طاروق للفاضي 2

[بعيد المراميس]

اللي متأكد من اللحن يجي واللي عنده شك يتكي على المركا ويتقهوى :biggrin:


سلام رديه والنار مشبوبه والليل بادي والجدي بادي سلام رديه=من خاطرن صافي ياشناب بلحاها تسليمة المسلم على المسلم من خاطرن صافي
فالدرب ماريّه من مر يلقاها ماني بجايب شي من عندي فالدرب ماريه=بارباع وانصافي فالسوق جلابه ياللي تطب السوم لاتشري بارباع وانصافي

[نايفة شمر]

اااااااااااااااااااايه هذي المحاااااااااااااااااوراا ااااااااااات وإلا بلاااااااااااااااااااش


زعم لي وقفة معك على هذا الطاروق لكن خلني ارتب الحوسة اللي انا فيها


وتراي بصفك من الان لكن من بقوم لك

[محمد السليس]

ابو جسار

ممكن نخليه مباشر القابله ماعندى مانع ان شاء الله

وان جا احد هالحين يلعب معك الساعه المباركه

[نايفة شمر]

مباشر احسن

[برج المملكه]

والله يازعم طاروق كايف ونايف

لكن انا اعتذر عن الرد لاني مشغوووول واقرى كتاب كيف تتعامل مع القولون :mf_popean

صح لسانك :biggrin:

[همسة الطـيف]

ماشاء الله عليكم ....عيني عليكم بارده ...

يارب يحرسكم من العين ..


يسلمكم يارب ..

[سعودعبدالله]

هههههههههههههههههههههه

وانا بعد اعتذر عن الرد لاني مشغول انتظر برج المملكه يخلص من الكتاب ابي اقراه بعد لان القولون متعبني هههههههههه


على فكره صح لسانك يابو جسار ولا عاد تعودها هههه

[برج المملكه]

انت ياللي فوق

ههههههههههههههههههه

وبس :)

[الراســـي]

زعم وش هذا
والله المغطه
ههههههههه

صح كلك
وشبكم يالشعار الي فيه قيلووون
والي يبي يصير فيه قيلووووووون

[محمد الجبريني]

لااله الا الله ومحمد رسول الله

الشاعر علامه تشبه علينا كذي ههههههههههههههههياخوي أختلي ربع ساعه ههههههههههههههه لاوالله نص ساعه وانا ماقريت البيت الاول والشطر الول من البيت
بعد كل ماجبته من سنع روح فالسنع الاخر يمرني مرور الكرام ومن طوله ممغط نوب اجره يمين ونوب يسار وزريت مار اقراه هههههههههههههه دون عااااد ابرد وجريت حلقي مع كم كلمه وصابتني كحه
وصخونه ورحت المستتشفي والطبيب شك فى وضعي من كثر ماقح وعزلني ظان اني بي افلونزا الطيور
والله معاد هي محاوره على ماعهدنا ونعرف سارت سالفه ذي يابعد حيي هههههههههههه

لله درك وماشالله عليك ابك انت وين ديرتك وين عايش ابسير يمك اضني اتعلم منك
وتشبه على العربان معدين هههههههههههههه
لك فايق أحترامي
ام الاعب سلملي عليه

[خالد الشليخي]

السلام عليكم وتحية مع العام الجديد والقاف الجديد ..
يا مرحبا يابو جسار .. ياخوي وش سويت فينا ؟!!!! يبست حلوقنا وحنا نمغط في الابيات ههههههههههههههه
صح لسانك اخوي زعم وانا والله بدعت مجاراة لك يا مبدع وان شاء الله بس تكون على طرقك
والعذر ان بدى تقصير واستسمح اخواني الشعراء وكلهم فيهم البركه ..



ترحيبةٍ حيَّه .. بالفكر ننظمها من هاجسٍ يبدع مثايلها .. ترحيبةٍ حيَّه=يا بادع القافي .. دعواك مشبوهه مابين بنْي و هدم منشاها .. يا بادع القافي
والشاعر العيَّه .. يسحن فتايلها والله يخارجنا من الزله .. يالشاعر العيَّه=من غيبتك لافي .. وابطيت بالغيبه يا كنز يا منجم معانيها .. من غيبتك لافي

[منيرة البريكي]

يا طول بـ لعـومك :بفكر:

صح لسانك

[حسين الحارثي]

زعم الغنامي

الله يجعلك باللوز اللي تسد حلقك يوم واحد بس هههههههههههه

امزح اقصد عدوك

واله انا من قبل امس وانا وجعان ولا استطيع اللعب الا بعد ثلاثه ايام

والله اني يمكن كان جبت نصف البيت والنصف الثاني تقصيد كل شهر نصف بيت حتى اسددك

مير الله يعين من يخاويك في هالطرقه البعيده والمظلمه ولو فيها زلفت كان اشوى لكن ردميه


يامخارج من بعض المواقف

سلام

ختام

[مشاعر حالمه]

سلام رديه والنـار مشبوبـه والليـل بـادي والجـدي بـادي سـلام رديـه
من خاطرن صافي ياشناب بلحاها تسليمة المسلم على المسلم من خاطرن صافي
فالدرب ماريّه من مر يلقاها ماني بجايب شـي مـن عنـدي فالـدرب ماريـه
بارباع وانصافي فالسوق جلابه ياللي تطب السوم لاتشري باربـاع وانصافـي

ياااااااااااااااااااااااا اوجه الله ...


ياااااااااااااااااااااااا اااشيب عقلي <<<=== عجوز قريع روحي هناك صجيتينا خخخخخخ


والله انك راعيها ونص يازعم ...


انا اعرف احاورك :11umbup:


بس ياختك ماني بفاضيه اقول باروح اسوي لكم قهوة الين يخلصون الربع من تجهيزاتهم <<== ايه هين اقول عيني


خير وروحي امسي ماعاد الا زعم تحاورينه اها بس اها ^_____^


تحيتي لكم وانا متابعه بس يالله شدوا حيلكم ياطوال العمار ..


أختكم / مشاعر حالمه ....

[& الكاسر &]

شكرا على الجهد الرائع

[فواز الغنامي]

والله اني تو ادخل
ولكن جابه الشليخي

وصح لسانك يابو جسار ويالشليخي والحن ممتاز وسهل


تحياتي

[أبوعبدالرحمن]

صح لسانك يازعم

وصح لسانك يالشليخي


وصراحة عنوان المحاورة له منه نصيب

[بعيد المراميس]

نايفة شمر هلا وغلا اي والله

ومن طول الغيبات جاب الغنايم اهم شي حظورك يابنت الرجال والحوسه والله عندي انا ماهي عندك ههههههه لاكن خليها على ربك بس سعدت بحظورك يابنت

====================

حياك الله يابو علي وجا من سد اللزوم ولاهنت على هذا الحظور والايام جايه

===============

برج المملكه ههههههههههههههههههه الله ينتقم منك انت وكتابك اللي الظاهر اني بتسلفه منك لمدة اسبوع ...لاعدمتك انت وحظورك

===================

همسة حنان ويحرسك ربي انتي من العين ولاعدمت حظورك الجميل

==============-=====

سعود عبدالله ههههههههههههههه ياخي وش قصة الكتاب هذا لايكون الكتاب الاخضر بس هههه بس تراني حاجز دور على الكتاب لاخلصت منه ارسله علي وتحياتي ياجنتل

===================

الراسي حياك الله ولاعدمت حظورك يالامير وعلى فكره تراك مقصر معنا :)

==================

محمد الجبريني ههههههههههههههههههه ماترا باس ان شاء الله وياخي اقرأ ردودك واضيع البيوت ههههه تحياتي لك ولحظورك

==================

منيره البريكي قولي لااله الا الله

================

ههههههههههههههههه حسين ياخي علامك علي لاتدعي ياخي ههههههههههه مار حياك الله والله يكفيني شر دعاويك

===============

مشاااااااااااااعر ارحبي ومعهااا ياااااااااااااااااااااااا ااوك واشيب عيني شيباه هههههههههه<<<<<< خمته الجنيه

==============

الكاسر لاشكر على واجب

===============

فواز صح بدنك ولاهنت على الحظور يالقرم

===============

حياك الله يابو عبدالرحمن ولاخلا ولاعدم من هالحظور

[بعيد المراميس]

خالد الشليخي

اررررررررررررررحب يالقرم واللحن ميه الميه لاعدمتك واستلم طال عمرك



من صافي النيه دام البقى باللي رحب وهلا وارسل بيوته من صافي النيه=من دون ميقافي وانته وميقافك واعرف تراني كارب حزامي من دون ميقافي
هرجتك مقفيه لوجات فالرادي يا مقدم النشره بموجزها هرجتك مقفيه=يسعى ويطافي قارن ومتمتع ياجعل ربي يغفر ذنوبه يسعى ويطافي

[الرويحـــي]

سلااااااااااااااااااااااا ااااااااااااااااااااااااا اااااااااااااام

زعم صح السااانك
بس تراني ابا اتخلى عن الاخوه والعلاقه العائليه
والترابط الاسري والماضي والمستقبل
وابا اجي في صف خالد
مررره لاتجادل في صفه يعني في صفه ويبالله ينصرنا علاك (:

صحححححح السااانك يالشليخي وماعلاك من احد يبالله ينصرنا
شد حيلك وازهل الصف

ابا اروح ارهي علاهم التتن (:

متااااااابع واصلووووووووا الله لايهينكم

[نجاء بن محمد الجبيري]

السلام عليكم


زعم الغنامي الله يجعلك على القوه انت وقافك



قاف فريد ولكن الخراج ما من خراج معك


جاك خالد الشليخي تخارج معه ههههههههههههه


من زعلي على قافك انا في صف خالد الشليخي والمخرج ملي



تقبلوا تحياتي جميعا




اخيكم






الجبيري

[خالد الشليخي]

نايفة شمر
برج المملكه
محمد الجبريني
أبوعبدالرحمن
الراســـي
نجاء بن محمد الجبيري
سعودعبدالله
همسة حنان
مشااعر حالمه
حسين الحارثي
منيرة البريكي
محمد السليس
][§][فواز§القذلاني][§][
& الكاسر &


تحية عطره لكم وشكرا لتواجدكم وحضوركم ..

الرويحي هلا وغلا حبيب قلبي انت ..
أهم شي انت كثر التتن للشباب واضح من شدوقهم إنهم تتّانه
ولا يهمك إن تنصروا الله ينصركم و يثبت أقدامكم وبناخذ الجايزه
ونطالب المشرف العام بالجايزه لي ولك ولنجا ولصفنا كسوة الشتا بشت وبر
وثوبين صوف و خيشة إقـط ههههههههههههههههههههه

[خالد الشليخي]

تبقى وتسلم اخوي زعم وصح لسانك جعل عمرك طويل .. إسلم واستلم :


البير مطويّه .. والدلو برشاها لا صرت ورّادي على الجمَّه .. فالبير مطويَّه=حِـييت يا وافي .. هرجتك مسموعه ماهيب مقطوعه حبايلها .. حِـييت يا وافي

النَّجع شاويَّه .. نبخص مدارجها والله يفرِّجها على الشاوي .. والنّجع شاويَّه=والناس يا كافي .. كبرت هقاويها وأزريت أداريها وأجاريها .. الناس يا كافي

[بعيد المراميس]

الرويحي يهين هين يالضبان هههههههههههههههههه وصفي وصف ابو وليد واحد اهم شي حظورك

نجاء بن محمد حياك الله يالقرم وتراني ضعيفون ولالي اخوان كبار ارحموا من فالارض يرحمكم من فالسماء لاتصيرون انتم والاداره ضدي هههههه تحياتي ياجنتل لك ولحظورك

[بعيد المراميس]

الله الله استلم ياخالد


ياعين بحريه صاحبك غناها وابطى على الشنّه يرددها ياعين بحريه=لو بيح الخافي من حر مايونس في ذمتي والله مالومه لو بيح الخافي
يامحتم الهيه يامزبن الجالي للخيل فالميدان خياله يامحتم الهيه=قرمين وسنافي راحوا ضحاياها والناس نزهمها باساميها قرمين وسنافي

[خالد الشليخي]

يا نجا ويا الرويحي لا يلعب عليكم يتضيعف ولاهو في ذمتي بضعيف .. عرضنا ما شاح ولاح ههههههههههه

إسلم إسلم يابو جسار يعطيك العافيه وصح لسانك .. مليح مليح كتييير واستلم يالقرم :


أرسلت برقيّه .. بالخط مكتوبه يا ظابط النوبه تهجَّاها .. أرسلت برقيَّه=للليل حوّافي .. بندق ونيشاني كيله وميزاني نعايرها .. للليل حوَّافي

جونا الضّراويَّه .. قبل أمس ملفاها وسعيد مدري عبيد ريِّسها .. جونا الضّراويَّه=وسمان وضعافي .. في السوق مجلوبه مابين بايعها وشاريها .. سمان وضعافي

[محمد السحيل]

أرسلت برقيّه .. بالخط مكتوبه يا ظابط النوبه تهجَّاها .. أرسلت برقيَّه
للليل حوّافي .. بندق ونيشاني كيله وميزاني نعايرها .. للليل حوَّافي

جونا الضّراويَّه .. قبل أمس ملفاها وسعيد مدري عبيد ريِّسها .. جونا الضّراويَّه
وسمان وضعافي .. في السوق مجلوبه مابين بايعها وشاريها .. سمان وضعافي

صحححححح السااانك يالشليخي وماعلاك من احد
شد حيلك وازهل الصف
وصح لسانك يابو جسار ولا هنت
صراحه طاروق يفوق الروعه وبيوت من ذهب
تسلمون عليها


متابع بحماس



تحياتي

[خالد الشليخي]

هلا وغلا بخطل اليمنى

صح بدنك ولا هنت يالغالي
يشرفني وجودك ويشرفني اكثر تكون في صفي

متابعتك تسعدني

[فيصل بن بدر العتيبي]

صحت قلوبكم

تراني في صف ابو جساااار

ولاهان اخوي خالد

[بعيد المراميس]

خطل اليمنى هلا وغلاااا وصح بدنك وحظورك زادنا شرف


ابو بدر لاهنت على هذا الحظور يالقرم ومبطي عن علومك

خالد استلم طال عمرك


فالمربعانيه لاونست مونسته ياراعي الجبه تلبسها فالمربعانيه=فالمجلس الدافي هجرس وغنبها واخذ الك غيبوبه على غفله فالمجلس الدافي
لاتامن الحيه والناب في فمها قد قالوا اهل المعرفه قدمي لاتامن الحيه=ياماشين حافي بدروب ممشيه لاتامن الممشا مع الطرقه ياماشين حافي

[الرويحـــي]

خالد ياخالد

عاني بشغل الرجال هناك وانت اشغله هنيا
ويبالله نصرنا علاهم كلهم

وصححح الساانك ولا اوصيك ارك علاه النار

تحيااااتي

[خالد الشليخي]

حياك الله يابو بدر وصح بدنك

ومثل ما قال ابوجسار الصف واحد

وتواجدك هو الاهم

[خالد الشليخي]

حدّه يالرويحي حدّه .. عندكياه تكفى
ما عليك بنجيب خبره لو إن نلفق له قضيه في المنتدى ونفتك منه هههههههههههههههههههههه

تحياتي مع خالص التقدير لك ولبو جسار

[خالد الشليخي]

صح لسانك اخوي زعم .. استلم طال عمرك والختمه عندك
كان ودي تطول اللعبه لأنها معك ما تنمل والله ولكن رحلتي اليوم الساعه 6 المسا
وعلى أمل لقياكم ان شاء الله واشوفكم على خير :


لا هبّ هيفيَّه مزبنْك في الفيَّه وإن ورْدت الرِيَّه تلقَّاها لا هبّ هيفيَّه=في مرقدك غافي وأشعلت لك نيره ياطيب السيره خطاك السّو في مرقدك غافي
نركي لها الكيَّه من سمْر وإلا إرطا والحيه الرقطا ليا هاشت نركي لها الكيَّه=في ملبسي ضافي مابحت أنا سدي لو موجها ضدي ومتعدي في ملبسي ضافي


كل الشكر لك اخوي زعم وتشرفت بمحاورتك ولا تقطعنا من محاوراتك
فأظن إن لي نصيب منها فلا تبخل علينا ..

لك فائق احترامي وتقديري

[فيصل بن بدر العتيبي]

صح لساااااااااااانك اخوي خالد

وسلمت يالغالي

في انتظار الخاتمة من ابو جساااار

تقبلوا فائق التحية والتقدير