوكم / الحرالأشقر
مجاراة الشاعر : خليف الوهيداني
!
!!!!!!!!!!!
الله من قلب(ن)به الضيق يجتال
ولسمع جزلات القصايد حشرته
قلب(ن)يصيبه نوب سجات وهبال
ولو يعتذر مني قبلت وعذرته
قلب(ن)لصلفات الهواجيس مدهال
ولسفنها قلبي محيط(ن)عبرته
وهالليل رج القلب هزه وزلزال
زلازال(ن) قلبي صراحه ادمرته
من حر شكوى الحر الاشقر وماقال
عيني لذيذ النوم بعده اهجرته
كني بدار(ن)مابها حي وزوال
اوتقل سجن غريب جيته وزرته
عسى الفرج لك دوم ياطيب الفال
في كل درب من أين مالوجه درته
كني معك بالهم يانسل الأبطال
ولو تجهر المكتوم مثلك جهرته
دنيا بها عاشو صعاليك وأنذال
وراع الكرامه والبطوله احقرته
وان كان اللي بالوضع قدرةومدخال
ادخل وهمك دون حالك قهرته
الشاعر : خليف الوهيداني
رداً على مجاراة الشاعر : خليف الوهيداني
!
!!!!!!!!!!
ياخـــليف
قول وفعل يامعرب الجد والخال
يامكســـباً يعوض في ماخسرته
يامسنداً كتفي بحمله ليامال
يامن لعوزات الليالي وفرته
ياخليف أنا ماقلت تكفون يارجال
وكم واحدٍ شرواك طيبه شكرته
ياخليف لوسامرت مع الليل موال
وذوبت قافك لين ذاب وصخرته
مانزحت ياخليف همي عن البال
وأنا الذي همي بكفي شبرته
أقصر طويله بين دله وفنجال
وأطول قصيره عند ربي ذخرته
أكبر صغيره مابعد لبس عقال
وأصغركبيره لوبيكبر كبرته
والرجل صار بلاش والطيب بريال
واللي بليا ريال بيطيح كرته
والحق حق وكلمة الحق تنقال
ماينحدر درباً بعيني بحرته
ولكم تحياتي
أخوكم الدائم : الحرالأشقر