خبل بس عاقل
22-07-2003, 05:12 PM
نعم انا خبل بن عاقل ... أكتب لكم وللتاريخ هذه الكلمات بعد أحداث الحادي طعش من سنتيمتر ايلول تشرين الثاني طعش ... فليحفظ التاريخ مافكرت وهوجست به
لاني طالب جامعي .. كنت جالس في مستودع المطبخ ... اقشر بصل.. عشان اكسب خبره قبل التخرج .. واقدر اتوظف بعد التخرج في مطبخ بيتنا براتب محترم .. وطبعا كنت اقشر البصل على جريده .. وكانت مفتوحه بالصدفه على الصفحه السياسيه ..
قلت ياولد بدال ماأطالع هالبصل ويحرق عيوني ... خلني التفت على الصفحه الثانيه من الجريده واقرا هالسياسه ... ومنها نشوف وش صار على هالعالم .. شفت صوره فيها صاروخ ضخم وحوالينه جنود ... ومكتوب تحت الصوره ... هذا هو الصاروخ الهندي الذي يستطيع أن يحمل رأساً نووياً ...
حتى الهنود اللي مافي روسهم الا الزيت اللي على شعورهم .. صارو دوله نوويه ... بديت أفكر شوي بالصوره واتمعن فيها أكثر ... وقلت خلني أفكر وش بيصير لو الهند تملك مئات الصواريخ مثل هالصاروخ... ولعب عليها الشيطان ودمرت وأرسلت صواريخ لكل الدول اللي حواليها ..
وارسلت لدول الخليج صواريخ ماعدا البحرين ارسلو لها صاروخ حجم اطفال .. وارسلو للقصيم صاروخ بطعم الكراث .. وارسلو لجيزان صاروخ برائحة الريحان .. وارسلو للحوطه صاروخ يطلع مسجات صوتيه نكت عليهم .. وارسلو لليمن صاروخ بطعم الحلبه .. وارسلو لمصر صاروخ يذب فلوس همن ينفجر
المهم ذا الهنود ماخلو ديره مافجروها ... بعدها .. كبرت دولتهم لانهم احتلو أغلب الدول المجاوره لهم ... وسموها " الولايات المتحده الهنديه "
صارو أغنى دوله في العالم .. وأقوى جيش في العالم .. ومحد يصف جمبهم وكل العالم يناظرونها نظرة احترام ووقار ... من قدكم يالهنود ..
الحين اذا بتمدح واحد قل له " أنشهد أنك هندي " :D
والحمد لله أن ربي كتب لي عمر ولا مت مع اللي ماتو في الحمله الهنديه للقضاء على اللي مايعجبهم .. المهم ... مرت كم سنه و ضاقت بنا الدنيا فالسعوديه وبدا الفقر يسود معظم اهالي المملكه ... ومافيه وظايف براوتب تستاهل صار راتب السعودي في الدوائر الحكوميه 100 ريال فالشهر .. وانكان معه دكتوراه راتبه يصك 250 ريال مع العلاوه والحلاوه والبدلات ...
بديت أفكر تفكير جاد ... أسافر برا السعوديه أشتغل ... وأجمع مهر لحبيبتي وخطيبتي بنت جارنا أبو الرهيبة ... رحت لمكتب العمل والعمال ..ودخلت قسم شؤون العمل خارج البلاد .. وقدمت طلب السفر على أي فيزه عشان اسافر برا السعوديه
بعد اسبوعين ... دق مكتب العمل والعمال على بيجري ... " الله يازمن رجعنا للبياجر " .. وحطو رقم 999 ... يعني تعال بسرعه احجز فيزتك .. " انا خابر 999 انكانها من البيت يعني جب خبز تميس " ... رحت طاااير على سيكلي الجبلي .. " طفارا ماعندنا لو سيارات " .. وكان نوع سيكلي ابو فرامل على ورا .. يعني ادوس الدعاسات على ورا يفرمل... مهوب اللي فرامله مساكات باليد...
وصلت لمكتب العمل والعمال ... شفت السرا طويييل .. ياكثر اللي يبون يسافرون برا الديره ... ماينلامون معد به رواتب تستاهل من يتعب عليها ... المهم .. خفت لاتفوتني الفيز الزينه ... عطيت السكيورتي بخشيش ريالين وخمسطعش هلله .. " اييييه قام عزك يالهلله " .. والله نفع ذا البخشيش خمس دقايق ليني بقدرة قادر في أول الصف ..
ناداني مدير القسم وقالي .. الفيز واجد .. بس موب على كل الدول ... فيه دول غاليه ودول رخيصه وش تبي منهن ؟؟
قلت له تكفى ابي الغاليه الزينه لاني مابي أطول برا السعوديه ... أخوك على وجه زواج وسفرتي ماحدني عليها الا المهر ومصاريف الزواج الله يوفقني وياك
قال لي .. الدول الزينه واذا تبي نصيحتي خذ وحده من هالثنتين ... الهند ولا اندونيسيا
قلت له طيب وش تنصحني به .. منهم اللي يعطون رواتب أكثر ؟؟
قال لي ..توكل على الله وأحجز لك فيزه للهند .. وإنشالله .. ننسق مع مكاتب الاستقدام اللي في بومباي عشان وصولك يكون بعد اسبوع من اليوم
قلت له .. مشكور أخوي ماقصرت وابشر انشالله ابعزمك لزواجي عقب كم سنه .. ادع لي بالتوفيق بس
طلعت من مكتب العمل والعمال ... وبحركه بهلوانيه طمرت على السيكل وصرت واقف فوقه وصارت رجولي على المرتبه .. من الفرحه مادري وش أسوي لاحد يلومني ... رحت للبيت .. يوم درو أهلي عني اللي قعد يبارك لي واللي جلس يصيح من الفرحه ... واختلطت الدموع بالسعابيل .. وحالتنا حاله ذاك اليوم ...
شوي شوي ... بدا خبر سفرتي للهند ينتشر في الحاره .. لين وصل الخبر .. لجارنا أبو الرهيبة .. وأكيد قال لبنته .. اللي هي خطيبتي وزوجتي فالمستقبل ... وراحت الايام ومعد بقا على سفرتي الا يوم واحد .. وانا خلاص قد جهزت ملابسي وحطيتها بوسط الشنطه .. ووزعت أغلب أغراضي لاهلي عشان يستفيدون منها ... مابقا الا البيجر .. توني أبعطيه أخوي ... الا اشوفه يدق واناظر الرقم لينه رقم بيت جارنا أبو الرهيبة ... ومدخل رقم بعد رقمهم 333 ... عرفت الرمز .. هذي خطيبتي تبيني اطلع للسطح .. عشان اشوفها واكلمها
طلعت للسطح وماكنت لابس غير صروال وفنيله داخليه ... وش اسوي هذا الزي الرسمي في بيتنا ... المهم .. واشوف خطيبتي .. واول مالمحتها
قالت لي و بكل رومانسيه ..." حبيباه .. سوف تذهب الى بلاد بعيده .. جسدينا سيبتعدان أكثر وقلوبنا وتفكيرنا سيقتربان أكثر وأكثر"
رديت عليها و بكل رومانسيه ... " مافيه شك ياحبيبتي .. الهواجيس مضاعفه .. وماراح افكر في أي وحده غيرك .. وحتى آخر قطره في حياتي" ...( على ذا الصروال والفنيله وين تجي الرومانسيه )
قلت لها ... تخيلي ياحبيبتي صار لي اي شي هناك ... الهنود ماينضمنون .. يمكن ارجع لكم قالبيني خنزير
قالت لي ... وش دعوا ياحبيبي ... والله لو يقلبونك خنزير تبقا حبيبي .. وخنزير أحلامي ... اللي ماراح انساه طول عمري
مدت يدها لي وفيها رساله ...وقبل ماأخذ منها الرساله ... بغيت اسحب يدها واخليها تطيح فالحوش .. عشان ماتنساني وتبقى ذكريات بينا ... بس قلت ياولد اعقل وخذ الرساله وشف وش فيها ... توني ابفتحها ..
قالت لي ..." لالالا... ارجوك ياعزوز ... لاتفتحها... الا أول ماتوصل للهند ... طلبتك ياحبيبي "
قلت لها .. غاليه والطلب رخيص ... كم عندي من حبيبه أنا ..بعدها ... قعدنا نناظر بعض نظرات ناس حبيبه .. يعني اذا ناظرتها تطمن بعيونها في الارض ... واذا ناظرتني أطمن بعيوني في الارض .. بس أبشركم منيب مخفه ماطمنت ولا مره ... ماأفوّت ولا دقيقه دايم أقزقزها
المهم .. جا موعد سفرتي للهند ... ودعت أهلي ورحت للمطار ...وقعدونا فالمطار اربعطعش ساعه بدون مايعطونا شي ناكله ولا نشربه ... صار تجويع مهوب تفتيش ..
بس ان جيتو للصراحه يحق لهم حنا رايحين لأعظم دوله في العالم ... الولايات المتحده الهنديه ... أقلعت الطياره ووصلنا لمطار بومباي الدولي بالسلامه
نزلنا في مطار بومباي .. نسحب رجولنا مانعرف وين نروح وين نجي ... لين شفت واحد هندي شايل لوحه مكتوب عليها " كلو نفر سعودي سواق يروح يمين " ... ناظرت فيزتي اثري جاي بفيزة سواق .. والله واروح مع ربعي السعوديين يمين ... وحنا رايحين طق كتفي واحد ناظرته وهزيت راسي هزه فيمامعناها .. " وش تبي؟"...
لينه واحد مثلي سواق سعودي ... قال الله لايهينك ابي روبيه سلف ... ابشتري لي موية صحه .. رحمة شكله .. لانه باين عليه تعبان مره ... من السفر ... طقيت صدري وقلت (( ماعليك الحساب عندي وانا ابو سعودي )) :d
المهم وصلنا للجوازات الهنديه ... ويقعدونا في غرفه صغيره الظاهر أربعه في سته .. وريحتنا يالسعوديين خيااااس .. جانا واحد من الهنود الله يطول عمره .. ومسك واحد قاعد جمبي ... وقاله ... صديق أنت ليش فيه ريحه كراث هذا خايس مره ... طلع اللي جمبي قصمنجي ... يحليله مادريت عنه
المهم .. راح علينا فهالغرفه .. ساعتين ونص ... وكل واحد ريحته أخيس من الثاني .. شوي ويدخل علينا واحد هندي .. وقال لي ... صديق تعال شوف جواز ... شاف جوازي يوم قرا اسمي .. ناظرني وضحك ... هزيت راسي هزت رضا ... قال لي انا كفيل أنتا ... يالله روح سوا سوا للجوازات ناخذ لك اقامه ....
رحنا وخذنا الاقامه ... وشكلنا بنطلع برا المطار ..
ناداني وأشر على الكرسي... قال لي أنتا يجلس هنا .. أنا فيه روح يجيب سياره من باركينق.. بعدين يجي أوكي ... قلت له أوكي بابا .. " ياحليله خليته أبوي "
بصراحه أستانست .. كفيلي وجهه صبوحي .. وشكله مزوحي .. والخير في وجهه يلوحي ..
جاب السياره من الباركينق وركبت معه ... وحنا رايحين لبيته ... قعد يسولف معي .. وقال كيف حال بابا ماما فالسعوديه ...
طمنت راسي وخنقتني العبره .. وقلت بابا ماما مسكين... بيت انا في السعوديه إيجار غالي .. اثنين أخو انا فيه موت من الجوع .. انا يجي هنديا يبغا فلوس عشان سوي زواج سوا سوا بنت جار انا ابو الرهيبة
قال كفيلي .. مافيه مشكل انتا شغل كويس شيل فلوس كثير ... هنديا كل مكان شغل راتب كبير مافيه مشكل انت اثنين شغل ..
عرفت انه يبي يعطيني راتبين بس وشو الشغل .. السواقه هذي اكيد بس وشي الثانيه ...
وانا قاعد افكر لين باب بيت كفيلي ينفتح .. دخلنا جوا الحوش ... ووراني الملحق الخارجي اللي بسكن فيه وبيصير غرفتي .. قال .. هذا غرفه انتا .. وسياره بيت حق انتا شوف برا ..
رحت طيرااان برا البيت عشان اشوف وش السياره اللي بسوقها ... يوم ناظرتها لينها جمس اخر موديل ... بس ضاق صدري يوم شفت التظليله خفيفه .. قلت الله يعيني على طريق بومباي العام
رجعت لغرفتي .. لاني ابي افتح رسالة حبيبتي ... يوم فتحتها لينها حاطه صورتها وورقه مكتوب فيها ..
حبيبي خبووووووول ابوصيك وصيه .. لاتروح لهارفي نيكلز اللي في برج الغلاميه .. ترا البنات اللي فيه يطيحون الطير من السما ... وانكانك تبي تروح لسوق ... يمدحون حلة البومبيان .. " فرع لحلة القصمان "
تقبل تحيات حبيبتك
جلست اطالع صورتها ... ولا الرساله عفطتها وحطيتها في جزمة كفيلي ... لانه معطيني جزم من عنده وصارت كبار علي ... فصغرتها بهالورق ..." الغربه تسوي أكثر "
نمت ومن بكره الصبح ... واحد يخبط علي باب الغرفه ... قلت له ... هااااه ميييين
قال .. انا غلام افتح الباب عزوز ... فتحت له الباب .. لينه واحد صغير .. الظاهر انه ولد كفيلي
قال لي .. " خذ هذي خمس روبيات رح اشتر كيلو فلفل " ... يالله صباح خير وش هالناس اللي تفطر على فلفل ...
قلت لغلام وانا اضحك معه ... ماتبغا بصل يالهندي
سمعت ضحكه كنها ضحكت ابوي
!
!
!
!
!
!
!
!
!
!
!
!
!
قال .. قم اطلع من المستودع خلصت علينا البصل ... انشهد أنك هندي خخخخخخخخخخخخخخخخخخخخخخخ
لاني طالب جامعي .. كنت جالس في مستودع المطبخ ... اقشر بصل.. عشان اكسب خبره قبل التخرج .. واقدر اتوظف بعد التخرج في مطبخ بيتنا براتب محترم .. وطبعا كنت اقشر البصل على جريده .. وكانت مفتوحه بالصدفه على الصفحه السياسيه ..
قلت ياولد بدال ماأطالع هالبصل ويحرق عيوني ... خلني التفت على الصفحه الثانيه من الجريده واقرا هالسياسه ... ومنها نشوف وش صار على هالعالم .. شفت صوره فيها صاروخ ضخم وحوالينه جنود ... ومكتوب تحت الصوره ... هذا هو الصاروخ الهندي الذي يستطيع أن يحمل رأساً نووياً ...
حتى الهنود اللي مافي روسهم الا الزيت اللي على شعورهم .. صارو دوله نوويه ... بديت أفكر شوي بالصوره واتمعن فيها أكثر ... وقلت خلني أفكر وش بيصير لو الهند تملك مئات الصواريخ مثل هالصاروخ... ولعب عليها الشيطان ودمرت وأرسلت صواريخ لكل الدول اللي حواليها ..
وارسلت لدول الخليج صواريخ ماعدا البحرين ارسلو لها صاروخ حجم اطفال .. وارسلو للقصيم صاروخ بطعم الكراث .. وارسلو لجيزان صاروخ برائحة الريحان .. وارسلو للحوطه صاروخ يطلع مسجات صوتيه نكت عليهم .. وارسلو لليمن صاروخ بطعم الحلبه .. وارسلو لمصر صاروخ يذب فلوس همن ينفجر
المهم ذا الهنود ماخلو ديره مافجروها ... بعدها .. كبرت دولتهم لانهم احتلو أغلب الدول المجاوره لهم ... وسموها " الولايات المتحده الهنديه "
صارو أغنى دوله في العالم .. وأقوى جيش في العالم .. ومحد يصف جمبهم وكل العالم يناظرونها نظرة احترام ووقار ... من قدكم يالهنود ..
الحين اذا بتمدح واحد قل له " أنشهد أنك هندي " :D
والحمد لله أن ربي كتب لي عمر ولا مت مع اللي ماتو في الحمله الهنديه للقضاء على اللي مايعجبهم .. المهم ... مرت كم سنه و ضاقت بنا الدنيا فالسعوديه وبدا الفقر يسود معظم اهالي المملكه ... ومافيه وظايف براوتب تستاهل صار راتب السعودي في الدوائر الحكوميه 100 ريال فالشهر .. وانكان معه دكتوراه راتبه يصك 250 ريال مع العلاوه والحلاوه والبدلات ...
بديت أفكر تفكير جاد ... أسافر برا السعوديه أشتغل ... وأجمع مهر لحبيبتي وخطيبتي بنت جارنا أبو الرهيبة ... رحت لمكتب العمل والعمال ..ودخلت قسم شؤون العمل خارج البلاد .. وقدمت طلب السفر على أي فيزه عشان اسافر برا السعوديه
بعد اسبوعين ... دق مكتب العمل والعمال على بيجري ... " الله يازمن رجعنا للبياجر " .. وحطو رقم 999 ... يعني تعال بسرعه احجز فيزتك .. " انا خابر 999 انكانها من البيت يعني جب خبز تميس " ... رحت طاااير على سيكلي الجبلي .. " طفارا ماعندنا لو سيارات " .. وكان نوع سيكلي ابو فرامل على ورا .. يعني ادوس الدعاسات على ورا يفرمل... مهوب اللي فرامله مساكات باليد...
وصلت لمكتب العمل والعمال ... شفت السرا طويييل .. ياكثر اللي يبون يسافرون برا الديره ... ماينلامون معد به رواتب تستاهل من يتعب عليها ... المهم .. خفت لاتفوتني الفيز الزينه ... عطيت السكيورتي بخشيش ريالين وخمسطعش هلله .. " اييييه قام عزك يالهلله " .. والله نفع ذا البخشيش خمس دقايق ليني بقدرة قادر في أول الصف ..
ناداني مدير القسم وقالي .. الفيز واجد .. بس موب على كل الدول ... فيه دول غاليه ودول رخيصه وش تبي منهن ؟؟
قلت له تكفى ابي الغاليه الزينه لاني مابي أطول برا السعوديه ... أخوك على وجه زواج وسفرتي ماحدني عليها الا المهر ومصاريف الزواج الله يوفقني وياك
قال لي .. الدول الزينه واذا تبي نصيحتي خذ وحده من هالثنتين ... الهند ولا اندونيسيا
قلت له طيب وش تنصحني به .. منهم اللي يعطون رواتب أكثر ؟؟
قال لي ..توكل على الله وأحجز لك فيزه للهند .. وإنشالله .. ننسق مع مكاتب الاستقدام اللي في بومباي عشان وصولك يكون بعد اسبوع من اليوم
قلت له .. مشكور أخوي ماقصرت وابشر انشالله ابعزمك لزواجي عقب كم سنه .. ادع لي بالتوفيق بس
طلعت من مكتب العمل والعمال ... وبحركه بهلوانيه طمرت على السيكل وصرت واقف فوقه وصارت رجولي على المرتبه .. من الفرحه مادري وش أسوي لاحد يلومني ... رحت للبيت .. يوم درو أهلي عني اللي قعد يبارك لي واللي جلس يصيح من الفرحه ... واختلطت الدموع بالسعابيل .. وحالتنا حاله ذاك اليوم ...
شوي شوي ... بدا خبر سفرتي للهند ينتشر في الحاره .. لين وصل الخبر .. لجارنا أبو الرهيبة .. وأكيد قال لبنته .. اللي هي خطيبتي وزوجتي فالمستقبل ... وراحت الايام ومعد بقا على سفرتي الا يوم واحد .. وانا خلاص قد جهزت ملابسي وحطيتها بوسط الشنطه .. ووزعت أغلب أغراضي لاهلي عشان يستفيدون منها ... مابقا الا البيجر .. توني أبعطيه أخوي ... الا اشوفه يدق واناظر الرقم لينه رقم بيت جارنا أبو الرهيبة ... ومدخل رقم بعد رقمهم 333 ... عرفت الرمز .. هذي خطيبتي تبيني اطلع للسطح .. عشان اشوفها واكلمها
طلعت للسطح وماكنت لابس غير صروال وفنيله داخليه ... وش اسوي هذا الزي الرسمي في بيتنا ... المهم .. واشوف خطيبتي .. واول مالمحتها
قالت لي و بكل رومانسيه ..." حبيباه .. سوف تذهب الى بلاد بعيده .. جسدينا سيبتعدان أكثر وقلوبنا وتفكيرنا سيقتربان أكثر وأكثر"
رديت عليها و بكل رومانسيه ... " مافيه شك ياحبيبتي .. الهواجيس مضاعفه .. وماراح افكر في أي وحده غيرك .. وحتى آخر قطره في حياتي" ...( على ذا الصروال والفنيله وين تجي الرومانسيه )
قلت لها ... تخيلي ياحبيبتي صار لي اي شي هناك ... الهنود ماينضمنون .. يمكن ارجع لكم قالبيني خنزير
قالت لي ... وش دعوا ياحبيبي ... والله لو يقلبونك خنزير تبقا حبيبي .. وخنزير أحلامي ... اللي ماراح انساه طول عمري
مدت يدها لي وفيها رساله ...وقبل ماأخذ منها الرساله ... بغيت اسحب يدها واخليها تطيح فالحوش .. عشان ماتنساني وتبقى ذكريات بينا ... بس قلت ياولد اعقل وخذ الرساله وشف وش فيها ... توني ابفتحها ..
قالت لي ..." لالالا... ارجوك ياعزوز ... لاتفتحها... الا أول ماتوصل للهند ... طلبتك ياحبيبي "
قلت لها .. غاليه والطلب رخيص ... كم عندي من حبيبه أنا ..بعدها ... قعدنا نناظر بعض نظرات ناس حبيبه .. يعني اذا ناظرتها تطمن بعيونها في الارض ... واذا ناظرتني أطمن بعيوني في الارض .. بس أبشركم منيب مخفه ماطمنت ولا مره ... ماأفوّت ولا دقيقه دايم أقزقزها
المهم .. جا موعد سفرتي للهند ... ودعت أهلي ورحت للمطار ...وقعدونا فالمطار اربعطعش ساعه بدون مايعطونا شي ناكله ولا نشربه ... صار تجويع مهوب تفتيش ..
بس ان جيتو للصراحه يحق لهم حنا رايحين لأعظم دوله في العالم ... الولايات المتحده الهنديه ... أقلعت الطياره ووصلنا لمطار بومباي الدولي بالسلامه
نزلنا في مطار بومباي .. نسحب رجولنا مانعرف وين نروح وين نجي ... لين شفت واحد هندي شايل لوحه مكتوب عليها " كلو نفر سعودي سواق يروح يمين " ... ناظرت فيزتي اثري جاي بفيزة سواق .. والله واروح مع ربعي السعوديين يمين ... وحنا رايحين طق كتفي واحد ناظرته وهزيت راسي هزه فيمامعناها .. " وش تبي؟"...
لينه واحد مثلي سواق سعودي ... قال الله لايهينك ابي روبيه سلف ... ابشتري لي موية صحه .. رحمة شكله .. لانه باين عليه تعبان مره ... من السفر ... طقيت صدري وقلت (( ماعليك الحساب عندي وانا ابو سعودي )) :d
المهم وصلنا للجوازات الهنديه ... ويقعدونا في غرفه صغيره الظاهر أربعه في سته .. وريحتنا يالسعوديين خيااااس .. جانا واحد من الهنود الله يطول عمره .. ومسك واحد قاعد جمبي ... وقاله ... صديق أنت ليش فيه ريحه كراث هذا خايس مره ... طلع اللي جمبي قصمنجي ... يحليله مادريت عنه
المهم .. راح علينا فهالغرفه .. ساعتين ونص ... وكل واحد ريحته أخيس من الثاني .. شوي ويدخل علينا واحد هندي .. وقال لي ... صديق تعال شوف جواز ... شاف جوازي يوم قرا اسمي .. ناظرني وضحك ... هزيت راسي هزت رضا ... قال لي انا كفيل أنتا ... يالله روح سوا سوا للجوازات ناخذ لك اقامه ....
رحنا وخذنا الاقامه ... وشكلنا بنطلع برا المطار ..
ناداني وأشر على الكرسي... قال لي أنتا يجلس هنا .. أنا فيه روح يجيب سياره من باركينق.. بعدين يجي أوكي ... قلت له أوكي بابا .. " ياحليله خليته أبوي "
بصراحه أستانست .. كفيلي وجهه صبوحي .. وشكله مزوحي .. والخير في وجهه يلوحي ..
جاب السياره من الباركينق وركبت معه ... وحنا رايحين لبيته ... قعد يسولف معي .. وقال كيف حال بابا ماما فالسعوديه ...
طمنت راسي وخنقتني العبره .. وقلت بابا ماما مسكين... بيت انا في السعوديه إيجار غالي .. اثنين أخو انا فيه موت من الجوع .. انا يجي هنديا يبغا فلوس عشان سوي زواج سوا سوا بنت جار انا ابو الرهيبة
قال كفيلي .. مافيه مشكل انتا شغل كويس شيل فلوس كثير ... هنديا كل مكان شغل راتب كبير مافيه مشكل انت اثنين شغل ..
عرفت انه يبي يعطيني راتبين بس وشو الشغل .. السواقه هذي اكيد بس وشي الثانيه ...
وانا قاعد افكر لين باب بيت كفيلي ينفتح .. دخلنا جوا الحوش ... ووراني الملحق الخارجي اللي بسكن فيه وبيصير غرفتي .. قال .. هذا غرفه انتا .. وسياره بيت حق انتا شوف برا ..
رحت طيرااان برا البيت عشان اشوف وش السياره اللي بسوقها ... يوم ناظرتها لينها جمس اخر موديل ... بس ضاق صدري يوم شفت التظليله خفيفه .. قلت الله يعيني على طريق بومباي العام
رجعت لغرفتي .. لاني ابي افتح رسالة حبيبتي ... يوم فتحتها لينها حاطه صورتها وورقه مكتوب فيها ..
حبيبي خبووووووول ابوصيك وصيه .. لاتروح لهارفي نيكلز اللي في برج الغلاميه .. ترا البنات اللي فيه يطيحون الطير من السما ... وانكانك تبي تروح لسوق ... يمدحون حلة البومبيان .. " فرع لحلة القصمان "
تقبل تحيات حبيبتك
جلست اطالع صورتها ... ولا الرساله عفطتها وحطيتها في جزمة كفيلي ... لانه معطيني جزم من عنده وصارت كبار علي ... فصغرتها بهالورق ..." الغربه تسوي أكثر "
نمت ومن بكره الصبح ... واحد يخبط علي باب الغرفه ... قلت له ... هااااه ميييين
قال .. انا غلام افتح الباب عزوز ... فتحت له الباب .. لينه واحد صغير .. الظاهر انه ولد كفيلي
قال لي .. " خذ هذي خمس روبيات رح اشتر كيلو فلفل " ... يالله صباح خير وش هالناس اللي تفطر على فلفل ...
قلت لغلام وانا اضحك معه ... ماتبغا بصل يالهندي
سمعت ضحكه كنها ضحكت ابوي
!
!
!
!
!
!
!
!
!
!
!
!
!
قال .. قم اطلع من المستودع خلصت علينا البصل ... انشهد أنك هندي خخخخخخخخخخخخخخخخخخخخخخخ