قصيدة رثاء

[ام فهد 123]

قصيدة رثاء في الوالدة بعنوان


(( مزن تحدر )) :
مزن تحدرفوق نجد وضواحيه =حرك شجون القلب وقلق مباتي .
بكيت لين الدمع حفيت مجاريه =ولجف الأول قلت ياعين هاتي.
يمكن دموعك لآهب الصدر تطفيه =وتخف وناتي وكثر انتهاتي.
للغيث يادارن لنا مسكنن فيه = وقتن مضا في أيامنا الماضياتي
غابت عمود البيت وأخلت مبانيه .= واللي بقوا بالبيت راحوا شتاتي
وجدي على الي له زمانن رعى فيه= يحب نجد ومغرم بنباتي
غديرنا الي جف واتعب ضواميه = الي عليه كبودنا يابساتي
ماعاد أبي عشبه ولامن مشا فيه = ولا عاد في نجد العزيزة شفاتي
شفي سكن دارن عسى الله يناجيه= من هول مابالقبر وقت الثباتي
خلا ربيع الكون واسلم لواليه = روحن عساها من اهل الصالحاتي
أم الياتمى كل ضميان تسقيه = وتقدم الموجود والرزق ياتي
بالضيف تفرح والمسير تحييه = وتسد سد رجال بالنايباتي
يمه،،،، فراقك سمني كيف اداويه = ضاع الدوا واضن حانت وفاتي
النوم عاداني وانا صرت اعاديه = اساهر نجوم السماء الساهراتي
احيان اعد النجم واحيان احاكيه = غابن نجوم وغيرهن مرقباتي

[رشيد الكسر]

ياهلا ومرحبا يام فهد في منتديات غرابيل


والله يرحم والدتك ويسكنها فسيح جناته


صح لسانك وجاد بنانك



ولكن اود ان تراعي الاخطاء الاملائيه في بعض الابيات



ويااااهلا وغلا فيك مره ثانيه


نورتي غرابيل بتواجدك




تقبلي جل التقدير والاحترام


7


7


7

رشـيد الكـسر

[سعد النخيش]

الله يرحم الوالد يا ام فهد


وانتبهي للاخطاء الاملائية


ومحاولة جيدة

[نياف العتيبي]

ام فهد


صح لساااااااانك


والله يرحمها ويغفر لها ولاموات المسلمين


ولاهنتتتتتتتتتتتتي



النااااااااايف

[علي عبدالرحمن الأسمري]

صح لسانك
وغفر الله لوالدتك
وحاولي مراعاة ماذكر الاخوان رشيد الكسر والاعصار
دمتي بخير

[أبوعبدالرحمن]

صح لسانك اختي

ورحمها الله واسكنها فسيح جناته

[ليــن القســا]

رحمها الله أختي ( أم فهد)
وأسكنها فسيح جناته ..
بوح جميل لاحرمك الله أجر برها ...

[مهدي بن مسفر الحبابي]

أختي أم فهد


هــلا وغـــلا والله يحييك بين أخوانك وخواتك اسرة منتديات غرابيل


غـفر الله لوالدتك


صح لسانك وسلم قلبك وصبرك على مصيبتك

قصيده جزله ورايعه بروعـة حضورك

المعذره لقد قمت بتنسيق الـقـصيده

لك فااائق احـتـرامي وتـقـديري

[ام فهد 123]

تابع : (( مزن تحدر )) :
نومي على كفي ولا ذقت حاليه .............. لو ان قل الصبر ماهو صفاتي
أمي واقول أمي كلام معانيه ............... حبن تمكن من كياني وذاتي
ماكل من يوصف بوصفن وهو فيه ............ أمي لها وصفن عن الامهات
من عاد يشكي لي وانا اسمع شكاويه.......... من عاد يدرء خلتي وشراهاتي
يا زايرين القبر قولوا لراعيه ............ منه السماح كان يسمع وصاتي
:icon_sad
************************************************** ************************

[ديمة الشوق]

السلام عليكم


الغاليه ام فهد


الله يرحمها ويرحم اموات المسلمين


صح لساانش ولاهنتى


اختج ديمة الشوق

[محمدابوشهاب]

ام فهد


صح لساااااااانك


والله يرحمها ويغفر لها ولاموات المسلمين

[عبدالله خاتم]

ام فهد صح لسانك ورحم الله والدتك وامواتنا واموات المسليمن 00 قصيده مؤثره ومعبره وفي منتهى الروعه والجمال

نرجو من الله ان يلهمكي الصبر والسلوان

[محمد العجمي]

رحمها الله واسكنها فسيح جناته

صح لسانك يا اختي

[برج المملكه]

مزن تحدّرفوق نجـد وضواحيـه=حرّك شجون القلب واقلق مباتـي
بكيت لين الدمع حَفْيَـت مجاريـه=لاجف الأول قلت ياعيـن هاتـي

مرثيه من بداية استهلالها لامست القلوب وحركت المشاعر


للغيث يادارن لنـا مسكنـن فيـه=وقتن مضا في أيامنا الماضياتـي
غابت عمود البيت وأخلت مبانيه =واللي بقوا بالبيت راحـوا شتاتـي

من هنا تبدا رحلة الابداع الممزوج بالحزن الشديد على فقدان اغلى الاشخاص والمقربون اليك .. زد على ذلك ذكرى الاطلال ومالها من بالغ الاثر في النفس !


غديرنا الي جف واتعب ضواميـه=الـي عليـه كبودنـا يابسـاتـي

يا اللللللللله يا ام فهد الله على تصويرك للمعنى وما اصعب رثاء الام في الام !



أم الياتمى كـل ضميـان تسقيـه=وتقدم الموجـود والـرزق ياتـي
بالضيف تفرح والمسيـر تحييـه=وتسـد سـد رجـال بالنايباتـي

الله الله الله .. ام تطعم اليتيم وتسقي الضميان وتجود بما جاد به ِ عليها الجواد وقانعه بإتيان الرزق من عنده وتقرئ الضيف واخت رجال وبنت رجال .. هنا مايخفف من هول المصيبه وبشريها بالخير ان شاء الله .. اللهم اغفر لها وارحمها انك سميع مجيب الدعاء



يمه،،،، فراقك سمني كيف اداويـه=ضاع الدوا واضن حانت وفاتـي
النوم عاداني وانا صرت اعاديـه=اساهر نجوم السمـا الساهراتـي
احيان اعد النجم واحيـان احاكيـه=غابن نجوم وغيرهـن مرقباتـي


هنا اقف عاجز عن التعبير و ليس لدي الا ان اقول عظم الله اجرك والله يجمعك وياها بجنات النعيم انه قادر على ذلك

اتمنى من المشرفين اعاده تنسيق القصيده بعد تصحيح الاخطاء المطبعيه والشك زايل في شاعرتنا القديره الكبيره / ام فهد

هنا القصيده بعد تصحيح بعض الاخطاء الاملائيه ليسهل قرائتها ..




مزنٍ تحدّرفوق نجـد وضواحيـه=حرّك شجون القلب واقلق مباتـي .
بكيت لين الدمع حَفْيَـت مجاريـه=لاجف الأول قلت ياعيـن هاتـي.
يمكن دموعك لآهب الصدر تطفيه=وتخف ونّاتـي وكثـر انتهاتـي.
للغيث يادارن لنـا مسكنـن فيـه=وقتن مضا في أيامنا الماضياتـي
غابت عمود البيت وأخْلَت مبانيه=واللي بقوا بالبيت راحـوا شتاتـي
وجدي على الي له زمانن رعى فيه=يحـب نجـد ومغـرمٍ بالنبـاتـي
غديرنا الي جف واتعب ضواميـه=الـي عليـه كبودنـا يابسـاتـي
ماعاد أبي عشبه ولامن مشا فيـه=ولا عاد في نجد العزيزة شفاتـي
شفي سكن دارن عسى الله يناجيـه=من هول مابالقبر وقـت الثباتـي
خلا ربيع الكـون واسلـم لواليـه=روحن عساها من هل الصالحاتي
أم اليتامى كـل ضميـان تسقيـه=وتقدّم الموجـود والـرزق ياتـي
بالضيف تفرح والمسيـّر تحييـه=وتسـد سـد رجـال بالنايباتـي
يمه،،،، فراقك سمّني كيف اداويـه=ضاع الدوا واظن حانت وفاتـي
النوم عاداني وانا صرت اعاديـه=اساهر نجوم السمـا الساهراتـي
احيان اعد النجم واحيـان احاكيـه=غابن نجوم وغيرهـن مرقباتـي

قل من يكتب الرثاء كما كتبت ام فهد هنا

لله درك وعظم الله اجرك

[زبن بن عمير]

الله يرحم موتاكم ياام فهد وموتى المسلمين ويسكنهم فسيح جناته

[صالح الروقي]

المبدعه ام فهد

مرحبا بك مليوووووووووووون هنا

وصح لساااااااااااااااانك على ماكتبتيه

ورحم الله موتانا وموتاااااااااااااكم وتغمد والدتك بالرحمه

ولك مودتي

الروووووووووووووقي

[مشعل الشايقي]

غابت عمود البيت وأخلت مبانيه
واللي بقوا بالبيت راحـوا شتاتـي
وجدي على الي له زمانن رعى فيه
يحـب نجـد ومغـرم بنبـاتـي
غديرنا الي جف واتعب ضواميـه
الـي عليـه كبودنـا يابسـاتـي
ماعاد أبي عشبه ولامن مشا فيـه
ولا عاد في نجد العزيزة شفاتـي
شفي سكن دارن عسى الله يناجيـه
من هول مابالقبر وقـت الثباتـي


يسلم قلبك ام فهد على هذه القصيدة

التي تخفق لها القلوب وتبكي لها الحروف


رحم الله والدتك واسكنها فسيح جناته

والمسلمين والمسلمات احياء واموات

يسلم قلبك وغاليك

تحياتي

[مشاعر حالمه]

ام فهد..

صح لسانج ولاهنتي يالغلا ..


تحيتي لج / مشاعر حالمه ..

[عبدالله محمد]

أختي الغاليه والعزيزه/ أم فهد
صــــــح لســــانـــك
والله يرحمها رحمه واسعه ويغفرلها ويكنها فسيح جناته
تقبلي خالص تحياتي ،،،،،،،،،،
أخوكي: عبدالله محمد

[السندس]

الله يرحمهل ويغفر لها ويعينك على ذكرها بالعمل الصالح والصدقات

[ام فهد 123]

شكراً جزيلاً .. سوف يتم تنزيل القصيدة كاملة

[ابورامي]

صح لسانك ام فهد


والله يرحم فقيدتنا


تحياتي......................ابورامي