يا مدير المنتدى يا عموم المشرفين

[محمد السحيل]

يا مدير المنتدى ياعموم المشرفين=بارك الله في رجال ٍهذا مجهودها
أبدع الطاروق واللي يبى يلعب يبين =من هجوس ٍ فالمعاني بعيد ورودها

[عـويد العطاوي]

ياهلا يامرحبا بالنيابة مرتين=والرجال الطيبة ماتبيح سدودها

وا حليل الطيب اللي على دنيا ودين=ما تزعزع بين بيض الليال وسودها

[محمد السحيل]

صح لسانك

وأسمع

البقى يا شاعر القوم أبو قلب ٍ فطين=والقضيه بينه والعباد شهودها
يالعطاوي يالله أنه على الدنيا يعين =والعلوم مكمله والديار انرودها

[عـويد العطاوي]

خطل اليمنى

لله درك

أسمع



يامثور بندقة والاوادم غافلين=ماعرفنا وش ردى السالفة من جودها

روحت في حض قبر الحسن مدري الحسين=وانت نارك شبها لايدخن عودها

[محمد السحيل]

صح لسانك

وأسمع




البنادق ثورت والمشوك له طنين=فوق راسك يالعطاوي توح ارعودها
بينه مثل الجدي ماتبى رجل ذهين=بارك الله في رجال ٍتفك اقيودها

[عـويد العطاوي]

مدري الدنيا لها عين ولا نص عين=مار بكره يتضح نقصها من زودها

ماعلانا مشكلة سالمين وغانمين=ماحسبنا حساب صنعاء وقول زيودها

[محمد السحيل]

صح لسانك

وأسمع

المخايل خيلت هللوا يا سامعين =بندق الشاوي خثع وانكسر عبرودها
شجرة ٍ جوف الثرى عرقها عبر السنين=من يناح الشجره ومن يناح قرودها

[عـويد العطاوي]

استلم وصح لسانك ياخطل اليمنى

وتصبح على خير




والله أنك كنت طيب وربعك طيبين=لان جبت كليمتن يلحققك منقودها

قبلة الاسلام وحدة ما راحت قبلتين=لاتعقدها وتبلش بكثر عقووودها

[محمد السحيل]

يا عويد 000000000000000000
القرم تشرفت باللعب معك ولنا لقاء ان شاء الله
استأذنك ابي اصلي واروح اداوم الله يعين الدوام 300كيلواا
هجدتني مير الله يعين والعذر على القصور

[محمد الجبريني]

الحمد لله على السلامه كيف عدة على خير
والله بغي يجي هوش ومحارب وغزو شيوعي

ومار مافيه حتى صفوف تفركم لي تذابحتو لكن الله ستر


محاوره رهييييييييييييييييبه وعجييييييييييييبه

والخصمين متعادلين كل منهم سجل هدف فى مرمى الاخر


تحيااااااتي للعطاااااااااااااوي

وكذالك لزميله خطل اليمنى بعض الناس يحسبونه
خطل اليمني سعودي ماهو من اليمن ههههههههه

[أبوعبدالرحمن]

صحت قلوبكم

وحياك الله اخوي في غرابيل

[الرويحـــي]

مشالله عليكم

خطل اليمنى صح السااانك
وسلمت

عويد برضووو صح الساانك ولاهنت
وارجع واقول مشالله عليكم

[عبدالله محمد]

أخوي الغالي والعزيز
صـــــــــح لســــــــــانــــــــك
وأهلا وسهلا فيك في منتدى غرابيل بين أخوانك وأخواتك ونورررررررررررت المنتدى
قلوبنا رحبت بك قبل أن ترحب بك السنتنا
سعدنا كثيرا وكثيرا بإنظمامك معنا
وحياك الله
تقبل خالص تحياتي ،،،،،،،،،،،،،
أخوك: عبدالله محمد

[سعودعبدالله]

صحت السنتكم ولاهنتوو

جزاله في جزاله

متابع متابع


تحياتي لكم

[بدر المعصيري]

صحت السنتكم ولاهنتوو

طاروق جزل وافي من وافين وجزلين

بيض الله وجيهكم ودمتم بهذا التألق

أخوكم /بدر المعصيري

[محمد السحيل]

صحت أبدانكم جميعا
ولافيه شك انا بين اخواني واخواتي
ولا هنتوا على المرور الكريم
واسمع يا عويد الله يعين000000000000000

نحمد الله نكسب الطيب والقول الثمين=والغياهب طبها لا تقف فحدودها
قبلة الإسلام من دونها درع ٍ حصين=يقضي الخيال عمره يصارع نودها