محاورة شعرية بين الجنس الناعم .......!!! [الأرشيف]

ورد الجــوري

05-01-2006, 02:52 PM

مرااااحب
كيفكم ....
اتمنى أن يكون اقتراحي خفيف وعذب
والله الله ياالشاعرات لا تخذلونا
/
/
كل خميس نشهد محاورة شعرية بين شاعرين او شاعر وشاعرة
لكن نبي هالمرة شيء جديد
نبي نشوف الشاعرات.....

نبي عاد نشوف الجُرأة
مين من الشاعرات
يبدأ ويدخل عشان تكون المحاورة اليله او السبت براااحتكم
يلا ممكن تدخل وحدة وتطلب اختها
(نبي نشوف ( ملاك. واحلاهن. وجواهر. والنايفه .وفيض المشاعر ..وايلاف.. ولين .. مها الروقي.. بنت القصيد بنت الشيوخ
نوض سدير مشاعر حالمة . ريهاف وديمة الشوق وفاء الشمري ومي العقيلي )

نبي ثنتين او اربع يتقدمون نبي محاوره بين الجنس الناعم
//
اتمنى من الشاعرات التقدم

/
/
ونبي تأييد من الرجال وتشجيع
الله الله بالقوارير ههه
/
/
محبتكم
ورد

غاية الأمل

05-01-2006, 03:54 PM

فكرة جديدة وجميلة

غاليتي ورد

اكيد راح تكون محاورة لها رونق خاص

اتمنى من شاعرات غرابيل

الإقداام عليها

في انتظار صاحبة المبادرة الأولى

فيض المشاعر

05-01-2006, 05:55 PM

ورد جوري

فكرة حلوة

وانشاء الله استطيع المشاركة

اذا وافق دخولي وقت المحاورة

اختك/ فيض المشاعر

ورد الجــوري

05-01-2006, 06:35 PM

هلا والله وغلا
بغاليتي
غاية الأمــــــــل
شكرا لمرورك ولتأييد الفكـــــرة
وننتظر شاعراتنا
حتى تكون محاورة مميزة
/
/
ورد

ورد الجــوري

05-01-2006, 06:36 PM

هلا والله وغلا
بشاعرتنا الغالية
فيض المشاعر
نورتي واشكر لك بادرتك
وتواجدك وان شاء الله تكون محاورة غير
بتواجدكن
يسعدك ربي يالغالية
/
/
ننتظر الباقيات
:
/
ورد

ايلاف

05-01-2006, 07:58 PM

اختي ورد الجوري :

خلووووووووووووووها :

انا ماعندي مانع ومجهزة الصفوف لكن وين اللي تبينها تتحاور معي

خذي عندك :

هلا يامرحبا بالشاعرة والليله الليله = نبيها تمضي الساعه دقيقة والعمر فاني

عسى من قدم الدعوة ليال العمر تبطي له = وانا ماالبي الدعوة ياكود لدعوة اخواني

مشاعر حالمه

05-01-2006, 08:51 PM

ورد الجوري..

ابشر بالخير يالغلا ..

والله موضوعج جديد وجميل بصراحه وربي يعطيج الف عافيه ..

وماشالله عليج ياايلاف بديتيها من أولتها حاميه ^____^

انشالله أروق شوي الين تقريباً بكره يعني ...وتشوفون المحاورة على كيفكم <<== والله تكتب وهي تنعس

تحيتي لج يالغلا / مشاعر حالمه ...

ورد الجــوري

05-01-2006, 09:03 PM

هلا والله وغلا
بالحلا كله هلا بايلاف
نورتي
وخلاص نبي نحدد يوم للمحاورة
ان شاء الله
والحين ثلاث نبي البقية
عشان نحدد
والله حامية يا ايلاف
الله يسلم قلمك
والله بتكون غير هالمحاورة
/
/
ورد

ورد الجــوري

05-01-2006, 09:09 PM

هلا وغلا بمشاعر
نورتي يالغالية
والحين ننتظر وان شاء الله المحاورة
بكرة الجمعة باذن الله
ونعلن عنها
ومحاورة مباشرة ولا أحلا

بستنى اليوم ونشوف ثم نبدأ
وربي يوفق الجميع
عاشوا الشاعرات الناعمات

/
/
يلا خلو الشعار يشفون المواهب
ربي يسلمكم
ارحبوووووووووو
/
/
ورد

محمد السليس

05-01-2006, 09:20 PM

ورد الجورى

لاهنتى والله على هالفكره الجميله والرائعه

ومحاوره بين شاعرات غرابيل

راح تكون محاورة لها رونق خاص

اتمنى من شاعرات غرابيل

الإقداام عليها

وامنيااتى لكم بالتووفيق

ايلاف

05-01-2006, 11:33 PM

ورد الجوري :

مطولات ؟؟؟

وين الشاعرات اللي عليهن العلم

لي ثلاث ساعات والصفوف تشيل بيتيني اللي قلت

ومافيه بنت قالت خلوووووووووووووووووووها

ولا حتى سيبوهااااااا

وينكم

ورد الجــوري

06-01-2006, 12:55 AM

هلا والله بمحمد السليس
شكرا لمرورك وتشجيعك
ودعمك
نورت
والشاعرات ماراح يقصرون
واولهم الغاليه ايلاف
حاميه عيني عليه بارده
وننتظر فيض ومشاعر
والباقيات
/
/
ورد

ورد الجــوري

06-01-2006, 12:56 AM

هلا والله بايلاف
وربي قدها يالغاليه
راح يتم مراسلتك للمحاورة المباشرة
يالغاليه
ويعلن عن المحاورة
ننتظر لبكرة
الله يقويك يارب
وربي هلا فيك والنعم
يالغاليه
/
/
ورد

ورد الجــوري

06-01-2006, 01:05 AM

مازلنا ننتظر
بقية الشاعرات
/
/
وينهم

خيالات الشعر

06-01-2006, 01:06 AM

هلاااا وردة الجووري

فكره حلووه وشي جديد من نوووعه

بس الوقت يالغلااااا مو مناسب هذي الاياام تعرفين سوق وطلعات

واذ كان مباشر ما اضمن وجودي

لان مثل ماتشوفوون ما احضر الا متاخر

وجد الفكره رووووعه

يعطيك العافيه

ورد الجــوري

06-01-2006, 01:13 AM

هلا والله بريهاف
شكرا لمرورك
ولكن نتمنى مشاركتك وتفضين نفسك لو يوم
/
/
مين ويا ايلاااااف
وين الشاعرات ؟؟

مازلنا ننتظر
/
/
ورد

خيالات الشعر

06-01-2006, 01:26 AM

وهذا رد على اختي الغاليه ايلاف

بس مشكلة الصفوف عندي مجهزين شناطهم بيساافروون ههههههههه

لا يامرحبا واهلين بمن قدم مواويله = عسى ايامك تدووم سنين وبيتك وين وداني

الا عز القصيد اقول تسلم لي مراسيله = ولا عبر بيوتي كود من محصول وجداني

محمد السحيل

06-01-2006, 01:31 AM

اختنا الغاليه ورد
اشكرك على الفكره الجميله والا مسبوقه
ارجوا من الاخوات الشاعرات اضهار مواهبن
وإجلاء الستار عن اللوحات الجميله

تمنياتي للجميع بالتوفيق

أخــــوك

ورد الجــوري

06-01-2006, 01:37 AM

يسعدك
ريهاف
ونبيك ويانا يالغلا
ونبي بجد تفضين نفسك بكرا
لجل غرابيل واعضائها
نبي نوري ابداع الشاعرات
/
/
ورد

محمد السحيل

06-01-2006, 01:39 AM

صح لسانك يا ايلاف على البدايه الجميله
وصح لسانك يا ريهاف على الرد القوي

وانا محتار من ادخل في صفه بس الضاهر ابي اسوي القهوه للصف

متابع

ايلاف

06-01-2006, 01:48 AM

خلنهاااااااااااااااا

>>>>> خلنها = خلوها بالصوت الناعم

لفى بك حظك العاثر وحظك مظلم ليله = ولاظني يطيب الحظ معي يابنت جيراني

انا جيت انشدك عن طفل يبكي له ويشكي له = ويضحك له ويفرح له وهو من صمته يعاني

وينك ياريهاف

شيلنها ياخوااااااااااااااااتي

ايلاف

06-01-2006, 01:55 AM

الله الله

اوخيتي ريهاف ممكن اغششك لو بغيتي

خذي عندك وانتي لك ساعه جالسة تطلبين مساعدة من صديقة مدري حذف ثلاث اجابات ..طبعا مافيه جمهور ولا صفوف ولا اعمدة

هلا حييتي وطاب المكان اللي تفاصيله = حشى ماغابت ولاطابت ولاشابت الا داخل اعياني

انا اجيه وانا جيله واسولف له وانا اجي له = واسولف له عن الدنيا وعن همي واحزاني

ايلاف

06-01-2006, 01:57 AM

شكلي الليله ابتحاور مع نفسي

خسااارة والله منتدى فيه اربعة الاف بنت ولااشوف بنت هنيا ..

وين جماعة الربع ..

صتمان

06-01-2006, 02:05 AM

حرام انتس ناحته وقاضيه ياايلاف مير اصبري على بلواتس

(:

ايلاف

06-01-2006, 02:12 AM

صتمان :

انا كنت اؤمن ان ابلغ درجات التخلف في المجتمع هي لشعراء المحاورة

صدقت انت بحضورك كلامي هذا

محمد الجبريني

06-01-2006, 02:37 AM

احححححححححححححححححححححححح ححححححححححححححححححححححححح ححححححححححح
احححححححححححححححححححححححح ححححححححححححححححححححح
احححححححححححححححححححح
ححححححححححح
حححححح

ايلاف

06-01-2006, 02:42 AM

صتمان : عز الله انك ادورها

البتين هذي لك :

انا بنات اليوم مالـي بهـن شـف
عن طردهن مقفي ولا نـي بتبـاع
لو وقفن قدمي صفوف ٍ ورى صف
لانـي بلاشـاري ولانيـب بيـاع

وارد عليك انا بنص عين .. لا حرام بربع عين

بنات هذا الوقت عن وصفهن قف
ماهن بحاجة جاهل بالشعر ضاع
لو تجمع اموال العرب كلها بكف
ماراح تقبل فيك من قل الاسناع

خيالات الشعر

06-01-2006, 02:43 AM

ههههههههههههههههههه

ابشري بالرد والله العظيم فاتحه لصفحه بس في مواقع ثاانيه وتوني سويت تحديث الا واشوف الردود ابشري يالغلااااا

ورد الجــوري

06-01-2006, 02:45 AM

يالغاليه
ريهاف وايلاف هدوووووو
بكرة الساعة عشرة بينكم محاورة
وتم ابلاغ ابو عبد الرحمن
نقول تم
يلا ردوا
انتظر
/
/
ورد

عبدالرحمن بن عمير بن حميد

06-01-2006, 02:49 AM

الله الله محاوره رااائعه

تحيتي للجميع

ايلاف

06-01-2006, 02:49 AM

وهو على كيفك ياورد الجوري :

لي ست ساعات مسنترة عند الجهاز حتى أحولت عيوني وانتي يامال الغنيمة ناااايمة ويوم صحيتي قلتي خلوها بكرة

غاليتي ورد :

يجب ان اخبرك انني غدا ساحمل حقائبي وجواز سفري وابني الصغير نواف في رحلة قد تطول قليلا معها سأتذكرك انني قضيت اجمل ليلة في حياتي برفقة راااائعه تحمل الورد للورد ..

شكرا لطيبة خلقك والشكر موصول لريهاف ولكل من شاركني هنا ..

اختكم : ايلاف عـ ....................... الـ......ي

رشيد الكسر

06-01-2006, 02:51 AM

ماشاء الله وش هالمحاورات الرااااائعه اللي مادرينا عنها

لا ولا ماتعزموووووون احد

بس اشوا اني دخلت بالصدفه وشفت

واصلو واصلو والله انكم تحمسون

تشااااااااااااااو

محمد الجبريني

06-01-2006, 02:53 AM

بسم الله الرحمن الرحيم

لإايلف قريش . إلفهم رحلة الشتاء والصيف . فليعبدو ارب هذا البيت . الذي أطعمهم من جوع وءامنهم من خوف
صدق الله العظيم

ابسم الله ان كان به جن يسرن وعن ملعبتنا يشردٍ اسمع اصوات وماشوف احد الرياجيل منهم احد

وش صاير الليله

عبدالرحمن بن عمير بن حميد

06-01-2006, 02:53 AM

هههههههههههه ايلاف

ورد الجــوري

06-01-2006, 03:01 AM

ههلا يابعدي
بس كنت ابيها غير ونبي عزيمه يابعدي
تروحين وتجين بالسلامة
بس دايم المحاورات المباشرة يوم الجمعة الساعة عشرة
والله انك قدها
وبنتظر عودتك
ونشوف المحاوره من لو مع احد هالرجاجيل
/
الله يسعدك

لا تزعلين بس كنت انتظر البقيه
بس ايلاف والنعم
كفو الله
ولك من يرضيك
يابعدي
اامري وتدللي
بس ليتك تأجلين السفر عشان خاطر هالموهبه
وخاطر غرابيل
ورد
وحاطر من حضر

/
/
ورد

محمد الجبريني

06-01-2006, 03:02 AM

مفيه الا شاعره وحده يربع هي تلاعب نفسها

متابع

تاشو تاشو تاااااااااشووووووو لساني ثقيل مقد انطق عااااااااااااااد

ايلاف

06-01-2006, 03:04 AM

غاليتي ورد :

اتمنى ان اعود لغرابيل .... بعد الاجازة قد يتغير كل شي ..

للعلم فقط انا طرحت ثلاث قصائد فقط وحصلت معكم على شعبية جارفة

ووصلت ردود احدى القصائد الى خمسين رد والاخريات الى اكثر من اربعين

وماكان ذلك ليتم في غياب شاعرات وشعراء يهمهم الشعر والشعر فقط ...

اراكم على خير والله يخليني لكم ..

يووووووووووووووه مغير انسى الله يخليكم لي ..

ايلاف ...

خيالات الشعر

06-01-2006, 03:07 AM

واستلمي يالغلاااااا

انا حظي على يدي ولو طاحت محاصيله = ولكنك تبين الطب والدكتور وجعاني

عسى من ساقك بيده معك مايرتخي حيله = وانا عرفه لو اصنفه اسمه شخص خواني

عبدالرحمن بن عمير بن حميد

06-01-2006, 03:09 AM

الله الله

هههههههه بس قوووويه ياريهاف هذي وربي

هههههههههههههه

الله يستر من رد ايلاف اجل

ورد الجــوري

06-01-2006, 03:10 AM

عاشو متابعين يلا ايلاف وريهاف
الليله المحاورة
ليعونك

الله الله

خيالات الشعر

06-01-2006, 03:11 AM

تعاالي ايلاف

خليك معي في الشعر اليله فرصه اني فااضيه

محمد الجبريني

06-01-2006, 03:11 AM

والله اللي سريت مع توقيعك يارشيد الله يزينه تبيعه يخوي اتراي ابشري والله محد يزيد على بس نزله الحراج نخلى سعرة يزيد على سعر الوحات المميوه

هههههههههههههههههههههه

ايلاف

06-01-2006, 03:14 AM

يعني مافيه طب ياريهاااااااااااف :

الله الله :

خلنهااااااااااااااااااا :

علامك كل ماحل الظلام وقلت الحيله = صفقتي كفك بكفك وقلتي وين ورعاني

احسب انك على خبري ولكن للزمن ميله = خسارة ماتوقعتك كذا واثر الزمن جاني

محمد الجبريني

06-01-2006, 03:17 AM

قعت لحاااااالى والله اللي بسري وانا ولد ابووووووووووي

راع التوقيع وسرى من يوم اطرينى توقيعه

تحيات لشاعرات ومـــــــــــاشي اللي يجي بلاعزيمه يقعد بلا فراش

ورد الجــوري

06-01-2006, 03:18 AM

ايلاف
هلا يامرحبا بالشاعرة والليله الليله = نبيها تمضي الساعه دقيقة والعمر فاني

عسى من قدم الدعوة ليال العمر تبطي له = وانا ماالبي الدعوة ياكود لدعوة اخواني

رهاف
لا يامرحبا واهلين بمن قدم مواويله = عسى ايامك تدووم سنين وبيتك وين وداني

الا عز القصيد اقول تسلم لي مراسيله = ولا عبر بيوتي كود من محصول وجداني

***
ايلاف

لفى بك حظك العاثر وحظك مظلم ليله = ولاظني يطيب الحظ معي يابنت جيراني

انا جيت انشدك عن طفل يبكي له ويشكي له = ويضحك له ويفرح له وهو من صمته يعاني
ايلاف ترد غلى نفسها من طول الانتظار
هلا حييتي وطاب المكان اللي تفاصيله = حشى ماغابت ولاطابت ولاشابت الا داخل اعياني

انا اجيه وانا جيله واسولف له وانا اجي له = واسولف له عن الدنيا وعن همي واحزاني

رد ريهاف

انا حظي على يدي ولو طاحت محاصيله = ولكنك تبين الطب والدكتور وجعاني

عسى من ساقك بيده معك مايرتخي حيله = وانا عرفه لو اصنفه اسمه شخص خواني

يلا متابعين
الله الله يا ايلاف

عبدالرحمن بن عمير بن حميد

06-01-2006, 03:19 AM

الزمن جاااااااني

الله الله ليلكم ليل عزا لله

خيالات الشعر

06-01-2006, 03:21 AM

استلمي يالغلااااا

تقولينه عقب ماطار منك برقع وشيله = تعانين وتحسبين العرب في دربك تعاني

تذري في السماء وعيونكي ترقب مخاييله = عسى ربك يزينها ويسقي كبد ظمياني

المملوووحة

06-01-2006, 03:22 AM

الله الله

روووووووووووووووووووووووو ووووعه

ايلاف

ريهاف

لاهنتن يابعددددددددددددي على هالمحاوره

انا بصف مدري تصدقون كلكن رائعات

انا بالنص سلمتمااااااااااااااا

ورد الجــوري

06-01-2006, 03:22 AM

يسعد المتواجدين يلا
يالرجاجيل شوي شوي تشجيع لا تخربون
خلو الشاعرات
خلوهم
ارحبووووووو
/
/
معاكم
/
ورد

عبدالرحمن بن عمير بن حميد

06-01-2006, 03:23 AM

الله الله

كبد ضميااني

متابعين لكم

ورد الجــوري

06-01-2006, 03:25 AM

ريهاف

تقولينه عقب ماطار منك برقع وشيله = تعانين وتحسبين العرب في دربك تعاني

تذري في السماء وعيونكي ترقب مخاييله = عسى ربك يزينها ويسقي كبد ظمياني

الله عليك رااائع
متابعين

ايلاف

06-01-2006, 03:26 AM

لا والله الا جت على المنوة :

انا فوق السماء ياللي حلاك اقفت تفاصيله = وغديتي من رداة الحظ عجوز ووجهها شاني

ترى ماعاد باقي لك سوى مافات تبكي له = عساه يهدي احزانك متى مابل الاوجاني

عبدالرحمن بن عمير بن حميد

06-01-2006, 03:29 AM

الله

الله

الاوجاااني

ورد الجــوري

06-01-2006, 03:29 AM

ريهاف

تقولينه عقب ماطار منك برقع وشيله = تعانين وتحسبين العرب في دربك تعاني

تذري في السماء وعيونكي ترقب مخاييله = عسى ربك يزينها ويسقي كبد ظمياني

والله الا جت على المنوة :ايلاف

انا فوق السماء ياللي حلاك اقفت تفاصيله = وغديتي من رداة الحظ عجوز ووجهها شاني

ترى ماعاد باقي لك سوى مافات تبكي له = عساه يهدي احزانك متى مابل الاوجاني

قويه والله
الله يقويكم متابعين
الله الله

رشيد الكسر

06-01-2006, 03:31 AM

لا والله الا جت على المنوة :

انا فوق السماء ياللي حلاك اقفت تفاصيله = وغديتي من رداة الحظ عجوز ووجهها شاني

صح لساانك يايلاف

احلىىىىى يامهجدتهن

<<<<< متابع لكم واصلو

عبدالرحمن بن عمير بن حميد

06-01-2006, 03:34 AM

<< ينتظر رد ريهاف

رشيد الكسر

06-01-2006, 03:35 AM

والله اللي سريت مع توقيعك يارشيد الله يزينه تبيعه يخوي اتراي ابشري والله محد يزيد على بس نزله الحراج نخلى سعرة يزيد على سعر الوحات المميوه

هههههههههههههههههههههه

المميوه خخخخخخخخخخخخخخ

مايغلى عليك ياقوي الشكيمه ماعندي اللا حلالك كل راس ماله توقيع

واللي سواه يسوي غيره انت تامر امر مابيننا بيع وشرا

اطلب وتحت امرك بس

ورد الجــوري

06-01-2006, 03:35 AM

الله عليكم يالغلا
كذا الشاعرات والا بلا
متابعين
/
مواااااااااااااااهب
ورو الرجاجيل هههههههه

عقبال ما تكتسحونهم خخخخخخ

عبدالرحمن بن عمير بن حميد

06-01-2006, 03:41 AM

الليل ياريهاااف وينك

محمد الجبريني

06-01-2006, 03:41 AM

عد ت ومتابع مدعني قلبي اتعنصر والترك شاعرتنا محد يشجعهن انتم يالى تحوفون مناك مشااااااالله0 1ضيوف مدري اكثر انتبهو تراي لكم بالمرصاد
سجلو مع الرياجيل فى غرابيل حتي تمكنون من مشاهدة اللعب والحريم بمشاعيبهن يلعبن
اخفاف بعد بعد شوي هههههههههههههههههه
تعود تمعيط شعر الله يستر كل وحد مشبطه فى شوشت رفيقتها بس اشوي فيه معي فراعه ماني لحاللى
والسرابيت ازهلوهم يالشاعرات لاتخافن اللي يجي ابرده واللي يسجل الله يحييه

نصيحه تسجلون

ترانا نشوف الشاعرات ذلحين يوم يلعبن بس انتم تقرون الكتابه

تراهم يصدقون الخبول قلعتهم خل نكسب اعضاء جدد فى غرابيل
حتي تصير اكثر منتدى

تحياتي ااشاعرات وااله ماهن بسيطاااات

معك الحارس

ايلاف

06-01-2006, 03:46 AM

اجنب عنك وارجع لك واغيب شوي وارثيله = ترى وضعك معي اصعب من الحاجة للانساني

وانا ماهمني ابقى معك نجمه ولا ليله = انا يكفيني من هذا الزمن كله ماجاب جداني

فايز آل بذال

06-01-2006, 03:46 AM

عساااااااااكم على القوه

هنا فقط للأستمتااااااااااااااع

تحياااااااااااااااااااتي

خيالات الشعر

06-01-2006, 03:46 AM

ههههههههههههههههه

استلمي والدعوه شعر بدوون زعل ونااسه يالغلااا

تروي واركدي لا تخطفين العلم يالفيله = ترى الدعوه سياسه ماهي بخمات خبلاني

تقولين الشعر وانتي تشدينه معا ذيله = وجا في صدركي سهمين مير الناس عمياني

ورد الجــوري

06-01-2006, 03:49 AM

الاعضاء الحاضرين بنات ورجاجيل طلب لا هنتم
كل واحد فيكم بعد انتها المحاورة او من الحين
تشجيع للشاعرات يرشحهن بنقطه تحت اساميهم
يعني تسع نقااااط ولا تتهربوون
/
/
تحياتي للمبدععات الله يخليكم لغرابيل
/
/
بسرعة نفذوا هههه لا هنتم
وكل وحدة من المتحاورات تدي اختها نقطه بعدين
عربون محبه
/
/
ورد

ورد

عبدالرحمن بن عمير بن حميد

06-01-2006, 03:51 AM

الله الله عليك يا ايلاااف

جدااااااااني

متابع لكم

ورد الجــوري

06-01-2006, 03:52 AM

ايلاف
اجنب عنك وارجع لك واغيب شوي وارثيله = ترى وضعك معي اصعب من الحاجة للانساني

وانا ماهمني ابقى معك نجمه ولا ليله = انا يكفيني من هذا الزمن كله ماجاب جداني

ريهاف

تروي واركدي لا تخطفين العلم يالفيله = ترى الدعوه سياسه ماهي بخمات خبلاني

تقولين الشعر وانتي تشدينه معا ذيله = وجا في صدركي سهمين مير الناس عمياني

الله الله متابعين
قويه ريهاااف عساك على القوة
يلا شباب صبايا رشحو
الشاعرات
شجعوه وانا بديت
/
/
ورد

عبدالرحمن بن عمير بن حميد

06-01-2006, 03:52 AM

عمياااني ياسلااام عليك ياريهاااف

ايلاف

06-01-2006, 03:52 AM

الفيلة هاه :

خربتيها يالذربة :

سقى الله عامنا الاول هذاك اللي تعاليله = الليا مرت على بالك يطير النوم لاحاني

وراك تفتشين بماضي انتي بهاذيله = وحصاة ارزاح ماتنزاح في بعضات الاحياني

خيالات الشعر

06-01-2006, 03:53 AM

تعالي للنجر وانتي سوات البن والهيله = ندقك لين يطلع من دماغك كل شيطاني

تغطين الهزيمه والوسم في جبهتك نيله = عساها في كبود اهل الردا وبكبد عدواني

مشعل ابن سعود

06-01-2006, 03:53 AM

كح كح

توني اجي

معي زمزمية شاهي للشاعرات بخخخ

عبدالرحمن بن عمير بن حميد

06-01-2006, 03:54 AM

الفيله ههههههههههههههههههه

ايلاف

06-01-2006, 03:55 AM

ياحكم

ياحكم

ريهاف هذي يبيلها ساعتين

يااختي احتسبي وقت بدل ضايع

او وقفي المباراة ورانا بزارين

غاية الأمل

06-01-2006, 03:55 AM

الله الله

رررررررررررررررروعة

جيت للإ ستماااااع

واصلواا

عبدالرحمن بن عمير بن حميد

06-01-2006, 03:55 AM

بكبد عدواااني

الله عليك

محمد الجبريني

06-01-2006, 03:56 AM

تسلم تسلم كنه عندي خلاص

لاخلى منك ولاعدم

ولاتشره معاد احق الوحة المفاتيح غير اتلمسها تلمس من السهر

والشاعرات يطولن ليش

اظاهر قعدن يقرن فى خربطي هههههههههههههههههه
مدري ماهن سريعات زي الاشناااااب

معاد ابكتب شغلتهن بعظهن معاد هي على القاف تحدا ههههههه

تحياتي لكم ولكن ولهم وللجميع

شعرات روووووووعه

خيالات الشعر

06-01-2006, 03:56 AM

الشعر وناااسه ايلاف والقلوب صافيه هههههههههههههههههه

عبدالرحمن بن عمير بن حميد

06-01-2006, 03:57 AM

ههههههههههه

ايلاف اركدي تراك مطيره ريهاف ههههههه

ورد الجــوري

06-01-2006, 03:58 AM

سقى الله عامنا الاول هذاك اللي تعاليله = الليا مرت على بالك يطير النوم لاحاني

وراك تفتشين بماضي انتي بهاذيله = وحصاة ارزاح ماتنزاح في بعضات الاحياني

ريهاف

تعالي للنجر وانتي سوات البن والهيله = ندقك لين يطلع من دماغك كل شيطاني

تغطين الهزيمه والوسم في جبهتك نيله = عساها في كبود اهل الردا وبكبد عدواني

واااوا
تسلمون
والله الدعوة حميت
خخخخخخخ

اقول يامال الغنيمة يالجمهور رشحو
وش دعوة ليه البخل هههههه
/
/
ورد

محمد الجبريني

06-01-2006, 03:59 AM

حياك الله يلي قلبك من قزاز اصحي لاينكسر

احنا قلوبنا من حجر وتكسرت معاد بقي منها الا شوي

ورد الجــوري

06-01-2006, 04:01 AM

متابعين
يلا
/
/
تم اضافة نقطتان لكل شاعرة والبقية وينهم
/
/
ورد

ايلاف

06-01-2006, 04:01 AM

ههههههههههههههه
خلنهاااااااااااااا

سيبنهااااااااااا

مادام الدعوة مزوح تجي وتروح خوذيها :

قولي هاتيها :

بالله حائط صد على شاني :

خلاص انقفل الموضوع ياريهاف ياحليله = عيوني صارت احمر من عيون القط مرجاني

وانا وانتي زميلات وقصايدنا لها الشيله = ( وبص بئى حضرتك أومي روحي نامي انا مش نئصاك انيت التانية يابنت يامهببة ))

غاية الأمل

06-01-2006, 04:04 AM

كحي الناعمات ما مثلة حكي *** القلب مشروح مافيه يشتكي

عاشواا الشاعرات

صح لسانكم

ولا هااان السامعين

خيالات الشعر

06-01-2006, 04:04 AM

ترى دوم المهبل من ضحايا الغدر والحيله = واليا صرتي من المجني عليهم وينه الجاني

مالومك لو تلفين الحكي عندي محابيله = حشرتك حشرة العصفور لا جا بين جدراني

ورد الجــوري

06-01-2006, 04:06 AM

وش دعوه بكرا السفر ايلاف
خليها ليله حلوة انتظري يالغلا
الحكم متاااابع
،
/
ورد

عبدالرحمن بن عمير بن حميد

06-01-2006, 04:10 AM

بين جدراااااااني الله الله

ورد الجــوري

06-01-2006, 04:10 AM

ترى دوم المهبل من صحايا الغدر والحيله = واليا صرتي من المجني عليهم وينه الجاني

مالومك لو تلفين الحكي عندي محابيله = حشرتك حشرة العصفور لا جا بين جدراني

الله عليك ياريهاااف
تهبلين
/
/
ورد

ايلاف

06-01-2006, 04:10 AM

ايلاف

06-01-2006, 04:11 AM

تصبحـــــــــــــــــــــ ــــــــــــــــون على خيـــــــــــــــــــــــ ــــــــر

خيالات الشعر

06-01-2006, 04:12 AM

يالله صح الساانك يالغلااا

والعذر للجميع الصلاة اوشكت والحكومه بتصحى عندي ههههههههههههه

ورد الجــوري

06-01-2006, 04:12 AM

خلاص انقفل الموضوع ياريهاف ياحليله = عيوني صارت احمر من عيون القط مرجاني

وانا وانتي زميلات وقصايدنا لها الشيله = ( وبص بئى حضرتك أومي روحي نامي انا مش نئصاك انيت التانية يابنت يامهببة ))

ريهاف

ترى دوم المهبل من صحايا الغدر والحيله = واليا صرتي من المجني عليهم وينه الجاني

مالومك لو تلفين الحكي عندي محابيله = حشرتك حشرة العصفور لا جا بين جدراني

متابعين
وربي احلا شاعرات
يسعدكم
قوووووويه ياريهاف

عبدالرحمن بن عمير بن حميد

06-01-2006, 04:13 AM

صحت السانتكم جميع

كانت محاوره راائعه والحضور راائع

تحيتي للجميع

ورد الجــوري

06-01-2006, 04:15 AM

صح لسان الشاعرات لا هنتم
والله ليله حلوة مثلكم
ورب صدفه خير من الف ميعاد
/
/
لنا عودة معكم باذن الله
/
تسلمون
ونتمنى من الجمهور الترشيح بلا بخل
حق الاستمتاع والمشاهدة
/
/
ورد

ورد الجــوري

06-01-2006, 04:16 AM

بكرة بسافر واسمحولي ابنام = عيوني اكبر من كبار الفناجيل

لكن وعدنا دايم الدوم قدام = مادام يمهلنا العمر في غرابيل

والشعر سبك وحبك مع رسم الاحلام = يكفي قليله عن كثير التفاصيل

ياورد ياجوري ترى بعض الايام = اخير من يطمع بجمع المحاصيل

الله يردك لغرابيل سالمة غانمة وتجين ونزفك بالورد
راح نفتقدك
وصح لسانك والجيات احلا ياقلب ورد
تسلمين والله

/
/
والشكر موصول لرهاااف شاعرتنا المبدعة
ربي يسعدك
:
/
ورد

خيالات الشعر

06-01-2006, 04:19 AM

مشكووووره ورد الجووري ويعطيك العاافيه اختي

ومشكورين الجمهوور المتاابع وفعلا قضية وقت جميل معكم

وكل عاام والجميع بخير

محمد الجبريني

06-01-2006, 04:19 AM

انا بصف ايلاف

انكان ماني غلطان الاسماء عندي تشابهت وختلط الحابل بالنابل المفروض مايلعبن سوي لتشابه اسماهن انغلط فيها

الشاعره الثانيه وش اسمها ريهاف فرق بسيط مطابقه

ورد الجــوري

06-01-2006, 04:21 AM

مشكووووره ورد الجووري ويعطيك العاافيه اختي

ومشكورين الجمهوور المتاابع وفعلا قضية وقت جميل معكم

وكل عاام والجميع بخير

وانت بالف الف خير
يالمبدعة
ولك الحين جمهووووووور يهبل
وان شاء الله الجيات أكثر
/
/
محبتكم
ورد

ورد الجــوري

06-01-2006, 04:32 AM

واليكم المحاورة كامله
للمبدعتان غير اشعار ايلاف يسعدها في صتمان هههه

ايلاف
هلا يامرحبا بالشاعرة والليله الليله = نبيها تمضي الساعه دقيقة والعمر فاني

عسى من قدم الدعوة ليال العمر تبطي له = وانا ماالبي الدعوة ياكود لدعوة اخواني

رهاف
لا يامرحبا واهلين بمن قدم مواويله = عسى ايامك تدووم سنين وبيتك وين وداني

الا عز القصيد اقول تسلم لي مراسيله = ولا عبر بيوتي كود من محصول وجداني

***
ايلاف

لفى بك حظك العاثر وحظك مظلم ليله = ولاظني يطيب الحظ معي يابنت جيراني

انا جيت انشدك عن طفل يبكي له ويشكي له = ويضحك له ويفرح له وهو من صمته يعاني

ايلاف ترد غلى نفسها من طول الانتظار

هلا حييتي وطاب المكان اللي تفاصيله = حشى ماغابت ولاطابت ولاشابت الا داخل اعياني

انا اجيه وانا جيله واسولف له وانا اجي له = واسولف له عن الدنيا وعن همي واحزاني

رد ريهاف

انا حظي على يدي ولو طاحت محاصيله = ولكنك تبين الطب والدكتور وجعاني

عسى من ساقك بيده معك مايرتخي حيله = وانا عرفه لو اصنفه اسمه شخص خواني

ريهاف

تقولينه عقب ماطار منك برقع وشيله = تعانين وتحسبين العرب في دربك تعاني

تذري في السماء وعيونكي ترقب مخاييله = عسى ربك يزينها ويسقي كبد ظمياني

والله الا جت على المنوة :ايلاف

انا فوق السماء ياللي حلاك اقفت تفاصيله = وغديتي من رداة الحظ عجوز ووجهها شاني

ترى ماعاد باقي لك سوى مافات تبكي له = عساه يهدي احزانك متى مابل الاوجاني

ايلاف
اجنب عنك وارجع لك واغيب شوي وارثيله = ترى وضعك معي اصعب من الحاجة للانساني

وانا ماهمني ابقى معك نجمه ولا ليله = انا يكفيني من هذا الزمن كله ماجاب جداني

ريهاف

تروي واركدي لا تخطفين العلم يالفيله = ترى الدعوه سياسه ماهي بخمات خبلاني

تقولين الشعر وانتي تشدينه معا ذيله = وجا في صدركي سهمين مير الناس عمياني

ايلاف
سقى الله عامنا الاول هذاك اللي تعاليله = الليا مرت على بالك يطير النوم لاحاني

وراك تفتشين بماضي انتي بهاذيله = وحصاة ارزاح ماتنزاح في بعضات الاحياني

ريهاف

تعالي للنجر وانتي سوات البن والهيله = ندقك لين يطلع من دماغك كل شيطاني

تغطين الهزيمه والوسم في جبهتك نيله = عساها في كبود اهل الردا وبكبد عدواني

ايلاف
خلاص انقفل الموضوع ياريهاف ياحليله = عيوني صارت احمر من عيون القط مرجاني

وانا وانتي زميلات وقصايدنا لها الشيله = ( وبص بئى حضرتك أومي روحي نامي انا مش نئصاك انيت التانية يابنت يامهببة ))

ريهاف

ترى دوم المهبل من ضحايا الغدر والحيله = واليا صرتي من المجني عليهم وينه الجاني

مالومك لو تلفين الحكي عندي محابيله = حشرتك حشرة العصفور لا جا بين جدراني
/

تحية للمبدعاتان :11ughboun
/
/
ورد

ورد الجــوري

06-01-2006, 04:41 AM

موقف يهبل

صمتان
حرام انتس ناحته وقاضيه ياايلاف مير اصبري على بلواتس

(:

رد ايلاف عليه بهالأبيات تعجبيني يالنشمية والله

صتمان : عز الله انك ادورها

البتين هذي لك :

انا بنات اليوم مالـي بهـن شـف
عن طردهن مقفي ولا نـي بتبـاع
لو وقفن قدمي صفوف ٍ ورى صف
لانـي بلاشـاري ولانيـب بيـاع

وارد عليك انا بنص عين .. لا حرام بربع عين

بنات هذا الوقت عن وصفهن قف
ماهن بحاجة جاهل بالشعر ضاع
لو تجمع اموال العرب كلها بكف
ماراح تقبل فيك من قل الاسناع

والله قويه
/
/
دمتي لغرابيل
ممكن نحط تحت اسمك الفلته .....
وربي تستاهلين لقب يالغاليه